د ګرځنده ټلیفون او د بیسیم مخابراتی وسیلی کارولو تګلاری

د ګرځنده ټلیفونونو او نورو شخصي بې سیم مخابراتي وسیلو (پشمول د ساعتونو، ګوشکیانو، او د اغوستلو وړ نورو ټیکنالوژیو، مګر دغو پوری محدود نه دي،) لپاره د تګلارو په رامینځته کولو سره لاندې ذکر شوی تګلاری د زده کوونکو لپاره خوندي او د عمر مطابق مناسب چاپیریال رامینځته کوي. زده کوونکی باید دا لارښوونې تعقیب کړی کله چې د ښوونځی په ملکیت کې، د ښوونځی بسونو کی، یا د ځاي په پام کی نیولو پرته د ښوونځی لخوا سپانسر شوي پیښو/پروګرامونو کې شتون ولري.

د اړتیا په صورت کی د 504 برخې پلانونو یا IEPs له لارې د معلولیت اسانتیاوو په توګه د دی تګلارو څخه استثنا هم ورکول کیدی شی ترڅو ښوونځی ته او د ښوونځی لخوا سپانسر شوي فعالیتونو ته د زده کوونکی د لاسرسی لرلو ډاډ رامنځ ته شي. د زده کوونکی د روغتیا، خوندیتوب، یا د ملاتړ نورو پلانونو برخو په توګه هم استثناوې ورکړل کیدی شی.

لارښودنې/تګلاری

د وړکتون څخه تر 8 ټولګی پوری زده کوونکو لپاره

د شخصی بېسیم مخابراتی وسیلو دننه ټول کارونه/فنکشنونه باید د ښوونځی ورځی په بهیر کې خاموش وي او باید لیری کیښودل شي.
دوه موخه ییزه لاسی ساعتونه په ښوونځی کې اغوستل کیدی شی، مګر د ښوونځی ورځی په بهیر کې یی باید د بېسیم/سیلولر یا ټلیفونی ځانګړتیاوی ګل یا بند وي (د بیلګې په توګه ، باید د پرواز په څیر (ایروپلین موډ) حالت کې وساتل شی).
ګرځنده ټلیفونونه او بیسیمه مخابراتي وسیلې د ښوونځي په بسونو کې کارول کیدی شي، په دې شرط چې دغه وسیلی د موټر چلوونکی پام ګډوډ نکړي، خوندیتوب د ګواښ سره مخ نه کړي، یا د منع شوی محتوي او د ټولو زده کوونکو لپاره د لاندې تشریح شوي احکامو څخه سرغړونه ونه کړي.

9 څخه تر 12 ټولګۍ پوری زده کوونکو لپاره

د ګوشکیانو په شمول شخصی بېسیم مخابراتی وسیلې باید خاموش وي، او د ټولو درسی ساعتونو په بهیر کې لیری کیښودل شي.
دوه موخه ییزه لاسی ساعتونه اجازه لري، مګر د درسونو په بهیرکی یی باید د بېسیم/سیلولر یا ټلیفونی ځانګړتیاوی ګل یا بند وي (د بیلګې په توګه ، باید د پرواز په څیر (ایروپلین موډ) حالت کې وساتل شی).
شخصی بېسیم مخابراتی وسایل او یوازی د یوی ګوشکی کارونه د غرمې خواړو په وخت کې او په دالیزونو کی د تیریدو پر مهال اجازه لری مګر په ټولو لاکر خونو او تشنابونو کې منع دی.
ګرځنده ټلیفونونه او بیسیمه مخابراتي وسیلې د ښوونځي په بسونو کې کارول کیدی شي، په دې شرط چې دغه وسیلی د موټر چلوونکی پام ګډوډ نکړي، خوندیتوب د ګواښ سره مخ نه کړي، یا د منع شوی محتوي او د ټولو زده کوونکو لپاره د لاندې تشریح شوي احکامو څخه سرغړونه ونه کړي.

ټولو زده کوونکو لپاره منع شوي محتوی او د هغی استعمال

زده کوونکی اجازه نلری چی داسی محتوی چمتو کړي، ته لاسرسی ومومی یا د نورو سره شریک کړی چې د وړکتون څخه تر 12 پوری د ټولګیو تعلیمی چاپیریال سره په مطابق نه وي، کله چې د ښوونځی په ملکیت، په ښوونځی بسونو، یا د ځائ په پام کی نیولو پرته، د ښوونځی لخوا په سپانسر شوي پیښو/پروګرامونو کې شتون ولري. په بیلګو کې شامل دي، مګر دغو پوری محدود نه دي:

داسی محتوی چی فحش/ناوړه وي، سپکاوی پکی شوی وي، یا چې پکی غیرقانونی عملونه شامل وي یا د غیر قانونی عملونو د تر سره کولو ګواښ شوی وی.
ځان د نورو خلکو په څیر څرګنده کولو لپاره د ساختګي زیرکتیا (ارټیفیشل انټیلیجنس) پروګرام په شمول داسی محتوی چې نور خلک تنګوي، ځوروي، ګواښی، یا سپکاوی یی کوي، په کلکه منع دي.
ویډیوي ناوړه چلند په کلکه منع دی او د انضباطی اقداماتو لامل کیدي شي.
په تشنابونو یا په لاکر/الماری خونو کې د ګرځنده ټلیفونونو او بیسیم مخابراتی وسیلو کارول په کلکه منع دی. د ښوونځي په دغو ځایونو کی یا په نورو ساحو کې په لوڅ حالت کې د نورو زده کوونکو انځوراخیستنه یا ویډیوی عکاسی کونه به انضباطي پایله ولری او ممکن قانون پلي کوونکو چارواکو ته د راجع کولو پایله هم ولري.
د ګرځنده ټلیفونونو او د بېسیم مخابراتی وسیلو د نقل لپاره کارول یا په داسی شکل کارول چې ښوونځی ډیویژن ته د منلو وړ پالیسی څخه سرغړونه کوی.

خوندیتوب او محرمیت

په بیړنی حالاتو کی اړیکه ټینګول: که چیرته اړتیا پیښه شي، زده کوونکو ته به اجازه ورکول کیږي چې په عمومی دفتر کې د ښوونځی رسمیاتو په بهیر کې والدینو/ سرپرستانو سره اړیکه ټینګولو لپاره ټلیفون وکاروي. بیړنی حالاتو څخه وروسته د یوځای کیدو لپاره، که چیرته د والدینو / سرپرستانو سره اړیکه ټینګولو لپاره شخصی بېسیم مخابراتی وسیلې کارولو ته اړتیا وی، اداری کارکوونکی به لازمه لارښوونه کوي کله چې د دغی کار تر سره کولو اجازه وشي.
پرده یا محرمیت او احترام: د نورو محرمیت یا پرده پام کې نیولو باندی ټینګار کیږي؛ د ښوونځی بسونو په شمول د ښوونځی په ملکیت کی، یا پداسې حال کې چې د ښوونځی اړوند فعالیتونو کې یاست، د اداره کوونکو یا کارکوونکو لخوا له وړاندی څخه د اجازه اخیستلو پرته د هم ټولګیوالو، همځولو، او د کارکوونکو انځورونه اخیستل او عکاسی کول په کلکه منع دي.

د زده کوونکو او والدینو څخه توقعات

زده کوونکی باید د ښوونځی کارکوونکو د لارښوونو او د دې پالیسۍ د احکامو سره په مطابق عمل تر سره کړی ترڅو په تعلیمی چاپیریال کی د ګډوډی مخه ونیول شي، په بل صورت کی هغوي د انضباطی اقداماتو سره مخامخ کیدی شي.
والدین/سرپرستان باید د ښوونځی ورځ/ساعتونو په جریان کې خپلو زده کوونکو سره د شخصی بېسیم مخابراتی وسیلو له لاری اړیکه ټینګه نه کړي. والدین/ سرپرستان باید زده کوونکو ته عاجل پیغامونه رسولو لپاره د ښوونځی دفتر سره اړیکه ټینګه کړي او دفتر به د دغه پیغامونو په رسولو کی مرسته وکړی.
زده کوونکی او کورنۍ/سرپرستان به د ښوونځی کال په پیل کې د ګرځنده ټلیفون او د بې سیم مخابراتی وسیلو په اړه د ښوونځی تګلاری یا خبرتیا ترلاسه کوي او هغوي باید دغه خبرتیا ولولی. د یو زده کوونکي او/یا والدینو د دی لارښوونو په لوستلو کی پاتی راتلل یو زده کوونکی د دې لارښوونو د تعقیبولو مسؤلیت څخه نه آزادوی یا معاف کوي.
زده کوونکی دی لارښوونو/تګلارو ته د ژمن پاتی کیدلو او د خپلو شخصی توکو د خوندی کولو مسٔولیت په غاړه لري. د بی درکه شوی شخصی بېسیم مخابراتی وسیلې ستونزی حل کولو یا لټی لپاره به ټولګی او/یا لارښوونی نه ودرول کیږي.

په وروستی ځل د تازه کیدو نیټه: 2 اګسټ، 2024