Policy 729 - Pashto

زده کوونکي

د بیاځلی کتل کیدو نیټ: 1 اګسټ 2025

پالیسی نمبر 729

د ګرځنده ټلیفون څخه پاک تعلیم/زده کړي

1. موخه
   
   دا پالیسي د ګرځنده ټلیفون کارونی او د اړیکی ټینګولو نورو شخصي بریښنایی ټیکنالوژۍ لخوا رامینځته شوي د پام وړ خنډونو لیری کولو سره زده کوونکو سره د هغوي په علمي یا اکاډمیکی بریا کې مرسته کوي. د دې پالیسۍ موخې دا دي چې د ټولنیزو رسنیو پورې اړوند خنډونو د اغیزو کمولو سره په ټولګیو کې د زده کوونکو ښکیلتیا او ګډون ته وده ورکړي؛ د زده کوونکو ترمنځ له مخامخ څخه د خبرو اترو هڅولو سره معنی لرونکو اړیکو او د اړیکو ټینګولو مهارتونو پراختیا ته وده ورکړي؛ د زده کړې په پروسې کی د مداخلې کمولو سره د زده کوونکو سره علمي یا اکاډمیکی بریا ترلاسه کولو کې مرسته وکړي؛ او د زده کوونکو ترمنځ په مسؤلانه توګه د ډیجیټلی وسیلو د کارونی بیلګه وړاندې کړي او وحڅوي.
2. تعریفونه
   1. “د یو زنګ/ټلی څخه تر بلی ټلی پوری” په دی معنی دی کله چی د ښوونځی ورځ په پیل کې د درسونو د پیل کیدو په وخت کی لومړنی زنګ/ټلی وهل کیږي تر هغه وخت پوری کله چی د اکاډمیکی ورځ پائ ته رسیدو په وخت کی د ښوونځی د رخصتیدو لپاره وروستی زنګ/ټلی وهل کیږي، په شمول د غرمی خواړو او د درسی ساعتونو تر مینځ ټلی.
   2. “ د ګرځنده ټلیفون څخه پاک تعلمی/زده کړې” په عامه ښوونځیو کې د عمر سره په مطابق د ګرځنده ټلیفونونو او نورو شخصی بریښنایی مخابراتی وسیلو له مینځه وړلو یا محدودولو په معنی دي.
   3. "ګرځنده ټلیفون" د هغی شخصي وسیلی په معنی ده چې د ټلیفون کولو، د انځورونو یا ویډیوګانو لیږدولو، یا د بریښنایی لارو له لارې د پیغامونو لیږلو یا ترلاسه کولو وړتیا لري. د ګرځنده ټیلیفون په تعریف کې ساده ټیلیفونونه هم شامل دی چې یوازې د ټیلیفوني اړیکو نیولو او یا د متن پیغامونو استولو پورې محدود دی، او همدارنګه سمارټ یا عصری ټیلیفون هغه ټلیفو ته ویل کیږي چې پورته ذکر شوي ځانګړتیاوی لری او نور راتلونکي شخصي برېښنايي وسایل هم شامل دي چې د پورته یادو شوو ځانګړتیاوو لرونکي وي.
   4. "درسی ساعت" هر هغی رسمی یا غیر رسمی زده کړی په معنی ده چې د ښوونځي ورځې په پیل کې د لومړۍ ټلی وهلو څخه پيل کیږي او د اکاډمیکی ورځې په پای کې د رخصتۍ ټلی ووهلو باندی پاۍ ته رسیږي.
   5. "شخصي برېښنايي وسیله” د هر هغی شخصي وسیلی په معنی ده چې له سمارټ یا عصری ټلیفون، انټرنیټ، بی سیم وسیلی یا Wi-Fi شبکې سره د وصل کیدو وړتیا لري، یا په مستقیم ډول له بلې ورته وسیلې سره وصل کیږي. شخصي برېښنايي وسیلو کی ممکن ځینې د اغوستلو وړ وسایل، لکه سمارټ یا عصری ساعتونه، همدارنګه شخصي هیډفونونه، لپټاپونه، ټابلیټونه او نور هغه راتلونکي شخصي برېښنايي وسایل شامل وي چې پورته ذکر شوې ځانګړتیاوې ولري.
   6. "ساتل یا کیښودل" په دی معنی دی چی ګرځنده ټلیفونونه یا شخصي برېښنايي وسیلی د زده کوونکي سره په لاس کی نه دي یا د زده کوونکي په جیب کې نه دي. د ساتلو په ځایونو کې د زده کوونکي بکس یا کڅوړه، د زده کوونکي لاکر یا الماری، قلف شوي یا بنده شوي کڅوړه یا خلته، یا په ټولګي کې ټاکل شوي ځای شامل دي.
3. لارښودنې/تګلاری
   1. ابتدایهٔ او کډ ښوونځي
      1. ټول ګرځنده ټلیفونونه او شخصی الیکترونیکی وسیلی باید بندی وی او لیره کیښودل شي او د سیمه ییزه سفرونو په شمول د ښوونځی په ودانۍ کې یا د ښوونځی په ملکیت یا د ځائ په پام کی نیولو پرته د هیڅ درسی ساعت پر مهال به نشي کارول کیدي.
      2. زده کوونکو ته اجازه ده چې په ښوونځي بسونو کې، د والدینو/سرپرستانو په موټرو کې، او مخکې له دې چې ښوونځي ته ننوځي یا له ښوونځي څخه ووځي، خپل ګرځنده ټلیفونونه او د اړیکی ټینګولو شخصي برېښنایي وسایل وکاروي.
   2. منځني او عالي ښوونځي
      1. ټول ګرځنده ټلیفونونه او شخصی الیکترونیکی وسیلی باید د سهار د ټلی څخه تر رخصتیدو ټلی پوری او د سیمه ییزه سفرونو په شمول د ځائ په پام کی نیولو پرته د درسی ساعتونو پر مهال بندی وی او لیره کیښودل شي.
      2. ټول ګرځنده ټلیفونونه او الکترونیکي/بریښنایی وسیلی په ښوونځی کې دننه او د ښوونځی په کیمپس کې دننه د لومړی زنګ دمخه او د وروستی زنګ وروسته روښانه کیدی شي.
   3. دغه قوانین په ټولو ښوونځیو کی او په ټولګیو باندی د پلی کیدو وړ دی
      1. عمر یا د ټولګی کچی په پام کې نیولو پرته، ټول زده کوونکي اړ دی چې په خپل ښوونځی کی ټول د پلی کیدو وړ قوانین پلی کړی. د بیلګی په توګه، که د عالي ښوونځی یو زده کوونکی په یو ابتدایهٔ ښوونځئ کې په یو فعالیت کې ګډون کوي، نو د عالی ښوونځي دغه زده کوونکی باید د ابتدایهٔ ښوونځئ د ګرځنده ټلیفونونو او شخصي برېښنایي وسایلو قوانین پلی کړي، تر څو چی دغه زده کوونکی د ابتدایهٔ ښوونځئ په انګړ یا ودانی کی موجود وي.
      2. د ګرځنده ټلیفونونو او شخصي برېښنایي وسایلو کارونه د جامو بدلولو په ټولو خونو او تشنابونو کې هر وخت منع دي.
      3. ګرځنده ټلیفونونه او بی سیمه مخابراتي وسیلې د ښوونځي په بسونو کې کارول کیدی شي، مګر په دې شرط چې دغه وسیلی د موټر چلوونکی پام ګډوډ نکړي، خوندیتوب د ګواښ سره مخ نه کړي، یا د منع شوی محتوي او د ټولو زده کوونکو لپاره د لاندې تشریح شوي احکامو څخه سرغړونه ونه کړي.
      4. د یوی ټلی څخه تر بلی ټلی پورې د ښوونځي ورځې څخه بهر د غیر نصابی او نصابي فعالیتونو په بهیر کې د ګرځنده ټلیفونونو او شخصي بریښنایی وسیلو کارونه به د کوچ، سپانسر، یا ښوونکي لخوا مشخص کیږي.
   4. معلولیت او نورې اسانتیاوې/سهولتونه:
      
      درسی نصاب، ښوونځي او د ښوونځي لخوا سپانسر شویو فعالیتونو ته د زده کوونکو د لاسرسي ډاډ رامینځته کولو لپاره د 504 یا د انفرادی زده کړو پروګرام (IEPs) له لاری، یا د انګلیسي ژبې د زده کړي په پرورګرام کی د زده کوونکو لپاره د معلولیت اسانتیاوو په توګه د دغو تګلارو لپاره استثناوې منل کیدای شي، کله چی ورته اړتیا وي. د زده کوونکی د روغتیا، خوندیتوب، یا د ملاتړ نورو پلانونو برخو په توګه هم استثناوې منل کیدی شی.
   5. د ټولو زده کوونکو لپاره منع شوي محتوی او د هغی کارونه
      
      زده کوونکی اجازه نلری چی داسی محتوی چمتو کړي، ته لاسرسی ومومی یا د نورو سره شریک کړی چې د وړکتون څخه تر 12 پوری د ټولګیو تعلیمی چاپیریال سره په مطابق نه وي، کله چې د ښوونځی په ملکیت، په ښوونځی بسونو، یا د ځائ په پام کی نیولو پرته، د ښوونځی لخوا په سپانسر شوي پیښو/پروګرامونو کې شتون ولري. سرغړونه کول ښايي د ایستلو په شمول، د انضباطي اقدام لامل شي. په بیلګو کې شامل دي، مګر دغو پوری محدود نه دي:
      1. داسی محتوی چی فحش/ناوړه وي، سپکاوی پکی شوی وي، یا چې پکی غیرقانونی عملونه شامل وي یا د غیر قانونی عملونو د تر سره کولو ګواښ شوی وی.
      2. ځان د نورو خلکو په څیر څرګنده کولو لپاره د ساختګي زیرکتیا (ارټیفیشل انټیلیجنس) پروګرام په شمول داسی محتوی چې نور خلک تنګوي، ځوروي، ګواښی، یا سپکاوی یی کوي، په کلکه منع دي.
      3. د هغو زده کوونکو انځور اخیستل یا ویډیو جوړول چې په ناوړه چلند کې ښکیل وي یا طبي بیړني حالت تجربه کوي.
      4. په تشنابونو یا په لاکر/الماری خونو کې د ګرځنده ټلیفونونو او بیسیم مخابراتی وسیلو کارول په کلکه منع دی. په دغو ځایونو کی یا د ښوونځي، د ښوونځی ملکیت، یا د ښوونځی لخوا په سپانسر شوي فعالیتونو کی یا په نورو ځایونو کې په لوڅ حالت کې د نورو زده کوونکو انځورونه اخیستل یا ویډیوی عکاسی کونه به انضباطي پایله ولری او ممکن قانون پلي کوونکو چارواکو ته د راجع کولو پایله هم ولري.
      5. د ګرځنده ټلیفونونو او د بېسیم مخابراتی وسیلو د نقل لپاره کارول یا په داسی شکل کارول چې ښوونځی ډیویژن ته د منلو وړ کارونی پالیسی څخه سرغړونه کوی.
   6. محرومیت یا پرده او نورو ته درناوی
      
      د نورو شخصي حریم یا پردی ته درناوی کولو باندی ټینګار کیږي؛ د ښوونځي په ملکییت کې، په ښوونځي بسونو کې، او یا د ښوونځي اړوند فعالیتونو کې د ښوونځی مدیر یا کارکوونکو له اجازې پرته د ټولګیوالو، ملګرو او کارکوونکو عکسونه یا ویډیوګانې اخیستل په کلکه منع دي. .
   7. توقعات
      1. زده کوونکی باید د ښوونځی کارکوونکو د لارښوونو او د دې پالیسۍ د احکامو سره په مطابقت عمل تر سره کړی ترڅو په تعلیمی چاپیریال کی د ګډوډی مخه ونیول شي، په بل صورت کی هغوي ممکن د د چلند کوډ سره په مطابقت د انضباطی اقداماتو سره مخامخ شي.
      2. زده کوونکی دی لارښوونو/تګلارو ته د ژمن پاتی کیدلو او د خپلو شخصی توکو د خوندی کولو مسٔولیت په غاړه لري. د بی درکه شوی شخصی ګرځنده ټلیفون یا بېسیم مخابراتی وسیلې ستونزی حل کولو یا لټی لپاره به ټولګی او/یا لارښوونی بهیر نه ودرول کیږي.
      3. په ښوونځي کې بالغ کسان باید د ګرځنده ټلیفونونو او شخصي برېښنايي وسایلو په مسؤلانه ډول د کارونې بیلګه وړاندې کړي.
   8. د ښوونځی ورځې او د ښوونځی لخوا د سپانسر شویو فعالیتونو په بهیر کې د والدینو او زده کوونکو تر مینځ اړیکې
      1. والدین/سرپرستان باید د ښوونځی په وخت کی د زده کوونکو سره د شخصی ګرځنده ټلیفون یا شخصی الیکترونیکی وسایلو له لارې اړیکه ونه نیسی. والدین/ سرپرستان باید زده کوونکو ته پیغامونه رسولو لپاره د ښوونځی دفتر سره اړیکه ټینګه کړي او د ښوونځی دفتر به د دغه پیغامونو په رسولو کی مرسته وکړی.
      2. که چیرته اړتیا رامینځته شي، زده کوونکو کولی شي چی د ښوونځی په رسمی وخت کې والدینو/ سرپرستانو سره د اړیکه ټینګولو لپاره د ښوونځی دفتر ټلیفون وکاروي.
   9. بیړنی حالتونه
      1. هغه ښوونځي میشته کارکوونکي چې د زده کوونکو نظارت کوي، که چیرته اړتیا رامینځته شي باید په بیړنی حالت کی د اړیکی ټینکولو یا معلوماتونو تبادله کولو لپاره باید ګرځنده ټلیفون ته، (که چیرته د ډیویژن لخوا ورکړل شوي وي) ، یا د ټولګي ټلیفون ته لاسرسی ولري.
      2. په بیړنیو حالاتو کې د زده کوونکو لخوا د ګرځنده ټلیفونونو یا شخصي برېښنايي وسایلو کارونه ممکن خوندیتوب او/یا د غبرګون ښکاره کولو هڅې اغیزمنی کړي. بیړنی حالاتو څخه وروسته د یوځای کیدو پلان برخی په توګه، که چیرته د والدینو / سرپرستانو سره اړیکه ټینګولو لپاره شخصی بېسیم مخابراتی وسیلې کارولو ته اړتیا وی، اداری کارکوونکی به لازمه لارښوونه کوي کله چې د دغی کار تر سره کولو اجازه وشي.
   10. خبرتیاوې او مفاهمې/ارتباطات
       1. زده کوونکي او والدین/سرپرستان به د ښوونځي کال په پیل کې د ګرځنده ټلیفون څخه پاک تعلیم د مقرراتو خبرتیا ترلاسه کړي او باید دغه خبرتیا ولولي. د یو زده کوونکي او/یا د والدینو د ګرځنده ټلیفون څخه پاک تعلیم خبرتیا لوستلو کی پاتی راتلل یو زده کوونکی د دغو مقرراتو د پلی کولو مسؤلیت څخه نه آزادوی یا نه معاف کوي.
       2. PWCS به د ښوونځي کال په پیل کې په دې اړه معلومات په عام ډول خپاره کړي چې ښوونځي میشته کارکوونکی څرنګ روزل کیږي تر څو د کړکیچن حالت په بهیر کی کړکیچن اوبیړنی حالاتونه سنمبال کړي، د ماشومانو د والدینو/سرپرستانو سره د بیا یوځای کولو پلانونونه، او کورنیو ته د خبرتیا ورکولو پروسی پرمخ ویسی.
       3. د زده کوونکو سره د کارکوونکو ټول ارتباطات باید د 1- 503 مقررې "د ټولو کارکوونکو لپاره د مسلکی چلند معیارونو” سره په مطابقت وي.

د زده کوونکو د خدماتو او د ثانوي زده کړو وروسته بریالیتوب لپاره ایسوسی ایټ سپرانټنډنټ د دې پالیسۍ پلي کولو او ورڅخه د نظارت کولو مسؤلیت په غاړه لري.

دا پالیسی او هر ډول اړوند مقررات باید لږ تر لږه په هرو پنځو کلونو کې بیاځلی وکتل شي او د اړتیا پر اساس پکی بدلون رامینځ ته شي.