Prince William County Public Schools

 د منل کېدو وړ عاید اسنادو کې لاندې موارد شامل دي:

• ستاسو د تېر کال د عاید د مالیاتو کاپي
• W-2 اسناد
• د معاش وروستۍ پاڼه (پی سټب)
• د ماشوم څخه د ملاتړ اسناد
• د عامه مرستې معلومات: TANF، SNAPیا د SSI اسناد
• د دندی ګومارونکي لخوا لیک چې نا خالص یا مجموعی عاید څرګندوي
• د تقاعدی اسناد

له نوم لیکنې څخه مخکې د پتې ټول درې ثبوتونه وړاندې کول اړین دي: یو اصلي سند او دوه د استوګنی ملاتړی یا تاییدوونکي اسناد.

اسناد باید اوسمهاله وي (د تېرو دوو میاشتو دننه) او د والدینو یا سرپرست بشپړ نوم او پته باید پکې لیکلی وي.

د استوګنې لومړنی ثبوت:

• اجاره
• د کرایې تړون،
• TANF، SNAPیا د SSI بیانیه یا
• قرارداد

د استوګنې دوه نور ثبوتونه:

• د والدینو د موټر چلونې جواز،
• د موټر د ثبتولو سند،
• د اوبو او برېښنا بل،
• د ملکیت د مالیې بل یا
• بل رسمي بل یا سند چې د اوسیدونکي او د والدینو نوم پکې موجود وي

د وړکتون ماشومان باید له ښوونځي مخکې بشپړه فزیکي معاینه او د واکسینونو بشپړ سوابق ولري. کورنۍ کولای شي معلومات د بنسټیزه غوښتنلیک پر مهال یا په رسمی ډول د منلو کیدو وروسته وسپاري.

فزیکي معاینات باید:

• د ښوونځي د فزیکي روغتیا په اړینه فورمه کې ثبت شي
• په تېرو 12 میاشتو کې بشپړ شوې وي
• د نري رنځ د معاینې/سکریننګ، د سربو د معاینې او هېموګلوبین د معاینې په ګډون
• د عمر له مخې ټول اړین واکسینونه باید پکې شامل وي (د ښوونځي، پری سکول، یا د ماشوم پاملرنې مرکز ته د تګ لپاره د لږ تر لږه غوښتنو سره سم). د اړین واکسینو لسټ (PDF) وګورئ.

ماشومان د نوم لیکنې له معیارونو سره سم منل کېږي، تر څو دا ډاډ ترلاسه شي چې هغه وړ ماشومان چې تر ټولو زیاتې اړتیاوې لري، لومړیتوب ورکول کېږي.

ماشومان "لومړئ راشئ، لومړئ تر لاسه کړئ" پر بنسټ نه منل کېږي.

د نوم لیکنې معیارونه او د وړتیا شرطونه د فډرالي او ایالتي لارښوونو، Head Start پروګرام او د ورجینیا د وړکتون طرحې (VPI) له‌خوا ټاکل کېږي.

د غوښتنلیک تر بشپړېدو وروسته، ټول ماشومان د انتظار لېسټ کی اچول کیږي. د اپرېل له میاشتې څخه د هر ښوونځي د انتظار لېستونه بیاکتل کېږي او ماشومان د نوم لیکنې د ټاکل شویو معیارونو او د وړتیا شرطونو (عمر، عاید کچې او د اوسېدو پتې) پر بنسټ منل کېږي.

د پری سکول پروګرام په هر ټولګي کې تر 19 پورې ځایونه شتون لری او د ځایونو د خالي کیدو په صورت کې د هغوی د ډکولو لپاره د انتظار لېستونه ساتل کېږي.

د غوښتنلیک بشپړول دا ضمانت نه کوي چې ستاسو ماشوم به د پری سکول په پروګرام کی منل کیږي.

کورنۍ باید د  عاید شرایطٔ  پوره کړي تر څو پری سکول پروګرام لپاره په شرایطو برابر وګڼل شي. که له ټولو وړ ماشومانو منل کیدو وروسته لا هم په ټولګیو کې ځای خالی پاتې وي، نو ښايي د هغو کورنیو ماشومان هم ومنل شي چې عاید یې له ټاکلي حده لوړ وي.

پروګرام یوازې 10% د هغو کسانو لپاره محدود شوی چې عاید یې له ټاکلي حده لوړ وي.

هر ابتدایه ښوونځی د پری سکول پروګرام نه لري. هغه ماشومان چې د ابتدایه ښوونځي د حاضری په سیمې کې اوسېږي او خدمت ترلاسه کوي، لومړیتوب ورکول کېږي.

هغه ماشومان چې د ابتدایه ښوونځي د خدمت ساحې کې نه اوسيږي، د پری سکول پروګرام لپاره له ساحې بهر ګڼل کېږي. هغه ماشومان چې د خدمت له ساحې څخه بهر دي او د هغوي والدین چمتو دي ټرانسپورت برابر کړي یا په ښوونځي پورې اړوند ساحه کې د ماشوم پاملرنې چمتو کوونکی ولري، ښايي ومنل شي که د ټولو وړ ماشومانو تر نوملیکنې وروسته ځای خالی پاتې وي.

له ساحې بهر ماشومانو منل له جولای میاشتې مخکې نه پیل کیږي، تر څو د سیمې دننه وړ ماشومانو ته د غوښتنلیک د بشپړولو لپاره کافي وخت ورکړل شي.

له ساحې بهر ماشومان د خپلو کورونو په پنځه میله شاوخوا کې د ښوونځیو د انتظار لېستونو ته شاملېږي.

د وړکتون پروګرام 10% ځایونه د معلولیت لرونکو زده‌کوونکو لپاره ځانګړي کړي دی. پروګرام د  ماشوموالی د ځانګړي زده کړو دفتر  څخه مراجعین تر لاسه کوي. که ستاسو ماشوم اوسنی انفرادي زده کړي پلان (IEP) لري، مهرباني وکړئ خپل د ځانګړو زده‌کړو ښوونکي سره اړیکه ونیسئ تر څو دا معلومه کړئ چې آیا د عمومي زده‌کړې پری سکول ټولګی ستاسو د ماشوم لپاره مناسب دی او که څرنګ.

د خپل ماشوم د وینا یا نشونما په اړه اندېښنه لرئ او د سکرینینګ په اړه لا زیات معلومات غواړئ؟ یا آیا ستاسو ماشوم په بله تعلیمی اولسوالی کې انفرادي زده کړی پلان (IEP) لري؟

که هو، مهرباني وکړئ د پری سکول ماشوم ارزونی مرکز  سره په 8857-791-703 شمیره اړیکه ټینګه کړئ.

کله چې کورنۍ په رسمي توګه ومنل شي، هغوی به د PWCS د زده کوونکو آنلاین نوم لیکنه بشپړوي. والدین باید د ښوونځي د نوملیکنې پروسه بشپړولو لپاره ParentVUE حساب کی ځان راجسټر کړي.

والدین "د پری سکول د نوم لیکنی" آنلاین کڅوړه انتخابوي تر څو آنلاین نوم لیکنه پیل کړي، د سم تعلیمي کال انتخابولو ډاډ تر لاسه کړئ.

• د پېژندنې پاڼه به ستاسو د زده کوونکي لپاره د آنلاین نوم لیکنې په اړه مهم معلومات څرګند کړي، چې په هغوی کې د پرېنس وېلیم کاونټۍ عامه ښوونځیو کې د نوم لیکنې د سرچینو او مقرراتو په اړه ګټور لېنکونه هم شامل دي. مخکې له دې چې نوم لیکنه پیل کړئ، په دې پاڼه کې موجود معلوماته وګورئ، وروسته پر دوام تڼی کلېک وکړئ.
• لارښوونه تعقیب کړئ او پر ثبتول او دوام ورکول تڼۍ کلېک وکړئ چې د هرې پاڼې په ښکته برخه کې ده، تر څو وړاندې لاړ شئ. هر ګام چې بشپړېږي، د برخې د نوم تر څنګ به یو شین رنګه چېک باکس را څرګند شي.
• د آنلاین نوم لیکنې لپاره اړوند معلومات دلته وګورئ.

والدین باید لاندې اسناد اپلوډ کړي:

• د ماشوم د زېږون د سند کاپي
• د استوګنې ټول اړین ثبوتونه
• د والدینو د انځور لرونکې پېژندپاڼې کاپي
• د واکسیناسیون سوابق/ریکارډ
• فزیکي معاینات

د ParentVUE حساب جوړولو، د آنلاین نوم لیکنې یا اړوندو اسنادو د بشپړولو په برخه کې د مرستې لپاره، مهرباني وکړئ د پری سکول پروګرام دفتر سره اړیکه ونیسئ.

له والدینو څخه غوښتنه کېږي چې د پری سکول د والدینو د لارښوونی ویډیوګانې وګوری او د پری سکول پروګرام د پالیسیو په اړه د لا ډېرو تفصیلی معلوماتو لپاره د والدینو لارښود یا لاسی کتاب (PDF) ته مراجعه وکړي. کله چې دا کار بشپړ شي، والدین خپل د کورنیو د خدمتونو کارکوونکي ته خبر ورکوي او کارکوونکی به د لاسلیک کولو لپاره والدینو ته د هغوی د مسؤولیت او رضایت فورمې واستوي.

په ښوونځي کې له نوم لیکنې څخه مخکې باید د فزیکي معایناتو او د واکسینونو بشپړ ریکارډ/سوابق وسپارل شي. که ماشومان روغتیایي ستونزې یا له خوړو سره حساسیتونه لري، اضافي فورمونه سپارلو ته به اړتیا وي.

د تعلیمي کال په اوږدو کې به د پری سکول پروګرام دفتر له کورنیو سره کار وکړي تر څو ډاډ ترلاسه کړي چې د هغوی ماشومانو د غاښونو معاینې او اړین طبي چاری ترسره کړي دي.

• د فزیکي معایناتو فورمه (PDF) - انګلیسي
• اړین واکسین(PDF)
• د غاښونو فورمه (PDF)
• د حساسیت به وخت کی د عملی کولو پلان (PDF)
• د ساه لنډۍ/تنګی به وخت کی د عملی کولو پلان (PDF)
• د درملو فورمه (PDF) - انګلیسي
• د جټکی عملی پلان (PDF)

مخکې له دې چې ماشومان ټولګي پیل کړي، ښوونکی به یی د کور یوه لیدنه بشپړه کړي. د ښوونځي له پیل کېدو څخه یوه اونۍ مخکې د کورنیو سره لیدنی مهالوېش کیږي. په کور کې لومړنۍ لیدنه د کورنیو لپاره یو غوره وخت دی تر څو د خپل ماشوم په اړه معلومات شریک کړي، پوښتنې وکړي او د ښوونکي په اړه لا ډېر معلومات ترلاسه کړي.

کورنیو ته په کور کې د لیدنې پر مهال معمولا د بس په اړه معلومات ورکول کېږي.