د منځني ښوونځی د اوړي ښوونځئ پروګرام
د 6 څخه تر 8 ټولګي پوری
دا پروګرام د ښوونځی کال د غځولو لپاره ډیزاین شوې دۍ او د زده کوونکو سره د مهارتونو په تر لاسه کولو کې مرسته کوي تر څو هغوي په راتلونکي ښوونځي کال کی د بریالي کیدو لپاره چمتو کړي. دا پروګرام د خبرو اترو او د ښکیل کیدونکی فعالیتونو له لارې د اړین مهارتونو د لا زیات ښه کولو فرصتونه وړاندي کوي. زده کوونکي به په لینګویح آرټس (انګلیسی ژبه) او ریاضیاتو کې لارښوونې ترلاسه کړي. د دریو اونیو اکاډمیکی پروګرام لپاره به زده کوونکی د هغوي د ښوونځیو لخوا سفارش کیږي.
مهالویش
- دری (3) اونیزه پروګرام - د 2024 کال د جون 24 څخه تر جولائ 12 نیټی پوری
- د جولای په 4مه او د جولای په 5مه نیټه ښوونځی نشته
- د دوشنبی ورځ څخه تر جمعی ورځی پوری
- سهار 7:45 څخه تر 11:30 بجو
ځائ/موقعیت
د منځني ښوونځيو کوربه سایټونه/ځایونه په لاندې ډول دي:
- Hampton منځنی ښوونځئ
- Lake Ridge منځنی ښوونځئ
- Parkside منځنی ښوونځئ
- Potomac منځنی ښوونځئ
- Ronald Reagan منځنی ښوونځئ
د ښوونځي حاضري
د ښوونځی حاضري لازمي یا اجباری ده. هغه زده کوونکي چې د 15 ورځني پروګرام په بهیر کی د دوو پرله پسې ورځو څخه زیاتو ورځو لپاره غیر حاضر شي، ممکن د پروګرام څخه وو ایستل شي.
ټرانسپورت
د ټرانسپورت خدمتونه به وړاندې کیږي. د اوړی ښوونځي پروګرام لپاره د بس تمځایونه به د عادي ښوونځي کال بس تمځایونو په پرتله توپیر ولري. د انفرادي زده کوونکو لپاره به د ځانګړي بس تمځایونو اسانتیاوي نه برابریږي.
مهرباني وکړئ د لا زیاتو معلوماتو لپاره د اوړي ښوونځی د ټرانسپورت ویب پاڼه وګورئ. که تاسو د خپل ماشوم لپاره د ټرانسپورت په اړه پوښتنې لرئ، مهرباني وکړئ 3940-402-571 ته زنګ ووهئ.
ټیوشن/درسونو فیس
د PWCS د منځني ښوونځی پروګرامونه وړیا دي.
د نوم لیکنی معلومات
د اوړي ښوونځيو لپاره د نوم لیکنې موده د 2024 کال د اپریل 9 نیټی څخه د می تر 24 نیټی پوری ده. ناوخته نوم لیکنه به په هیڅ ډول د منلو وړ نه وي.
والدین/سرپرستان باید د اوړي ښوونځي لپاره نوم لیکنه په پیرنټ وییو / ParentVUE کې بشپړه کړي.
- د اوړي ښوونځي لپاره د PWCS زده کوونکي د راجسټر کولو لپاره ParentVUE / پیرنټ وییو حساب ته دننه شئ.
- پورته ښی طرف کونج کی، د آنلاین ریکارډ (Online Records) تڼی غوره کړئ.
- د آنلاین راجسټریشن پاکټ توضیحاتو سره لاندې آبی برخې ته لاړ شئ او په اوسني 2024-2023 ښوونیز کال کې د زده کوونکي د ټولګي کچې پر اساس، لاندی بیخ کی د ډراپ ډاون لسټ څخه مناسب پاکټ انتنخاب/غوره کړئ.
- 2023-2024 د اوړي ښوونځي نوم لیکنه (د وړکتون څخه تر 08 ټولګي)
- په لاندی برخه کی د "آنلاین پاکټ پیل کړئ / Begin Online Packet" تڼی کیکاږیٔ.
- کله چې تاسو د نوم لیکنې په پروسه کی پر مخ ځئ، تاسو ته به د معلوماتو د بیاځلی کتلو او تصدیق کولو لپاره خبرداری درکول کیږي. پر مخ تګ لپاره د خوندي کولو او دوام موندلو (Save او Continue) تڼی کیکاږئ.
- پیژندنه - (د دې برخې په پائ کې، تاسو به خپل بریښنایی لاسلیک داخلولو ته وهڅول شي؛ ډاډ ترلاسه کړئ چې دا بریښنایی لاسلیک د سکرین په پورتنۍ ښي اړخ کې ستاسو د نوم سره سمون ولري.)
- کورنی
- والدین/سرپرست
- په بیړنی حالت کی د اړیکی ټینګولو معلومات
- کله چې تاسو د زده کوونکو تر نوم لاندی برخې ته ورسیږئ، مهرباني وکړئ لاندې کارونو تر سره کړئ:
- د خپلهر هغه زده کوونکي لپاره چې تاسو به یی د اوړي په ښوونځی کې نه شاملوئ، د اخراج/ایستلو / Exclude تڼۍ غوره کړئ.
- په همدغه سکرین کی، د هر هغه زده کوونکي لپاره چې تاسو به یې شاملوئ، د ترمیم / Edit تڼی غوره کړئ.
- ټرانسپورت - (د اوړي ښوونځی پروګرام لپاره د بس تمځایونو او د لارو معلومات سره مهالویش به د جون په میاشت کې شتون ولري.)
- ځائ/موقعیت (د ځایونو په لسټ کی په ډاګه شوئ ښوونځی هغه دۍ چی زده کوونکی به پکی د اوړی ښوونځی پروګرام لپاره ګډون کوي.)
- د "خوندی کولو او دوام ورکولو" تڼی کیکاږئ.
- آنلاین غوښتنلیک بیاځلی وګورئ او د سکرین په بیخ کی د سپارلو / Submit تڼی کیکاږئ.
د یو اتومات بریښنالیک تر لاسه کولو له لاری به تاسو د نوم لیکنی د سپارل کیدو تایٔید تر لاسه کړئ.
نوم لیکنه د 2024 کال د اپریل د 9 نیټی څخه د می تر 24 نیټی پوری پرانیستی ده.
ناوخته نوم لیکنه به په هیڅ ډول د منلو وړ نه وي.
لا هم پوښتنی یا وضاحت ته اړتیا لرئ؟
په مکرر ډول پوښتل شوئ پوښتنی وګورۍ
یا [email protected] ته بریښنالیک واستوئ
د غځول شوي ښوونځي کال (ESY) په اړه د پوښتنو لپاره او د ESY د خدمتونو په اړه د لا زیاتو معلوماتو لپاره مهرباني وکړئ د خپل ماشوم د ځانګړي زده کړو ښوونکي سره اړیکه ټینګه کړئ.
د وده موندلو یا غنی کولو پروګرامونو په اړه د لا زیاتو معلوماتو لپاره د Discovery وده موندلو پروګرامونو ویب پاڼی ته لاړ شئ.
نوم لیکنه لغوه کول یا پکی بدلون رامنځ ته کول
مونږ پوهیږو چې د اوړي په پلانونو کی بدلون رامنځ ته کیدائ شي. مونږ لاندې ذکر شوي اختیارونه/انتخابونه وړاندې کوو:
- د یو داسی پروګرام بدلولو لپاره چې ستاسو زده کوونکی ورته اوس مهال راجستر شوئ دۍ، نوي نوم لیکنه په ParentVUE کی تر سره کړئ. ستاسو نوئ نوم لیکنه یا راجسټریشن به پخوانی راجستریشن لغوه کړي.
- د جون د 7 نیټی څخه وړاندی د نوم لیکنی لغوه کولو لپاره د خپل ماشوم ښوونځي سره اړیکه ټینګه کړئ. که تاسو د جون له 7 نیټی څخه وروسته نوم لیکنه یا راجسټریشن لغوه کولو ته اړتیا ومومئ، د خپل زده کوونکي او د ښوونځي نوم [email protected] بریښنالیک ته واستوئ.