اہل خانہ کے لئے ٹائٹل نائن سے متعلق رہنمائی- Urdu

اہل خانہ کے لیے ٹائٹل IX سے متعلق رہنمائی

ٹائٹل IX کیا ہے؟

ٹائٹل IX ایک وفاقی انسدادِ امتیاز قانون ہے جو پرنس ولیم کاؤنٹی پبلک سکولز (PWCS) کے طلباء اور عملے کو PWCS کی تعلیمی سرگرمیوں اور پروگراموں میں جنس کی بنیاد پر امتیازی سلوک (جس میں جنسی ہراسانی اور جنسی حملہ شامل ہیں) سے تحفظ فراہم کرتا ہے۔

شکایت کنندہ اور مدعا علیہ کون ہے؟

شکایت کنندہ وہ شخص ہوتا ہے جو جنسی ہراسانی یا جنسی حملے کی رپورٹ کردہ کاروائی کا نشانہ بنتا ہے۔

جواب دہندہ وہ شخص ہوتا ہے جس پر جنسی ہراسانی یا جنسی حملے کا الزام لگایا گیا ہو۔

کیا ٹائٹل IX تمام جنسی بدسلوکیوں پر لاگو ہوتا ہے؟

جنسی نوعیت کی تمام بدسلوکی جو سکول املاک پر یا PWCS کے تعلیمی پروگرام یا سرگرمی کے دوران ہوتی ہے، PWCS کے ضوابط کی خلاف ورزی ہے اور اس کی مناسب تحقیقات کی جائیں گی اور اس پر مناسب کاروائی کی جائے گی۔ تاہم، ہر قسم کی جنسی بدسلوکی ٹائٹل IX کی خلاف ورزی نہیں ہوتی۔ ٹائٹل IX صرف مخصوص اقسام کے جنسی تشدد یا بدسلوکی پر لاگو ہوتا ہے، یا ایسی جنسی بدسلوکی پر جو اتنی شدید ہو کہ شکایت کنندہ کے لیے PWCS کے تعلیمی پروگرام یا سرگرمی تک مکمل رسائی حاصل کرنا مشکل ہو جائے۔

اگر میرے بچے کو جنسی طور پر ہراساں کیا گیا ہے یا جنسی زیادتی کا نشانہ بنایا گیا ہے تو مجھے کیا کرنا چاہیے؟

آپ کو فوری طور پر اپنے بچے کے پرنسپل، اسسٹنٹ پرنسپل یا ٹائٹل IX کوآرڈینیٹر کو بد سلوکی کی اطلاع دینی چاہیے۔ اگر رپورٹ کی گئی بدسلوکی سکول میں (بشمول ورچوئل کلاس روم)، سکول بس پر، سکول کی پیش کردہ سرگرمیوں میں یا PWCS کی ڈیوائس یا نیٹ ورک استعمال کرتے ہوئے کی گئی ہے تو پھر PWCS تحقیقات اور صورتحال کو بہتر کرنے کے لیے اقدامات اٹھانے کا ذمہ دار ہے۔

اگر رپورٹ کی گئی بدسلوکی PWCS کے تعلیمی پروگرام یا سرگرمی میں پیش نہیں آئی تو PWCS اس کی تحقیقات اور صورتحال کو حل کرنے کا اختیار نہیں رکھتا؛ تاہم، PWCS پھر بھی آپ کے بچے/بچی کو معاونت فراہم کرے گا اور آپ اور آپ کے بچے کو کمیونٹی میں موجود مددگار وسائل سے متعارف کروائے گا۔

اگر میرے بچہ/بچی پر سکول میں کسی دوسرے کو جنسی ہراساں کرنے یا جنسی حملے کا الزام ہے تو کیا ہو گا؟

اگر آپ کے بچے پر PWCS کے تعلیمی پروگرام یا سرگرمی میں جنسی بدسلوکی میں ملوث ہونے کا الزام ہوا تو پھر PWCS ایک مکمل اور منصفانہ تحقیقات کرنے کا ذمہ دار ہو گا۔ آپ کو الزام سے مطلع کیا جائے گا، اور آپ کے بچے کو اپنی کہانی بتانے کا حق حاصل ہو گا۔

اگر الزام میں ایسی جنسی بدسلوکی شامل ہوئی جو ٹائٹل IX کی خلاف ورزی ہو سکتی ہے تو ٹائٹل IX کوآرڈینیٹر آپ سے رابطہ کرے گا اور آپ کو ہونے والی تحقیقات، فراہم کی جانے والی مدد اور اس عمل کے دوران آپ اور آپ کے بچے کے حقوق کے بارے میں وضاحت کرے گا جو "ٹائٹل IX گریوینس پروسس یعنی شکایت کا عمل " کے نام سے جانا جاتا ہے۔

شکایت کیسے حل کی جائے گی؟

ایک بار جب کسی معاملے کو ٹائٹل IX ہونے کا تعین کیا جاتا ہے تو دو مختلف راستے اختیار کیے جا سکتے ہیں۔ پہلا راستہ ٹائٹل IX شکایت کا عمل ہے۔ دوسرا راستہ غیر رسمی حل ہے۔

ٹائٹل IX گریوینس پروسس یعنی شکایت کا عمل کیا ہے؟ ¹

ٹائٹل IX گریوینس پروسس رپورٹ کیے گئے ان جنسی بدسلوکیوں کی تحقیقات اور حل کے لیے استعمال ہونے والا عمل ہے جو ٹائٹل IX کی خلاف ورزی ہو سکتا ہے۔

آپ کے بچے کے سکول کے منتظمین ٹائٹل IX شکایتی عمل کے دوران رپورٹ شدہ بدسلوکی کی تحقیقات نہیں کرتے اور نہ ہی کوئی فیصلہ کرتے ہیں۔ ٹائٹل IX شکایت کے عمل میں، تفتیش تنوع، مساوات، شمولیت، اور تعمیل ڈیپارٹمنٹ (DEIC) کے تعمیل کے تفتیش کار کے ذریعہ کی جاتی ہے۔

جو کچھ ہوا اس کے بارے میں فیصلہ ٹائٹل IX فیصلہ ساز کے ذریعہ کرتا ہے، جو سٹوڈنٹ ہیئرنگ ڈیپارٹمنٹ میں کام کرتا ہے۔

اگر اطلاع دی گئی بدسلوکی PWCS "ضابطہ اخلاق" کی خلاف ورزی ہو سکتی ہے لیکن ٹائٹل IX کی خلاف ورزی نہیں کر سکتی ہے، تو اسے آپ کے بچے کے سکول کو واپس بھیج دیا جائے گا۔ سکول منتظم تحقیقات کرے گا اور مبینہ بدسلوکی کے بارے میں فیصلہ کرے گا۔

ٹائٹل IX گریوینس پروسس کتنا لمبا ہے؟

عام طور پر، رسمی ٹائٹل IX گریوینس پروسس 60 کاروباری دونوں کے اندر اندر مکمل کیا جاتا ہے۔

اس دوران، زیادہ تر صورتوں میں، شکایت کنندہ اور جواب دہندہ دونوں سکول آنا جاری رکھیں گے، اور ان کے لیے حفاظتی اقدامات کیے جائیں گے تاکہ وہ محفوظ طریقے سے ایسا کر سکیں۔

اگر ٹائٹل IX کے شکایت کے عمل کے دوران، آپ کے کوئی خدشات ہیں تو آپ کو ٹائٹل IX کے کوآرڈینیٹر یا اپنے بچے کے پرنسپل یا اسسٹنٹ پرنسپل سے فوری طور پر رابطہ کرنا چاہیے۔

کیا شکایات کو حل کرنے کے لیے ٹائٹل IX شکایتی عمل کے علاوہ کوئی متبادل طریقہ موجود ہے؟

جی ہاں، PWCS ایک غیر رسمی حل کا طریقہ فراہم کرتا ہے اگر ٹائٹل IX کوآرڈینیٹر یہ سمجھتا ہے کہ الزامات کو اس طریقے سے حل کرنا مناسب ہے۔

غیر رسمی حل کیا ہے؟

غیر رسمی حل ایک رضاکارانہ اور منظم تعامل ہوتا ہے جو شکایت کنندہ اور جواب دہندہ کے درمیان ہوتا ہے، جس کا مقصد جنسی ہراسانی یا بدسلوکی کے الزامات کو باضابطہ شکایت درج ہونے کے بعد بغیر کسی رسمی تحقیقات یا سماعت کے حل کرنا ہوتا ہے، اور اس میں متفقہ نتائج پر توجہ دی جاتی ہے۔

غیر رسمی حل کے تحت، باضابطہ شکایت تو درج کی جاتی ہے؛ تاہم، ایک غیر رسمی حل سہولت کار مقرر کیا جاتا ہے جو دونوں فریقین کے ساتھ مل کر معاملے کو حل کرنے میں مدد کرتا ہے۔ غیر رسمی حل کا عمل فریقین کے درمیان ایک رضاکارانہ، منظم تعامل ہے، جیسے ثالثی۔

ٹائٹل IX شکایت کے عمل اور غیر رسمی حل میں کیا فرق ہے؟

ان دونوں عملوں کے درمیان کچھ ابتدائی فرق درج ذیل ہیں:

• ٹائٹل IX شکایت کے عمل میں تقریبا 60 کاروباری دن لگتے ہیں۔ غیر رسمی حل میں تقریبا 10 کاروباری دن لگتے ہیں۔

• ٹائٹل IX شکایتی عمل میں، ایک تعمیل تحقیق کار شکایت کنندہ، جواب دہندہ، اور گواہوں کے انٹرویو کرتا ہے۔ تعمیل کا تفتیش کار بھی شواہد جمع کرتا ہے اور ایک تحقیقاتی رپورٹ مکمل کرتا ہے۔ ایک فیصلہ ساز، شواہد کا جائزہ لینے کے بعد، پابندیوں اور اصلاحی اقدامات کا تعین کرتا ہے۔

•  غیر رسمی حل میں، شکایت کنندہ اور جواب دہندہ، سہولت کار کی مدد سے، ایک مناسب نتیجہ طے کرنے کے لیے مل کر کام کرتے ہیں، جس میں پابندیاں اور اصلاحی اقدامات شامل ہو سکتے ہیں۔ فریقین کو مشیر اور/یا پیرنٹ/ سرپرست کی موجودگی کی اجازت ہوتی ہے۔

• غیر رسمی حل فریقین کو مل کر کام کرنے کی اجازت دیتا ہے تاکہ ایک مناسب نتیجہ طے کیا جا سکے، جس میں پابندیاں اور اصلاحی اقدامات شامل ہوں۔

• غیر رسمی حل کے عمل کے دوران، کوئی فریق ٹائٹل IX شکایت کے عمل میں واپس جانے کا فیصلہ کر سکتا ہے۔ کوئی بھی فریق بغیر کسی جرمانے کے، غیر رسمی حل سے اس وقت تک دستبردار ہو سکتا ہے جب تک کہ دونوں فریقوں کی طرف سے تحریری قرارداد کے معاہدے پر دستخط نہ ہوں۔ اگر کوئی بھی فریق غیر رسمی حل سے دستبردار ہو جاتا ہے تو شکایت کا باقاعدہ عمل دوبارہ شروع ہو جائے گا۔ مزید برآں، ابتدائی طور پر باضابطہ عمل میں شامل فریقین ذمہ داری کا تعین کرنے سے پہلے غیر رسمی حل کی درخواست کر سکتے ہیں۔ جب تک دونوں فریق متفق ہیں، ایک غیر رسمی حل ہو سکتا ہے۔

میں ٹائٹل IX کے بارے میں مزید معلومات کہاں تلاش کر سکتا/سکتی ہوں؟

آپ ٹائٹل IX کے بارے میں مزید معلومات امتیازی سلوک اور ہراسانی کے ویب پیج سے حاصل کر سکتے ہیں۔

آپ ٹائٹل IX کے بارے میں مزید معلومات PWCS کے ضابطہ 1-738 "طلباء کے خلاف جنسی بدسلوکی کے الزامات کا حل" میں بھی موجود ہیں جس کا لنک DEIC ویب پیج پر فراہم کیا گیا ہے۔  

اگر میں ٹائٹل IX کے فیصلے سے اتفاق نہیں کرتا/کرتی تو پھر کیا ہو گا؟

اگر آپ فیصلے سے اتفاق نہیں کرتے تو آپ کو اس پر اپیل کرنے کا حق حاصل ہے۔ ٹائٹل IX کا فیصلہ کرنے والا، آپ کو فیصلے کے خلاف اپیل کرنے کے بارے میں معلومات فراہم کرے گا اور یہ PWCS کے ضابطہ 1-7381 میں بھی دستیاب ہے۔ (سیکشن H دیکھیں)

اگر میرا ٹائٹل IX کے بارے میں کوئی سوالات ہیں تو مجھے کس سے رابطہ کرنا چاہیے؟

آپ کو تعمیل اور معاونت کی ٹیم سے 6839-374-571 یا [email protected] پر رابطہ کرنا چاہیے۔

¹ٹائٹل IX گریوینس پروسس جنسی ہراسانی یا جنسی حملے کی شکایات کو حل کرنے کے لیے استعمال کیا جاتا ہے جو 14 اگست، 2020 کو یا اس کے بعد رپورٹ کیے گئے۔ اگر رپورٹ کی گئی بدسلوکی 14 اگست، 2020 سے پہلے پیش آئی تو پھر مختلف طریقہ قابل عمل ہو گا۔

٭یہ اکثر و بیشتر پوچھے جانے والے سوالات FAQ معلوماتی ہیں۔ اگر FAQ یعنی اکثر و بیشتر پوچھے جانے والے سوالات اور PWCS ضابطہ 1-738 - "طلباء کے خلاف جنسی بدسلوکی کے الزامات کا حل" کے درمیان کوئی تنازعات ہوئے تو ضابطہ قابل اطلاق ہو گا۔