د ژباړنی او ترجمی خدمتونه

د ژباړنی او ترجمی خدمتونه

PWCS ګڼی ژبی ویوونکو کورنیو ته د ژباړنی او ترجمی وړیا خدمتونه وړاندې کوي ترڅو دا ډاډ ترلاسه شي چې هغوي د خپل ماشوم د تعلیم په برخه کی اړین معلوماتونو ته لاس رسی لري، او دا چې هغوي وکولی شي د ښوونځي چارواکو سره د خپلې خوښې په ژبه کی خبرې اتری وکړي.

کورنۍ څرنګ کولی شي چی د ژباړنی خدمتونه ترلاسه کړي؟

شفاهی ژباړنه

کله چې د خپلو ماشومانو د ښوونځي څخه یا زمونږ د نړیوال ښه راغلاست مرکزونو څخه لیدنه کوئ، کورنی کولی شئ د یو ژباړونکي خدمات تر لاسه کولو لپاره وړاندیز وکړئ چې د هغوي په ژبه خبرې کوي. تاسو دا هم کولی شئ چی په ودانی کی زمونږ د ژبې خدمتونو پوسټرونو /انځورونو په کارولو سره خپلې ژبې ته اشاره وکړئ. اداري کارکوونکی کولی شي د تلیفون له لارې یا په ودانۍ کې د وړ ژباړونکي سره په ګډه هغو کورنیو ته چې په غیر مهالویش شوي وخت کی راځی یا د تلیفون له لاری اړیکه ټینګوي، د ژباړنی خدمتونه وړاندی کړي. د مهالویش شوي ملاقاتونو لپاره، ښوونځي کولی شي چی په فیزکی ډول ژباړونکي هم برابر کړي. د ښوونځي په کچه د پروګرامونو یا غونډو پر مهال کورنیو ته په ژوندی بڼه ژباړه وړاندی کولو لپاره ښوونځي ګوشکی یا د اوریدلو وسیلی هم لري.

لیکلی ترجمه

د ښوونځي ډیویژن د اداري ژباړونکو یوه ډله لري چې په نهو ژبو کی کورنیو ته د اسنادو او پیغامونو ژباړه په لیکی بڼه وړاندی کوي:

• عربی
• چینایی
• دري/فارسي
• کوریایی
• پښتو
• هسپانیه یی
• اردو
• ویتنامي

والدین کولی شي چی د خپلو ځايي ښوونځي له لارې هم د اسنادو د ژباړنی لپاره غوښتنه وکړي.

په آنلاین ډول ژباړنه

PWCS په خپل ویب پاڼه کی په پورته ذکر شویو ژبو کې ډیری پاڼې هم لري. په نهه غوره ژبو کې د ژباړونکو د ډلې لخوا ترسره شوي ژباړنی/ترجمی ته د لاسرسي لپاره ، په پورتنۍ برخه کې له مینو څخه "Translations یعنی ژباړنه" انتخاب او خپله ژبه پیدا کړئ. دا ویب پاڼه په هغه نورو ژبو کې کوم چې په ښوونځي ډیويژن کې شتون لري، د ماشین لخوا درامنځ ته شوي ژباړې خدمتونه هم وړاندې کوي. دې ځانګړتیاوی ته د لاسرسي موندلو لپاره د "اتومات ژباړې یا Auto Translate" اختیار غوره کړئ. مهرباني وکړئ په یاد ولرئ چې د کمپیوټر لخوا رامینځته شوي ژباړې اکثرا نیمګړې وي، مګر کولی شي چی د معلوماتو سره اشنا کیدو کې مرسته وکړي.