د پری سکول پروګرام غوښتنلیکونه اوسمهال د 26-2025 ښوونیز کال لپاره پرانیستي دي!
د غوښتنلیک د پروسې په اړه لا زیات معلومات دلته ترلاسه کړئ او همدا نن نوم لیکنه وکړئ.
د پری سکول پروګرامونه
د پرنس ویلیم کاونټۍ عامه ښوونځي د ایالتي او فډرال مالی مرستو له لارې د پری سکول پروګرامونه وړاندې کوي. هغه ماشومان چې د PWCS په پری سکول پروګرامونو کې ګډون کوي، په ښوونځي کې شاملیږي او د USDA د خوړو په پروګرام او بېلابېلو تعلیمی فعالیتونو کې ګډون کوي او د کورنۍ خدمتونه ترلاسه کوی. د پری سکول فعالیتونه له زده کوونکو سره مرسته کوي تر څو له ذهني، ټولنیز، عاطفي پلوه او جسمانی توګه وده ومومي.
د وړوالی موندلو په اړه معلومات
وړوالی موندنه د عمر، د کورنۍ د عاید او د ښوونځي حاضر سیمی پر بنسټ دي.
- ماشوم باید د سپټمبر تر 30 نېټې پورې 4 کاله عمر ولري،
- کورنۍ باید د عاید شرایط پوره کړې او
- کورنۍ باید په هغه ښوونځي سیمه کې ژوند وکړي چې دا پروګرام پکې خدمتونه وړاندې کوي.
د خپل ماشوم د خبرو اترو یا ودې موندلو په اړه پوښتنې لرئ؟ د ماشوم اړوند معلوماتو له مرکز سره اړیکه ونیسئ