د آنلاین راجسټریشن پاکټ بشپړولو پر مهال باید اړین اسناد اپلوډ کړۍ.

د ټولو زده کوونکو لپاره اړین دي

• د زده کوونکی د زیږون/پیدایش اصلی سند یا تصدیق شوی کاپی.
  • د ماشوم د زیږیدنی یوازی د سند کاپي دا شرط نه پوره کوي.
  • د رسمی چارو پر مخ وړولو لپاره، تاسو باید د عامه د روغتیا څانګی یا د اسنادو د ریکارډ ساتلو دفتر څخه د زیږیدنی د سند تصدیق شوي کاپی تر لاسه کړۍ، چیرته چی زده کوونکی زیږیدلی وي. دا د "رسمی" کاپی په توګه وړاندی کیدی شي. که تاسو د خپل زده کوونکی لپاره د ویرجینیا د زیږیدنی سند تصدیق شوی کاپی نلرئ، نو مهربانی وکړئ د مرستې لپاره د ویرجینیا د روغتیا وزارت د اړین اسنادو د ریکارډ ساتلو ویب پاڼه وګورئ.
• په پرنس ویلیم کاونټي کی د کور د ملکیت لرلو یا د کرایی اسناد.
  • په پرنس ویلیم کاونټی کې د خپل استوګنځی ثبتولو په اړه د لا زیاتو معلوماتو لپاره مهربانی وکړئ 711-3 مقرره ولولئ.
• ستاسو د استوګنځی د پخلی کولو لپاره دوه نور اضافی سندونه چی باید د لاندې لیسټ څخه ترتیب شوی وي:
  • د ویرجینیا د موټر چلولو د اعتبار وړ جواز چی اوسنی پته پکی لیکل شوي وي
  • د موټر د ثبتولو یا راجسټریشن سند
  • د کور بیل لکه د ګیس، بریښنا بیل یا د ګیس/بریښنا دفتر لخوا سند
  • د شخصي ملکیت د مالیې بیل
  • د بانکی حساب سند
  • د معاش سند یا پی سټب
  • د رای ورکوونکی د راجسټریشن/نوم لیکنی سند
  • د موټر یا کور د بیمې پالیسي اسناد یا کارت
  • د سند په شکل کی نور داسی شواهد چی ستاسو استوګنځای ثابت کړي
• د اړینو واکسینو ثبوت

د وړکتون څخه تر 5 ټولګی زده کوونکو لپاره لازمی دي

• د وړکتون څخه تر پنځم ټولګي پورې د زده کوونکو لپاره بشپړ فزیکي معاینات چې د زده کوونکي په لومړي ځل عامه ښوونځي ته د ننوتو څخه دمخی په تیرو 12 میاشتو کې تر سره شوي اوسی. په ښوونځی کی د شاملیدو وړاندی، د ورجینیا د ښوونی او روزنی او د ورجینیا د روغتیا څانګه اړینه ګڼړي چی د زده کوونکی د روغتیا معلومات دي د ورجینیا دولت مشترکه د ښوونځي د داخلیدو روغتیا فورمه (PDF) کی مستند شي.

د ځینې زده کوونکو لپاره لازمی دي

• د هغو زده کوونکو لپاره د اوسني انفرادي زده کړې (IEP) پروګرام یوه کاپي چې د ځانګړي زده کړې خدمتونه ترلاسه کوي.
• د توقیف اسناد.
• د هغو زده کوونکو لپاره د نري رنځ (توبر کلوز) معایناتو منفي پایلې چې د راجسټریشن نیټې څخه دمخه یی په تیرو پنځو کلونو کې د متحده ایالاتو یا متحده ایالاتو له سیمو څخه بهر د دریو یا ډیرو پرله پسې میاشتو لپاره وخت تیر کړی اوسی. د نری رنځ د معاینې په اړه لا زیات معلومات دلته ترلاسه کړئ.

د پیژندنی تڼی یا ټیب

• د زده کوونکی د معلوماتو لنډیز - د والدینو ریکارډ سره تړلي ستاسو ټول زده کوونکی په ډاګه کوي، (د زده کوونکو د شاملیدو حالت پام کی نیولو پرته). که چیرته کوم معلومات غلط وي، مهرباني وکړئ د دوام ورکولو څخه وړاندي د خپل زده کوونکي ښوونځي سره اړیکه ټینګه کړئ.
• لاسلیک– ستاسو بریښنایی لاسلیک اخیستل کیږي. ستاسو نوم باید کټ مټ هم په هغه شکل داخل کړل شي، په کوم شکل چې د پاڼی په پورته ښی اړخ کونج کی معلومیږی. دی ځاي کی خپل بریښنایی لاسلیک په داخلولو سره، تاسو دا تصدیق کوئ چې دا حساب/اکاونټ ستاسو دئ، د نوم لیکنی لپاره په دې غوښتنلیک کی د معلوماتو ورکولو واک لرئ او موافق یاست چې ستاسو په غوره پوهې سره دا معلومات سم دي.

د کورنیو د معلوماتو تڼی یا ټیب

• د کور پته - د خپل کور پته تایٔید کړئ. که چیرته ستاسو پته بدله شوې اوسی، د لټون په ځاي کې د خپل کور نوئ پته دننه کړئ. کله چې ستاسو پته ښکاره شي، د پتې په ځاي کی په اتومات ډول ښکاره کولو لپاره پری کلیک وکړئ. که چیرته ستاسو پته د لټون په ځاي کې ونه موندل شي، تاسو کولی شئ چی د خپل کور پته په لاسی ډول د پتې لیکلو په ځاي کې ولیکئ. کله چی تاسو خپله پته ولیکله، د کور پته باید هم په هغه شکل یا فارمیټ سره ولیکئ، په کوم شکل یا فارمیټ سره چی د متحده ایالاتو په نورمال پوسټ یا میل کی لیکل کیږي.
  • که چیرته ستاسو پته د پرنس ویلیم کاونټی یا د PWCS ښوونځي د نوم لیکنی حدودو څخه بهر وي، مګر تاسو غواړئ چې د PWCS په ښوونځي کې د شاملیدو لپاره په پام کې ونیول شئ، تاسو کولی شئ چی خپل غوښتنلیک ته دوام ورکړئ. د غوښتنلیک په بشپړولو سره تاسو باید د نوم لیکنې پروسه بشپړولو په موخه خپل د خوښی ښوونځي سره اړیکه ټینګه کړئ، کوم چې ممکن له تاسو وغواړي چی د زده کوونکي د لیږد/تبادلی وړاندیز فورم بشپړ کړئ.
• د پوسټ یا میل پته - په اتومات ډول، ستاسو د میل یا پوسټ پته ستاسو د کور پتی په څیر تصور کیږي. که چیرته ستاسو د پوست یا میل پته ستاسو د کور د پتی څخه توپیر ولري، د چیک باکس خانه مه انتخابوئ، او د خپل پوست یا میل پته په مربوطه ځای کی دننه کړئ. کله چی تاسو خپله پته ولیکله، د کور پته باید هم په هغه شکل یا فارمیټ سره ولیکئ، په کوم شکل یا فارمیټ سره چی د متحده ایالاتو په نورمال پوسټ کی لیکل کیږي.

د والدینو/سرپرست تڼی یا ټیب

دا تڼی یا ټیب د هغه ټولو والدینو او سرپرستانو لپاره دی چې د یو یا ډیرو زده کوونکو سره تړلی دي. د هر یو زده کوونکی سره اړیکی په پروسه کی وروسته د زده کوونکی په تڼی یا ټب کی تشریح شوي دي. په دی ټیب یا تڼی کی باید یوازی هغه والدین او سرپرستان اضافه شي چی د زده کوونکو بریښنایی ریکارډ ته د لاسرسی قانونی حقونه لري. میرني والدین باید په دی ټیب یا تڼی کی ونه لیکل شي؛ پر ځاي یی هغوي باید د بیړنی حالت د اړیکی نیولو په ټیب کی ولیکل شي. که چیرته میرني والدین د زده کوونکی د ساتلو قانونی حق تر لاسه کړی، هغوی قانونی سرپرستان ګڼړل کیږی او د قانونی سند پر اساس اجازه لري. که څه هم نوم لیکنه کوونکی والدین یعنی (تاسو) ممکن د ټولو والدینو/سرپرستانو ریکارډ اضافه کړي، کله چی زده کوونکی شامل شي، تاسو یوازی د هغه والدینو/سرپرستانو لپاره معلومات تازه کولۍ شۍ چې د زده کوونکی سره په یوه کور پته کی اوسیږي. د لا زیاتو معلوماتونو لپاره مهربانی وکړۍ د PWCS مقرری نمبر 794-1 او د  PWCS مقرری نمبر 794-5 ته مراجع وکړۍ.

• ډیموګرافیکی معلومات– د زده کوونکي سره تړلي ټول والدین/سرپرستان او ور سره سره هغه والدین چی د پوځ سره تړلی حالت لري تائید کړئ، که چیرته د پلی کیدو وړ وي. د موجوده والدینو لپاره، په آنلاین ډول د نوم لیکنی له لارې په دغه نومونو کی بدلون نشي رامنځ ته کیدئ ځکه چې دا معلومات دمخه د PWCS ښوونځي کې تایید شوي دي. مهرباني وکړئ د نوم بدلولو لپاره په مستقیم ډول ښوونځي سره اړیکه ونیسئ.
• د اړیکی ټینګولو معلومات– د والدینو/سرپرستانو لپاره د اړیکو ټینګولو شمیری او د بریښنالیک پتی ولیکئ. ټولو والدینو/سرپرستانو باید لږ تر لږه یو د تلیفون شمیره لیست کړي اوسی. د نوم لیکنه کوونکی مور/پلار د بریښنالیک پته لیکل اړین دي.

په بیړنی حالت کی د اړیکه ټینګولو تڼی یا ټیب

مهرباني وکړئ د اړیکه ټینګولو موجوده معلومات بیاځلی وګورئ او په بیړنی حالت کی د اړیکی ټینګولو لپاره شمیره اضافه کړئ که اړتیا ورته لیدل کیږې. د والدینو/سرپرست برسیره، په بیړنی حالت کی د اړیکی ټینګولو لپاره لږ تر لږه د دوه نورو اړیکو لیکلو سپارښتنه کیږي (لکه ګاونډی، د ماشوم پاملرونکی، میرنی مور/پلار، خپلوان او نور وغیره) د لا زیاتو معلوماتونو لپاره، مهربانی وکړۍ د PWCS مقرری نمبر 794-5 ته مراجع وکړۍ.

• ډیموګرافیکی معلومات - د چا سره چی اړیکه نیول کیږي، لږترلږه د هغه/هغي نوم او تخلص باید ولیکل شي. په اختیاري شکل، تاسو کولی شئ چی په بیړنی حالت کی د اړیکه ټینګولو کس لپاره پته او د خوښی ژبه ولیکئ.
• د اړیکی ټینګولو معلومات– په بیړنی حالت کی د اړیکه ټینګولو لپاره لږترلږه یو د ټیلیفون شمیره ولیکئ.

د زده کوونکی د معلوماتو تڼی/ټیب

دا سکرین/پاڼه د هغه ټولو زده کوونکو لیست په ډاګه کوي چې په اولسوالی کی اوس مهال شامل دي یا پخوا شامل وو. د زده کوونکو دا معلومات یوازې د لوستلو وړ دي او د نوم لیکنې له پروسې څخه ایستل شوي دي.

د راجستر کولو په موخه د زده کوونکي د اضافه کولو لپاره د نوئ زده کوونکی اضافه کړئ/Add new Student تڼۍ کلیک یا کیکاږي.

• ډیموګرافیکی معلومات - د نوي زده کوونکی معلومات کټ مټ هم په هغه شکل ولیکئ لکه څرنګ چی د هغوي د زیږیدنی په قانونی سند کی معلومیږي. تاسو به هغه مور/ پلار هم انتخابوئ، د چا سره چې زده کوونکی په بنسټیزه توګه ژوند کوي. د زده کوونکي ښوونځي (د بیلګې په توګه، اړونده ښوونځي) به د دې پتې پر بنسټ مشخص کیږي. برسیره پر دې، تاسو باید د کور ډول هم په ډاګه کړئ کوم کی چې زده کوونکي ژوند کوي (د بیلګې په توګه یوازی د یوي کورنی کور، ټاون هاوس، اپارتمان، او نور وغیره). په وړکتون ټولګی کی نوم لیکنې لپاره، زده کوونکی باید د هغه کال د سپتمبر میاشت تر 30 نیټی پورې 5 کلن شي د کوم کال لپاره چې مور/ پلار غواړي زده کوونکي شامل کړي. هغه پوځی کورنۍ چې غواړي هغه زده کوونکي شامل کړي چې د وړکتون د نوم لیکنې لپاره د عمر شرایط نه پوره کوي، مګر د پوځي تړون قانون له مخې وړ دي، باید د نوم لیکنې بشپړولو لپاره د خپل زون ښوونځيو سره اړیکه ټینګه کړي.
• اضافی معلومات– د زده کوونکی پاتې معلومات د هغوي د زیږیدنی قانونی سند سره په مطابقت دننه کړئ. په اختیاري ډول، که چیرته د توقیف کوم اسناد شتون ولري تاسو کولئ شئ چی هغه په ډاګه کړئ کوم چې باید ستاسو د زده کوونکي لپاره په یاداښت کی ونیول شي.
• متحده ایالاتو ته د داخلیدو سوالنامه– دا سکرین/پاڼه به یوازې په هغه وخت څرګند کیږي که چیرته زده کوونکی د متحده ایالاتو څخه بهر یا په پورټو ریکو (Puerto Rico) کی زیږیدلی وي. دا چې دغه پوښتنی د زده کوونکي متحده ایالاتو ته د داخلیدو، متحده ایالاتو ته په وروستي ځل د داخلیدو، او په متحده ایالاتو کی د ښوونځي تاریخچی پورې اړه لري، هغه پوښتنی ځواب کړئ کوم چی د پلی کیدو وړ وي.
• ډیموګرافیکی معلومات– مهرباني وکړئ د زده کوونکو د کور او / یا د شخصي ګرځنده تلیفون شمیره ولیکئ (یوازی د هغه زده کوونکو لپاره چی عمر یی 13 کاله یا زیات وي) ، او همدارنګه د خوښی نوم او/یا شخصي بریښنالیک، که اړتیا ورته لیدل کیږي. د اړیکی ټینګولو دا معلومات باید د زده کوونکي پوری مشخص وي. د والدینو/ سرپرست د تلیفون شمیرې باید دلته ونه لیکل شي، او باید د والدینو په تڼی/ټیب کی معلومات تازه ولیکل شي. که چیرته زده کوونکی د ټلیفون شمیره نه لري، د ټلیفون نه لري خانه په نښه کړئ.
• McKinney-Vento / مک کینی-وینټو سروئ - د دې سروئ موخه دا ده چی د بې کوره کسانو تعلیم کی د مرستې کولو او وده ورکولو د 2001 د مک کینی-وینټو قانون تر لاندي د احتمالي خدماتو لپاره وړوالی مشخص شي. د بې کوری د تعریف او شته خدماتو په اړه د لا زیاتو معلوماتو لپاره، مهرباني وکړئ د زده کوونکو د خدماتو ویب پاڼې ته مراجعه وکړئ. په اختیاري ډول، والدین کولئ شي چی د سکرین په پائ کې ورکړل شوي لینک کیکاږلو سره د مک کیني-وینټو خدماتو لپاره غوښتنلیک بشپړ کړي.
• ځانګړي خدمتونه - دا په ډاګه کوي چی که چیرته زده کوونکي د ګفټډ او با استعداد خدمتونو، خبری زده کولو، سیکشن 504 پلان، او د ځانګړي زده کړو خدمتونو په شمول د کوم ځانګړي خدمتونو یا پروګرامونو لپاره آزمویل شوي وي، یا یې پکی ګډون کړئ اوسی.
• د ښوونځي انتخاب - د زده کوونکي لپاره د انتخاب شوي اصلی کور پتی پر اساس، دا سکرین/پاڼه به د زده کوونکي د اوسیدو د ځاي اړونده ښوونځی (د بیلګې په توګه , زون شوی ښوونځی) په ډاګه کوي چیرته چې به د راجسټریشن یا نوم لیکنی غوښتنلیک لیږل کیږي. که تاسو د ښوونځي د حدودو څخه بهر یا که د ښوونځي په حدودو کې دننه اوسیږئ، مګر مونږ نه شو توانیدلی چی د ودانی پته تایید کړو (د بیلګی نوی ودانی، د 911 لخوا د پتی نوئ لیست، نور وغیره)، نو زون شوی ښوونځی به نه څرګند کیږي. په دې صورتونو کې، تاسو کولئ شئ خپل د نوم لیکنې غوښتنلیک بشپړولو ته دوام ورکړئ او باید د شاملیدو پروسې بشپړولو لپاره خپل ښوونځي سره اړیکه ټینګه کړئ.
• قومیت او نژاد - د زده کوونکي قومیت او د پلی کیدو وړ ټول نسلونه یا نژادونه غوره کړئ.
• روغتیایی بیمه– د نري رنځ یا توبرکلوز په اړه معلوماتی پوښتنی بشپړ کړئ. که چیرته ستاسو زده کوونکی په تیرو پنځو کلونو کې په کوم بهرني هیواد کې د پنځو پرله پسې میاشتو لپاره ژوند کړئ اوسی، تاسو باید د نري رنځ یا توبرکلوز د سکرینینګ یا معایناتو شواهد وړاندې کړئ، لکه څرنګ چې د PWCS مقرره نمبر 723-4، د توبرکلوز یا نری رنځ د (TB) معایناتو شرایط کې تشریح شوي دي. د غوښتنې سره سم په لیکل شوي بڼه د اسنادو پرته زده کوونکو ته به ښوونځي ته د داخلیدو اجازه ورنکړل شي. مهرباني وکړئ د زده کوونکي د ډاکټر، غاښونو ډاکټر، او د روغتیایی بیمې په اړه هم معلومات دننه کړئ.
• روغتیایی ستونزی - که چیرته زده کوونکی کومی روغتیایی ستونزی لري، نو په ډاګه یی کړئ. که چیرته دغه مشخصه ستونزه/حالت لاندې ځاي کی لیست شوي نه اوسی، د "نوری ستونزی/حالت" انتخاب غوره کړئ، او د نظر ورکولو په ځای کی دغه روغتیایی ستونزه یا حالت مشخص کړئ. مهرباني وکړئ د ښوونځي سره معلومات وکړئ چې آیا د زده کوونکي روغتیایی حالت روغتیایی درملنې ته اړتیا لري او که څرنګ. د PWCS د پلی کیدو وړ روغتیایی فورمونو او د مقرراتو کتلو یا چاپ کولو لپاره، مهرباني وکړئ د زده کوونکو د روغتیا خدمتونو ویب پاڼه وګورئ.
• دارو درمل - په ډاګه کړۍ که کوم زده کوونکی درمل کاروي. لاندې لست شوي درمل به په زده کوونکي باندي نه تطبیق کیږي تر څو چې په اړه یی مناسب اسناد وړاندي شوي نه وي او ستاسو د ښوونځي روغتیایی کارکوونکو لخوا تایید شوي نه وي. د PWCS د پلی کیدو وړ روغتیایی فورمونو او د مقرراتو کتلو یا چاپ کولو لپاره، مهرباني وکړئ د زده کوونکو د روغتیا خدمتونو ویب پاڼه وګورئ.
• واکسینونه– مهرباني وکړئ د خپل زده کوونکي د واکسینونو نیټی ولیکئ، څرنګ چې د هغوي د واکسینونو په ریکارډ کې رسول شوي دي. د واکسین تر سره کولو نیټې باید ترتیب وار شکل سره وي د زده کوونکي د واکسینونو د ریکارډ یوه کاپي ته به لا هم د تاییدولو لپاره اړتیا وي او کولئ شئ چی د دې غوښتنلیک په پای کې یی اپلوډ کړئ.
• د معلوماتو خپرول/ورکول - د ویرجینیا د نوي قانون تر لاندي، ښوونځي کولی شي چی د والدینو په اجازه یوازې د زده کوونکو پتې، د تلیفون شمیرې، او د بریښنالیک پتې بهرنی ډلو ته لکه PTAs، منتخب شوي چارواکو، او د فراغت توکو پلورونکو ته ورکړي. د دې معلوماتو خپرولو ته اجازه ورکولو لپاره مهرباني وکړئ لاندې ځای کی خانه یا بکس په نښه کړئ کوم چې د زده کوونکي د غوره ګټو په موخه د مدیر (یا استازی ) په رضایت سره د توکو لیږدولو کی اسانتیاوی رامنځ ته کوي. ستاسو د اجازی پرته، زده کوونکی ممکن د اړینو فرصتونو یا معلوماتونو تر لاسه کولو څخه بی برخی پاتی شی ( د چلند قانون , FERPA خبرتیا او مقرره 790-3) وګوری.
• د کور/مورنی ژبې سروې– دا چې دغه پوښتنی د زده کوونکو په لومړی ځل زده کړل شوي ژبی، په کور کی ویل کیدونکی ژبی، او د لیک / لوست ژبو سره تړاو لري، نو مهربانی وکړئ ټولو پوښتنو ته ځواب وویاست. د ورکړل شویو ځوابونو پر اساس، زده کوونکی کیدای شي د انګلیسي زده کړي اضافی ارزونی په موخه د ځای پرځای کولو یا خدماتو لپاره د PWCS ښه راغلاست مرکز ته راجع شي.
• اړیکی/تعلقات - دا سکرین/پاڼه د هغه ټولو والدینو/سرپرستانو نومونه لیسټ کوي چې د والدینو / سرپرست په ټیب/تڼی کې لیکل شوي وو. مهرباني وکړئ هغه اړیکه/تعلق په ګوته کړئ چې هر مور یا پلار/سرپرست یی له زده کوونکو سره لري لکه څرنګ چې ورته پورته اشاره شوئ ده. که چیرته والدین/ سرپرست د زده کوونکي سره خپلولی نلري، د "هیڅ اړیکه یا خپلولی نه لري" چیک باکس یا خانه په نښه کړئ.
• په بیړنی حالت کی د اړیکی ټینګولو کس سره تعلق - په بیړنی حالت کی د هر یو اړیکه ټینګونکی کس تعلق په ډاګه کړئ چی د زده کوونکی سره یی لري. وروسته، له ستاسو به وغوښتل شي چې په بیړنی حالت کی د اړیکی ټینګولو کسانو سره د اړیکی نیولو ترتیب غوره کړئ.
• په بیړنی حالت کی د اړیکی ټینګولو کسانو ترتیب - د کسانو نمونه هم په هغه ترتیب کې ښکته او پورته کش کړئ په کوم ترتیب کی چې ورسره باید په بیړني حالت کی اړیکه ونیول شي.
• د پری سکول خدمتونو سروئ– هغه انتخابونه غوره کړئ چې د پری سکول خدمتونه او په اونۍ کې د درسی ساعتونو شمیر په ښه توګه تشریح کوي په کوم کی چې زده کوونکي د وړکتون ښوونځی څخه وړاندي کال کی د پری سکول پر مهال ګډون کړئ وو.
• د نظم و ضبط یا ډسپلین تاریخچه– مهرباني وکړئ د زده کوونکي د ډسپلین یا نظم و ضبط پخوانی معلومات ولیکئ. که تاسو د پوښتنو څخه کومی پوښتنې ته په "هو" ځواب ورکړئ، له ستاسو څخه به د پلی کیدو وړ معلوماتو ورکولو لپاره غوښتنه وشي.