- ډیفتریا / Diphtheria، تیتانوس / Tetanus، او پرتوسس / Pertussis (DTaP, DTP, یا Tdap)
|
مناسب ډول مهالویش سره لږترلږه څلور ډوزونه. یو ماشوم باید د پیداښت په څلورمه کلیزه یا تر هغی وروسته د DTaP یا DTP واکسین لږترلږه یو ډوز واخلی. د DT (ډیفتریا، تیتانوس) واکسین د هغو ماشومانو لپاره اخیستل اړین دی چې له طبي لحاظه د پرټوسیس لرونکي واکسین (DTaP یا DTP) څخه معاف دي. اوه کلن یا تر هغی زیات عمر لرونکی ماشومان چې د تیتانوس او ډیفیتیریا واکسین لپاره ټر ټولو لږ شرط نه پوره کوي، هغوي لپاره د بالغو Td واکسین اړین دۍ. هغه ټول ماشومان چی 7 ټولګي ته داخلیږي، هغوي لپاره تقویه کوونکی/موثره کوونکی د Tdap واکسین تر سره کول اړین دي. |
- د هیموفیلس انفلوینزا / Haemophilus Influenzae ډول بی (Hib) واکسین
|
دا واکسین یوازې د 60 میاشتو پورې عمر لرونکی ماشومانو لپاره اړین دی. بنسټیزه لړۍ دوه یا درې ډوزه لري (تولید کوونکی پورې اړه لري). په هرصورت، د ماشوم اوسنی عمر د اړتیا وړ ډوزونو شمیر اداره کوي، نه د ډوزونو پخوانی شمیر. د 15 او 60 میاشتو تر منځ غیر واکسین شوي ماشومان یوازې د واکسین یو ډوز/خوراک ته اړتیا لري. |
- د هیپاټایټس A یا زیړ ژیړۍ واکسین
|
د هیپاټایټس A واکسین لږترلږه دوه ډوزونه/خوراکه. لومړی ډوز باید په 12 میاشتنی یا تر هغی ډیر عمر کې تطبیق شي. |
- هیپاټایټس B یا تور ژیړۍ واکسین
|
د مناسب ډول مهالویش سره، د ټولو ماشومانو لپاره د هیپاټایټس B یا تور ژیړۍ واکسین دری ډوزه/خوراکه تر سره کول اړین دي. په هرصورت، FDA د 11 څخه تر 15 کلنی پوری تنکی ځوانانو لپاره یوازی د دوه ډوزونو مهالویش تصویب کړی او یوازې هغه وخت کله چې د بالغ کسانو لپاره جوړ شوئ د Merck برانډ (RECOMBIVAX HB) هیپاټایټس بی واکسین وکارول شي. که چیرته د دوه ډوزه مهالویش واکسین د 11 څخه تر 15 کلنی پوری تنکی ځوانانو لپاره وکارول شي، دا باید په واضح ډول د ښوونځي په فورم کې مستند یا ولیکل شي. |
- د شری (Measles)، ممپس یا ټنډ غومبوری مرض (Mumps) او روبیلا (MMR) (Rubella) واکسین
|
لږترلږه دوه د شری، دوه د ممپس، او یو د روبیلا واکسین (ډیری ماشومان د هر یو واکسین څخه دوه ډوزه/خوراکه ترلاسه کوي ځکه چې واکسین معمولا یو له بله سره یو ځائ کیږي چی MMR ورته ویل کیږي). لومړی ډوز باید په 12 میاشتنی کی یا له هغی زیات عمر کی تطبیق شي. د واکسین دوهم ډوز باید وړکتون ته د ننوتلو څخه وړاندی تطبیق شي مګر د لومړی او دویم ډوز تر مینځ لږترلږه وقفی وروسته هر وخت تطبیق کیدی شي. |
- د Pneumococcal / نیوموکوکل (PCV) واکسین
|
دا واکسین یوازې د 60 میاشتو څخه کم عمر ماشومانو لپاره اړین دی. د نیوموکوکل کډ واکسین یو څخه تر څلورو ډوزونو پوری کول اړین دي مګر د لومړي ډوز په وخت کې د عمر پورې اړه لري. |
- د روټا ویروس / Rotavirus واکسین
|
دا واکسین یوازې د اتو میاشتو څخه کم عمر لرونکی ماشومانو لپاره اړین دی. د روټا ویروس واکسین دوه یا درې ډوزه/خوراکه اخیستل اړین دي (په تولیدونکي پورې اړه لري). |
- د پولیو یا ګوزڼ (IPV) واکسین
|
د پولیو یا ګوزڼ واکسین لږ تر لږه څلور ډوزه. یو ډوز یا خوراک باید د زیږیدنی په څلورمه کلیزه یا تر هغی وروسته تطبیق شي. د اضافي معلوماتو لپاره ضمیمه شوئ د لارښونی سند وګورئ. |
- د ویروسیلا یا چیچک / Varicella واکسین
|
ټول هغه ماشومان چې د کال 1997 د جنورۍ په 1 نیټه او له هغی وروسته زیږیدلي دي، هغوي به اړ وي چی په 12 میاشتنی کی یا له هغی وروسته د چیچک یا چکن پاکس واکسین یو ډوز واخلی یا تر سره کړي. د واکسین دوهم ډوز باید وړکتون ته د ننوتلو څخه وړاندی تطبیق شي مګر د لومړی او دویم ډوز تر مینځ د لږترلږه وقفی وروسته هر وخت تطبیق کیدی شي. |
|
اووم ټولګی ته د ننوتلو څخه وړاندی |
- ډیفتریا / Diphtheria، تیتانوس / Tetanus، او پرتوسس / Pertussis (DTaP, DTP, یا Tdap)
|
هغه ټول ماشومان چی 7 ټولګي ته داخلیږي، هغوي لپاره تقویه کوونکی/موثره کوونکی د Tdap واکسین تر سره کول اړین دي. (د دې واکسین په اړه اضافي معلومات د دې چارټ په سر کې موندل کیدی شي.) |
- د ایج پی وي / (HPV) ویروس واکسین
|
هغه زده کوونکی چې 7 ټولګي ته داخلیږي، هغوي لپاره د ایچ پی وي / HPV واکسین د دوه ډوزونو لړئ بشپړول اړین دي. مخکی له دی چی ماشوم 7 ټولګي ته داخل شي، لومړئ ډوز ورته باید تطبیق شي. د روغتیا بورډ لخوا د تصویب شوي تعلیمي موادو بیاکتنې وروسته، د والدینو یا سرپرست په اختیار سره، والدین یا سرپرست کولئ شي د ماشوم لپاره د HPV واکسین نه ترلاسه کول غوره کړي. |
- د Meningococcal (MenACWY) مکس یا ګډ واکسین
|
د MenACWYA واکسین لږترلږه دوه ډوزه/خوراکه. لومړی ډوز باید 7 ټولګي ته د ننوتلو څخه وړاندی تطبیق یا تر سره شي. وروستی ډوز باید 12 ټولګي ته د ننوتلو څخه وړاندی تطبیق شي. |
|
دولسم ټولګی ته د ننوتلو څخه وړاندی |
- د Meningococcal (MenACWY) مکس یا ګډ واکسین
|
لومړنی ډوز باید 7 ټولګي ته د ننوتلو څخه وړاندی تطبیق شي. وروستی ډوز باید 12 ټولګي ته د ننوتلو څخه وړاندی تطبیق شي. |
د نوي ښوونیز کال پیل کولو لپاره د 2024 کال د اګست میاشت تر 15 نیټی پورې د زده کوونکو واکسینونه سپارل اړین دي
