کتاب پالیسۍ او مقررات
برخه 700 - زده کوونکي
عنوان مقرره - پلټل/تلاشی او ضبطول
کوډ 1-737
حالت فعال
تصویب شوۍ 4 اکتوبر، کال 2017
د بیاځلی کتلو وروستی نیټه 24 اګسټ, 2023
زده کوونکي
مقرره 1-737
پلټنی/تلاشی او ضبطونی
د دې مقرری موخه دا ده چې د زده کونکي د شخصی، لاکر، شخصي ملکیت، ګرځنده تلیفون، بریښنایی وسایلو، یا د هغوي د موټرو اړوند پلټنی لپاره ځانګړي تګلاری وړاندي کړي چی د ښوونځي په ملکیت کی یا د ښوونځي لخوا په سپانسر شوي فعالیتونو کې موقیعت ولري، کوم چی د معقول شک په صورت کی د پلټنی تابع دي. یوازې اداره کوونکي، یا د هغوي استازي باید د زده کوونکو او کارکوونکو د خوندیتوب او هوساینې، د ملکیت خوندیتوب، او د ډسپلین ساتلو په موخه پلټنې ترسره کړي. پلټنی باید هغه وخت ترسره شي کله چې یو دا ډول معقول شک شتون رامنځ ته شي چې یو زده کوونکي داسې توکي له ځانه سره لري چې د PWCS "د چلند کوډ"، د پرنس ویلیم کاونټي د (ښوونځي بورډ) پالیسیو، د PWCS مقرراتو، یا د آیالت او فډرال د قوانینو څخه سرغړونه په ډاګه کوي وي.
- د پلټنی صلاحیت/واک
د پلټنې پیل کولو لپاره، د ښوونځي اداره کوونکی، یا د هغه/هغي استازی، باید معقول شک ولري، کوم چې د دې مقرری لپاره باید د " ناوړه عمل لپاره د ثبوت موندلو معقول چانس" په توګه تعریف شي، چې:- د آیالت یا فډرال قانون څخه، د PWCS "د چلند کوډ"، د پرنس ویلیم کاونټي د ښوونځي بورډ پالیسي، د PWCS مقرری یا د ښوونځي د قواعدو څخه سرغړونه شوې ده، سرغړونه کیږي، یا ورڅخه سرغړونه کیدونکی ده.
- یو مشخص زده کوونکی ممکن داسی توکی له ځانه سره ولري کوم چی د آیالت یا فډرال قانون، د PWCS "د چلند کوډ"، د ښوونځي بورډ پالیسي، د PWCS مقرراتو، یا د ښوونځي قوانینو لخوا منع شوي دي.
- شکمنه سرغړونه یا تیروتنه د یو داسی نوعیت ده چې ممکن په اړه یی فزیکي شواهد شتون ولري.
- احتمال شته چې شواهد د یو کس سره وي، په لاکر کې وي، د هغوي د شخصي ملکیتونو یا توکو په منځ کې وي، یا د زده کوونکي (زده کوونکو) په موټر کی وموندل شي په چا چی په معقولی ډول د سرغړونې یا تیروتنی د تر سره کولو اراده لرلو شک کیږي.
د قانون پلي کوونکي افسران یا د ښوونځي د سرچینې افسران (SROs) باید یوازې د ښوونځي موخو لپاره د پلټنو ترسره کولو لپاره وکارول شي کله چې د ښوونځي د کارکوونکو یا د زده کوونکو د خوندیتوب اندیښنه موجود وي. د قانون پلي کوونکي چارواکي کولی شي چی د ویرجینیا د قانون سره په مطابقت د زده کوونکو څخه پوښتنی وکړي او/یا خپله زده کوونکی، د زده کوونکو ملکیتونه، یا وسایط تالاشي کړي. - مشخصی پلټنی
پلټنی هر وخت هم تر سره کیدی شي، کله چې یو داسی معقول شک شتون ولري چې یو زده کوونکی ممکن له ځانه سره:- یوه منع شوې وسله، چاودیدونکي توکي، یا نور داسی توکي ولري چې یو شخص یا ملکیت ته په فزیکي ډول ګواښ وړاندې کوي.
- یو غیرقانوني نشه یی توکئ، غلا شوي ملکیت، یا نور غیرقانوني یا منع شوي توکي.
- فحش مواد یا ارتباطات، لیکل شوي یا بریښنایی، لکه بد مواد، فحش، یا جنسي لحاظه لوڅه مجله.
- د نورو زده کوونکو یا کارکوونکو په زد مواد یا ارتباطات، لیکلي یا بریښنایی، کوم چې په نوعیت کې تنګوونکی یا ځورونکی وي یا د پرنس ویلیم د بورډ پالیسیو یا د PWCS د مقرراتو څخه سرغړونه په ډاګه کوي کوم چې دغه ډول څیزونه منع کوي او کوم چی د نورو زده کوونکو یا کارکوونکو فزیکي خوندیتوب یا رواني روغتیا او هوساینی ته زیان رسوي.
- داسی مواد یا اړیکی (ارتباطات)، په لیکی ډول یا بریښنایی، چې په مستقیم ډول د نورو زده کوونکو، کارکوونکو، یا د ښوونځي ملکیت خوندیتوب یا هوساینه ګواښی.
- نور هر ډول مواد یا توکي چې یو زده کوونکی یې په ښوونځي کې له درلودلو څخه منع شوی دۍ، یا کوم چی د خلکو یا شتمنیو هوساینې لپاره کواښ وي، یا کوم چې نظم او ضبط ته خطر وړاندې کوي، که چیرته ورته د زده کوونکی په ملکیت کی د پاتې کیدو اجازه ورکړل شي.
- د پلټنو په انداز یا طرزالعمل باندی محدودیت
د زده کوونکي پلټلو ته یوازې په هغه وخت کی اجازه ورکول کیږي کله چې د پلټنی لپاره اخیستل شوي ګامونه په معقولی ډول د پلټنی د موخو سره په مطابقت وي او د زده کوونکي عمر او جنسیت یا د سرغړونې ماهیت په پام کې نیولو سره ډیر ګډوډي یا مداخله رامنځ ته کوونکی نه وي.
لکه څرنګ چی په لاندی ځائ کی د دی مقرری په IV برخه, “د مشخصی پلټنی تګلاری,” کی لیدل کیږي، د زده کوونکي پلټنه باید د معقول شک پر بنسټ تر سره شي او د امکان تر حده پوری د خلکو له سترګو څخه لیری ترسره شي. یو بالغ کارکوونکی باید د یو شاهد په توګه حاضر وي کله چې د زده کوونکو یا د هغوي د شخصی شتمنیو پلټنه ترسره کیږي، غیر حاضری باید په بیړني حالت کې وي. د زده کوونکي تلاشی ممکن په هغه حالت کی تر سره نه شي کله چې پکی د کمیسونو، بلوزونو، پتلونونو، یا د کالو لیری کولو ته اړتیا وي، کومو کالو چی د کالو تر لاندي توکی پټ کړي اوسي.
د ښوونځي د اداره کوونکو یا د هغوي د استازو لخوا پلټنه باید یوازې زده کوونکي ته د سزا ورکولو لپاره تر سره نه شي، مګر یوازی د هغه موخو لپاره تر سره شي کوم چی پورته ذکر شوي دي. د پلټنې په جریان کې کشف شوي غیرقانوني توکي باید د قانون پلي کولو چارواکو ته وسپارل شي. که چیرته یو اداره کوونکی، یا د هغه استازی، د پلټنی په پایله کې داسی کوم توکي، مواد، یا ارتباطات پیدا کړي چې ممکن د ماشومانو فحش یا کوم بل ډول فحش عمل په ډاګه کوي، کوم چې د قانون لخوا منع شوي دي، دغه ډول توکي، مواد، یا ارتباط باید د ښوونځي د نورو پرسونل سره شریک نه شي، مګر سمدستي باید د قانون پلی کوونکو ته وسپارل شي. که چیرته په توکی باندی دا ډول شک وي چې مرمی ویشتوونکی وسله یا کوم بل ډول وسله ده کوم چی د قانون لخوا منع شوې دي، د پولیسوڅخه باید سمدستي مرسته وغوښتل شي. له هغې وروسته، د محاکمې کولو پریکړه د پولیسو او د دولت مشترک څارنوال دفتر په اختیار کې ده.
هغه توکي چې درلودل یې غیر قانوني ندي مګر په بل ډول د PWCS "د چلند کوډ"، د ښوونځي بورډ پالیسي، د PWCS مقرراتو ، یا د ښوونځي قاعدی لخوا منع شوي، باید د ورځې په پای کې زده کونکي ته یا د زده کونکي مور او پلار / سرپرست (سرپرستاتو) ته بیرته ورکړل شي ، پدې هوکړي سره چې دا توکي باید ښوونځي ته بیرته را نه وړل شي پرته له دې چې دا توکي په کوم انضباطي جریان کی ثبوت وي چی د پلټنی په ترس کی رامنځ ته شوي اوسی. په داسې حالت کې، توکي باید د هر ډول انضباطي اقدام د استیناف څخه وروسته زده کوونکي یا د زده کونکي مور یا پلار (سرپرست) ته بیرته ورکړل شي.
میزونه، لارکرونه یعنی د زده کوونکی الماري، د ښوونځي خپل یا په اجاره اخیستل شوي کمپیوټرونه، او نور بریښنایی وسایل د ښوونځی ډیویژن ملکیت دي. دغه ذکر شوي توکی هر وخت د اداره کوونکو یا د هغوي د استازو لخوا د کنټرول کیدو او معاینه کیدو تابع دي. لکه څرنګ چې مخکې مشخص شوي دي، دا ډول پلټنی باید د ښوونځي موخو لپاره ترسره شي، نه د محاکمه کولو لپاره. د دې ډول پلټنو لپاره، د میزونو او لاکرونو توکی باید د زده کوونکي "شخصی، کاغذونه، او توکی" ونه ګڼل شي کوم چې په لاندی ډول خوندي شوي دي. - د مشخصی پلټنی لپاره لارښوونې
- زده کوونکي باید د ټاکل شوي کارکوونکو لخوا په پټه سره یا جلا تلاشی شي.
- هغه کس چې پلټنه ترسره کوي باید یو بالغ کارکوونکی غړی د شاهد په توګه موجود ولري.
- که چیرې په نظر ښکاري یا معقولی دلیل شتون ولري چې زده کوونکي له ځانه سره ممنوع توکي لري، د زده کوونکی د جنس په څیر کارکوونکی به د زده کوونکي سرسری پلټنه ترسره کوي. د زده کوونکي د سرسری پلټنی ترسره کولو لپاره په عمومي کړنلاره کی باید لاندینی شامل وي:
- زده کوونکی باید خپل جاکټ یا کوټ لیرې کړي. اداره کوونکي، یا استازی باید جیبونه، د هغې برخې، او استرونه تلاشي کړي.
- زده کوونکی باید خپل جیبونه خالي کړي او جیبونه داخل څخه بهر طرف ته سر چپه کړي. اداره کوونکۍ، یا استازی، باید د زده کوونکي له جیبونو څخه ایستل شوي توکي وګوري.
- زده کوونکی باید پازوال یا د هغه استازی ته خپله بټوه، د کتابونو کڅوړه، د جیم کڅوړه، یا نور هغه توکي ورکړي چې د شخصي توکو د وړلو لپاره کارول کیږي. اداره کوونکي یا د هغه استازی باید توکی چیک یا وګوري.
- اداره کوونکي، یا استازی، باید نامناسب توکي په نښه کړي او باید له زده کوونکي څخه د موندل شوي توکو په اړه مناسبې پوښتنې وکړي.
- زده کوونکی باید خپل شخصی لاکر، موټر، ګرځنده تلیفون، یا نورو بریښنایی وسایلو ته لاسرسی ورکړي کله چی ورڅخه غوښتنه وشی. هغه ملکیت باید یوازې تر هغه اندازی وپلټل شي چې د منع شوي یا غیرقانوني توکي، موادو، یا ارتباطاتو موندلو لپاره په معقول ډول محاسبه شوي اوسی.
- اداره کوونکي، یا استازی باید د زده کوونکي څخه د هر یو اخیستل شوي توکي لپاره د "ملکیت ضبط، لیږد، او اختصاص ریکارډ" فورمه ډکه کړي ( I ضمیمه وګورئ).
- په هغو مواردو یا حالاتو کې کله چې په زده کوونکی باندي د وسلو یا نشه یی توکو د درلودلو شک وي، او پورته بیان شوي طرزالعملونو شکمن توکي نه وی په ډاګه کړي، یا که زده کوونکي د تلاشی کیدو څخه انکار کوي، د پلټنی لپاره د خپل ملکیت سپارلو څخه انکار کوي، یا لاکر یا موټر ته د لاسرسي ورکولو څخه انکار کوي، کارکوونکی باید د مرستی لپاره خپل د ښوونځی سرچینی افسر یا پولیسو سره اړینکه ټینګه کړي. د ښوونځی د سرچینی افسر یا پولیس به د لارښوونو، پروتوکولونو، او د پرنس ویلیم کاونټي پولیسو څانګې لخوا د ورکړل شوي روزنې سره په مطابقت پلټنه ترسره کړي. که چیرې SRO شتون ونلري او د لومړني ښوونځي د ټولنې د خوندیتوب افسر (CSO) د ښوونځي په ساحه کې شتون ولري، د CSO سره ممکن اړیکه ونیول شي ترڅو د خپلی روزنې سره سم پلټنه ترسره کړي.
- هر دول توکی چی د کس څخه موندل کیږي چې د ښوونځي بورډ په ملکیت کې منع وي، که څه هم دغه توکی ممکن د وسلو د کشف کوونکي آلی د روښانه کولو توان هم نه وي درلودلی، دغه توکی باید ضبط شي، مستند شي، او، که ورکول کیږي، باید په سمه توګه د مدیریت لپاره اړوند قانون پلي کوونکو پرسونل یا نورو مناسبو کسانو ته وسپارل شي. د ښوونځي پرسونل چې دا مقررات پلي کوي باید هر هغه توکي ضبط کړي چې د ښوونځي بورډ ملکیت کې منع شوي وي او هغه توکي ممکن په هر ډول انضباطي اوریدنو یا نورو اداري یا جنایی بهیر یا عمل کې د منلو وړ وي. هر هغه څوک چې د ښوونځي د بورډ له پالیسیو او PWCS مقرراتو څخه سرغړونه کوي باید د "چلند کوډ" په شمول د ښوونځي د بورډ د پالیسیو او PWCS مقرراتو سره په مطابقت ډسپلین شي.
عملیاتي مشر افسر (یا استازی) د دې پالیسۍ د پلي کولو او ورڅخه د نظارت کولو مسؤلیت په غاړه لري.
دا مقرره او اړونده پالیسي باید لږ تر لږه په هرو پنځو کلونو کې بیاځلی وکتل شي او د اړتیا په صورت کې پکی بدلون رامنځ ته شي.