په مکرر ډول پوښتل کیدونکی پوښتنی

نارنجی کوډ څه شئ دۍ؟

ښوونځي او د دفترونو ودانۍ تړلی وي.‎ ‎ په ژوندی بڼه مجازی ټولګي به د سهار له 9 بجو څخه تر ماسپښین 2 بجو پوری وي. له کارکوونکی څخه تمه کیږي چی له کور څخه دندی تر سره کړي.

نارنجي کوډ به څه وخت کارول کیږي؟

نارنجی کوډ هغه وخت کارول کیدی شی کله چې د ښوونځی ودانۍ د اوږدې مودې لپاره تړل کیږي، لکه پنځه یا ډیری کاری ورځې. د یو اختیار په توګه د نارنجی کوډ درلودل زده کوونکو، والدینو / سرپرستانو، او کارکوونکو ته یو ښه روښانه جوړ شوي پلان وړاندی کوي کوم چې د خرابی هوا په خطرناکو حالتونو کی د بیړنی حالت لپاره کارول کیدی شی.

آیا زده کوونکي به د نارنجی کوډ په ورځو کې په مجازی ډول لارښوونې ترلاسه کوي؟

هو، ټول زده کوونکي به د نارنجی کوډ په ورځو کې په مجازی ډول لارښوونې ترلاسه کوي.

که چیرته زما زده کوونکئ د پرنس ویلیم مجازی زده کړو له لاری په ټول مجازی کورسونو، یو یا ډیرو مجازی ټولګیو کی ګډون کوي، آیا په نارنجی کوډ ورځو کی به کوم بدلون رامینځ ته کیږي؟

نه. هغه زده کوونکي چې په مجازی پرنس ویلیم (Virtual Prince William)، او مجازی ویرجینیا (Virtual Virginia) پروګرامونو کی شامل دي، هغوي باید خپل نورمال مجازی مهال ویش تعقیب کړي.

د زده کوونکو څخه د نارنجی کوډ مجازی زده کړې ورځو پر مهال د کوم څه شي تمه کیږي؟

• ټول زده کوونکي به د سهار له 9 بجو څخه تر ماسپښین 2 بجو پورې په ژوندی بڼه مجازی لارښوونې ترلاسه کوي.
• د ټولو ښوونځیو لپاره به لارښوونی د سهار په 9 بجو پیل کیږي او د ماسپښین په 2 بجو به پای ته رسیږي.
• ټول ټولګي به په ژوندۍ بڼه (هم مهاله) لارښوونو سره پیل کیږي.
• زده کوونکي به د غرمې خواړو لپاره یو ساعت وقفه یا تفریح ولري.
• د زوم له لاری د ناستو ترمینځ به تشناب ته د تللو لپاره زده کوونکو ته وخت ورکول کیږي.

زه د خپل ماشوم د نارنجی کوډ په ورځو کی په ژوندی بڼه مجازی مهالویش چیرته موندلی شم؟

ټول ابتدايي، منځني او عالي ښوونځي به په خپله کچه یو ډول د نارنجي کوډ مهالویش تعقیبوي. ښوونځي به خپل د نارنجي کوډ مهالویش په خپلو ویب پاڼو کې پوسټ کوي. د مهالویش نمونی وګورئ.

څه به وي، که زما کورنی په کور کی انټرنیټ ته لاسرسی ونه لري؟

دا معلومه کړئ چی څرنګ کولی شئ د کور ارزانه انټرنیټ تر لاسه کولو لپاره وړ وموندل شئ

PWCS ښوونځیو ته په محدود شمیر سره د انټرنیټ هاټ سپاټ الی ورکوي ترڅو اړمنو کورنیو سره مرسته وکړي. د لا زیاتو معلوماتو لپاره د خپل ماشوم د ښوونځی مدیر سره اړیکه ټینګه کړۍ.

د 504 قانون یا د IEP اسانتیاوي او خدمات به څرنګ وړاندی کیږي؟ آیا د هغو زده کوونکو لپاره نوری لاری چاری په پام کی نیول شوي څوک چی د ځانګړو زده کړو خدمتونه ترلاسه کوي؟

د ښوونځي کارکوونکی به د هر زده کوونکي IEP او د 504 برخې پلان بیاځلی ګوري. هر ډول اسانتاوي او خدمتونه چی په مجازی ترتیب کې وړاندی کیدی شي، هغه به زده کوونکو ته وړاندی کیږي. د معلولیت بڼی له امله مجازی لارښوونو ته د لاسرسی موندلو لپاره د زده کوونکي د وړتیا په اړه اندیښنې به د IEP پروسې له لارې حل او حواری شي.

د انګلیسي ژبې زده کوونکي او د ګفټډ تعلیم پروګرام خدمتونه به څرنګ وړاندی کیږي؟

د انګلیسي زده کوونکي او د ګفټډ تعلیم هغه خدمتونه چې په مجازی پروګرام کی د پلی کیدو وړ وي، هغه به پلی کیږي. دا خدمتونه باید د امکان تر حده پوره هغه خدمتونو ته ورته وي چی په فیزکی یا شخصي ډول زده کوونکو ته وړاندی کیږي.

د زده کوونکو حاضري به څرنګ اخیستل کیږي، او آیا زده کوونکي به د نارنجی کوډ په ورځو کی حاضر ګڼړل کیږي؟

زده کوونکي حاضر ګڼړل کیدو لپاره باید خپلی کمری چالانی وساتی او په درسونو کی ګډون وکړي. د زده کوونکو لخوا تت یا بل ډول بک ګراونډ کارول کیدی شي.

که چیرته کوم زده کوونکی د نارنجي کوډ په ورځ کی سیسټم ته ننوتو کی ستونزه ولري، د هغوي کورنی باید څه کار وکړي؟

کورنئ باید د PWCS د معلوماتی ټیکنالوژی مرستی میز سره اړیکه ټینګه کړي.

څه به وي که چیرته یو ماشوم د ښوونځی لخوا ورکړل شوي وسیله په ښوونځی کی له یاده اوباسی؟

که چیرته یو ماشوم د ښوونځی لخوا ورکړل شوي وسیله یا آله په ښوونځی کی له یاده اوباسی، هغوي کولئ شي چی د Canvas، Office 365, او Zoom په شمول د ډیرئ آنلاین اپلیکیشنونو ته د لاسرسی موندلو لپاره بله وسیله یا ټلیفون وکاروي.

آیا کوم ښوونځی یا دفتر به د نارنجی کوډ ورځو پر مهال پرانیستی وي؟

ښوونځي او د دفترونو ودانۍ به په نارنجي کوډ ورځو کې نه وي پرانیستی، کله چی مناسب وي، چاری به په مجازی ډول پر مخ وړل کیږي.

دا چې PWCS د درسی ساعتونو لپاره د ایالت د لږ تر لږه شرط پوره کولو ډاډ رامینځته کولو په موخه اضافی ساعتونه یوځائ کوي، ایا د ښوونځي کال به له وخت مخکی پائ ته ورسیږي که چیرته مونږ د خرابی هوا له امله کمی یا هیڅ پیښو سره کم ژمی ولرو.؟

لنډ ځواب دا دی چې "نه".

د تعلیمی اداری په توګه، PWCS زمونږ د زده کوونکو لپاره د لارښوونی وخت اهمیت ته د امکان تر حده پوری ارزښت ورکوی. د PWCS اوسنی پلان شوی ښوونځی کال د زده کوونکی د درسی ساعتونو د اوږدوالی له امله د ۹۹۰ ساعتونو ایالت شرط څخه زیات دی. اضافی وخت (ساعتونه) په "ورځو" بدلیږی چې د خرابی هوا په صورت کې کارول کیدی شی. د یوځائ کړل شويو ساعتونو ګټه دا ده چې اړتیا نشته چی د کال په پائ کی یا د ښوونځی په ورځو کې اضافه شی ، لکه څرنګ چې به په تیرو کلونو کې ترسره کیده کله چی به د واورې ډیری ورځې کارول کیدی.

د کال په پائ کی د ورځو بیرته ورکول هیڅ معنا نه لري ځکه دا د ٩٩٠ ساعتونو څخه په اخوا اضافی ورځی دي.. که مونږ دا ورځې بیرته ورکړو، نو PWCS به ونشی کولی چی د ١٨٠ ورځو ښوونځی کار پوره کړي.

د ویرجینیا په قانون کې وروستي بدلونونه څرنګ په PWCS کې د خرابی هوا اړوند حالتونو او په نورو بیړني حالتونو کی د ښوونځیو تړل اغیزمن کوي؟

د ۲۰۲۱ مقننه غونډې یا قانون جوړونی غونډی په جریان کې، د ویرجینیا عمومي شورا یو قانون تصویب کړ (د کور بل ۱۷۹۰/ د سنا بل ۱۱۳۲) چې تر ۱۰ ورځو پوری (بشپړ یا جزوي ورځی) په مجازی ډول یا د لیری څخه درسونو تر سره کولو ته اجازه ورکوي چې د ۱۸۰ ورځو یا ۹۹۰ ساعتونو لپاره د درس شرط کی حساب شي کله چی د ښوونځیو تړل د ډیری خرابی هوا یا د نورو بیړنی حالاتو له امله وي. د ویرجینیا د ښوونې او روزنې څانګی له مخې، که چیرته د ښوونځيو ډیویژنونه یا څانګې په دغو ورځو کې هر زده کوونکي ته لارښوونې او خدمات وړاندی کړای شي، د لارښوونې دغه وخت د ښوونځي د مودې په توګه او د ښوونځي کال لپاره د بنسټیزه لارښوونې ساعتونو شرط په توګه حساب کیدی شي.

د خرابې هوا پر مهال د کوډونو او چارو په اړه د لا زیاتو معلوماتونو لپاره ۱-۴۰۵مقرری ته مراجعه وکړئ.

د ابتدایهٔ ښوونځیو لپاره نمونې مهال ویش

د منځني ښوونځیو لپاره نمونې مهال ویش

د عالي ښوونځیو لپاره نمونې مهال ویش

ښوونځی به خپل د A او B برخی مهالویش تعقیبوي

د عالي ښوونځیو لپاره د اوو مضمونونو سره نمونی مهالویش

د عالي ښوونځیو لپاره د اته مضمونونو سره نمونی مهالویش