د عالي ښوونځیو د اوړي ښوونځی پروګرامونه

د 9 څخه تر 12 ټولګي پوری هغه زده کوونکي چی له دی وړاندی په کورس کی پاتی راغلی دي، کولی شي د اوړي د کورسونو څخه ګټه پورته کړي ترڅو په وخت سره د فارغیدو بهیر څخه ملاتړ وکړي. دلته د هغه عالي ښوونځی زده کوونکو لپاره د اوړي اضافي اختیارونه هم شتون لري څوک چې د SOL زده کړو او آزموینو ښه کولو ته اړتیا لري.

Freedom عالي ښوونځئ او Osbourn Park عالي ښوونځئ به د کوربه ښوونځي سایټونو په توګه خدمات وړاندی کوي. لاندی ځاي کی د پروګرام اړوند دقیق معلومات وګورئ او د لا زیاتو جزیاتو لپاره د اوړي ښوونځئ پروګرام ځایونو ویب پاڼه وګورئ.

د عالي ښوونځی شپږ اونی ییزه پروګرامونه

د ښوونځي حاضري

لپاره د دي چی د اخیستل شوي کورس لپاره کریډټ تر لاسه کړي، زده کوونکي نشي کولئ چی په 25 ورځنی پروګرام کی په مجموعی ډول د دریو ورځو یا 15 ساعتونو څخه زیات وخت لپاره غیر عذر شوي غیر حاضری ولري.

د عالي ښوونځي نمری/درجه بندی:

نمری یا درجه بندی به د پرنس ویلیم کاونټي د عامه ښوونځیو د نمری ورکولو/درجه بندي مقرری کی په ډاګه شوي لارښوونو پر اساس محاسبه کیږي.

مهربانی وکړی په یاد ولریٔ: هغه زده کوونکي چې د 2024 کال د جون میاشت د 20 نیټی او د 2024 کال د جولای میاشت د 3 نیټی تر منځ د ښوونځی څخه وځی، کولی شي چی دا کار د نمرو د کمیدو سزا پرته ترسره کړي. هغه زده کوونکي چې د 2024 کال د جولای میاشت د 8 نیټی او د 2024 کال د جولای میاشت د 19 نیټی تر منځ د ښوونځی څخه وځی، هغوي به د ناکامیدو له امله د وتلو (WF) یا بریالی کیدو سره د وتلو (WP) نمره تر لاسه کړئ. هغه زده کوونکي چې د 2024 کال د جولای میاشت د 26 نیټی څخه وروسته وځی، هغوي به د ناکامیدو (F) نمری ترلاسه کړي.

ټرانسپورت

د مستقیم ټرانسپورت خدمتونه به Freedom عالي ښوونځي یا Osbourn Park عالي ښوونځی ته وړاندی کیږي. هغه زده کوونکي چې په پروګرام کی ګډون کوي، کولی شي خپل ټرانسپورت برابر کړي یا د مستقیم بس خدمتونو څخه ګټه پورته کړي. د بس نمبر او وختونو په اړه به معلومات په جون میاشت کی خپاره شي.

مهرباني وکړئ د اوړي ښوونځي ټرانسپورت ویب پاڼه د لا زیاتو معلوماتو لپاره په جون میاشت کی وګورئ.

ټیوشن/د کورس فیس

پروګرامونه یا درسونه وړیا دي.

د عالي ښوونځي د اوړي ښوونځئ پروګرام

د 2024 کال د 20 جون څخه تر 26 جولای پوری
- د جولای په 4مه او په 5مه نیټه ښوونځی نشته
سهار 7:30 بجو څخه تر 1 بجی پوری

د 9 څخه تر 11 ټولګی لپاره د اوړي ښوونځئ پروګرام د عالي ښوونځي هغه اوسنی زده کوونکو لپاره دی څوک چې په کورس کې پاتې راغلی دي. د 9 څخه تر 11 ټولګي پوری زده کوونکي کولی شي چی د هیڅ ډول لګښت پرته د کریډټ بیرته لاسته کولو په موخه د عالي ښوونځی دوه کورسونو پوری واخلی. زده کوونکي به په دوهم کورس کې هغه وخت شامل شي کله چې هغوي د لومړي کورس بشپړیدنه په ډاګه کړئ.

د Grad اکاډمی د عالي ښوونځی د وروستی کال هغه زده کوونکو لپاره ده چې د جون په میاشت کې د فراغت تر لاسه کولو په لار سم نه دي روان، مګر د اضافي موخیزه ملاتړ سره د اګست په میاشت کې د فراغت تر لاسه کولو وړتیا لري. په Grad اکاډمۍ کی ګډون کوونکی زده کوونکی کولی شي چی تر دوه کریډیټ پوری ترلاسه کړي ترڅو د ډیپلوم شرایط پوره کړي او په دې اوړي کې فارغ شي. زده کوونکي به په دوهم کورس کې هغه وخت شامل شي کله چې هغوي د لومړي کورس بشپړیدنه په ډاګه کړئ.

زده کوونکي به د پروګرامونو لپاره د خپلو اوسني ښوونځیو لخوا وړاندیز کیږي.

د عالي ښوونځی هغه زده کوونکي چې د لومړني کریډیټ تر لاسه کولو لپاره د کورس په لټه کی دي، کولئ شي چی د آنلاین کورس انتخاب لپاره د ورچول پرنس ویلیم پروګرام څخه ګټه پورته کړي. مهربانی وکړئ د لا زیاتو معلوماتو لپاره د مجازی (Virtual) پرنس ویلیم ویب پاڼی ته لاړ شئ.

د 9 څخه تر 11 پوری ټولګیو لپاره شته کورسونه

انګلیسی 9، 10، او 11*
ځمکنی سایٔنس*, بیولوژي، او کیمیا*
الجبرا I*، الجبرا II*، جیومیټری*، او الجبرا، فعالیتونه او د معلوماتو ارزونه
د متحده ایالاتو او ویرجینیا تاریخ *، د نړۍ تاریخ 1*، او د نړۍ تاریخ 2*
اقتصاد او شخصي مالیه/بودیجه
روغتیایی او فیزکی تعلیم 1 او روغتیایی او فیزکی تعلیم/زده کړه 2
د موټر چلوونکی د زده کړې ټولګي:
- یوازې د پرنس ویلیم کاونټي اوسیدونکو لپاره شتون لري
- د پروګرام نېټی: د 2024 کال د جولای میاشتی د 8می نیټی څخه تر 17می نیټی پوری
- والدین او زده کوونکي باید په 10 جولای 2024 د ماښام په 6 بجو د زوم (Zoom) له لارې په مجازی معلوماتی ناسته کې ګډون وکړي. راجسټر شوي زده کوونکي به د نورو معلوماتو سره د ښوونځی لخوا خبر کړل شي.

** په دې کورس کې شامل زده کوونکو ته به په Freedom عالي ښوونځي یا Osbourn Park عالي ښوونځی کې د SOL آزموینې په اړه معلوماتی ناسته وړاندیز شي.

د عالي ښوونځی د وروستی کال زده کوونکو لپاره ګریډ (Grad) اکاډمیکی

د 2024 کال د 20 جون څخه تر 26 جولای پوری
- د جولای په 4مه او په 5مه نیټه ښوونځی نشته
سهار 7:30 بجو څخه تر غرمی 1:00 بجی پوری

فراغت به د سه شنبې په ورځ د 2024 کال، د جولای په 30 نیټه وي.

ځائ: Hylton Performing Arts Center, 10960 George Mason Cir., Manassas, VA 20110
وخت: فراغت به د سه شنبې په ورځ د 2024 کال، د جولای په 30 نیټه په هیلټن پرفارمینګ هنرونو مرکز (Hylton Performing Arts Center) کې ترسره شي. دوه مراسم به ترسره کیږي. لومړی مراسم به د Freedom, Forest Park, Gar-Field, Hylton, Potomac, او Woodbridge عالي ښوونځيو د فارغینو په ویاړلو سره د ماسپښین له 4 بجو څخه تر 5 بجو پورې ترسره کیږي. دویم مراسم به د Battlefield, Brentsville District, Colgan, Gainesville, Osbourn Park, Patriot, او Unity Reed عالي ښوونځيو او د بالغ کسانو د زده کړي پروګرام فارغینو په ویاړلو سره د ماسپښین له 4 بجو څخه تر 5 بجو پورې ترسره کیږي.

دا اکاډمۍ د عالي ښوونځی د وروستی کال اوسني زده کوونکو لپاره ده چا چی په جون میاشت کې د فراغت تر لاسه کولو لپاره د کورس شرایط نه وو پوره کړي مګر اوس هم کولی شي چی د جولای په میاشت کې فراغت تر لاسه کړي او په 24-2023 ښوونیز کال کی په وخت سره فراغت تر لاسه کوونکي وګڼل شي. زده کوونکو ته به یوازی د نوي یا تکراری کریډټ تر لاسه کولو لپاره د کورسونو اخیستلو اجازه ورکول کیږي.

د ګریډ (Grad) اکاډمی د وروستی کال زده کوونکو لپاره شته کورسونه

انګلیسی 11*, او 12
ځمکنې سایٔنس*، بیولوژي*، ستورپوهنه، او سمندر پېژندنه
الجبرا 2*، جیومیټری*، الجبرا, فورمولونه او د معلوماتو تحلیل/ارزونه
د متحده ایالاتو او ویرجینیا تاریخ*، د متحده ایالاتو او ویرجینیا حکومت
اقتصاد او شخصي مالیه/بودیجه
خپلواک ژوند او انفرادي پرمختګ

د SOL رغولو او آزموینې پروګرامونه

د SOL د بیا رغونی او آزموینی پروګرامونه به د Freedom عالي ښوونځی او Osbourn Park عالي ښوونځی لخوا وړاندی کیږي.

* د پروګرام له مخې مهالویش او ځایونه توپیر لري.

ټرانسپورت

د مستقیم ټرانسپورت خدمتونه به Freedom عالي ښوونځي یا Osbourn Park عالي ښوونځی ته وړواندی کیږي. مهرباني وکړئ د لا زیاتو معلوماتو لپاره د اوړي ښوونځی د ټرانسپورت ویب پاڼه وګورئ.

ټیوشن/درسونو فیس

پروګرامونه یا درسونه وړیا دي.

د SOL دوه اونی یزه د رغونی پروګرام

Freedom عالي ښوونځئ او Osbourn Park عالي ښوونځئ
د 2024 کال د 24 جون څخه تر 3 جولای پوری
سهار 7:30 بجو څخه تر 1 بجی پوری

هغه زده کوونکي چې د عالي ښوونځی په کچه د کورس آزموینه کی بریالی شوي دۍ مګر د ویرجینیا SOL ازموینو کې د بریالی کیدو لپاره نمرې تر لاسه کولو ته اړتیا لري، کولئ شي د کورس پائ SOL ازموینه کی ګډون کولو لپاره ځان راجسټر کړي. د 9 څخه تر 12 ټولګي پوری زده کوونکي کولی شي په لاندې کورسونو کې پرته له کوم فیس/لګښت د رغونی په پروګرام کې ګډون وکړي. د دې کورس په پائ کې، زده کوونکي به د کورس د پای د SOL آزموینه بیاځلی تر سره کوي.

موجود کورسونه

الجبرا 1، جیومیټری/هندسه
بیولوژي
د نړۍ تاریخ 1
د متحده آیالاتو او ویرجینیا تاریخ
انګلیسی - لوست او لیک
د ورک کیز/WorkKeys لوست او لیک

یوازی د SOL آزموینه

Freedom عالي ښوونځئ او Osbourn Park عالي ښوونځئ
ټولی آزموینې به د سهار په 7:30 بجو پیل کیږي.
هغه زده کوونکي چې د ګړندي آزموینی بیاځلی ورکولو لپاره وړ دي (مخکنی نمری د 375 څخه تر 399 پوری)، هغوي به د 2024 کال د جون میاشت په 28 نیټه بیاځلی آزموینه تر سره کوي.

هغه زده کوونکي چې د عالي ښوونځی په کچه د کورس آزموینه کی بریالی شوي دۍ مګر د ویرجینیا SOL ازموینو کې د بریالی کیدو لپاره نمرې تر لاسه کولو ته اړتیا لري، کولئ شي د کورس پائ SOL ازموینه کی ګډون کولو لپاره ځان راجسټر کړي. دا یوازې د SOL آزموینې د تطبیق لپاره ده او د آزموینې وړاندی رغونه یا چمتوالی پکې نه دی شامل.

د SOL آزموینی نومونه او نیټی

انګلیسی 11 لوست: 28 جون
الجبرا 1، الجبرا 2، او جیومیټری/هندسه: 28 جون
ځمکنی ساینس، بیولوژي، او کیمیا: 28 جون
د نړۍ تاریخ 1، د نړۍ تاریخ 2، او د متحده آیالاتو او ویرجینیا تاریخ: 28 جون
انګلیسی 11 لیک: 16 او 17 جولای *باید په دواړو نیټو کی ګډون وشي
د ورک کی/WorkKeys لپاره، تاسو به اړتیا ولرئ چې د انګلیسي لوست یا لیک SOL لپاره ځآن راجستر کړئ. تاسو ته به خبر درکړل شي که ستاسو ماشوم به د SOL د بدیل په توګه ورک کي/WorkKeys اخلي.
- د ورک کیز/WorkKeys لیک: 24 او 25 جون *باید په دواړو نیټو کی ګډون وشي
- د ورک کیز/WorkKeys لوست: 26 او 27 جون *باید په دواړو نیټو کی ګډون وشي

د نوم لیکنی معلومات

د اوړي ښوونځی پروګرام لپاره د نوم لیکنې موده د 2024 کال د اپریل 9 نیټی څخه د می تر 31 نیټی پوری ده. ناوخته نوم لیکنه به په هیڅ ډول د منلو وړ نه وي.

والدین/سرپرستان باید د اوړي ښوونځي پروګرام لپاره نوم لیکنه په پیرنټ وییو / ParentVUE کې بشپړه کړي.

د اوړي په ښوونځي کی د PWCS زده کوونکي د راجستر کولو لپاره ParentVUE حساب ته دننه شئ.
پورته ښی طرف کونج کی، د آنلاین ریکارډ (Online Records) تڼی غوره کړئ.
لاندې ځای کی هغی آبی برخی ته لاړ شئ چیرته چی په آنلاین ډول د نوم لیکنی پاکټ په اړه تفصیلات ورکول شوي دي او په ښکته ځاي کې د غځیدو (ډړاپ ډاون) لسټ څخه، د 2023-2024 اوړي ښوونځی نوم لیکنه ( 9 څخه تر 12 ټولګی) انتخاب کړئ.
په لاندی برخه کی د"آنلاین پاکټ پیل کړئ / Begin Online Packet" تڼی کیکاږئ.
کله چې تاسو د نوم لیکنې په پروسه کی پر مخ ځئ، تاسو ته به د معلوماتو د بیاځلی کتلو او تصدیق کولو لپاره خبرداری درکول کیږي. پر مخ تګ لپاره د خوندي کولو او دوام موندلو (Save او Continue) تڼی کیکاږئ.
1. پیژندنه - (د دې برخې په پائ کې، تاسو به خپل بریښنایی لاسلیک داخلولو ته وهڅول شي؛ ډاډ ترلاسه کړئ چې دا بریښنایی لاسلیک د سکرین په پورتنۍ ښي اړخ کې ستاسو د نوم سره سمون لري.)
2. کورنی
3. والدین/سرپرست
4. په بیړنی حالت کی د اړیکی ټینګولو معلومات
کله چې تاسو د زده کوونکو تر نوم لاندی برخې ته ورسیږئ، مهرباني وکړئ لاندې کارونو تر سره کړئ:
1. د خپلهر هغه زده کوونکي لپاره چې د اوړي په ښوونځی کې به نه شاملیږي، د اخراج/Exclude تڼۍ غوره کړئ.
2. په همدغه سکرین کی، د هر هغه زده کوونکي لپاره چې تاسو به یې شاملوئ، د ترمیم / Edit تڼی غوره کړئ.
  1. د اوړي ښوونځی پروګرام ډراپ ډاون (غځیدو وړ) لسټ څخه هغه پروګرام غوره کړئ کوم لپاره چی ستاسو زده کوونکي سفارش شوئ وو.
  2. دا چې آیا ستاسو زده کوونکی په جولای میاشت کې د فارغیدو پلان لري او که څرنګ، د هو یا نه تڼی غوره کړئ.
  3. ټرانسپورت - (د عالي ښوونځي اوړي پروګرامونو لپاره د بس تمځایونو او د لارو مهالویش به د جون په میاشت کې شتون ولري.)
  4. ځائ/موقعیت (د ځایونو په لسټ کی په ډاګه شوئ ښوونځی هغه دۍ چی زده کوونکی به پکی د اوړی ښوونځی پروګرام لپاره ګډون کوي.)
د "خوندی کولو او دوام ورکولو" تڼی کیکاږئ.
معلومات بیاځلی وګورئ او د سپارلو یا (submit) تڼی کیکاږئ.

د یو اتومات بریښنالیک تر لاسه کولو له لاری به تاسو د نوم لیکنی د سپارل کیدو تایٔید تر لاسه کړئ.

نوم لیکنه د 2024 کال د اپریل میاشتی د 9 نیټی څخه د مئ میاشتی تر 24 نیټی پوری پرانیستی ده.

همدا اوس ځان راجسټر کړئ

ناوخته نوم لیکنه به په هیڅ ډول د منلو وړ نه وي.

لا هم پوښتنی یا وضاحت ته اړتیا لرئ؟ مهربانی وکړی د خپل ماشوم ښوونځی سره په اړیکه کی شۍٔ.

په مکرر ډول پوښتل شوي بوښتنی وګورئ

یا [email protected] ته بریښنالیک واستوئ

د عالي ښوونځی هغه زده کوونکي چې د نیسټیزه کریډیټ تر لاسه کولو په لټه کی دي، کولئ شي چی د آنلاین کورس انتخاب لپاره د ورچول پرنس ویلیم پروګرام څخه ګټه پورته کړي. مهربانی وکړئ د لا زیاتو معلوماتو لپاره مجازی (Virtual) پرنس ویلیم ویب پاڼی ته لاړ شئ.

د غځول شوي ښوونځي کال (ESY) په اړه د پوښتنو لپاره او د ESY د خدمتونو په اړه د لا زیاتو معلوماتو لپاره مهرباني وکړئ د خپل ماشوم د ځانګړي زده کړو ښوونکي سره اړیکه ټینګه کړئ.

نوم لیکنه لغوه کول یا پکی بدلون رامنځ ته کول

مونږ پوهیږو چې د اوړي په پلانونو کی بدلون رامنځ ته کیدائ شي. مونږ لاندې ذکر شوي اختیارونه/انتخابونه وړاندې کوو:

د یو داسی پروګرام بدلولو لپاره چې ستاسو زده کوونکی ورته اوس مهال راجستر شوئ دۍ، نوي نوم لیکنه په ParentVUE کی تر سره کړئ. ستاسو نوئ نوم لیکنه یا راجسټریشن به پخوانی راجستریشن لغوه کړي.
د جون د 7 نیټی څخه وړاندی د نوم لیکنی لغوه کولو لپاره د خپل ماشوم ښوونځي سره اړیکه ټینګه کړئ. که تاسو د جون له 7 نیټی څخه وروسته نوم لیکنه یا راجسټریشن لغوه کولو ته اړتیا ومومئ، د خپل زده کوونکي او د ښوونځي نوم [email protected] بریښنالیک ته واستوئ.