Skip to main content

اکثر و بیشتر پوچھے جانے والے سوالات

کوڈ اورنج کیا ہے؟

سکول اور دفاتر کی عمارتیں بند ہیں۔ ورچوئل کلاسیں صبح 9 سے دوپہر 2 بجے تک جاری رہیں گی۔ سٹاف سے گھر سے کام کرنے کی توقع کی جاتی ہے۔
کوڈ اورنج کب استعمال کیا جائے گا؟
کوڈ اورنج کا استعمال اس وقت کیا جا سکتا ہے جب سکول کی عمارتیں طویل مدت کے لئے بند ہوں، جیسے پانچ یا اس سے زیادہ کاروباری دن۔ کوڈ اورنج کو ایک آپشن کے طور پر رکھنے سے طلباء، والدین/سرپرستوں اور ملازمین کو واضح طور پر تیار کردہ منصوبہ فراہم ہوتا ہے جسے خطرناک حالات کے ساتھ کسی بھی ہنگامی صورتحال کے لئے استعمال کیا جا سکتا ہے۔
کیا طلباء کوڈ اورنج دنوں پر ورچوئل تدریس حاصل کریں گے؟
جی ہاں، تمام طلباء کوڈ اورنج دنوں پر ورچوئل تدریس حاصل کریں گے۔
اگر میرا بچہ ایک آل ورچوئل سٹوڈنٹ ہے یا ورچوئل پرنس ولیئم کے ذریعے ایک یا زیادہ ورچوئل کورسز لیتا ہے تو کیا کوڈ اورنج دنوں میں کچھ بدل جائے گا؟
جی نہیں، ورچوئل پرنس ولیئم، اور ورچوئل ورجینیا میں داخل طلباء کو اپنے معمول کے شیڈول پر عمل کرنا چاہیے۔
کوڈ اورنج ورچوئل لرننگ دنوں میں کیا توقعات ہیں؟
  • تمام طلباء صبح 9 بجے سے دوپہر 2 بجے تک ورچوئل تدریس حاصل کریں گے۔
  • تمام سکولوں کے لیے تدریس صبح 9 بجے شروع ہوں گی اور دوپہر 2 بجے ختم ہو گی۔
  • تمام کلاسز براہ راست (اصل وقت میں) تدریس کے ساتھ شروع ہوں گی۔
  • طلباء کو دوپہر کے کھانے کے لیے ایک گھنٹے کا وقفہ ملے گا۔
  • زوم سیشنز کے درمیان طلباء کو غسل خانے جانے کا وقت فراہم کیا جائے گا۔
میں اپنے بچے کا کوڈ اورنج براہ راست ورچوئل شیڈول کہاں تلاش کر سکتا ہوں؟
تمام ایلیمنٹری، مڈل اور ہائی سکول لیول کے لحاظ سے اسی کوڈ اورنج شیڈول پر عمل کریں گے۔ سکول اپنے کوڈ اورنج شیڈول اپنی ویب سائٹ پر پوسٹ کریں گے۔ شیڈول کے نمونے ملاحظہ کریں۔
اگر میرے خاندان کے پاس گھر میں انٹرنیٹ تک رسائی نہیں ہے تو کیا ہو گا؟

یہ جانیں کہ آپ گھر میں سستے انٹرنیٹ کے لئے کس طرح اہل ہو سکتے ہیں۔

PWCS ضرورت مند گھرانوں کی مدد کے لیے سکولوں کو محدود انٹرنیٹ ہاٹ سپاٹ فراہم کرتا ہے۔ مزید معلومات کے لئے اپنے بچے کے پرنسپل سے رابطہ کریں۔

سیکشن 504 یا IEP سہولیات اور خدمات کیسے فراہم کی جائیں گی؟ کیا خصوصی تعلیم کی خدمات حاصل کرنے والے طلباء کے لیے دیگر تحفظات ہیں؟
سکول کا عملہ ہر سٹوڈنٹ کے IEP اور سیکشن 504 منصوبے کا جائزہ لے گا۔ سہولیات اور خدمات جو وجوئل سیٹنگ میں فراہم کی جا سکتی ہیں، طلباء کو فراہم کی جانی چاہئیں۔ کسی سٹوڈنٹ کی معذوری کی نوعیت کی وجہ سے ورچوئل تدریس تک رسائی کی صلاحیت سے متعلق خدشات کو IEP عمل کے ذریعے دور کیا جائے گا۔
انگریزی متعلمین اور گفٹڈ ایجوکیش سروسز کیسے فراہم کی جائيں گی؟
انگریزی سیکھنے والے اور گفٹڈ خدمات جو ورچوئل سیٹنگ پر لاگو ہوتی ہیں، نافذ کی جانی چاہیے۔ ان خدمات کو، ممکنہ حد تک، رو برو فراہم کی جانے والی خدمات کے ماڈل کی آئینہ دار ہونا چاہیے۔
حاضری کیسے لی جائے گی، اور طلباء کو کوڈ اورینج دنوں میں حاضر کے طور پر کیسے شمار کیا جائے گا؟
طلباء کو اپنے کیمرے آن کرنے اور کلاس میں شرکت کرنے کی ضرورت ہو گی تاکہ انہیں حاضر شمار کیا جائے۔ طلباء دھندلا پن یا دیگر پس منظر استعمال کر سکتے ہیں۔
اہل خانہ کو کیا کرنا چاہیے اگر ان کے بچے کو کوڈ اورنج ڈے پر لاگ ان کرنے میں پریشانی ہو رہی ہے؟
اہل خانہ کو PWCS ہیلپ ڈیسک سے رابطہ کرنا چاہیے۔
اگر کوئی بچہ سکول میں اپنے سکول کی جاری کردہ ڈیوائس بھول جائے تو کیا ہو گا؟
اگر کوئی سٹوڈنٹ اپنے سکول کی جاری کردہ ڈیوائس بھول جاتا ہے، تو وہ کینوس، آفس 365، اور زوم سمیت بہت سی ایپلی کیشنز تک آن لائن رسائی کے لیے کوئی دوسری ڈیوائس یا فون استعمال کر سکتا ہے۔
کیا کوڈ اورنج ڈے پر کوئی سکول یا دفاتر کھلے رہیں گے؟
کوڈ اورینج کے دنوں میں سکول اور دفتری عمارتیں نہیں کھلیں گی، کاروبار عملی طور پر ورچوئل طور پر چلایا جا سکتا ہے۔
چونکہ PWCS اس بات کو یقینی بنانے کے لئے گھنٹوں میں تیاری کرتا ہے کہ تعلیمی اوقات کے لئے کم از کم ریاستی ضروریات کو پورا کریں تو کیا تعلیمی سال جلدی ختم ہو جائے گا اگر ہمارے ہاں شدید سردی نہ ہوئی اور خراب موسم کی وجہ سے سکول بند نہ ہوئے؟

مختصر جواب ہے، نہیں۔

سیکھنے کی تنظیم کے طور پر، PWCS ہمارے طلباء کے لئے ممکنہ حد تک زیادہ سے زیادہ تدریسی وقت کی اہمیت کی قدر کرتا ہے۔ PWCS کا موجودہ طے شدہ تعلیمی سال سٹوڈنٹ کے دن کی لمبائی کی وجہ سے 990 گھنٹے کی ریاستی ضرورت سے زیادہ ہے۔ اضافی وقت (گھنٹے) کو "دنوں" میں تبدیل کر دیا جاتا ہے جسے خراب موسم کی صورت میں استعمال کیا جا سکتا ہے۔ ان اضافی گھنٹوں کا ایک فائدہ یہ ہے کہ دنوں کو سال کے آخر میں یا سکول کے دن میں شامل کرنے کی ضرورت نہیں ہے، جیسا کہ ماضی کے سالوں میں کیا گیا تھا جب بہت زیادہ سنو ڈے استعمال کیے گئے۔

سال کے آخر میں دن واپس دینے کا کوئی طریقہ نہیں ہے کیونکہ وہ اضافی "دن" صرف 990 گھنٹے سے زیادہ کا اضافی وقت ہے اور اگر دن واپس دیئے جاتے ہیں تو PWCS مطلوبہ 180 دن کے تعلیمی سال سے کم ہو جائے گا۔

ورجینیا کے قانون میں حالیہ تبدیلیاں PWCS میں موسم سے متعلقہ اور دیگر ہنگامی بندشوں کو کیسے متاثر کرتی ہیں؟
2021 کے قانون ساز اجلاس کے دوران، ورجینیا کی جنرل اسمبلی نے ایک بل (ہاؤس بل 1790/سینیٹ بل 1132) منظور کیا جس میں 10 غیر طے شدہ گھر بیٹھے تدریسی دنوں (مکمل یا جزوی) کو 180 دن یا 990 گھنٹے کے تدریسی وقت کی ضرورت پر لاگو کرنے کی اجازت دی گئی جب یہ بندش شدید موسمی اور دیگر ہنگامی حالات کی وجہ سے ہے۔ ورجینیا ڈپارٹمنٹ آف ایجوکیشن کے مطابق، اگر سکول ڈویژن ان دنوں ہر سٹوڈنٹ کو تدریس اور خدمات فراہم کرنے کے قابل ہیں، تو تدریسی وقت کو سکول کی مدت اور تعلیمی سال کے لیے بنیادی تدریسی گھنٹے کے تقاضوں میں شمار کیا جا سکتا ہے۔
خراب موسم کے دوران کوڈ اور آپریشنز کے بارے میں مزید جاننے کے لیے ضابطہ 1-405 ملاحظہ کریں۔ 

 

کوڈ اورنج شیڈول کا نمونہ

ایلیمنٹری سکولوں کے لیے شیڈول کا نمونہ

بلاک وقت منٹ
تدریسی بلاک صبح 9 سے 11 بجے 120
لنچ/وقفہ صبح 11 سے دوپہر 12 بجے 60
تدریسی بلاک دوپہر 12 تا 2 بجے 120

مڈل سکولوں کے لیے شیڈول کا نمونہ

پیریڈ/بلاک وقت منٹ
ایڈوائزری/پہلا پیریڈ صبح 9 تا 9:35 35
دوسرا پیریڈ صبح 9:40 تا 10:10 30
تیسرا پیریڈ صبح 10:15 تا 10:45 30
چوتھا پیریڈ صبح 10:45 تا 11:15 30
دوپہر کا کھانا صبح 11:15 تا دوپہر 12:15 60
پانچواں پیریڈ دوپہر12:20 سے دوپہر 12:50  30
چھٹا پیریڈ دوپہر12:55 سے دوپہر 1:25  30
ساتواں پیریڈ دوپہر 1:30 تا 2  30

ہائی سکولوں کے لیے شیڈول کا نمونہ

سکول اپنے A اور B شیڈول پر عمل کریں گے۔

ہائی سکولوں میں سات پیریڈ والے شیڈول کا نمونہ

پیریڈ/بلاک وقت منٹ
پہلا بلاک (A اور B دن) صبح 9 تا 9:40 40
دوسرا (A دن)/تیسرا (B دن) بلاک صبح 10 سے 11 بجے 60
دوپہر کا کھانا صبح 11 سے دوپہر 12  60
چوتھا (A دن)/پانچواں (B دن) بلاک دوپہر 12 تا 12:55 55
چھٹا (A دن)/ ساتواں (B دن) بلاک دوپہر 1:05 تا 2  55

ہائی سکولوں میں آٹھ پیریڈ والے شیڈول کا نمونہ

پیریڈ/بلاک وقت منٹ
پہلا (A دن)/ دوسرا (B دن) بلاک صبح 9 تا 9:55 55
تیسرا (A دن)/ چوتھا (B دن) بلاک صبح 10:05 سے 11 بجے 55
دوپہر کا کھانا صبح 11 سے دوپہر 12 بجے 60
پانچواں (A دن)/ چھٹا (B دن) بلاک دوپہر 12 تا 12:55 55
ساتواں (A دن)/ آٹھواں (B دن) بلاک دوپہر 1:05 تا 2 بجے 55