Prince William County Public Schools

تدریس

ضابطہ 1-661

جانچ اور گریڈنگ کے طریقے - ایلیمنٹری

(یہ ضابطہ تعلیمی سال برائے 2018-19 کے لیے قابل اطلاق ہو گا)

تمام طلباء کی کامیابی کو بڑھانے کے لیے پرنس ولیئم کاؤنٹی پبلک سکولز (PWCS) تحقیق کی بنیاد پر منبی جانچ، رائے، گریڈنگ، اور رپورٹنگ کے استعمال میں بہتری جاری رکھنے کے لیے پرعزم ہے۔

1. جانچ کے طریقے
   
   1. تعلیمی جانچ کے طریقے PWCS نصاب کے طالبعلم/طالبہ کی تدریس کے ثبوت اور مخصوص مقصد کے لیے ریاست کے معیارات حاصل کرنے کے طریقے ہیں، بشمول درج ذیل:
      
      1. ایک طالبعلم/طالبہ کی موجودہ عمل یا مہارت کی پہلے سے جانچ یا تشخیص؛
         
      2. نئی تدریس کی سمجھ کا جائزہ لینا؛
         
      3. طالبعلم/طالبہ کی تدریس کو بڑھانے کے لیے رائے دینا؛ اور
         
      4. ایک مخصوص شعبے میں طالبعلم/طالبہ کی کارکردگی کا تجزیہ کرنا۔
         
   2. استاد/استانی کسی تعلیمی جانچ کو دینے کے مقصد کو واضح انداز میں بیان کریں گے اور طالبعلم/طالبہ کو سمجھائیں گے۔
      
   3. پیشہ ورانہ ماہرین تعلیم اور تعلیمی رہنما اس بات کو یقینی بنائیں گے کہ یہ جانچیں تدریس کی درکار نتائج سے ہم آہنگ ہوں۔
      
   4. پیشہ ورانہ ماہرین تعلیم تدریسی مقاصد میں کو اپنے اسباق کے لیے اس طرح بنائیں گے جو طالبعلم/طالبہ کی تدریس کی جانچ میں استعمال ہونے والی شرائط اور معیار اصول کی شناخت کریں۔
      
   5. پیشہ ورانہ ماہرین تعلیم طلباء کے ساتھ دوستی کے ماحول میں واضح انداز میں مطلوبہ تدریسی نتائج کی وضاحت کرین گے اور یہ کہ کیسے ان کی کارکردگی کی پیمائش کی جائے گی۔
      
   6. پیشہ ورانہ ماہرین تعلیم اور تعلیمی رہنما اس بات کو یقینی بنائیں گے کہ ڈویژن کی سطح پر پر استعمال ہونے والی جانچ ان کے مطلوبہ مقصد کی پیمائش کے لیے کافی ثبوت فراہم کرے۔
      
   7. اکثر و بیشتر دی جانے والی فارمیٹیو [تشکیلی] جانچیں طلباء کو علم اور مہارت تعمیر کرنے کے مواقع کی مشق فراہم کرنے کے لیے استعمال کی جائیں گی۔
      
   8. سمیٹیو [مجموعی] جانچ تب استعمال کی جائے گی جب طلباء کے پاس فارمیٹیو جانچ کے ذریعے اپنی تیاری دکھانے کی کافی مواقع موجود ہوں گے۔
      
   9. طالبعلم/طالبہ کی تدریس کو بڑھانے کے لیے جانچ پر رائے کا اظہار مقررہ وقت کے اندر دیا جائے گا چاہے اسے گریڈ دیئے گئے ہوں یا نہیں۔
      
   10. سٹاف اس بات کی تسلی کرے گا کہ تدریس کا وقت جانچ کی پیمائش کے لیے فالتو وقت میں ضائع نہ ہو۔
       
   11. جانچ کی گریڈنگ اس ضابطے میں استعمال ہونے والے طریقوں کے مطابق کی جائے گی۔
       
2. گریڈنگ کے طریقے
   
   1. گریڈ کیے گئے اسباق PWCS نصاب اور ریاست کے معیارات کے مطابق ہوں گے، اور طالبعلم/طالبہ کی تدریس کی معاونت کریں گے۔
      
   2. تعلیمی کامیابی کے گریڈوں میں طالبعلم/طالبہ کے طرز عمل کی پیمائش شامل نہیں ہو گی۔
      
   3. گریڈ کی جانچ کی اقسام: پیشہ ورانہ ماہرین تعلیم کو ترغیب دی جاتی ہے کہ وہ مطلوبہ تدریسی اہداف پر مہارت حاصل کے تعین کے لیے مختلف قسم کے ثبوت استعمال کریں۔ ثبوت میں درج ذیل شامل ہیں مگر ان تک محدود نہیں، مشاہدات، لیب مضامین، یونٹ کی جانچ، آرٹ ورک، کارکردگی، مسائل کے حل پر مبنی تدریس، ملٹی میڈین پروڈکشن، پری زینٹیشن، کوئز اور ٹیسٹ، اور مجموعی سرگرمیاں یا پروجیکٹ۔
      
   4. روبرک سکورنگ: اساتذہ کو ترغیب دی جاتی ہے کہ وہ مارک/سکور دیتے وقت روبرک استعمال کریں جو اس ضابطے کے منسلکہ I یا II میں "گریڈ سکیل" یا "سادہ ترین گریڈ سکیل" کے مطابق ہیں۔
      
   5. گریڈ بک میں اسائنمنٹس کے عنوانات: درجات سیکھنے کے مقاصد اور معیارات کے ذریعے ریکارڈ کیے جائیں گے، قسم/زمرہ کی وضاحت کے بجائے وضاحتی عنوانات کا استعمال کرتے ہوئے (جیسے، ہوم ورک 1، کوئز #2، باب 4 ٹیسٹ، یا کلاس میں شرکت)۔
      
   6. گریڈ کی گئی اسائنمنٹس کی تعداد: اساتذہ اس بات کا تعین کرنے کے لیے پیشہ ورانہ فیصلہ کرنا فیصلہ کا استعمال کریں گے کہ ایک معیار (معیارات) پر طالبعلم/طالبہ کو جانچنے کے لیے کتنے ثبوت کافی ہوں گے۔ طالبعلم/طالبہ کی کارکردگی کے جائزے کے لیے کافی ثبوت کو یقینی بنانے کے لیے، ایک گریڈنگ پیریڈ میں کم از کم نو اسائنمنٹس دی جائیں گی۔ مارکنگ پیریڈ کے لیے ایک واحد مجموعی جانچ 20 فیصد سے زیادہ شمار نہیں کی جائے گی۔
      
   7. گروپ گریڈنگ؛ باہمی تدریس سیکھنے کے لیے ایک مؤثر حکمت عملی ہو سکتی ہے۔ طلباء کو گروپ اسائنمنٹس میں ان کی شرکت کے لحاظ سے جانچا جائے گا جب ان کے متنوقع کردار اور اسائنمنٹس کو واضح انداز میں بیان کیا ہو۔
      
   8. فارمیٹیو اور سمیٹیو جانچوں کی ویٹنگ [قدر]: گریڈنگ کے زمروں اور/یا ویٹس کو گریڈ بک پروگرام میں الیکٹرانک طریقے سے استعمال کیا جا سکتا ہے تاکہ فارمیٹیو کو سمیٹیو جانچ سے الگ کیا جا سکے۔
      
      1. گریڈ لیول ٹیمیں فارمیٹیو اور سمیٹیو کاموں کو ویٹ دینے سے متعلق ویٹنگ فیصلوں کے بارے میں مل کر کام کریں گی۔
         
      2. گریڈ لیول کے طریقوں کے بارے میں طلباء اور والدین کو تحریری طور پر وقت سے پہلے مطلع کیا جائے گا۔
         
   9. زمرے اور ویٹس [قدریں]: پیمائش میں ممکنہ غلطی کی وجہ سے، فارمیٹیو اور سمیٹیو جانچ کی شناخت کے علاوہ کسی اور مقاصد کے لیے زمروں اور ویٹس کو استعمال کرنے کی حوصلہ شکنی کی جاتی ہے۔
      
      1. تاہم، ایک استاد/استانی اپنی پڑھانے کے طریقوں کے بارے میں بتانے کے لیے گروہی اسائنمنٹس کی اقسام میں اسے مددگار پا سکتے ہیں۔ اس مقصد کے لیے غیر ویٹڈ زمرے قائم کرنا قابل قبول ہے۔
         
      2. جب بھی استاد/استانی گریڈنگ زمروں کو استعمال کرنے کا فیصلہ کریں گے اور ان زمروں کو ویٹ دیں گے، انہیں لازمی طور پر تعلیمی سال کے آغاز میں طلباء اور والدین کو زمروں کے اس نظم کے بارے میں بتانا ہو گا اور تعلیمی سال کے لیے تمام مابعد ماکنگ پیریڈ کے لیے اس نظام کے متواتر استعمال کو برقرار رکھیں گے۔
         
   10. انفرادی اسائنمنٹس کو ویٹ دینا: پیمائش میں خلل اور غلطیوں سے بچاؤ کے لیے، اگر ایک استاد/استانی نے الیکٹرانک گریڈ بک میں زمروں کو ویٹ یا قدر دینے کا طریقہ قائم کیا ہے تو انہیں انفرادی اسائنمنٹس کو ویٹ دینے کی اجازت نہیں ہو گی۔
       
   11. متعدد مواقع: تحقیق ظاہر کرتی ہے کہ جانچ اور گریڈنگ مؤثر طریقے سے تدریس کو مسلسل بڑھا سکتی ہے جب طلباء تفصیلی رائے وصول کریں اور انہیں دوسرا موقع فراہم کیا جائے۔ ایسے طریقے مشکل کام کا مقابلہ کرنے میں طالبعلم/طالبہ کا حوصلہ اور استقامت بڑھاتے ہیں۔ طلباء کو جانچوں پر دوسری کوشش کرنے سے پہلے تدریس کے نئے مواقع فراہم کنے سے بہت امید ہے کہ طلباء کی تدریس پہلے سے بڑھ جائے گی جب وہ دوبارہ ٹیسٹ لیں گے۔
       
       1. پہلے طریقے پر غور کرنے اور ان کے علم اور مہارتوں کی دوبارہ جانچ کی اضافی تیاری پر غور کرنے کے بعد، تمام طلباء اپنی مہارتوں کے لیول کو دوبارہ جانچنے کے موقع سے فائدہ حاصل کرتے ہیں۔
          
       2. گریڈ لیول ٹیموں کو، سٹاف کی پیشہ ورانہ فیصلہ کرنا فیصلہ کو استعمال کرتے ہوئے دوبارہ جانچ کے ان مواقعوں پر لازمی تعاون کرنا چاہیے جو وہ طلباء کو فراہم کریں گے۔
          
       3. سکول گریڈ لیول ٹیموں کو باہمی تعاون سے دوبارہ جانچ کی مناسب حتمی تاریخیں طے کرنی چاہیں۔
          
   12. گریڈ میں داخلہ: اسائنمنٹس پر دیے گئے پرانے گریڈ پر تدریس کے پہلے ثبوت کو استثنا قرار دیا جا سکتا ہے یا سے نئے ثبوت سے تبدیل کیا جا سکتا ہے جب طالبعلم/طالبہ کارکردگی میں بہتری کا مظاہرہ کرے جو استاد/استانی کے پیشہ ورانہ فیصلہ کرنا کے مطابق ہو گا۔
       
   13. کام دیر سے جمع کرانا اور چھوٹی ہوئی اسائنمنٹس: دیر سے کیے گئے کام اور چھوٹی ہوئی اسائنمنٹس کو معیار (معیارات) پر طالبعلم/طالبہ کی کارکردگی کے دستاویز میں درج کرنے کے لیے قبول کیا جائے گا۔ استاد/استانی کی ٹیم تعلیمی رہنماؤں کے ساتھ مل کر کام کرے گی تاکہ دیر سے کیے گئے کام کو جمع کرانے کے لیے مناسب رہنما اصول قائم کیے جا سکیں اور چھوٹی ہوئی اسائنمنٹس کو مکمل کرنے کی حوصلہ افزائی کی جائے۔ اساتذہ والدین کو دیر سے کام جمع کرانے کے پیٹرن کے بارے میں رپورٹ دیں گے۔
       
3. رپورٹنگ گریڈ
   
   1. گریڈنگ والے کام جلد از جلد لوٹائے جائیں گے تاکہ وقت پر دی گئی رائے کے اثر کو بڑھایا جا سکے جو طالبعلم/طالبہ کی تدریس پر بہتر بناتا ہے۔
      
   2. گریڈ کو ڈویژن کی رپورٹنگ سسٹم کو استعمال کرتے ہوئے ہفتے میں کم از کم ایک مرتبہ اپ ڈیٹ کیا جائے گا۔
      
   3. کنڈرگارٹن، پہلے گریڈ، اور دوسرے گریڈ کے لازمی مضامین؛ اور ہیلتھ/فزیکل ایجوکیشن اور آرٹ کے لیے کنڈرگارٹن تا گریڈ پانچ کے تمام طلباء کے لیے استعمال ہونے والا رپورٹ کارڈ گریڈنگ کا پیمانہ اس ضابطہ کے منسلکہ I میں موجود ہے۔
      
   4. تیسرے، چوتھے، اور پانچویں گریڈ کے لازمی مضامین میں استعمال ہونے والا رپورٹ کارڈ گریڈنگ کا پیمانہ اس ضابطہ کے منسلکہ II میں موجود ہے۔
      
   5. حروف والے گریڈ کے ساتھ ساتھ، عبوری مدت اور رپورٹ کارڈ میں طالبعلم/طالبہ کی کارکردگی بشمول کام کی عادات اور طرز عمل کے بارے میں اضافی معلومات بھی شامل ہوں گی۔
      
   6. سال کے اختتام کا گریڈ چار نو-ہفتوں کے گریڈنگ پیریڈ اور کل نمبر کو چار (گریڈنگ کی تعداد) پر تقسیم کرنے کے بعد پوائنٹ ویلیو کو اکٹھا کرنے سے حاصل ہو گا۔ اوسط گریڈ پوائنٹس کو حتمی لیٹر گریڈ میں تبدیل کرنے کے لیے منسلکہ II استعمال کریں۔
      
   7. اس بات کو یقینی بنانے کے لیے کہ حتمی گریڈ طالبعلم/طالبہ کی کامیابی اور ترقی کے درجے کو ظاہر کرے، استاد/استانی حتمی سالانہ گریڈ میں تبدیلی کر سکتے ہیں اگر اس وقت کے دوران طالبعلم/طالبہ کی کارکردگی اور بہتری کے بارے میں استاد/استانی کی جانچ غلط طریقے سے درج کی گئی ہے۔
      

ایسوسی ایٹ سپرنٹنڈنٹ برائے سٹوڈنٹ لرننگ اینڈ اکاؤنٹبلٹی (یا نامزد شخص) اس ضابطے کے نفاذ اور نگرانی کے لئے ذمہ دار ہے۔

اس ضابطے اور متعلقہ پالیسیوں کا کم از کم پانچ سالوں میں جائزہ لیا جائے گا اور ضرورت کے مطابق دہرایا جائے گا۔

منسلکہ I کے PDF ورژن کے لیے یہاں کلک کریں

منسلکہ II کے PDF ورژن کے لیے یہاں کلک کریں