مونږ په دی پوهیږو چې کله کله والدین په بی فکری سره په چیکنګ حساب کی د موجوده پیسو څخه زیاتی پیسی راباسی او ممکن ستاسو د بانک لخوا د پیسو چیک بیرته راستون شي. که چیرته د پیسو چک د بانک لخوا بیرته راستون شی، نو د پیسو چک په اندازه پیسی به د زده کوونکی له حساب څخه لیرې کړل شی - په احتمالی توګه د زده کوونکی په حساب کی د منفی پیسو لرلو پایله لري. د بیرته راستون شوی چک پروسس کولو لپاره به د پرنس ویلیم کاونټی عامه ښوونځیو لخوا هیڅ ډول فیس نه اخیستل کیږی. مونږ به د دغه ډول حالتونو په شخصی او مسلکی توګه سنمبالولو لپاره هره هڅه وکړو.
PWCS د زده کوونکو د خواړو پیسی ورکولو لپاره یو شمیر لاری وړاندې کوي.
وړیا او د ټیټ لګښت خواړه
- د ټولنې د وړوالی پروګرام د یوې برخې په توګه، د 25-2024 ښوونیز کال په بهیر کې به په 68 ښوونځیو کې ټول زده کوونکي د سهار او د غرمی وړیا خواړه ترلاسه کوي.
- د زده کوونکو کورنۍ څوک چې په هغه ښوونځیو کې دی چی د ټولنې د وړوالی لرلو په پروګرام کې نه دي شامل، کولی شي چی د وړیا او کم قیمت ښوونځي خواړه ترلاسه کولو لپاره په آنلاین ډول غوښتنه وکړي.
د خواړو لپاره پیسی ورکول
- زده کوونکی کولئ شي چی ښوونخی ته د پیسو چیک راوړی تر څو د هغوي په حساب کی اضافه کړل شي. د پیسو چکونه باید د کیفیټیریا اداره کوونکی ته ورکړل شي او د "پرنس ویلیم کاونټي عامه ښوونځي د خواړو او تغذیې څانګې" په نامه جوړ کړل شی.
- والدین / سرپرستان کولئ شي چی د MySchoolBucks.com ویب پاڼی په کارولو سره د ډیبټ کارتونو یا کریډیټ کارتونو لا لاری د خپلو ماشومانو په حساب کی فنډ یا پیسی اضافه کړي.
- زده کوونکی کولئ شي چی هره ورځ نغدي پیسی ورکړي.