Prince William County Public Schools

د ابتدايهٔ ښوونځیو د اوړي ښوونځی پروګرام

د وړکتون څخه تر پنځم ټولګي پوری

دا د ښوونځی کال د غځولو پروګرام دۍ او د زده کوونکو سره د مهارتونو په تر لاسه کولو کې مرسته کوي تر څو هغوي په راتلونکي ښوونځي کال کی د بریالي کیدو لپاره چمتو کړي. دا پروګرام د خبرو اترو او د ښکیل کیدونکی فعالیتونو له لارې د اړین مهارتونو د لا زیات ښه کولو فرصتونه وړاندي کوي. زده کوونکي به په لینګویح آرټس (انګلیسی ژبه) او ریاضیاتو کې لارښوونې ترلاسه کړي. د وړکتون څخه تر 8 ټولګی پوری د اوړي ښوونځي پروګرامونو لپاره به کورنیو ته د هغوي د ښوونځي لخوا خبر ورکول کیږي.

که چیرته ستاسو ماشوم د ښوونځي عمر لرونکی ماشومانو پاملرنې (SACC) پروګرام او د اوړي په ښوونځي کی ګډون کوي، نو:

1. خپل ماشوم د SACC پروګرام لپاره راجستر کړئ
2. خپل ماشوم د اوړی ښوونځي پروګرام لپاره راجستر کړئ
3. د خپل ماشوم ښوونځي سره اړیکه ټینګه کړئ ترڅو د هغه ځائ په اړه معلومات تازه کړئ چیرته چې به ستاسو ماشوم په SACC پروګرام کې ګډون کوي.

مهالویش

• کوربه ابتدایهٔ ښوونځیو ته په لاندی ذکر شویو نیټو تګ لپاره ټولو ته په آزاد شکل بلنه ورکول کیږي:
  • 20 جون، 2025
  • ماسپښین 1 بجی څخه تر 3 بجو پوری
• دری (3) اونیزه پروګرام - د 2025 کال د 23 جون څخه تر 11 جولائ نیټی پوری
  • د جولای په 4مه نیټه ښوونځی نشته
  • د دوشنبی څخه تر جمعی ورځی پوری
  • سهار 9 بجو څخه تر ماسپښین 1 بجی پوری

ځائ/موقعیت

لاندی ذکر شوي د کوربه ښوونځیو نومونه دي:

• Buckland Mills, Chris Yung, Coles, Covington-Harper, Kilby, Kyle Wilson, Mary Williams, Pattie, Penn, Potomac View, Signal Hill, Sinclair, Springwoods, او West Gate ابتدایهٔ ښوونځي

مهرباني وکړئ د لا زیاتو معلوماتو لپاره د اوړي ښوونځی ځایونو ویب پاڼه وګورئ.

د ښوونځي حاضري

ښوونځی ته حاضريدل لازمي/اجباری دي. د دې پروګرام د لنډوالي له امله، زده کوونکي چې د 14 ورځی نیز پروګرام په بهیر کی د دوو پرله پسې ورځو څخه زیاتو ورځو لپاره غیر حاضر شي، ممکن د پروګرام څخه وو ایستل شي.

ټرانسپورټ

د ټرانسپورت خدمتونه به وړاندې کیږي. د اوړی ښوونځی د بس تمځایونه به د عادي ښوونځي کال بس تمځایونو په پرتله توپیر ولري. د انفرادي زده کوونکو لپاره به د بس تمځایونو ځانګړي اسانتیاوي نه برابریږي.

د اوړي ښوونځي د بس تمځایونو معلومات به د اوړي ښوونځي پیل کیدو څخه وړاندی په ParentVUE کې خپاره شي. مهرباني وکړئ د لا زیاتو معلوماتو لپاره د اوړي ښوونځی د ټرانسپورت ویب پاڼه وګورئ. که تاسو د خپل ماشوم لپاره د ټرانسپورت په اړه پوښتنې لرئ، مهرباني وکړئ 3940-402-571 ته زنګ ووهئ.

ټیوشن/درسونو فیس

د PWCS د ابتدایهٔ ښوونځیو د اوړي ښوونځی پروګرام وړیا دۍ.

د غځول شوي ښوونځي کال (ESY) خدمتونو په اړه د لا زیاتو معلوماتو لپاره مهرباني وکړئ د خپل ماشوم د ځانګړي زده کړو ښوونکي سره اړیکه ټینګه کړئ.

د غنی کولو یا ودی موندلو پروګرامونو په اړه د لا زیاتو معلوماتو لپاره د Discovery وده موندلو/غنی کولو پروګرامونو ویب پاڼی ته لاړ شئ.