تحریری ترجمہ اور مترجم کی خدمات
PWCS کثیر لسانی یعنی ایک سے زیادہ زبانیں بولنے والے خاندانوں کو مفت تحریری ترجمہ اور مترجم کی خدمات فراہم کرتا ہے تاکہ یہ یقینی بنایا جا سکے کہ انہیں اپنے بچے کی تعلیم کے بارے میں ضروری معلومات تک رسائی حاصل ہے، اور یہ کہ وہ سکول کے عملے سے اپنی ترجیحی زبان میں بات چیت کر سکتے ہیں۔
اہل خانہ زبان کی معاونت کسیے حاصل کر سکتے ہیں؟
مترجم کی خدمات
جب آپ اپنے بچے کے سکول یا ہمارے کسی گلوبل ویلکم سینٹر جائیں تو آپ اپنی زبان بولنے والے مترجم کے لیے درخواست کر سکتے ہیں۔ آپ عمارت میں موجود زبان کی مدد کے پوسٹرز کا استعمال کرتے ہوئے اپنی زبان کی طرف اشارہ بھی کر سکتے ہیں۔ عملہ ٹیلی فون کے ذریعے، یا عمارت میں ایک مستند دو لسانی مترجم کے ساتھ تعاون کر کے ان اہل خانہ کو مترجم کی خدمات فراہم کر سکتا ہے جو وقت لیے بغیر آتے ہیں یا فون کرتے ہیں۔ وقت لے کر آنے والوں کے لیے، سکول ایک رو برو مترجم کا انتظام بھی کر سکتا ہے۔ سکولوں کے پاس سکول کی سطح پر ہونے والی تقریبات کے دوران اہل خانہ کو حقیقی وقت میں ترجمے کی خدمات فراہم کرنے کے لیے ہیڈ سیٹس بھی موجود ہیں۔
تحریری ترجمہ
سکول ڈویژن میں مترجمین عملے کی ایک ٹیم ہے جو آٹھ زبانوں میں خاندانوں کو بھیجے گئے تحریری دستاویزات اور پیغامات کا ترجمہ فراہم کرتی ہے:
- عربی
- چینی
- دری/فارسی
- کورین
- پشتو
- ہسپانوی
- اُردو
- ویتنامیز
والدین اپنے سکول کے ذریعے بھی دستاویزات کے ترجمے کی درخواست کر سکتے ہیں۔
آن لائن تحریری ترجمہ
PWCS ویب سائٹ کے اپنے بہت سے صفحات بھی اوپر بیان کردہ زبانوں میں دستیاب ہیں۔ آٹھ اہم زبانوں میں مترجمین کی ٹیم کے ذریعہ کیے گئے تراجم تک رسائی حاصل کرنے کے لیے، سب سے اوپر والے مینو سے "Translations" یعنی ترجمے کو منتخب کریں اور اپنی زبان تلاش کریں۔ ویب سائٹ سکول ڈویژن میں موجود دیگر زبانوں میں مشین کے ترجمے بھی پیش کرتی ہے۔ اس خصوصیت تک رسائی کے لیے "Auto Translate" یعنی خود کار ترجمے کا اختیار منتخب کریں۔ براہ مہربانی ذہن میں رکھیں کہ کمپیوٹر سے تیار کردہ ترجمے اکثر نامکمل ہوتے ہیں، لیکن وہ آپ کو معلومات سے واقف کرنے میں مدد کر سکتے ہیں۔
اگر آپ کے کوئی سوالات ہیں تو براہ مہربانی 7568-791-703 پر فون کریں، یا translations@pwcs.edu پر ای میل کریں۔