د ویرجینیا قانون له مخی اړین دی چې د ښوونځی عمر لرونکی ټول ماشومان هره ورځ په ښوونځی کی په اجباری ډول ګډون وکړي، کله چی ښوونځي پرانیستی وي، پرته له دې چې د ښوونځی بورډ پالیسی یا د ویرجینیا قانون لخوا بل ډول ویل شوي وي. دا د والدینو مسؤلیت دی چې د دی خبری ډاډ رامینځ ته کړی چې د هغوي ماشومان په منظم ډول ښوونځي کی ګډون کوي. والدین باید په دی خبر وی چی د ښوونځي د حاضری افسران دا واک لري چې د حاضری شرایٔط عملی کړي او د اړتیا په صورت کې زده کوونکي او/یا والدین د قانوني اقدام لپاره محکمې ته راجع کړي.

• د ښوونیز کال له پیل کیدو دمخه، د PWCS د حاضری تګلاري ویپ پاڼه کې د حاضرۍ توقعات، غیر حاضرۍ، ناوخته راتګ او عذرونه وګورئ.

• کله چې تاسو "بیرته ښوونځی ته د ستنیدو کڅوړه" بشپړوئ، تاسو به د PWCS د حاضرۍ پالیسی تائید کړۍ.
• خپل د زده کوونکي غیر حاضري د ParentVUE له لارې راپور کړئ یا د خپل ښوونځي د حاضرۍ راپور ورکولو کړنلاره تعقیب کړئ، ښایی دا پروسه د هر ښوونځي لپاره توپیر ولري.

په PWCS کې د ښوونځي حاضري په اړه لا زیات معلومات دلته ترلاسه کړئ

د بسونو مهالویشونه، لارې او د ټرانسپورت په اړه تازه معلومات په ParentVUE، StudentVUE او EZArrival اپلیکیشن کې شتون لري.

• د بسونو بنسټیزه مهالویشونه به د ۲۰۲۶ کال د اګسټ په ۱۴مه په ParentVUE او StudentVUE کې شتون ولري.
• د بس تمځایونو، لارو، او ټرانسپورټ په اړه د تازه معلوماتو لپاره ParentVUE او StudentVUE د ښوونځي له لومړۍ ورځې دمخه او د ښوونځي په لومړیو څو اونیو کې په منظم ډول ګورئ، ځکه چې لارې او مهالویشونه بدلیدلی شي.
• د بس د دقیق موقعیت او د ځنډیدو په اړه د تازه معلوماتو ترلاسه کولو لپاره EZArrival اپلیکیشن ډاونلوډ کړئ.
• آیا پوښتنی یا اندیښني لرې؟ د انلاین اړیکې نیولو فورمې په کارولو سره د ټرانسپورت د پیرودونکو خدماتو ټیم سره اړیکه ونیسئ.

د وړکتون او پری-سکول زده کوونکو لپاره یادوني:

• د پری سکول او د وړکتون زده کوونکو سره باید والدین، سرپرستان یا بل مسٔول کس د بس تمځایونو پوری د تګ راتګ په وخت کی ملګرتیا وکړي.
• د ښوونځی له لومړۍ ورځې دمخه: د ښوونځي له لومړۍ ورځې دمخه په ParentVUE کې بېرته ښوونځي ته د ستنیدو کڅوړه کې د پری-سکول/وړکتون اړینه د اجازې فورمه بشپړه کړئ.
• د ښوونځي په هره ورځ
  • سهار: هر هغه څوک چې نوم یې په اجازه فورم کی شتون ولري، باید هر سهار په بس تمځاۍ کی بس ته په تمه وي.
  • ماسپښین: هر هغه څوک چې نوم یې په اجازه فورم کی شتون ولري، باید هر ماسپښین په بس تمځای کې بس ته په تمه وي، او بس چلوونکی ته د اعتبار وړ دولتي پېژندپاڼه ښکاره کړي.

د PWCS د بس ټرانسپورټ معلومات دلته وګورئ

د PWCS د چلند کوډ هغه توقعات، مسؤلیتونه او اصول بیانوي چې د ټولو زده کوونکو لپاره د خوندي، درناوي وړ او ملاتړ کونکي تعلیمي چاپیریال په رامنځته کولو کې مرسته کوي.

• د ښوونیز کال پیل کیدو دمخه، له خپل زده کوونکي سره د چلند کوډ په ګډه وګورۍ.
• لکه څرنګ چی (د ویرجینیا کوډ ۲۷۹.۳ -۲۲.۱§) لخوا اړین دي، د هر زده کوونکي مور / پلار یا سرپرست باید تایٔید کړي چې دوی د چلند کوډ له محتوا څخه خبر دي.
• کله چې تاسو په ParentVUE کی بیرته ښوونځی ته د ستنیدو کڅوړه بشپړوئ، له تاسو څخه به وغوښتل شي چې دا اعتراف یا تصدیق وکړئ چې تاسو د PWCS د چلند کوډ لوستلې دۍ.

ځینې منځني ښوونځي او عالي ښوونځي به د ۲۷-۲۰۲۶ ښوونیز کال لپاره د زنګ یا ټلی وهلو نوي مهالویشونه ولري. د ابتدایهٔ، دودیز او غیر دودیزو ښوونځیو مهالویشونه نه دي بدل شوي.

• د زده کوونکو مهالویشونه او د ښوونکو د ګمارنو معلومات به د ۲۰۲۶ کال د اګست په ۱۷ او ۱۸ نېټه په ParentVUE او StudentVUE کې شتون ولري.
• د ښوونځي له لومړۍ ورځې دمخه خپل مهالویش وګورئ ترڅو پوه شئ چې کوم ټولګي ته او په کوم وخت کې لاړ شئ.
• د ټولګیو د ځانګړو مهالویشونو لپاره له خپل ښوونځي یا ښوونکو سره اړیکه ونیسئ.

د ۲۷-۲۰۲۶ کال د ټلی وهلو مهالویشونه دلته وګورئ

د ښوونیز کال له پیل څخه مخکې ځان د بریا لپاره چمتو کړئ او ډاډ ترلاسه کړئ چې تاسو له PWCS او د خپل زده کوونکي له ښوونځي سره په اړیکه کې یاست. له معلوماتو څخه ځان خبر ساتل تاسو سره مرسته کوي چې د ښوونیز کال په اوږدو کې مهم تازه معلومات او خبرتیاوې پر وخت ترلاسه کړئ.

• د مهمو سرچینو، جنتریو، د اړیکو ټینګولو معلوماتو او بیرته ښوونځي ته د ستنیدو په اړه د تازه معلوماتو لپاره د خپل زده کوونکي د ښوونځی ویب پاڼه وګورئ.
• په ParentVUE کې خپل د اړیکی ټینګولو معلومات تایٔید کړئ ترڅو د PWCS او د خپل زده کوونکي له ښوونځي څخه برېښنالیکونه، متني پیغامونه او بېړنۍ خبرتیاوې ترلاسه کړئ.
• د PWCS او د خپل زده کوونکي د ښوونځي د اړیکو او معلوماتي چینلونه تعقیب کړئ ترڅو د کال په اوږدو کې د خبرونو، پېښو او مهمو اعلانونو څخه خبر اوسئ. همدارنګه، داسې مطالب به هم ترلاسه کړئ چې په بل ځای کې به یې ونه وینئ.

په PWCS کې له خبرونو سره وصل پاتې کېدل

ښوونیز کال د هغو خوړو انتخابونو، د پیسی ورکولو په اړه معلومات تر لاسه کولو او د تغذیې سرچینې پلټلو سره پیل کړۍ کوم چې ستاسو زده کوونکي لپاره شتون لري.

• د ښوونځي د لومړۍ ورځې دمخه او د ټول ښوونیز کال په اوږدو کې، د MealViewer له لارې د سهار او غرمې ډوډۍ ورځني مېنوګانې، د تغذیې معلومات او د حساسیت (الرژۍ) اړوند معلومات آنلاین وګورئ.
• که ستاسو زده کوونکی د خوړو ځانګړي محدودیتونه یا د ځینو خوړو سره الرژي یا حساسیت ولري، موجودی اسانتیاوې وګورۍ او د پوښتنو په صورت کې د خپل ښوونځي د کافېټریا له مدیر سره اړیکه ونیسئ.

د ښوونځي د خوړو لګښت ورکول

• د سهار، غرمې ډوډۍ او انفرادي توکو اوسني نرخونه وګورئ. د ۲۷-۲۰۲۶ ښوونیز کال لپاره د سهار او غرمې ډوډۍ بیې لوړې شوې دي.
• د MySchoolBucks له لارې د خپل زده کوونکي د خوړو حساب ته پیسې اضافه کړئ، پاتې شونی یا بقایه او پېرودنې وګورئ، او د پیسو ټیټیدو لپاره خبرتیاوې تنظیم کړئ. تاسو کولی شئ د خپل ښوونځي د کافېټریا مدیر له لارې نغدې پیسې یا چک هم وسپارئ.
• د ټولنې د وړوالی پروګرام د یوې برخې په توګه، د ۲۷-۲۰۲۶ ښوونیز کال په بهیر کې هغه ۶۹ ښوونځي وګورۍ چی ټول زده کوونکي به یی د سهار او د غرمی وړیا خواړه ترلاسه کړي.
• کورنۍ کېدای شي د وړیا یا ټیټ لګښت لرونکو خوړو تر لاسه کولو لپاره وړ وي، چې دا کار د نورو پروګرامونو او خدمتونو لپاره وړوالی لرلو کې هم مرسته کولی شي. د وړوالی شراېطو په اړه معلومات تر لاسه کړۍ او آنلاین غوښتنه وسبارۍ.

د PWCS د ښوونځی د خواړه معلومات دلته وګورئ

د ښوونیز کال له پیل کیدو څخه مخکې، د PWCS د ګریډونو یا نمرو ورکولو تازه تګلارې په اړه زده کړۍ، ترڅو پوه شئ چې د څه شي تمه ولرئ او دا چی ستاسو د زده کوونکي تعلیمي پرمختګ به څرنګه ارزول کېږي.

• د نمرو د کچو، ارزونو، او د شپږم څخه تر دولسم ټولګي پورې د زده کوونکو لپاره د نمرو د راپور ورکولو بدلونونو په شمول د ګریډونو یا نمری ورکولو تازه تګلارې وګورۍ چې د ۲۰۲۶-۲۷ ښوونیز کال په بهیر کې عملي کېږي.
• د ټول ښوونیز کال په اوږدو کې په ParentVUE کې د خپل زده کوونکي تعلیمي پرمختګ وڅارئ او که د ټولګي د نمرو یا درسي دندو په اړه پوښتنې لرئ، د خپل زده کوونکي له ښوونکي سره اړیکه ونیسئ.

د PWCS د ګریډونو یا نمرو ورکولو تازه معلومات دلته وګورئ

د ښوونځي له لومړۍ ورځې دمخه، د زده کوونکي روغتیایی اړتیاوې/شرایٔط څیړلو او هر ډول اړین روغتیايي فورم سپارلو سره د ښوونیز کال لپاره چمتووالی ونیسئ.

• د درملو د کارولو لارښوونې، اړین فورمونو، د ښوونځي د نرس خدمتونه تر لاسه کولو او د نورو سرچینو لپاره د زده کوونکو د روغتیایی خدمتونو ویب پاڼه وګورۍ ترڅو ستاسو زده کوونکي سره د روغتیا او زده کړې لپاره د چمتووالي نیولو په برخه کې مرسته وکړي.
• د روغتیا شرایٔط ویب پاڼه کې د واکسینو او د ښوونځي د فزیکي طبي معاینې شرایط وګورۍ، ترڅو ډاډ ترلاسه شي چې ستاسو زده کوونکی د نوي ښوونیز کال لپاره چمتو دۍ.
• که ستاسو زده کوونکی په ښوونځي کې درملو ته اړتیا لري، د ښوونځي له لومړۍ ورځې دمخه، د اجازی اړینی فورمې وسپارئ او درمل په خپل اصلي، تړلي او نه پرانیستل شوي بوتل کې ښوونځي ته وسپارئ.

د PWCS او ستاسو د زده کوونکي د ښوونځي د مهمو نیټو په څارلو سره د ښوونیز کال په اوږدو کې باخبره پاتې شئ.

• د رخصتیو، د ښوونکو د کاري ورځو، د نمرو ورکولو دورو، او د ډیویژن په کچه د نورو مهمو نېټو په اړه معلومات ترلاسه کولو لپاره د PWCS د ښوونیز کال جنتري وګورئ.
• د ښوونځي د ځانګړو پیښو، فعالیتونو، او مهمو وروستي نیټو لپاره د خپل زده کوونکي د ښوونځي وېب پاڼه وګورئ.
• د ۲۰۲۶-۲۷ ښوونیز کال جنتري (PDF) ډاونلوډ یا چاپ کړئ، ترڅو د ټول ښوونیز کال په اوږدو کې ورته چټکه لاسرسی ولرئ.

د ۲۷-۲۰۲۶ کال د ښوونځی جنتری/کلیز دلته وګورۍ

د اړیکو جوړولو، د خپل زده کوونکي له بریا څخه د مرستې، او د ښوونځي د ټولنې د یو فعال غړي جوړیدو لپاره د ګډون کولو لارې چارې وپلټئ.

• د رضاکارانه فرصتونو، د والدینو سازمانونو، د ښوونځي د مراسمو او د کورنیو لپاره د نورو فرصتونو په اړه د پوهېدو لپاره د خپل زده کوونکي د ښوونځي ویب پاڼه وګورئ.
• د PWCS داسی سرچینې وپلټۍ چې له کورنیو سره مرسته کوي، د ښوونځيو سره ستاسو ملتیا پیاوړي کوي، او تاسو د ټول کال په اوږدو کې د زده کړې له فرصتونو سره نښلوي.

لا زیات معلومات تر لاسه کړئ

• د کورنۍ او ټولنې ښکېلتیا – د ډیویژن په کچه شراکتونه او ملتیاوي، رضاکارانه فرصتونه او له PWCS او ټولنې سره د نښلول کیدو لارې چاري وپلټئ..
• د کورنۍ د ښکېلتیا لړۍ – په هر ټولګي کې د خپل ماشوم د زده کړې او پرمختګ څخه د ملاتړ لباره وړیا ورکشاپونو او سرچینو ته لاسرسی ومومئ.
• د والدینو د سرچینې مرکز – د کورنیو لپاره سرچینې، روزنې او ملاتړ ومومئ، په شمول د هغو کورنیو لپاره چې د ځانګړو زده کړو خدمات ترلاسه کونکي زده کوونکي لري.

مخکې له دې چې ښوونیز کال پیل شي، څو دقیقې وخت واخلئ ترڅو د هغو معیاري بېړنیو اصطلاحاتو سره ځان بلد کړئ چې PWCS یې کاروي. په دې اصطلاحاتو پوهېدل به تاسو سره مرسته وکړي چې د بېړني حالت د پېښېدو په صورت کې د ښوونځي په پیغامونو باندی په ښه توګه پوه شئ.

• دا زده کړۍ چی Hold/په ځای پاتې کېدل، Secure the Building/ودانۍ خوندي کول، Lockdown/تړل/لاک ډاون، Evacuate/تخلیه کول، او Shelter in Place/په ځای کې پناه اخیستل په څه معنی دي او څرنګه هر غبرګون د زده کوونکو او کارکوونکو په خوندي ساتلو کې مرسته کوي.
• پدی اړه ځان پوه کړئ چې PWCS څنګه د بېړنیو حالاتو، د موسم د خرابوالي او نورو پېښو پر مهال له کورنیو سره اړیکه نیسي.
• له خپل زده کوونکي سره د ښوونځي د خوندیتوب د کړنلارو په اړه خبرې وکړئ ترڅو هغوی پوه شي چې د بېړني غبرګون پر مهال د څه شي تمه ولري، که چیرته اړتیا پیښه شي.

د PWCS د کړکچن او بیړنی حالاتونو د چمتووالی معلومات دلته وګورئ

د خپل زده کوونکی لپاره موجود اکاډمیکی پروګرامونه، کورسونه، او د زده کړې فرصتونه وپلټئ. د دې سرچینو د موندلو د ځای په اړه پوهه له تاسو سره مرسته کوي چې د ښوونیز کال په اوږدو کې د خپل زده کوونکي د زده کړې ملاتړ وکړئ.

• د PWCS اکاډمیکی پروګرامونه، درسي برخې او د زده کړې فرصتونه وپلټئ، چی د ټولګی په هره کچه شتون لري.
• د منځنی او عالی ښوونځی کورنۍ کولی شی د PWCS کورس کټلاګ وګوری ترڅو د موجوده کورسونو او فراغت تګلارو په اړه معلومات ترلاسه کړی.
• د ښوونیز کال په اوږدو کې د درسي نصاب په اړه د معلوماتو، تدریسي سرچینو او د اکاډمیکي پروګرامونو موندلو لپاره د اکاډمیکي پروګرامونو او د درسي برخې (مضومونونو) ویب پاڼه وګورئ.

د ښوونیز کال له پیل مخکې، د PWCS له لارې د رواني روغتیا د سرچینو او خدماتو په اړه د معلوماتو په ترلاسه کولو سره د خپل زده کوونکي د هوساینې ملاتړ وکړئ. په دې اړه پوهیدل چې چېرته مراجعه وکړئ، له تاسو سره مرسته کوي چې په ښوونیز کال کې ژر تر ژره ملاتړ تر لاسه کړۍ، که چیرته ستاسو زده کوونکی وړتیا اړتیا ولري.

• والدین او سرپرستان کولای شي د ParentVUE له لارې خپل زده کوونکی په Hazel Health کې شامل کړي ترڅو له وړکتون څخه تر ۱۲م ټولګي پورې زده کوونکو لپاره انلاین د (ټیلي هیلت) رواني روغتیا وړیا خدماتو ته لاسرسی ومومي.

لا زیات معلومات تر لاسه کړئ

• د روانی روغتیا سرچینې – د زده کوونکو او کورنیو لپاره د رواني روغتیا معلومات، د کړکیچن حالت سرچینې او ټولنیز ملاتړ ومومئ.
• د ښوونځی د سلا مشورو خدمتونه – زده کړئ چې د ښوونځي سلاکاران/کونسلران څنګه د زده کوونکو د اکاډمیکی، ټولنیز-احساساتي او مسلکي پرمختګ ملاتړ کوي.

د ښوونیز کال له پیل کیدو وړاندې په دی اړه پوه شئ چې تازه معلومات چېرته موندلئ شۍ ترڅو د ټول کال په اوږدو کې مهم تازه معلومات، پیښی او اعلانونه له لاسه ورنکړئ.

• د ډیویژن خبرونو، مهمو اعلانونو، او هغو معلوماتو لپاره چې ممکن ستاسو زده کوونکی اغیزمن کړی، د PWCS ویب پاڼې ته مراجعه وکړئ.
• د ښوونځي د ځانګړو خبرونو، مراسمو، جنتریانو او یادونو لپاره په منظم ډول د خپل زده کوونکي د ښوونځي ویب پاڼه وګورئ.
• د ډیویژن په کچه د تازه معلوماتو، لمانځنو او کیسو لپاره په ټولنیزو رسنیو کې PWCS تعقیب کړۍ.

PWCS ګڼ شمیر آنلاین وسیلې وړاندی کوي ترڅو کورنۍ وکولای شي ښوونځیو سره وصل پاتی شي، د زده کوونکو معلوماتو ته لاسرسی ولري، او د ټول ښوونیز کال په اوږدو کې د ښوونځي اړوند چارې اداره کړي.

• "بیرته ښوونځي ته د ستنیدو کڅوړه” بشپړولو او د نمرو، حاضرۍ، ټرانسپورټي معلوماتو، راپور کارتونو او د زده کوونکي نورو معلوماتو ته د لاسرسي موندلو لپاره له ParentVUE څخه ګټه پورته کړۍ.
• د ټولګي د دندو، درسي موادو څارلو او له ښوونکي سره د اړیکو نیولو لپاره د Canvas Observer حساب جوړ کړئ.
• د خپل زده کوونکي د ښوونځي بس تعقیبولو او د ټرانسپورټ تازه معلوماتو ترلاسه کولو لپاره EZArrival اپلیکیشن ډاونلوډ کړئ.
• د پیسو اضافه کولو او د خوړو پیسی ورکولو لپاره د MySchoolBucks اپلیکیشن سره د خپل زده کوونکي د خوړو حساب مدیریت کړئ.
• د سهار او غرمې ډوډئ مینوګانې په آنلاین ډول د MealViewer له لارې وګورئ.

د PWCS د اپلیکیشنونو او ټیکنالوژۍ معلومات دلته وګورئ 

نه پوهېږئ چې له کوم ځایه پیل وکړئ؟ د ښوونیز کال له پیل کیدو وړاندې، د عامو پوښتنو د ځوابونو او د کورنیو د سرچینو په اړه د معلوماتو لپاره د PWCS ویب پاڼه وګورئ. که لا هم مرستې ته اړتیا لرې، ستاسو د زده کوونکي ښوونځی تر ټولو ښه ځای دی.

• اکاډمیکې پوښتنې، دندې یا نمرې – د خپل زده کوونکی له ښوونکی سره اړیکه ونیسئ.
• حاضری، مهالویشونه، ریکارډونه، یا د ښوونځی په اړه عمومی پوښتنې – د خپل ښوونځی له مرکزي دفتر سره اړیکه ونیسئ.
• روغتیا، درمل، یا واکسینونه – د خپل ښوونځي له کلینیک سره اړیکه ونیسئ یا د زده کوونکو د روغتیایی خدمتونو ویب پاڼه وګورئ.
• د ټرانسپورت په اړه پوښتنې یا اندیښنې – د بس د لارو، تمځایونو یا نورو ټرانسپورټي خدماتو په اړه د پوښتنو لپاره د ټرانسپورت د پیرودونکو خدماتو ډلې سره د آنلاین فورم له لارې اړیکه ونیسئ. پیغامونه ثبتېږي ترڅو ژر ځواب ورکول یقیني شي.
• د پاسورډونو یا حساب ملاتړ – د خپل پاسورډ یا پټنوم د مدیریت لپاره د PWCS د پټنوم خپلسري خدماتو وسیلو څخه کار واخلئ. که بیا هم مرستې ته اړتیا لرئ، د ParentVUE، Canvas یا نورو PWCS حسابونو د لاسرسي لپاره له خپل زده کوونکي ښوونځي سره اړیکه ونیسئ.
• هغه څه چې غواړئ نه یې شئ موندلی؟ د PWCS د څانګو او دفترونو ویب پاڼه وګورئ ترڅو د اضافي مرستې لپاره له مناسب دفتر سره وصل شئ.

هر ښوونیز کال، PWCS کورنیو ته مهمې خبرتیاوې، پالیسئ او د نه ګډون کولو یا وتلو فرصتونه وړاندې کوي چې د فډرال او ویرجینیا ایالت قوانینو له مخې اړین دي. دغه خبرتیاوې لوستلو لپاره وخت ځانګړئ کړئ او هغه فورمې ډکې کړئ چې ستاسو د زده کوونکي پوری اړه لري.

• کلنی خبرتیاوې وګورئ او معلومه کړه چې آیا د نه ګډون کولو یا وتلو فورمې ستاسو کورنۍ باندی تطبیق کیږی یا نه.
• ځینې تایٔیدونی او اړینې خبرتیاوې په ParentVUE کې "بیرته ښوونځي ته د ستنیدو کڅوړې" له لارې بشپړیږي.
• د عملی کیدو وړ ټولی اړینی فورمې د ټاکل شویو نېټو دمخه وسپارئ ترڅو ستاسو انتخابونه د ښوونیز کال لپاره ثبت شي.

لا زیات معلومات تر لاسه کړئ

• اړینی خبرتیاوی او د وتلو فورمې وګورئ
• څرنګ باید د زده کوونکی د معلوماتو شریکولو / انځور افشا کولو څخه منع وکړئ
• څرنګه کولی شۍ د ټولنیزی احساساتي زده کړې (SEL) له لنډی سروۍ څخه ووځئ

د ښوونځي له لومړۍ ورځې دمخه د اړینو توکو په برابرولو سره، له خپل زده کوونکي سره د ښوونیز کال په پیل کولو کې مرسته وکړئ.

• د ښوونځي د اړینو توکو تر ټولو تازه لېسټ او د ښوونکو د ځانګړو غوښتنو لپاره د خپل زده کوونکی د ښوونځی ویب پاڼه وکورئ.
• د ۲۰۲۶ د اګسټ له ۷مې څخه تر ۹مې پورې د ویرجینیا ایالت د بیرته ښوونځي ته د ستنیدو مالي معافیت له فرصت څخه ګټه پورته کړئ ترڅو په اړینو توکو، جامو او بوټانو کې پیسې وسپموئ.
• که ستاسو کورنۍ د ښوونځي د توکو په ترلاسه کولو کې مرستې ته اړتیا لري، د شته سرچینو او ملاتړ په اړه د پوهېدو لپاره د خپل زده کوونکي له ښوونځي سره اړیکه ونیسئ.

ایا تاسو خبر یاست چې PWCS د خپلو ښوونځیو د خوندي ساتلو لپاره د راپور ورکولو کرښه او د پټ راپور ورکولو وسیلې وړاندی کوي؟ د ښوونیز کال له پیل کیدو مخکي څو دقیقې وخت ونیسئ ترڅو پوه شئ چې دا سرچینې څنګه کار کوي او که کله د خوندیتوب اندېښنه ولرئ، له کومه ځایه مرسته ترلاسه کولی شئ.

• د PWCS د راپور ورکولو کرښه زده کوونکو، کورنیو، کارکوونکو او د ټولنې غړو ته فرصت ورکوي چې د ښوونځي خوندیتوب په تړاو د اندېښنو په اړه راپور ورکړي.
• د ۶م تر ۱۲م ټولګي پوری زده کوونکي او کارکوونکي کولی شي د Say Something Anonymous Reporting System څخه هم کار واخلي ترڅو د خوندیتوب په تړاو د جدي اندېښنو په اړه په پټه راپور ورکړي.
• راپورونه په چټکۍ سره ارزول کېږي ترڅو مناسبه مرسته او غبرګون وښودل شي. په بیړنی حالت کې، تل ۹۱۱ ته زنګ ووهئ.

د راپور ورکولو کرښي په اړه نور معلومات دلته ترلاسه کړئ

مخکې له دې چې ښوونیز کال پیل شي، د خپلې کورنۍ د اړیکو معلومات وګورئ ترڅو ډاډ ترلاسه شي چې ستاسو د زده کوونکي ښوونځی کولی شي له تاسو سره د مهمو تازه معلوماتو لپاره او د بیړنی حالاتو پر مهال اړیکه ونیسي.

• خپل د اړیکې ټینګولو معلومات، د بېړنی حالاتو اړیکې، او د کورنۍ نور معلومات په ParentVUE کې د "بیرته ښوونځي ته د ستنیدو معلوماتي کڅوړې" له لارې وڅېړئ او تازه یې کړئ.
• که چېرته ستاسو پته، د ټلیفون شمېره، د برېښنالیک پته، یا د بېړنی حالاتو اړیکې د ښوونیز کال په اوږدو کې بدلې شي، تاسو باید ParentVUE ته ننوځئ او د "بیرته ښوونځي ته د ستنیدو معلوماتي کڅوړې" کې بدلونونه راولئ.

بیرته ښوونځی ته د ستنیدو کڅوړی لارښووني

مخکې له دې چې د خپل زده کوونکي ښوونځي ته ورشئ، د PWCS د لیدونکو کړنلارې کتلو لپاره یو څو دقیقی وخت ونیسئ. دا کړنلارې د زده کوونکو، کارکوونکو او لیدونکو لپاره د خوندي او ډاډمن تعلیمي چاپیریال په ساتلو کې مرسته کوي.

• ټول لیدونکي باید د مرکزي دفتر یا ټاکل شوې دروازې له لارې ننوځي، د منلو وړ دولتي انځور لرونکی پېژندپاڼه وړاندې کړي، او د خپلی لیدنی موخه بیان کړي.
• د PWCS اداره د لیدونکو د پېژندنې یو ډول سیسټم څخه کار اخلي ترڅو لیدونکي وڅاري او ثبت شوي جنسي کړنی تر سره کوونکي مجرمین وپېژني.
• لیدونکي به یو ځانګړئ کارت ترلاسه کړي چې باید په ودانۍ کې د شتون پر مهال یې پر ځان وځړوي او له وتلو دمخه یې بېرته وسپاري.

د PWCS د لیدونکو معلومات دلته وګورئ

د PWCS له هغو لارښوونو سره ځان بلد کړئ چې کله باید ستاسو زده کوونکی د ناروغۍ له امله په کور کې پاتې شي او کله ښوونځي ته د هغوی بېرته راستنېدل مناسب دي. د دې معلوماتو د موندلو د ځای په اړه پوهه له تاسو سره مرسته کوي چې د ښوونیز کال په اوږدو کې باخبره پرېکړې وکړئ.

• د عامو ناروغیو، نښو نښانو او ښوونځي ته د بېرته راستنېدو د سپارښتنو په اړه د لارښوونې لپاره کله باید زده کوونکي په کور کی وساتئ: د زده کوونکی د ناروغی لارښود پاڼه وګورۍ.
• که ستاسو زده کوونکی د ناروغۍ له امله غیر حاضر وي، د خپل ښوونځي د حاضرۍ کړنلارې تعقیب کړئ.
• د ښوونیز کال په اوږدو کې هرکله چې ستاسو زده کوونکی ناروغه کیږي، دا لارښود وګورئ.

د چاپ وړ سرچینې

د زده کوونکی د ناروغی لارښود - انګلیسی (PDF)

مخکې له دې چې ښوونیز کال پیل شي، وخت وباسئ ترڅو د خپل زده کوونکي د ښوونځي ویب پاڼه او د PWCS ویب پاڼه وګورئ. د ښوونیز کال په اوږدو کې، د ښوونځي اړوند معلوماتو او سرچینو موندلو لپاره دا تر ټولو غوره ځای دئ.

• د خپل ښوونځي د پروګرامونو، فعالیتونو، ورزشی پیښو، نمایشي هنرونو او نورو هغو فرصتونو په اړه زده کړۍ چی زده کوونکو لپاره شتون لري.
• دلته د ښوونځي ځانګړي جنتریانی (کلینډرونه)، د کارکوونکو ډاریکټری، د اړینو توکو لیسټونه، د زنګ مهالویشونه او مهم اعلانونه ومومئ.
• د خپل ښوونځي ویب پاڼه په نښه کړئ ترڅو د ښوونیز کال په اوږدو کې معلوماتو او سرچینو ته په چټکۍ سره لاسرسی ومومئ.

د PWCS ښوونځیو لارښود دلته وګورئ

هر زده کوونکی بې ساري دی، او PWCS د زده کوونکو د تعلیمي سفر په اوږدو کې د هغوی د ملاتړ لپاره بېلابېلې سرچینې او خدمتونه وړاندې کوي. د ښوونیز کال له پیل وړاندې دا سرچینې وګورئ ترڅو پوه شئ چې چا ته مراجعه وکړئ، که ستاسو زده کوونکی اضافي ملاتړ ته اړتیا ولري.

• د اکاډمیکو، چلند، رواني روغتیا، کالج او مسلک، او د کورنۍ ملاتړ د سرچینو په اړه پوه شئ چې زده کوونکو ته شتون لري.
• که تاسو د خپل زده کوونکي د اکاډمیک پرمختګ، هوساینې، یا د راتلونکي پلان جوړونې په اړه پوښتنه یا اندېښنه لرئ، د خپل زده کوونکي له ښوونکي، د ښوونځي سلاکار ، یا د ښوونځي له مدیر سره اړیکه نیول پیل کړئ.

د سرچینو لېسټ وګورئ کله چې ستاسو زده کوونکی مرستې ته اړتیا ولري

تاسو د ښوونځي د لومړۍ ورځې لپاره تقریبا چمتو یاست! دغه وروستي چک لېسټ وګورئ ترڅو ډاډ ترلاسه شي چې د ټولګیو له پیل کیدو وړاندې مو “بېرته ښوونځی ته د ستنیدو” تر ټولو مهمې دندې بشپړې کړې دي.

1. په ParentVUE کي ”بیرته ښوونځي ته د ستنیدو معلوماتی کڅوړه” بشپړه کړیٔ.
2. د خپل زده کوونکي د ټرانسپورت معلومات، د ټولګي مهالویش او د ښوونځي د اړینو توکو لېسټ تایٔید کړئ.
3. ”بیرته ښوونځي ته د ستنیدو” دا ویب پاڼه او د خپل زده کوونکي د ښوونځي ویب پاڼه په نښه کړئ ترڅو مهم معلومات د ښوونیز کال په اوږدو کې تل ستاسو په لاسرسي کې وي.