د ټائټل IX په اړه د کورنیو لپاره لارښود
- ټائټل IX څه شئ دۍ؟
-
ټائټل IX د تبعیض پر ضد د فډرال یا مرکزی حکومت قانون دي کوم چې د PWCS په ښوونیزو پروګرامونو او فعالیتونو کې د (جنسی تیری او جنسي ځورونې په ګډون) د جنسیت پر بنسټ له تبعیض څخه د پرنس ویلیم کاونټي عامه ښوونځيو (PWCS) زده کوونکي او کار کوونکي ژغوري.
- شکایت کوونکی او ځواب ویونکی په څه معنی دي؟
-
شکایت کوونکی - هغه کس دی چې د راپور شوي جنسي ځورونې یا جنسي تیري موخه وي.
ځواب ویونکی - هغه کس چې د جنسي ځورونې یا جنسي تیري په جرم تورن وي.
- آیا ټائټل IX په هر ډول ناوړه جنسي چلند باندې پلی کیږي؟
-
ټول هغه ناوړه جنسي کړنی یا عملونه چې د ښوونځي په ملکیت کی او یا د PWCS په ښوونیزو پروګرام او یا د فعالیت پر مهال ترسره کېږي، د PWCS له مقرراتو څخه سرغړونه ګڼل کېږي او په مناسب ډول به څیړل کیږي او ورته به ځواب ویل کېږي. خو بیا هم، ټولی ناوړه جنسي کړنی یا عملونه د ټائټل IX څخه سرغړونه نه په ډاګه کوي. ټائټل IX یوازې د جنسي تاوتریخوالي او یا ناوړه چلند یا د ناوړه جنسي چلند په ځینو کړنو یا عملونو باندی د پلي کیدو وړ دی کوم چې ډیر سخت وي او له امله یی شکایت کوونکي لپاره د PWCS پروګرام او یا ښوونیز فعالیت ته لاسرسی لرل په بشپړ ډول ستونزمن کوي.
- زه باید څه وکړم که چیرته زما ماشوم په جنسي ډول ځورول شوی وي یا پری جنسي تیری شوی وي؟
-
تاسو باید ژر تر ژره د ناوړه چلند په اړه د خپل ماشوم مدیر، مرستیال مدیر یا د ټائټل IX کوردیناتور ته راپور ورکړئ. که چیرته راپور شوي ناوړه چلند په ښوونځي کې (د مجازی ټولګي په شمول)، د ښوونځي په بس کې، د ښوونځي لخوا سپانسر شوي فعالیت کی یا د PWCS وسیلی یا شبکې په کارولو سره رامنځ ته شوي وي، نو PWCS د وضعیت د سمولو لپاره د تحقیق کولو او اقدام پورته کولو مسٔولیت په غاړه لري.
که چیرته راپور شوي ناوړه چلند د PWCS په تعلیمي پروګرام یا فعالیت کې نه وي تر سره شوی، نو بیا PWCS ممکن د وضعیت د څیړلو او حل کولو واک ونه لري؛ خو بیا هم، PWCS به ستاسو ماشوم سره مرسته کوي او کولی شي چی تاسو او ستاسو ماشوم د ټولنې اړوند ګټورو سرچینو سره وصل کړي.
- څه به وي، که چیرته زما ماشوم په ښوونځي کې د یو چا په جنسي ځورونې یا جنسي تیري تورن شي؟
-
که چیرته ستاسو ماشوم د PWCS په تعلیمي پروګرام یا فعالیت کې په ناوړه جنسي چلند کی د ښکیل کیدو په تور تورن شي، نو بیا PWCS مسؤلیت لري چې په بشپړ ډول او عادلانه تحقیقات ترسره کړي. تاسو ته به د تور په اړه خبر درکول کیږي او ستاسو ماشوم به دا حق ولري چې د پیښی په اړه د خپل اړخ کیسه بیان کړي. که چیرته په تور لګونه کې د ناوړه جنسي چلند داسی یوه بڼه شامل وي چې ممکن د ټائټل IX څخه سرغړونه په ډاګه کړي، نو بیا به د ټائټل IX کوردیناتور له تاسو سره اړیکه ټینګوي ترڅو دا وضاحت درکړي چی تحقیق به څرنګ تر سره کیږي، کوم ډول ملاتړ به وړاندی کیږي، او دا چی تاسو او ستاسو ماشوم د پروسی پر مهال کوم ډول حقونه لرئ، کوم چې د "ټآئټل IX شکایت پروسی" په نوم پیژندل کیږي.
- د ټائټل IX شکایت پروسه څه ته وایی؟1
-
د ټائټل IX د شکایت پروسه یوه داسی پروسه ده چې د هر ډول راپور شوي ناوړه جنسي چلند په اړه د تحقیق او حل لپاره کارول کیږي چې ممکن د ټائټل IX څخه سرغړونه په ډاګه کړي. د ټائټل IX د شکایت په پروسه کی، څیړنه د مساواتو او ملاتړ ټیم لخوا تر سره کیږي او د هر هغه څه په اړه چی رامنځ ته شوي وي، وروستۍ پریکړه د اوریدنی افسر (د ټائټل IX پریکړه کوونکی) لخوا تر سره کیږي څوک چې د زده کوونکو د مدیریت او بدیل پروګرامونو په څانګه کې دنده تر سره کوي. د ټائټل IX شکایت په پروسه کې، ستاسو د ماشوم د ښوونځي اداره کوونکي یا پازوالان د راپور شوي ناوړه چلند په اړه څیړنه یا پریکړه نه تر سره کوي.
که چیرته راپور شوي ناوړه چلند د PWCS "د چلند کوډ" څخه سرغړونه په ډاګه کوي، نه د ټائټل IX څخه، نو بیا به څیړنه، او پریکړې د زده کوونکی په ښوونځي کې د چارواکو لخوا تر سره کیږي.
- که زه چیرته د ټائټل IX پریکړه کوونکي لخوا د ترسره شوي پریکړې سره موافق نه یم، نو بیا؟
-
که چیرته تاسو د پریکړې سره موافق نه یاست، تاسو کولی شئ چی د استیناف غوښتنه وکړئ. د پریکړې پر ضد د استیناف یا اپیل کولو د څرنګوالي په اړه به معلومات تاسو ته د ټائټل IX پریکړه کونکي لخوا درکړل شي او د PWCS په 1-738 مقرری کې هم موندل کیدی شي.
- د ټائټل IX د شکایت پروسه څومره وخت نیسي؟
-
عموما، د ټائټل IX د شکایت پروسه په 60 کاري ورځو یا تر هغي کمه موده کی بشپړه کیږي. د دې مودی په بهیر کې، په ډیری مواردو کې، شکایت کوونکی او ځواب ورکوونکی دواړه د لازم ملاتړ سره ښوونځي ته دوام ورکړي ترڅو هغوي وکولی شي په خوندي توګه زده کړی تر سره کړي. که چیرته تاسو د ټائټل IX د شکایت پروسې پر مهال د خپل ماشوم د خوندیتوب په اړه اندیښنه لرئ، تاسو باید په سمدستي د ټائټل IX کوردیناتور یا ستاسو د ماشوم مدیر یا مرستیال مدیر ته یی په اړه ووایاست.
- زه د ټائټل IX په اړه لا زیات معلومات چیرته ترلاسه کولی شم؟
-
تاسو د ټائټل IX په اړه لا زیات معلومات د تبغیض او ځورونی په ویب پاڼه کی موندلی شئ. تاسو د ټائټل IX په اړه لا زیات معلومات د PWCS په 1-738 مقرره "د ناوړه جنسي چلند زده کوونکو پر ضد تورونو ته ځواب ویل،" کې هم موندلی شئ، د کوم لینک چې د DEIC په ویب پاڼه کې ورکړل شوی دۍ.
- که چیرته زه د ټائټل IX په اړه پوښتنې ولرم، له چا سره اړیکه ټینګه کړم؟
-
تاسو باید د مساواتو او ملاتړ ټیم سره اړیکه ټینګه کړئ.
1 د ټائټل IX د شکایت پروسه د جنسي ځورونې یا جنسي تیري د هغو شکایتونو د حل کولو لپاره کارول کیږي چې د راپور له مخې د اګست په 14، 2020 کال کی یا تر هغی وروسته رامنځ ته شوي دي. که چیرته راپور شوي ناوړه چلند د اګست 14، 2020 نیټی څخه مخکې واقع شوی وي، نو بیا مختلف تګلاری پلي کیږي.
* په مکرر ډول پوښتل شوي دا پوښتنی (FAQs) معلوماتي دي. که چیرته د مکرر ډول پوښتل شوي پوښتنو (FAQs) او PWCS مقرری 1-738 "د ناوړه جنسي چلند زده کونکو پر وړاندې د تورونو حل،" ترمنځ کومه شخړه یا تضاد موجود وي، باید مقرره کنټرول واخلی یا ولري.