Policy 729 - Urdu

یکم اگست، 2025

 طلباء

پالیسی 729

سیل فون سے پاک تعلیم

1. مقصد
   
   یہ پالیسی موبائل فون کے استعمال اور رابطے کے دیگر ذاتی الیکٹرانک ٹیکنالوجی کی وجہ سے پیدا ہونے والی نمایاں رکاوٹوں کو دور کر کے طلباء کو ان کی تعلیمی کامیابی میں مدد فراہم کرتی ہے۔ اس پالیسی کا مقصد سوشل میڈیا سے متعلق رکاوٹوں کے اثر و رسوخ کو کم کر کے کلاس روم کی سرگرمیوں میں طلباء کی مصروفیت اور شرکت کو بڑھانا ہے۔ طلباء کے درمیان رو برو بات چیت کی حوصلہ افزائی کر کے بامعنی روابط اور باہمی مہارت کی ترقی کو فروغ دینا؛ سیکھنے کے عمل میں رکاوٹوں کو کم سے کم کر کے تعلیمی کامیابی حاصل کرنے میں طلباء کی مدد کرنا؛ اور طلباء کے درمیان ذمہ دار ڈیجیٹل شہریت کو ماڈل اور فروغ دینا۔
2. تعریفیں
   1. "بیل ٹو بیل" سے مراد تعلیمی دن کے آغاز میں پہلی گھنٹی بجنے سے لے کر تعلیمی دن کے اختتام پر چھٹی کی گھنٹی بجنے تک ہے، جس میں دوپہر کا کھانا اور کلاس کے اوقات کے درمیان کا وقت بھی شامل ہے۔
   2. سرکاری سکولوں میں عمر کے مطابق موبائل فونز اور رابطے کے دیگر ذاتی الیکٹرانک ڈیوائس کے استعمال میں کمی یا پابندی کا نفاذ۔
   3. "سیل فون" سے مراد ایک ذاتی ڈیوائس ہے جو کال کرنے، تصاویر یا ویڈیو منتقل کرنے، یا الیکٹرانک ذرائع سے پیغامات بھیجنے یا وصول کرنے کی صلاحیت رکھتی ہے۔ سیل فون کی تعریف ایک غیر سمارٹ فون پر مشتمل ہے جو فون کالز یا ٹیکسٹ پیغامات کرنے تک محدود ہے، ایک اسمارٹ فون جو مندرجہ بالا خصوصیات کا احاطہ کرتا ہے، اور مندرجہ بالا خصوصیات کے ساتھ مستقبل کے رابطے کے دیگر ذاتی الیکٹرانک آلات۔
   4. "انسٹرکشنل یعنی تدریسی پیریڈ" سے مراد کوئی بھی منظم یا غیر منظم سیکھنے کا تجربہ ہے جو تعلیمی دن کے آغاز میں پہلی گھنٹی بجنے سے لے کر تعلیمی دن کے اختتام پر چھٹی کی گھنٹی بجنے تک ہوتا ہے۔
   5. "رابطے کی ذاتی الیکٹرانک ڈیوائس" سے مراد کوئی بھی ذاتی ڈیوائس ہے جو سمارٹ فون، انٹرنیٹ، سیلولر یا وائی فائی نیٹ ورک سے منسلک ہونے کی صلاحیت رکھتی ہے، یا براہ راست اسی طرح کے کسی دوسرے آلے سے جڑتی ہے۔ رابطے کی ذاتی الیکٹرانک ڈیوائس میں کچھ پہننے والی ڈیوائس جیسے سمارٹ گھڑیاں، نیز ذاتی ہیڈ فون، لیپ ٹاپ، ٹیبلٹ، اور مندرجہ بالا خصوصیات کے ساتھ مستقبل کے رابطے کے دیگر ذاتی الیکٹرانک ڈیوائس شامل ہو سکتے ہیں۔
   6. "سٹورڈ یعنی اپنے سے دور کسی جگہ پر رکھنا" سے مراد وہ سیل فون یا رابطے کا ذاتی الیکٹرانک آلہ ہے جو سٹوڈنٹ اپنے ساتھ نہیں رکھتا، بشمول سٹوڈنٹ کی جیب کے۔ سٹوریج کے اختیارات میں سٹوڈنٹ کا بیگ، سٹوڈنٹ کے لاکر میں، بند تھیلی میں، یا کلاس روم میں ایک مخصوص جگہ پر رکھنا شامل ہیں۔
3. رہنما اصول
   1. ایلیمنٹری اور مجموعہ سکول
      1. تمام سیل فون اور رابطے کے ذاتی الیکٹرانک ڈیوائس کو بند کیا جائے گا اور اپنے سے دور رکھا جائے گا اور کسی بھی وقت سکول کی عمارت کے اندر یا سکول املاک پر یا کسی بھی تعلیمی پیریڈ کے دوران استعمال نہیں کیا جا سکتا ہے، مقام سے قطع نظر، بشمول فیلڈ ٹرپس۔
      2. طلباء کو سکول بسوں میں اپنے سیل فون اور رابطے کے ذاتی الیکٹرانک ڈیوائس استعمال کرنے کی اجازت ہے، پیرنٹ/سرپرست گاڑیوں میں، اور سکول املاک میں داخل ہونے سے پہلے یا باہر نکلنے کے بعد۔
   2. مڈل اور ہائی سکول
      1. تمام سیل فون اور رابطے کے ذاتی الیکٹرانک ڈیوائس کو بیل ٹو بیل تعلیمی دن کے دوران اور کسی بھی تدریسی مدت کے دوران، مقام سے قطع بند اور محفوظ کیا جانا چاہیے چاہے بشمول فیلڈ ٹرپس۔
      2. تمام سیل فونز اور رابطے کے ذاتی الیکٹرانک ڈیوائس سکول کے اندر اور سکول کے کیمپس میں بیل ٹو بیل تعلیمی دن سے پہلے یا بعد میں آن اور استعمال کیے جا سکتے ہیں۔
   3. قواعد کا اطلاق تمام سکولوں اور گریڈ لیول پر ہوتا ہے
      1. طلباء، عمر یا گریڈ لیول سے قطع نظر، مخصوص سکول کے لاگو قوانین پر عمل کرنے کی ضرورت ہے جہاں وہ موجود ہیں۔ مثال کے طور پر، اگر ہائی سکول کا سٹوڈنٹ ایلیمنٹری سکول میں کسی سرگرمی میں شرکت کر رہا ہے تو ہائی سکول کے سٹوڈنٹ کو ایلیمنٹری سکول کیمپس میں موجود رہتے ہوئے ایلیمنٹری سکولوں پر لاگو سیل فون اور رابطے کے ذاتی الیکٹرانک ڈیوائس کے قواعد پر عمل کرنا ہو گا۔
      2. تمام لاکر رومز اور ریسٹ رومز میں ہر وقت سیل فون اور رابطے کی ذاتی الیکٹرانک ڈیوائس کا استعمال ممنوع ہے۔
      3. سیل فون اور رابطے کی ذاتی الیکٹرانک ڈیوائس سکول بسوں میں استعمال کی جا سکتی ہیں بشرطیکہ یہ ڈیوائس ڈرائیور کی توجہ مبذول نہ کرے، حفاظت پر سمجھوتہ نہ کرے، یا تمام طلباء کے لئے ممنوعہ مواد اور استعمال کی خلاف ورزی نہ کرے۔
      4. بیل ٹو بیل تعلیمی دن کے علاوہ منعقد ہونے والی غیر نصابی اور ہم نصابی سرگرمیوں کے دوران سیل فون اور رابطے کی ذاتی الیکٹرانک ڈیوائس کے استعمال کا تعین کوچ، سپانسر یا انسٹرکٹر کریں گے۔
   4. معذوری اور دیگر سہولیات
      
      ان ہدایات کو استثنیٰ سیکشن 504 منصوبوں یا انفرادی تعلیمی پروگراموں (IEP) یا انگریزی زبان سیکھنے والے پروگراموں میں طلباء کے لئے معذوری کی سہولت کے طور پر دیا جا سکتا ہے جب ضروری ہو تو نصاب، سکول اور سکول کی سرپرستی والی سرگرمیوں تک طلباء کی رسائی کو یقینی بنایا جا سکے۔ استثناء کسی سٹوڈنٹ کی صحت، حفاظت، یا دیگر معاون منصوبے کے حصے کے طور پر بھی دیا جا سکتا ہے۔
   5. تمام طلباء کے لئے ممنوعہ مواد اور اس کا استعمال
      
      طلباء کو ایسے مواد کو تخلیق کرنے، رسائی حاصل کرنے یا شیئر کرنے کی اجازت نہیں ہے جو سکول املاک بشمول سکول بسوں یا مقام سے قطع نظر سکول کے سپانسر کردہ تقریبات میں کنڈرگارٹن سے گریڈ 12 کے تعلیمی ماحول سے مطابقت نہیں رکھتا ہے۔ خلاف ورزی کرنے والے کے خلاف تادیبی کاروائی، حتی کہ سکول سے اخراج ہو سکتا ہے۔ مثالوں میں درج ذیل شامل ہیں، لیکن ان تک محدود نہیں ہیں:
      1. ایسا مواد جو فحش ہو، اس میں بے حیائی ہو، یا جس میں غیر قانونی کاموں کو شامل کیا گیا ہو یا دھمکی دی گئی ہو۔
      2. ایسا مواد جو دوسروں کو غنڈہ گردی ظاہر کرتا ہے، ہراساں کرتا ہے، دھمکی دیتا ہے، یا نیچا دکھاتا ہے، اس کے ساتھ ساتھ دوسروں کی نقل کرنے کے لئے مصنوعی ذہانت کا استعمال بھی سختی سے ممنوع ہے۔
      3. بدسلوکی میں ملوث یا طبی ایمرجنسی کا سامنا کرنے والے طلباء کی فوٹو گرافی یا ویڈیو ریکارڈنگ۔
      4. غسل خانوں یا لاکر روم میں سیل فون اور رابطے کی ذاتی الیکٹرانک ڈیوائس کا استعمال سختی سے ممنوع ہے۔ سکول کے ان یا دیگر علاقوں میں کپڑے اتارنے کی حالت میں، سکول املاک پر، یا سکول کے زیر اہتمام سرگرمیوں کے دوران تصویر کھنچوانے یا ویڈیو ریکارڈ کرنے سے قطع نظر مقام کے نظم و ضبط کا نتیجہ ہو گا اور اس کے نتیجے میں قانون نافذ کرنے والے اداروں کو حوالہ دیا جا سکتا ہے۔
      5. دھوکہ دہی کے لئے سیل فون اور رابطے کی ذاتی الیکٹرانک ڈیوائس کا استعمال یا ایسے طریقوں سے جو سکول ڈویژن کی قابل قبول استعمال کی پالیسی کی خلاف ورزی کرتے ہیں۔
   6. رازداری اور دوسروں کا احترام
      
      دوسروں کی رازداری کا احترام کرنے پر زور دیا جاتا ہے؛ منتظم یا عملے کے رکن کی پیشگی منظوری کے بغیر ہم جماعت، ساتھیوں اور عملے کی تصاویر یا ویڈیوز لینا سکول املاک پر سختی سے منع ہے، بشمول سکول بسیں، یا سکول سے متعلق سرگرمیوں میں شامل ہونے کے دوران۔
   7. توقعات
      1. طلباء کو تعلیمی ماحول میں خلل ڈالنے سے بچنے کے لیے عملے کی ہدایات اور اس پالیسی کی دفعات کی تعمیل کرنی چاہیے ورنہ وہ ضابطہ اخلاق کی تعمیل میں تادیبی کاروائیوں کا نشانہ بن سکتے ہیں۔
      2. سٹوڈنٹ ان ہدایات پر عمل کرنے اور ہمیشہ اپنے سامان کو محفوظ رکھنے کے لئے ذمہ دار ہے۔ گمشدہ سیل فون یا رابطے کی ذاتی الیکٹرانک ڈیوائس کو حل کرنے یا تلاش کرنے کے لیے کلاسز اور/یا ہدایات کو نہیں روکا جائے گا۔
      3. سکول میں بالغوں کو سیل فون اور رابطے کی ذاتی الیکٹرانک ڈیوائس کے ذمہ دارانہ استعمال کا ماڈل بنانا چاہیے۔
   8. تعلیمی دن کے دوران پیرنٹ اور سٹوڈنٹ کے رابطے اور سکول کی سرپرستی میں سرگرمیاں
      1. والدین/سرپرستوں کو بیل ٹو بیل سکول کے دن کے دوران طلباء کے سیل فون یا رابطے کی ذاتی الیکٹرانک ڈیوائس کے ذریعہ اپنے طلباء سے رابطہ نہیں کرنا چاہیے۔ والدین/سرپرستوں کو چاہیے کہ وہ طلبا کے لیے پیغامات کے لئے سکول دفتر سے رابطہ کریں اور سکول دفتر رابطے میں سہولت فراہم کرے گا۔
      2. ضرورت پڑنے پر بیل ٹو بیل تعلیمی دن کے دوران طلباء والدین/سرپرست سے رابطہ کرنے کے لئے سکول کے دفتر میں فون کا استعمال کر سکتے ہیں۔
   9. ایمرجنسی صورتحال
      1. طلباء کی نگرانی کرنے والے سکول پر مبنی عملے کو ضرورت پڑنے پر بحران کے رابطے اور ہنگامی منصوبوں کو مربوط کرنے کے لئے سیل فون (اگر سکول ڈویژن کی طرف سے نامزد کیا گیا ہو) یا کلاس روم فون تک رسائی حاصل ہو گی۔
      2. ہنگامی صورتحال کے دوران سیل فون یا رابطے کی ذاتی الیکٹرانک ڈیوائس استعمال کرنے والے طلباء حفاظت اور/یا ردعمل کی کوششوں پر سمجھوتہ کر سکتے ہیں۔ اگر کسی ہنگامی صورتحال کے بعد دوبارہ ملنے کی صورت میں پیرنٹ/ سرپرست سے رابطہ کرنے کے لئے سیل فون یا رابطے کی ذاتی الیکٹرانک ڈیوائس کی ضرورت ہوتی ہے تو عملہ ایسا کرنے کی منظوری ملنے پر ہدایت فراہم کرے گا۔
   10. نوٹس اور رابطے
       1. طلباء اور والدین/سرپرستوں کو تعلیمی سال کے آغاز میں سیل فون سے پاک تعلیم کے قواعد کی دفعات کا نوٹس موصول ہو گا اور انہیں نوٹس ضرور پڑھنا چاہیے۔ سیل فون فری ایجوکیشن نوٹس کو پڑھنے میں سٹوڈنٹ اور/یا والدین کی ناکامی کسی سٹوڈنٹ کو ان اصولوں پر عمل کرنے کی ذمہ داری سے مستثنیٰ نہیں کرتی ہے۔
       2. PWCS سکول کے سال کے آغاز میں اس بارے میں معلومات عوامی طور پر دستیاب کرائے گا کہ کس طرح سکول پر مبنی عملے کو بحران اور ہنگامی حالات، اتحاد کے منصوبوں اور بحران کے حالات کے دوران خاندانی اطلاع کے عمل سے نمٹنے کے لئے تربیت دی جاتی ہے۔
       3. طلباء کے ساتھ تمام عملے کی بات چیت ضابطہ 503-1 ، "تمام ملازمین کے لئے پیشہ ورانہ طرز عمل کے معیارات" کی تعمیل کرے گی۔

ایسوسی ایٹ سپرنٹنڈنٹ برائے سٹوڈنٹ سروسز اور پوسٹ سیکنڈری سکسس اس پالیسی کے نفاذ اور نگرانی کے لئے ذمہ دار ہے۔

اس پالیسی اور متعلقہ ضابطوں کا کم از کم پانچ سالوں میں جائزہ لیا جائے گا اور ضرورت کے مطابق دہرایا جائے گا۔

قانونی حوالہ جات:

قانونی حوالہ جات VDOE Guidance for Cell Phone-Free Education Pursuant to Executive Order 33 (September 16, 2024)