د IX سرلیک لپاره د کورنۍ لارښود
- IX سرلیک څه شی دی؟
-
د IX سرلیک د تبعیض ضد فدرالي قانون دي چې د پرنس ویلیم کاونټي عامه ښوونځي (PWCS) زده کوونکي او کار کوونکي د PWCS په ښوونیزو پروګرامونو او فعالیتونو کې د تجاوز او جنسي ځورونې په ګډون د جنسیت پر بنسټ له تبعیض څخه ژغوري.
- شکایت کوونکی او ځواب ورکونکی څه شی دی؟
-
شکایت کوونکی هغه کس ته ویل کېږي چې د راپور شوي جنسي ځورونې یا جنسي تیري هدف وي. ځواب ورکوونکی هغه کس ته ویل کېږي چې په جنسي ځورونه او یا جنسي تیري تورن وي.
- ایا IX سرلیک پر ټولو ناسمو جنسي چلندونو پلی کېږي؟
-
ځواب: ټول ناسم جنسي چلندونه چې د ښوونځي په ملکیت او یا د PWCS د ښوونیزو پروګرام او یا فعالیت په لړ کې ترسره کېږي، د PWCS له مقرراتو څخه سرغړون ګڼل کېږي او له څیړلو وروسته په مناسب ډول ځواب ور کېږي. په داسې حال کې چې ټول ناوړه جنسي چلندونه د IX سرلیک سرغړونه نه کوي. د IX سرلیک یوازې په ځانګړو جنسي ځورونو او یا ناوړه ګټې اخیستنو باندې د پلي کیږي چې د شکایت کوونکي لپاره په بشپړ ډول په د PWCS په یوه پروګرام او یا ښوونیز فعالیت کې ګډون کول ستونزمنوي.
- که چیرې زما ماشوم جنسي ځورول شوي یا جنسي تیری پرې شوی وي، زه باید څه وکړم؟
-
تاسو باید له ځنډ پرته د دې سرغړونې په اړه مدیر، د مدیر مرستیال او یا د IX سرلیک همغږي کوونکي ته خبر ور کړئ. که راپور شوي ناوړه چلند په ښوونځي کې (د مجازی یا آنلاین ټولګي په شمول) کې، د ښوونځي په بس کې، د ښوونځي لخوا ملاتړ شوي فعالیت په جریان کې یا د PWCS وسیلې یا شبکې په کارولو سره پیښ شوي، په دې صورت کې PWCS د حالت د سمونې په موخه د څیړنو او اقدام ترسره کولو مسوولیت لري.
که چیرې راپور شوي ناوړه چلند د PWCS په ښوونیز پروګرام او یا فعالیت کې نه وي پیښ شوې، نو بیا په دې صورت کې کیدای شي PWCS د څیړنو او حالت د سمونې صلاحیت ونلري، په هرصورت، PWCS به اوس هم ستاسو ماشوم ته ملاتړ چمتو کړي او کولای شي تاسو او ستاسو ماشوم د ټولنې پر بنسټ له ګټورو سرچینو سره وصل کړی.
- که چیرې زما ماشوم په ښوونځي کې د یو چا په جنسي ځورونې یا جنسي تیري تورن شي نو څه به کیږي؟
-
که چېرې ستاسو ماشوم د PWCS د ښوونیز پروګرام او یا فعالیت د ترسره کولو پر مهال په جنسي بد چلند تورن شي، په دې صورت کې PWCS مسوولیت لري چې په بشپړه او عادلانه توګه څیړنه ترسره کړي. تاسو ته به د تور یا اتهام په اړه خبر در کړل شي او ستاسو ماشوم به د دې حق ولري چې د پیښې په اړه خپله کیسه ووایي. که چېرې په تور یا اتهام کې داسې جنسي بد چلند شامل وي چې د IX سرلیک تر پښو لاندې کوي، په دې صورت کې به د IX همغږي کوونکی له تاسو سره اړیکه ونیسي، ترڅو تشریح کړي چې تحقیق به څنګه ترسره شي، کوم ملاتړ به چمتو شي، او تاسو او ستاسو ماشوم د پروسې په جریان کې کوم حقونه لري، کوم چې د "IX شکایت پروسې" په نوم پیژندل کیږي.
- د IX سرلیک د شکایت پروسه څه ده؟1
-
د IX سرلیک د شکایت پروسه هغه پروسه ده چې د هغه راپور شوي جنسي چلند د څېړنې او حلو کولو لپاره کارول کیږي چې ښايي له IX سرلیک څخه سرغړونه وکړي. د IX سرلیک د شکایتونو پروسه کې، څېړنه د عدالت او زده کوونکو د اړیکو (ESR) څانګې د څېړونکي لخوا ترسره کیږي او د هغه څه په اړه چې پېښ شوي دي وروستۍ پرېکړه د اوریدنې یو مامور کوي، چې د زده کونکو په مدیریت او بدیل پروګرامونو څانګې لپاره کار کوي. د IX د سرلیک د شکایت په پروسه کې، ستاسو د ماشوم د ښوونځي مدیران د راپور شوي ناوړه چلند اړوند څیړنه او پریکړه نه ترسره کوي.
که چېرې راپور شوي ناوړه چلند د PWCS د چلند کوډ تر پښو لاندې کړي، مګرد IX سرلیک نه کوي، په دې صورت کې څیړنه ترسره شي او پریکړه به د زده کوونکي د ښوونځي د مسوولینو لخوا ترسره شي.
- که چیرې زه دIX سرلیک پریکړه کونکي له پریکړې سره موافق نه وم، څه باید وشي؟
-
که چیرې تاسو له پریکړې سره موافق نه یاست، کولای شئ د استیناف غوښتنه وکړئ. د پرېکړې د استیناف غوښتنې په اړه معلومات به د IX سرلیک پرېکړه کوونکی درکړي او همدارنګه په PWCS 738-1 قوانینو کې هم موندل کېدی شي.
- د IX سرلیک د شکایت پروسه څومره وخت نیسي؟
-
معمولاً، د IX سرلیک د شکایت پروسه په 60 کاري ورځو او یا له هغې څخه په کم وخت کې بشپړیږي. په دې وخت کې، په ډیرو قضیو کې، دواړه شکایت کوونکی او ځواب ورکوونکی د ښوونځي لخوا د شته ملاتړ په موخه په ښوونځي کې ګډون کوي، تر څو وکولای شي دا کار په آرام فکر سره ترسره کړي. که چیرې تاسو د IX سرلیک د شکایت پروسې په لړ کې د خپل ماشوم د خوندیتوب په اړه اندیښنې لرئ، نو تاسو باید له ځنډ پرته د IX د سرلیک همغږي کوونکي، د خپل ماشوم مدیر او یا مرستیال مدیر ته سمدستې ووایئ.
- د IX سرلیک په اړه نور معلومات چېرې موندلی شم؟
-
ځواب: د IX سرلیک په اړه نور معلومات د ESR څانګې په ویب پاڼه کې موندلی شئ، چې په pwcs.edu کې موندل کېږي، وروسته د پاڼې په ښکتنۍ برخه کې په سره بار کې "Title IX" انتخاب کړئ. د IX سرلیک په اړه نور معلومات د ESR 738-1 قوانینو کې هم موندلی شئ، "چې د زده کوونکو د ناسم جنسي چلند ادعاوو ته ځواب وایي،" چې لینک یې د ESR څانګې په ویب اڼه کې چمتو شوی دی.
- که چیرې د IX سرلیک په اړه پوښتنې ولرم، له چا سره باید اړیکه ونیسم؟
-
ځواب: باید له ESR څانګې سره په 571-374-6839 یا TitleIXEquity@pwcs.edu اړیکه ونیسئ
1 د IX سرلیک د شکایت پروسه د هغې جنسي ځورونې او جنسي تېري د شکایتونو د حل لپاره کارول کېږي چې د 2020، اګست په 14مه یا وروسته تکراري ډول پېښ شوي دي. که چیرې بد چلند د 2020 کال د اګسټ میاشتې له 14 نېټې وړاندې راپیښ شوې وي، په دې صورت کې بیلابیل کړنلارې پلي کېږي.
** دا FAQs (په مکرر ډول پوښتل شوي پوښتنې) معلوماتي دي. که چیرې د FAQs او PWCS 738-1 قوانینو "د زده کوونکو د ناسم جنسي چلند د ادعاوو حل،" تر مینځ ټکر وي، قانون باید پرېکړه وکړي.