د یاد ساتلو لپاره مهم شیان

د پرېکړو کولو په وخت کې زموږ د زده کونکو او کارمندانو خوندیتوب زموږ ترټولو مهم لومړیتوب دی

PWCS د سړکونود حالت په اړه د بیړني حالت د مدیریت، د هوا د متخصصانو او د ایالت د لویو لارو د مدیرانو معلوماتو ته کتنه کوي، او د ښوونځي عمله هم په ټوله منطقه، کې د سړکونو، پیاده لارو، پارک ځایونو او بس لینونو د حالت معاینه کوي. پرېکړې د ټولې منطقې د حالت او د هوا د وړاندوینو پر اساس کېږي تر څو د 350 نه زیاتو مربع میلو په ټوله منطقه کې د زده کوونکو، عملې او اوسېدونکي حفاظت یقیني کړی شي. ددې معنا داده چې که کله ستاسو په نږدې سیمه کې د هوا حالات په ځانګړي ډول خراب وي نو ښايي ښوونځی وتړل شي

د پرېکړو په اړه خبر زر تر زره ورکول کېږي

PWCS کوښښ کوي چې د ځنډېدنو او بندېدنو په اړه څومره ساعتونه مخکې نه چې امکان لري پرېکړې وکړي، د هغو فامیلونو په نظر کې نیولو سره چې د مناسبو انتظاماتو کولو لپاره وخت ته اړتیا لري. د غیر عادي شرایطو چې بیړني اقدامات ورته لازمي وي نه غیر، پرېکړه به د بندېدنې یا ځنډ نه مخکې شپه باندې، او یا زیات نه زیات د سهار تر 4:30 بجو پورې کېږي

نهایي پرېکړه تاسو کوئ

د موروپلار او سرپرستانو په صفت، که تاسو احساس کوئ چې شرایط غیر محفوظ دي او ښوونځی خلاص دی، نو تاسو دا انتخاب لرئ چې ماشوم(ان) مو ښوونځي ته ونه لېږئ. د زده کوونکو دغه غیر حاضري به جواز سره وي. مهرباني وکړئ د خپل ماشوم د غیر حاضرۍ نه ښوونځی خبر کړئ. هغوی ته به ددې علمي جزا ورنکړی شي ولې تمه ترې کېږي چې خپلې ټولې وظیفې ترسره کړي

یو داسې پلان ولرئ چې ماشومان مو ترې ښه خبر وي

که مور یا پلار کور کې نه وي نو ماشومانو ته باید معلومه وي چې چیرته لاړ شي. که د ښوونځي پرانیستلو کې ځنډ راغلی وي نو مهرباني وکړئ ماشومان مو مخکې ښوونځي ته مه راولئ ځکه چې عمله به ودانۍ کې موجود نه وي

PWCS د ښوونځي د بندېدلو یا ځنډېدلو په اړه معلومات په ډېرو طریقو ورکوي چې په هغوی کې دا شامل دي:

• د  PWCSفیسبوک اوټویټر 
  
• د PWCS په کورپاڼه او د هر ښوونځي په ویبپانه خبرتیاوې 
• ایمیل او متني پېغامونه چې موروپلار/سرپرستانو ته استول کېږي (په The Hub کې د تماس د معلوماتو په کارولو سره)
• په PWCS App فشاري اعلانونه
•  په PWCS-TV نشر شوي (چینل 18 په Comcast او چینل 36 په Fios)
• د سیمې راډیويي او تلویزیوني سټیشنونه

اپډیټ کولو کې د تېزۍ په خاطر د PWCSnews ټویټر رسمي حساب عموماً د خبر رسولو تر ټولو لومړۍ او تر ټولو تېزه لاره ده. د ارتباط نورې لارې به څومره زر چې کېدلی شي اپډیټ کېږي چې په هغوی کې ایمیل، متن، ویبسایټ، نورې ټولنیزې رسنۍ او خبري سټیشنونه شامل دي. مهرباني وکړئ خبر واوسئ چې د ډېر زیات شمېر ایمیلونو د لېږل کېدو له امله ښايي د ټویټر په خبر او ستاسو انبکس کې د ایمیل ترلاسه کولو ترمینځ ځنډ وي.