Prince William County Public Schools

زده کوونکي

مقرره 1-775

وسلې او نور منع شوي توکی
 

1. هغه قوانین چی وسلی او نور توکي اداره کوي کوم چی د پرنس ویلیم کاونټي عامه ښوونځیو (PWCS) لخوا منع شوي دي، په دې مقرره کې په ډاګه شوي دي او د PWCS په " چلند کوډ" کې لنډیز شوي دي.
   
   پرته د ځاي په پام کی نیولو چیرته چی دا کار تر سره کیږي، د ښوونځي په ملکیت کی یا د ښوونځي فعالیتونو کې د زده کوونکو، کارکوونکو او نورو اشخاصو خوندیتوب او د هوساینې ډاډ رامنځ ته کولو په موخه او د ښوونځي ملکیت خوندي کولو په موخه، وسلو او نور منع شوي توکو ته د ښوونځي په ملکیت کی، د ښوونځي په بسونو کې، یا ښوونځی ته د تګ راتګ په حال کی، یا د ښوونځي اړوند فعالیت کې اجازه نه ورکول کیږي. هر هغه ودانی چې د ښوونځي بورډ ملکیت وي یا لخوا اجاره شوی وي یا هرموټر چې د ښوونځی بورډ ملکیت وي، لخوا کرایه شوي وي یا د ښوونځي بورډ لخوا یا په استازیتوب کاروول کیږي، د ښوونځی ملکیت په معنی دۍ. زده کوونکي ممکن د هغه وسلو سرغړونو لپاره هم د انضباطي اقدام تابع شی کوم چې د ښوونځي له ساحی څخه بهر ر امنځ ته کیږي او که چیرته جرم د ښوونځي په چارو کی د خنډ پایله لري یا ممکن پایله ولري، که جرم په ښوونځي کې پلان شوی وي یا که د ښوونځي په فعالیتونو کې، که جرم په داسی وخت کی تر سره کیږی چې زده کوونکی د والدینو پرځای د ښوونځي تر واک لاندې وي، که چیرته جرم د زده کوونکو، کارکوونکو یا د ښوونځي ملکیت خوندیتوب او هوساینه ګواښوي، یا که جرم په بل ډول ښوونځي سره تړلی وي. زده کوونکي ممکن د دې جرمونو د قضاوت لپاره د انضباطي اقدام سره مخ شي لکه څرنګ چې په 1-168 مقرره، "غیر دودیز تعلیمي پروګرامونه" کې تشریح شوي دي.
    
2. د وسلو او منع شوي توکو بیلګۍ
   
   په وسلو او نورو منع شوي توکو کی شامل دي، هر هغه ډول وسلې، ی د وسلو ورته توکی، بمونه، د بمونو ورته توکی، یا هغه څیزونه چې د نورو خلکو ګواښولو یا تهدیدولو، یا زیان رسولو، یا د ښوونځي ملکیت ویجاړولو یا د ویجاړولو ګواښ کولو لپاره کارول کیږي. د هر ډول ګټه اخیستلو وړ یا غیر ګټه اخیستلو وړ وسلی لرل، کارول، ترلاسه کول یا د تر لاسه کولو حڅه کول، پلورل یا د پلورولو هڅه کول، توزیع کول یا د توزیع کولو هڅه کول په ښکاره توګه منع ده. په توزیع کې د منع شوي وسلو یا توکو وړل، لیږدول، حرڅول، تبادله کول، معامله کول، یا د ډالۍ په توګه ورکول شامل دي. د دې مقرری تر لاندې نور منع شوي توکو کی هغه څیزونه شامل دي چې د وسلې په توګه کارول کیږي یا د وسلې په توګه یی د کارول کیدو هڅه کیږي، یا کوم چې په معقول ډول د وسلو په توګه پیژندل کیږي، لکه د لوبو ټوپک، د لوبو چاقوان، پنسلی، په لاس جوړ شوي چاقوان، د بیس بال بیټ، سامانونه یا توکی، کینچی، د تړلو بیلټونه، او نور وغیره. د وسلو او منع شوي توکو بیلګیو کی شامل دي، مګر محدود نه دي، بادی ټوپکونه؛ د باد یا ګازو په مرسته کاریدونکی وسلی؛ هر ډول ډیسک/کیسټ، چی په هر ډول ترتیب سره وي، لږ تر لږه چی دوه بلیډونه یا ټکي تیغونه ولري چې د غورځولو یا چلولو لپاره جوړ شوۍ وي او کیدای شي د غورځونکي ستوري یا په نښه ویشتونکی غشی په توګه پیژندل کیږي؛ هر ډول وسله چې د فدرال قانون له مخې د ملکی کسانو لپاره منع ده؛ هر هغه تاویدونکی څیز چې دوه یا ډیرې سختې برخې لري او په داسې ډول وصل شوي ترڅو په آزاد ډول چورلیږي. هر ډول اتومات وسله؛ هر ډول ورته وسله لکه څنګه چې په دې مقرره کې شمیرل شوي؛ بالستیک چاقو؛ د بیس بال لوبی بیټونه؛ چره ییز ټوپکی؛ د کمربند بکسونه؛ د بایسکل ځنځیر؛ چابک، بمونه؛ خنجر چاقو؛ د مهماتو کارتوسونه (مرمۍ سر، پوچک/مرمی بیخ، مرمی مواد، مرمی سوزنک، مرمی پریمر)؛ لاسی جوړ شوي چاقوان؛ نښه ویشتونکی غشی او نور ویشتونکی توکی چی نښی او تیغونه ولري؛ ویجاړونکي وسایل(چاودیدونکی توکی)؛ څوکه لرونکی چاقوان؛ د سپي زنځیرونه، چاودیدونکي توکي؛ چاودیدونکي ګاز؛ د جګړې زنځیرونه؛ ویشتونکی بمونه ، مرمی ویشتونکی وسلی (هر ډول وسله، په شمول د چرخی تفنګچه چې د سوځیدونکي موادو یا د داسې یوې وسلې چوکاټ یا رسیدونکي د چاودنې په عمل کې یو واحد یا څو توغندي په توګه جوړ شوۍ یا ورته په اسانۍ سره بدلیدلی شي)؛ د وسلو غږ ورکوونکی؛ د وسلو سلنسر؛ اتش بازی، لاسی بمونه ذهرجن ګاز؛ چاقوان، تیره غشی، تیره چړی، بوکس پنجه؛ ماینونه یا نور ورته آلی؛ هغه توغندي چې چاودیدونکي یا اور لګونکي چارج لري له یو پر څلورمه اونس څخه زیات؛ غیر ګاڼې زنځیرونه؛ د کړاټی نانچک؛ پنسل؛ ذهرجن سپری او نور کیمیاوي توکی؛ توتفنګچی؛ بادی ټوپکونه (هر هغه د تطبیق وړ، جوړ شوي آلی چې د ټوپک په شکل جوړ شوي دي کوم چی د بادي فشار په واسطه یا چره ییزی مرمی لرې؛ د پینټبال ټوپک شامل دي چې د بادی فشار پلاستيکي بالونو په واسطه د بادی فشار د عمل په واسطه له مینځه وړل کیږي چې د اغیزې نقطه نښه کولو لپاره د رنګ څخه ډک شوي. ); د جیب چاقو، زهرجن ګاز؛ پل یا تیره بلیډ، تیغونه؛ ريوالور راکټونه چې د څلورو اونس څخه زیات پروپیلنټ چارج لري؛ د خړوب شوي ټوپک؛ د خړوب شوي چره ییز ټوپک؛ کینچی تیره برندي; غولک; د پسرلي لرګي سټارټر ټوپک؛ سپکې وسلې؛ د سویچ بلیډ چاقو؛ ټیزر، اوښکې بهونکی ګاز؛ د لوبو ټوپک؛ د لوبو چاقو؛ د کارونې وسایل؛ او د بټوې زنځیرونه. په ځینو حاالتو کې، ممکن دلته دا پوښتنه شتون ولري چی آیا یو توکی د دې مقرراتو لخوا پوښل شوی دی او که څرنګ.
   
   په ځینو حالاتو کې، ممکن د دې په اړه پوښتنه ولاړه شي چې آیا یو توکی په دی مقرره کی ذکر شوۍ او که څرنګ. کله چې دا پریکړه تر سره کیږي چی آیا دغه توکی د دغی مقرری څخه سرغړونه کوی او که څرنګ، د توکی ډول، د هغې موخه او دا چی څرنګ کارول شوۍ وو یا د څرنګ کارول کیدو نیت یی درلود، باید په پام کې ونیول شي.
    
3. د مرمی ویشتونکی وسلو سرغړونو لپاره اجباري اخراج
   
   د امریکا ښوونځیو ته د ودی ورکولو په موخه، د فدرال د کال 1994 قانون، ( د 1994 د وسلو څخه پاک ښوونځی، F - برخی قانون) سره په مطابقت، هر هغه زده کوونکی چی د ویرجینیا کوډ 277.07-22.1 § کی په ډاګه شوي کړنلارو سره سم، د ښوونځي په ملکیت کی یا د ښوونځي لخوا تمویل شوي فعالیت کې مرمی ویشتونکی سلا ولري کوم چې د ویرجینیا کوډ 308.1- 18.2§لخوا منع شوي دی؛ یا د ویرجینیا کوډ 308.1-18.2§ کې د تعریف شوي فرعي مادې E پر اساس مرمی ویشتونکی سلا یا ویجاړونکي وسیله ولري؛ یا د ښوونځي په ملکیت کی یا د ښوونځي لخوا تمویل شوي فعالیت کې د مرمی ویشتونکی سلا مفلر یا د مرمی ویشتونکی سلا سلنسر، یا بادی ټوپک ولری لکه څنګه چې د ویرجینیا کوډ 915.4-15.2§ فرعي مادې E کې تعریف شوي دي، د ښوونځي بورډ باید هغه زده کوونکی د ښوونځي د حاضري څخه خارج کړي چی د یو کال څخه کم نه وي. په هرصورت، د ښوونځي پازوال څوک چی د ښوونځي بورډ پالیسي تعقیبوي، یا د ښوونځي بورډ ممکن د یو ځانګړي حالت د حقایقو پراساس دا په ډاګه کړي چې ځانګړي شرایط شتون لري او هیڅ ډول انضباطي اقدام یا کوم بل انضباطي اقدام یا د اخراج کومه بله بڼه مناسبه نه ده. ځانګړي شرایطو کی شامل دی مګر د هغه فکتورونو پوری محدود نه دي کوم چی د ویرجینیا کوډ 277.06-22.1 § په C برخه کې په ډاګه شوي دي. برسېره پر دې، د ښوونځي بورډ د مقرراتو له مخې کولی شي، د ډیویژن سرپرست (سوپرنټنډنټ) (یا استازی) ته واک ورکړي چې د داسې قضیو بنسټیزه کتنه ترسره کړي ترڅو دا معلومه کړي چې آیا د اخراج پرته بل انضباطي اقدام مناسب دی او که څرنګ. دا ډول مقررات باید ډاډ رامنځ ته کړي چی، که چیرته دا مشخص شي چې کوم بل ډول انضباطي اقدام مناسب دی، نو دا ډول کوم تعقیبي انضباطي اقدام باید د کړنلارو سره په مطابقت تر سره شي کوم چی د ویرجینیا کوډ 277.07-22.1§ کې په ‌ډاګه شوي دي. د ځانګړي وضعیت د حقایقو په پام کی نیولو پرته د ویرجینیا په کوډ 277.07-22.1§ کې هیڅ څیز باید د زده کوونکي اخراج لپاره تفسیر نه شي. 
    
4. د نورو وسلو/ منع شوي توکو لپاره اخراج
   
   په دې مقرراتو کې په ‌ګوته شوي وسلو او د منع شوي توکو لیست د کوم لپاره چې یو زده کوونکی ایستل کیدی شي، د هغه وسلو لیست څخه پراخه دی چې قانون یې د اخراج کولو امر کوي، او کوم چې د دې مقرراتو په ضمیمه کې په ډاګه شوۍ دي. حتی که یو سلا د وسلو په ټولګي کې هم نه حسابیږي، د کوم لپاره چې قانون اخراجولو ته اړتیا لري، د 1-745 مقرری "اوږد مهاله تعلیق یا د زده کوونکو اخراجول" تر لاندې، د هر ډول سلا یا منع شوي توکو د لرلو، کارولو، ترلاسه کولو یا د تر لاسه کولو حڅه کولو، پلورلو یا د پلورولو هڅه کولو، توزیع کولو یا د توزیع کولو هڅه کولو لپاره باید د زده کوونکو د اخراج یا شړلو سپارښتنه وشي، پرته له دې که چیرته د سپرنټنډنټ استازی (د مناسب لیول ایسوسی ایټ سوپرنټنډنټ سره یو ځای مدیر، د زده کوونکو د مدیریت او بدیل پروګرامونو مشر (OSMAP)، یا د OSMAP اوریدونی افسر) دا ومومی چې ځانګړي شرایط د لږ یا هیڅ انضباطي اقدام توجیه نه کوي.
    
5. د وسلو او منع شوي توکو د راپور ورکولو مسٔولیت
   
   د PWCS ټول کارکوونکی او زده کوونکي اړ دي چې د ښوونځی مدیر، د مدیر مرستیال او د ټولنېزو سرچینې افسر، امنیتي پرسونل، ښوونکی، یا د ښوونځي کوم بل کارکوونکی ته زر تر زره خبر ورکړي که چیرته دوی په دې باور وي چی په ښوونځي کې، د ښوونځي په ملکیت کې، د ښوونځي بسونو کې، د بس تمځایونو کې، ښوونځي ته د تګ یا راتګ په لاره کې، یا د ښوونځي اړوند چارو کی ممنوع توکي یا اړونده توکي شتون لري یا احتمال یی موجود وي. هغه زده کوونکي چې د منع شوي توکو یا اړوندو څیزونو شتون یا اټکل شوي شتون په اړه معلومات لري او په راپور ورکولو کې یی پاتې راشي ممکن پخپله د انضباطي اقدام سره مخ شی. مدیر یا د مدیر استازی باید اړونده چاروکی حاضر کړي تر څو د ښوونځي څانګې پالیسۍ په چوکاټ کی سمدستي اقدام تر سره کړي ترڅو د زده کوونکو او د کار کوونکو د امنیت او هوساینی ډاد رامنځ ته شي. د ښوونځي څانګې او د سیمه ییزه پولیسو څانګی سرچینې باید په دې چارو کې د مدیر سره د مرستی کولو لپاره شتون ولري.
    
6. د وسلو سرغړونو پایلې
   
   هر هغه زده کوونکی چې د وسلو یا نورو منع شوي توکو په سرغړونو تورن وي، باید د ښوونځي له مدیر یا د مدیر مرستیال سره غیر رسمي خبری اتری وکړي. د خبرو اترو او د لیول ایسوسی ایټ سپرانټینډنټ سره د بیاځلی کتلو یا خبرو وروسته، د شړلو/ اخراجولو یا د انضباطی عمل تر سره کولو لپاره باید سپارښتنه وشي، په کوم حالت کې چی باید په 1-745 مقرره "اوږد مهاله تعلیق یا د زده کوونکو اخراجول، او مقرره 1-747" د زده کوونکو مدیریت او بدیل پروګرامو څانګه کی په ډاګه شوي تګلاری تعقیب شي، څرنګ چی مناسب وي.
    

د ځانګړي تعلیم او د زده کوونکو خدماتو لپاره ایسوسی ایټ سپرانټنډنټ (یا استازی) د دې پالیسۍ پلي کولو او ورڅخه د نظارت کولو مسؤلیت په غاړه لري.

دا مقرره او اړونده پالیسي باید لږ تر لږه په هرو پنځو کلونو کې بیاځلی وکتل شي او د اړتیا په صورت کې پکی بدلون رامنځ ته شي.

نوری خوالی