په مکرر ډول پوښتل شوي بوښتنی وګورئ - Pashto

د ټائټل IX په اړه کورنیو ته لارښوونه

ټائټل IX څه شئ دۍ؟

ټائټل IX د تبعیض پر ضد د فډرال یا مرکزی حکومت قانون دي کوم چې د PWCS په ښوونیزو پروګرامونو او فعالیتونو کې د (جنسی تیری او جنسي ځورونې په ګډون) د جنسیت پر بنسټ له تبعیض څخه د پرنس ویلیم کاونټي عامه ښوونځيو (PWCS) زده کوونکي او کار کوونکي ژغوري.

شکایت کوونکی او ځواب ویونکی څوک دي؟

شکایت کوونکی هغه کس دی چې د راپور شوي جنسي ځورونې یا جنسي تیري موخه وي.

ځواب ویونکی هغه کس دی چې د جنسي ځورونې یا جنسي تیري په جرم تورن وي.

آیا د ټائټل IX قانون په هر ډول ناوړه جنسي چلند باندې پلی کیږي؟

ټول هغه ناوړه جنسي کړنی یا عملونه چې د ښوونځي په ملکیت کی او یا د PWCS په ښوونیزو پروګرامونو او یا د فعالیتونو پر مهال ترسره کېږي، د PWCS له مقرراتو څخه سرغړونه ګڼل کېږي او په مناسب ډول به څیړل کیږي او په مناسبه توګه به ورته عکس العمل ښکاره کېږي. خو بیا هم، ټولی ناوړه جنسي کړنی یا عملونه د ټائټل IX څخه سرغړونه نه په ډاګه کوي. ټائټل IX یوازې د جنسي تاوتریخوالي او یا ناوړه چلند یا د ناوړه جنسي چلند په ځینو کړنو یا عملونو باندی د پلي کیدو وړ دی کوم چې ډیر سخت وي او له امله یی شکایت کوونکي لپاره د PWCS پروګرام او یا ښوونیز فعالیت ته لاسرسی موندنه په بشپړ ډول ستونزمن کوي.

زه باید څه وکړم که چیرته زما ماشوم په جنسي ډول ځورول شوی وي یا پری جنسي تیری شوی وي؟

تاسو باید ژر تر ژره د ناوړه جنسی چلند په اړه د خپل ماشوم د ښوونځی مدیر، مرستیال مدیر یا د ټائټل IX کوردیناتور ته راپور ورکړئ. که چیرته راپور شوي ناوړه چلند په ښوونځي کې (د مجازی ټولګي په شمول)، د ښوونځي په بس کې، د ښوونځي لخوا سپانسر شوي فعالیت کی یا د PWCS وسیلی یا شبکې په کارولو سره رامینځ ته شوي وي، نو PWCS د وضعیت د سمولو لپاره د تحقیق کولو او اقدام پورته کولو مسٔولیت په غاړه لري.

که چیرته راپور شوي ناوړه چلند د PWCS په تعلیمي پروګرام یا فعالیت کې نه وي تر سره شوی، نو بیا PWCS ممکن د وضعیت د څیړلو او حل کولو واک ونه لري؛ خو بیا هم، PWCS به ستاسو ماشوم سره مرسته کوي او کولی شي چی تاسو او ستاسو ماشوم د ټولنې اړوند مرستندوینه سرچینو سره وصل کړي.

څه به وي، که چیرته زما ماشوم په ښوونځي کې د یو چا په جنسي ځورونې یا جنسي تیري تورن شي؟

که چیرته ستاسو ماشوم د PWCS په تعلیمي پروګرام یا فعالیت کې په ناوړه جنسي چلند کی د ښکیل کیدو په تور تورن شي، نو بیا PWCS مسؤلیت لري چې په بشپړ ډول او عادلانه توګه تحقیقات یا څیړنه ترسره کړي. تاسو ته به د تور په اړه خبر درکول کیږي، او ستاسو ماشوم به دا حق ولري چې د پیښی په اړه د خپل اړخ کیسه بیان کړي.

که چیرته په تور لګونه کې د ناوړه جنسي چلند داسی بڼه شامل وي چې ممکن د ټائټل IX څخه سرغړونه په ډاګه کړي، نو بیا به د ټائټل IX کوردیناتور له تاسو سره اړیکه ټینګوي ترڅو دا وضاحت درکړي چی تحقیق به څرنګ تر سره کیږي، کوم ډول ملاتړ به وړاندی کیږي، او دا چی تاسو او ستاسو ماشوم د پروسی پر مهال کوم ډول حقونه لرئ، کوم چې د "ټآئټل IX شکایت پروسی" په نوم پیژندل کیږي.

یو شکایت به څرنګه حل کیږي؟

یوځل چې یوه قضیه د ټایٔټل IX په توګه مشخص شي، نو دلته دوه بیلابیلې لارې شتون لري چې په نظر کی نیول کیدی شي. لومړۍ لار د ټائټل IX شکایت پروسه ده. دویمه لار د قضیی غیر رسمی حل دۍ.

د ټائټل IX شکایت پروسه څه ته وایی؟¹

د ټائټل IX شکایت پروسه یوه داسی پروسه ده چې د هر ډول راپور شوي ناوړه جنسي چلند په اړه د تحقیق او حل لپاره کارول کیږي چې ممکن د ټائټل IX څخه سرغړونه په ډاګه کړي.

د ټایٔټل IX شکایت پروسې په بهیر کې د راپور شوی ناوړه چلند په اړه ستاسو د زده کوونکی د ښوونځی پازوالان یا اداره کوونکی څیړنه یا پرېکړه نه تر سره کوي. د ټایٔټل IX شکایت په پروسه کې، څیړنه د متنوعیت، مساواتو، شمولیت، او موافقت څانګې (DEIC) څخه د موافقت یا اطاعت ډاډ رامینځته کوونکی څیړونکی لخوا ترسره کیږي.

دا چې څه پېښ شوي وو، په اړه به یی پریکړه د ټایٔټل IX پرېکړه کونکي لخوا تر سره کیږي، څوک چې د زده کوونکو د اورېدنی په څانګه کې دنده تر سره کوي.

که راپور شوی ناوړه چلند د PWCS "د چلند کوډ" څخه سرغړونه په ډاګه کړي مګر نه د ټایٔټل IX څخه، دا قضیه به بیرته ستاسو د ماشوم ښوونځي ته راجع کیږي. د ښوونځي یو پازوال یا اداره کوونکی به څیړنه تر سره کوي او د راپور شوي ناوړه چلند په اړه به پرېکړه تر سره کوي.

د ټائټل IX د شکایت پروسه څومره وخت نیسي؟

د ټائټل IX د شکایت پروسه په 60 کاري ورځو یا تر هغي کمه موده کی بشپړه کیږي.

د دې مودی په بهیر کې، په ډیری مواردو کې، شکایت کوونکی او ځواب ویونکی دواړه د لازم ملاتړ سره ښوونځي ته دوام ورکوي ترڅو هغوي وکولی شي په خوندي توګه زده کړی تر سره کړي.

که چیرته تاسو د ټائټل IX شکایت پروسې پر مهال د خپل ماشوم د خوندیتوب په اړه اندیښنه لرئ، تاسو باید په سمدستي توګه د ټائټل IX کوردیناتور یا ستاسو د ماشوم مدیر یا مرستیال مدیر ته خبر ورکړۍ.

آیا د شکایتونو د حل لپاره د ټایٔټل IX شکایت پروسی پرته کومه بله لار شتون لری؟

هو، PWCS د غیر رسمي حل پروسه هم وړاندې کوي که چیرته د ټایٔټل IX همغږي یا کوردیناتور د غیر رسمی لاری د دغی ادعا یا تور حل کونه مناسب وګڼي.

غیر رسمی حل څه شۍ دی؟

غیر رسمي حل لاره د شکایت کوونکي او ځواب ویونکي ترمینځ په رضاکارانه توګه د خبرو اترو پروسه ده چی د جنسي ځورونی یا ناوړه چلند د ادعاوو د حل لپاره ډیزاین شوې ده، چې د رسمي شکایت له ثبت وروسته پرته له رسمي څیړنی یا اورېدنې ترسره کېږي، او تمرکز یې پر حل لارو او موافقه شوي پایلو باندی وي.

د غیر رسمي حل لاری سره سره، رسمي شکایت بیا هم ثبت کیږي؛ په هرصورت، د غیر رسمي حل لپاره اسانتیاوي رامینځته کوونکی ګمارل کیږي تر څو د موضوع د حل لپاره د دواړو خواوو سره په ګډه کار وکړي. د غیر رسمي حل پروسه د اړخونو ترمینځ یو رضاکارانه، منظم تعامل دی، لکه روغه جوړه کول.

د ټایٔټل IX شکایت پروسې او غیر رسمی حل لاری تر مینځ څه توپیر شتون لري؟

د دواړو پروسو تر مینځ ځینې بنسټیزه توپیرونه په لاندې ډول دی:

• د ټائټل IX شکایت پروسه تقریبا 60 کاري ورځی وخت نیسی. غیر رسمی حل لاره شاوخوا 10 کاری ورځې وخت نیسی.

• د ټایٔټل IX شکایت پروسه کی، د موافقت یا اطاعت ډاډ رامینځته کولو څیړونکی د شکایت کوونکی، ځواب ورکوونکی او شاهدانو سره مرکه تر سره کوی. د موافقت یا اطاعت ډاډ رامینځته کولو څیړونکی نور شواهد هم راټولوی او څیړنیز راپور بشپړوی. د شواهدو له کتنې وروسته، پریکړه کوونکی به بندیزونه او اصلاحی کارونه مشخص کوي.

•  د غیر رسمي حل پروسه شکایت کوونکي او ځواب ویونکي ته دا فرصت ورکوي چې د اسانتیاوی رامینځته کوونکی په مرسته، د بندیزونو او اصلاحی چارو په شمول د پایلو د مشخص کولو لپاره په ګډه سره کار وکړي. دواړه خواوي اجازه لری چې سلاکار او یا والدین/سرپرست له ځانه سره ولری.

• غیر رسمي حل دواړو خواوو ته اجازه ورکوي چې د بندیزونو او اصلاحی چارو په شمول د مناسبو پایلو مشخص کولو لپاره په ګډه سره کار وکړي.

• د غیر رسمی حل پروسې په بهیرکې، یو اړخ کولی شی چی بیرته د ټایٔټل IX شکایت پروسې ته د ګرځیدو پریکړه وکړی. تر هغه پوری چی د دواړو خواو لخوا په لیکلی ډول د حل تړون لاسلیک نشي، هر اړخ/جانب کولی شي پرته له جریمې د غیر رسمي حل څخه په شا شي. که چیرته هر اړخ/جانب د غیر رسمي حل څخه په شا شي، د رسمی شکایت پروسه به بیرته دوام مومي. سربیره پردې، هغه اړخونه چې په بنستیزه توګه په رسمي پروسه کې ښکیل وي، کولی شي چی د مسؤلیت ټاکل کیدو دمخه د غیر رسمي حل غوښتنه وکړي. که چیرته دواړه خواوې موافقه وکړی، یو غیر رسمی حل کیدای شی چی رامینځته شی.

زه د ټائټل IX په اړه لا زیات معلومات چیرته ترلاسه کولی شم؟

تاسو د ټائټل IX په اړه لا زیات معلومات د تبغیض او ځورونی په ویب پاڼه کی موندلی شئ.

تاسو د ټائټل IX په اړه لا زیات معلومات د PWCS په 1-738 مقرره "د ناوړه جنسي چلند زده کوونکو پر ضد تورونو ته عکس العمل ښکاره کول" کې هم موندلی شئ، د کوم لینک چې د DEIC په ویب پاڼه کې ورکړل شوی دۍ.  

که زه چیرته د ټائټل IX پریکړه کوونکي لخوا د ترسره شوي پریکړې سره موافق نه یم، نو بیا؟

که چیرته تاسو د پریکړې سره موافق نه یاست، تاسو کولی شئ چی د استیناف غوښتنه وکړئ. د پریکړې پر ضد د استیناف یا اپیل کولو د څرنګوالي په اړه به معلومات تاسو ته د ټائټل IX پریکړه کونکي لخوا درکړل شي او د PWCS په 1-738 مقرری کې هم موندل کیدی شي. (H برخه وګورۍ)

که چیرته زه د ټائټل IX په اړه پوښتنې ولرم، نو له چا سره اړیکه ټینګه کړم؟

تاسو باید د مطابقت ډاډ رامینځته کولو او ملاتړ ټیم سره په 6839-374-571 شمیره یا د [email protected] بریښنالیک له لاری اړیکه ټینګه کړئ.

¹ د ټائټل IX د شکایت پروسه د جنسي ځورونې یا جنسي تیري د هغو شکایتونو د حل کولو لپاره کارول کیږي چې د راپور له مخې د اګست په 14، 2020 کال کی یا تر هغی وروسته رامنځ ته شوي دي. که چیرته راپور شوي ناوړه چلند د اګست 14، 2020 نیټی څخه مخکې واقع شوی وي، نو بیا مختلف تګلاری پلي کیږي.

*دغه په مکرر ډول پوښتل شوي پوښتنی (FAQs) یوازی معلوماتي دي. که چیرته د مکرر ډول پوښتل شوي پوښتنو (FAQs) او PWCS مقرری 1-738 "د ناوړه جنسي چلند زده کوونکو پر وړاندې د تورونو حل،" ترمنځ کومه شخړه یا تضاد موجود وي، باید مقرره کنټرول واخلی یا ولري.