سکول بند ہونا، تاخیر سے کھلنا اور ہنگامی صورتحال

فیصلے کرتے وقت، ہمارے طلباء اور سٹاف کا تحفظ ہماری اولین ترجیح ہے۔

PWCS ہنگامی صورتحال کی انتظامیہ، ماہرین موسمیات کی معلومات، اور سٹیٹ ہائی وے کے منتظمین کی سڑکوں کے حالات کا جائزہ لیتا ہے، اور سکول حکام کاؤنٹی بھر میں سڑکوں، فٹ پاتھوں، پارکنگ لاٹس اور بس کی لینوں کا بھی جائزہ لیتی ہے۔ سطح سمندر سے نمایاں تبدیلیوں کے ساتھ، 350 مربع میل کی حدود میں رہنے والے طلباء، عملے، اور رہائشیوں کی سلامتی کو یقینی بنانے کے لیے، یہ فیصلے کاؤنٹی بھر کے حالات اور موسم کی پیش گوئی کی بنیاد پر کیے جاتے ہیں۔ اس سے مراد ہے کہ ہو سکتا ہے کہ آپ کے گرد و نواح میں حالات اتنے خراب نہ ہوں جبکہ سکول بند کرنے کا فیصلہ کیا گیا ہو۔ براہ کرم خطرناک حالات کے ان کوڈز کو جانیں جو ہم موسم کی وجہ سے آپریشن تبدیل کرتے وقت PWCS میں استعمال کرتے ہیں۔

جتنی جلدی ممکن ہو، فیصلوں سے آگاہ کیا جاتا ہے۔

اس بات کو مدنظر رکھتے ہوئے کہ اہل خانہ کو مناسب انتظامات کے لیے کافی وقت مل سکے، PWCS پوری کوشش کرتا ہے کہ تاخیر سے کھولنے اور بند کرنے سے متعلق فیصلے جتنا جلدی ممکن ہو، کیے جائیں۔ زیادہ تر معاملات میں، فیصلہ ایک رات پہلے کیا جائے گا؛ یا غیر یقینی حالات میں، بند ہونے کی صبح 4:30 بجے سے پہلے پہلے، ایک بار موسم سے متعلق فیصلے کرنے کے بعد، اس کے بارے میں جتنی جلدی ممکن ہو اس کے بارے میں معلومات فراہم کریں۔

حتمی فیصلہ آپ کو کرنا ہے۔

بطور والدین اور سرپرستان، اگر آپ محسوس کرتے ہیں کہ حالات محفوظ نہیں ہیں اور سکول کھلا ہے، تو آپ کو اختیار ہے کہ آپ اپنے بچوں کو سکول مت بھیجیں۔ اگر آپ اپنے بچوں کو اس دن نہ بھیجنے کا انتخاب کرتے ہیں جب سکول کھلا ہو تو ، اگر ان کے والدین/ سرپرست کی طرف سے غیر حاضری کی اطلاع دی گئی ہے تو انہیں منظور شدہ غیر حاضریملے گی۔ براہ کرم اپنے بچے کے سکول میں غیر حاضری اور غیر حاضری کی وجہ کی اطلاع دیں۔ طلباء کو تعلیمی طور پر سزا وار نہیں ٹھہرایا جائے گا البتہ انہیں چھوٹ جانے والے ذمیہ کاموں کو پورا کرنا ہو گا۔

ایک ایسا منصوبہ تیار رکھیں جن سے سب آگاہ ہوں۔

سکول جلدی بند ہونے کی صورت میں، جس سےPWCS بچنے کی کوشش کرتا ہے، طلباء کو یہ جاننے کی ضرورت ہے کہ کہاں جانا ہے یا اگر پیرنٹ/سرپرست گھر پر نہیں ہیں تو کیا کرنا ہے۔ براہ کرم اس بات کو یقینی بنائیں کہ آپ کی رابطے کی معلومات پیرنٹ ویو میں اپ ڈیٹ کی گئی ہے کیونکہ سکول آپ کے بچے کی حفاظت کو یقینی بنانے کے لئے ان معلومات پر انحصار کرتے ہیں۔ کوڈ ریڈ یا کوڈ اورنج کے دنوں میں طلباء کو سکول نہ لائیں کیونکہ عملہ عمارت میں نہیں ہو گا۔

 براہِ کرم سکول بند کرنے یا سکول کھولنے میں تاخیر کی صورت میں PWCS میں استعمال ہونے والے کوڈز سے خود کو آگاہ کریں۔