Regulation 507-3 - Pashto

په وروستی ځل د کتلو نیټه: ۱۷ فبروری، ۲۰۲۶

بشری سرچینې

مقرره ۳-۵۰۷

د هغو کارکوونکو پر وړاندې د جنسي ځورونې د تورونو حل چې د ټایټل IX لخوا منع شوي دي

موخه: د ۱۹۷۲ کال د ښوونې او روزنې د تعدیلاتو قانون (ټایٔټل IX) او د ښوونځي بورډ د ۵۰۷ پالیسي، "په کاري چاپیریال کې تبعیض او ځورونه،" د جنسیت په شمول د جنسیتي هویت او جنسي تمایل پر بنسټ، د پرنس ویلیم کاونټي عامه ښوونځیو (PWCS) د کارکوونکو لخوا یا د هغوی په وړاندې هر ډول ځورونه منع کوي.. دا مقرره د ټایټل IX محافظتونو/خوندیتوبونو په اړه خبرتیا وړاندې کوي؛ د کارکوونکو پر وړاندې د جنسي ځورونې د تورونو د راپور ورکولو او هغو ته د غبرګون ښودلو طرزالعملونه؛ او د ټایټل IX د شکایتونو د څیړلو پروسه چې د هغو رسمي شکایتونو د حل لپاره کارول کیږي چې د ټایټل IX د تعریف سره سم د جنسیت پر بنسټ ځورونه ("د ټایټل IX جنسي ځورونه") پکې مطرح شوې وي

کله چې کارکوونکي، زده کونکي یا نور هغه اشخاص چې د PWCS په تعلیمي پروګرام یا فعالیت کې برخه اخلي یا د ګډون هڅه کوي، ادعا وکړي چې دوی د یو کارکوونکۍ یا د PWCS تر کنټرول لاندې د یو بالغ کس لخوا د جنسیت پر بنسټ له ځورونې سره مخ شوي دي، د دی تور په اړه باید د هغو طرزالعملونو سره سم چې په دې مقرره کې بیان شوي، د ټایټل IX کوردیناتور ته راپور ورکړل شي. هغه تورونه چې پکی یو زده کونکي د جنسیت پر بنسټ د یو کارکوونکی، بل زده کونکي یا بل هر هغه چا پر وړاندې چې د PWCS په تعلیمي پروګرام یا فعالیت کې ګډون کوي، یا د ګډون هڅه کوي، ځورونه کړې وي، باید د ۱-۷۳۸ مقررې "د هغو کارکوونکو پر وړاندې د جنسي ځورونې د تورونو حل چې د ټایټل IX لخوا منع شوي دي” سره په مطابق حل شي.

1. د ټایٔټل IX جنسي ځورونې په اړه د ټائټل IX محفاظتونه/خوندیتوبونه او تفریف
   1. د PWCS زده کوونکی او کارکوونکی د ټائټل IX قانون لخوا په هر ډول تعلیمي پروګرام یا فعالیت کی چی د PWCS لخوا پرمخ وړل کیږي، د ټائټل IX جنسی ځورونی په شمول د جنسیت پر بنسټ د تبعیض څخه خوندی دي.
   2. د ټائټل IX قانون زده کوونکی او کارکوونکی د ټائټل IX جنسی ځورونی په شمول د جنسیت پر بنسټ تبعیض څخه خوندی ساتی، پرته د ځواب ویوونکی (متهم) یا د شکایت کوونکی د جنسیت په پام کی نیولو، د بیلګی په توګه، که ځواب ویوونکی او شکایت کوونکی یو ډول جنس هم ولري.
   3. هر ډول ناسم چلند د ټائټل IX د جنسي ځورونې له تعریف سره سمون نه خوري. د دې مقرراتو د موخو لپاره، د ټائټل IX جنسي ځورونه هغه چلند ته ویل کېږي چې د جنسیت پر بنسټ وي او له لاندې شرطونو څخه یو یا زیات پوره کړي:
      1. د PWCS کارکوونکی چې د PWCS مرستی، ګټی یا خدمات تر لاسه کولو په بدل کی، د یو کس لپاره په نه غوښتونکی ناوړه جنسی عمل کی د ښکیل کیدو شرط وړاندی کوي؛
      2. یو داسی ناخوښه چلند دی چې د یو معقول شخص لخوا مشخص کیږي کوم چی دومره سخت، نفرت انګیز، او په موخه ییزه توګه ځورونکی وي چې په موثره توګه د زده کړې پروګرام یا فعالیت ته د یو شخص په مساوي ډول د لاسرسی موندلو مخه نیسی.
      3. "جنسي تیری،" لکه څرنګ چی په 20 U.S.C. 1092(f)(6)(A)(v) کی تعریف شوي دي، "د مینی محبت اړیکی په دوران کې تاوتریخوالی"، لکه څرنګ چی په 34 U.S.C. 12291(a)(10) کی تعریف شوي، "کورنی تاوتریخوالی" لکه څرنګ چی په 34 U.S.C. 12291(a)(8) کی تعریف شوي یا "تعقیب او ځورول" لکه څنګه چې په 34 U.S.C. 12291(a)(30) کې تعریف شوي دي.
   4. د ټائټل IX د جنسي ځورونی تعریفونه او د نورو کلیدي اصطلاحاتو تعریفونه هم په X برخه، د لغاتو فهرست، کې ورکړل شوي دي.
2. د PWCS چارواکو ته د جنسیت پر بنسټ د ځورونې په اړه راپور ورکول
   1. د ښوونځي ټولنې ټول غړي مسؤلیت لري چې د جنسیت پر بنسټ د ځورونې هر ډول پېښی په اړه د ښوونځي چارواکو ته راپور ورکړي، لکه څنګه چې په دې مقرره کې تعریف شوې دي. PWCS ټول زده کوونکي هڅوي، او ټول کارکوونکی اړ کوي، چې د جنسي بڼی لرونکی هر ډول ناوړه چلند په اړه په سمدستي ډول د لاندې ذکر شوي تګلارو له لاری راپور ورکړي.
      1. یو زده کوونکی یا د زده کوونکي والدین باید د جنسی اړیکو پر بنسټ د ځورونی په اړه په سمدستي ډول د ټائټل IX کوردیناتور ته راپور ورکړي چی د PWCS یوه کارکوونکي یا د هغه چا له خوا ترسره شوې وي چې د PWCS تر مستقیم کنټرول لاندې وي، که څه هم، د PWCS هر کارکوونکی کولی شي چی دغه ډول راپورونه ترلاسه کړي.
      2. د PWCS یو کارکوونکی څوک چې یو داسی راپور تر لاسه کړي چی جنسی بڼه لرونکی ناوړه چلند پکی ادعا شوۍ وي چی یو یا ډیر زده کوونکی پکی ښکیل وي یا یو کارکوونکی د یو زده کوونکي لخوا یا د یو زده کوونکي پر ضد ناوړه چلند مشاهده کوي؛ اړ دۍ چې د دې کار په اړه په سمدستی ډول او په هر صورت کې د پېښې د وخت څخه په ۲۴ ساعتونو کې دننه د ټائټل IX کوردیناتور ته راپور ورکړي. د PWCS کارکوونکی مجبور او مکلف دی چې د جنسی اړیکو پر بنسټ د ځورونی د تورونو په اړه راپور ورکړي، پرته دا په پام کی نیولو چی آیا شکایت کوونکي د ځورونی په اړه راپور ورکړی دی او که څرنګ.
      3. د جنسیت پر بنسټ د ځورونې تورونه چې د PWCS د یوه کارکوونکي یا د هغه چا پر وړاندې وي چې د PWCS تر مستقیم کنټرول لاندې وي، او دا تورونه د بل PWCS کارکوونکي له خوا تر سره شوي وي، کولای شي په اړه یی د ټایٔټل IX کوردیناتور ته راپور ورکړل شي.
         
         د پوسټ/میل لیږدولو پته:
         د پرنس ویلیم کاونټی عامه ښوونځيو لپاره د ټائټل IX کوردیناتور
         PO Box 389
         Manassas, Virginia 20108
         
         Telephone: 571-374-6839
         
         بریښنالیک: [email protected]
   2. بنسټیزه راپور چې ورته پورته ځاي کی د II-A-(1) څخه تر II-A-(3) پوری برخه کې اشاره شوي، ښايي په شفاهي یا په لیکلې بڼه وي. د تبعیض یا ځورونی تورونو په اړه د راپور ورکولو فورمه د PWCS د تنوع، مساوات,، شمولیت، اوموافقت (DEIC) ویب پاڼه او د (DEIC) لنچ پیډ کی شتون لري او کارول یی هڅول کیږي، که څه هم اړین نه دي چی وکارول شي.
   3. د ټایټل IX همغږي کونکی باید د پورتنۍ ۲ (الف) برخې سره سم، د جنسیت پر بنسټ د ځورونې د هر ډول راپور په اړه سمدلاسه د مساواتو د چارو عمومي رییس او د مقرراتو د پلي کیدو څارونکي یا نظارت کوونکي ته خبر ورکړي.
3. د کارکوونکو په ضد ادعا شوي جنسي بڼه لرونکي ناوړه چلند راپورونو ته ځواب ویل
   1. د کارکوونکو په وړاندې د ادعا شوي جنسي بڼه لرونکي ناوړه چلند ټول راپورونه باید د ټایټل IX کوردیناتور لخوا وڅیړل شي ترڅو معلومه کړي چې ایا ادعا شوی ناوړه چلند، که ثابت شي، د ټایټل IX د جنسي ځورونې په هغو دریو ډولونو کې راځي چې د دې مقررې په لومړۍ (ج) برخه کې مشخص شوي دي که نه. د ټایٔټل IX د جنسي ځورونې ټولې درې بڼې به د هر ثبت شوي راپور په اړه په پام کې ونیول شي.
   2. په هغه صورت کې چې د ټایټل IX د کوردیناتور لخوا په بیاځلی څیړنه کې څرګنده شي چې ادعا شوی ناوړه چلند، حتی که ثابت هم شي، د ټایټل IX جنسي ځورونه نه ګڼل کیږي، مګر د نورو پالیسیو او مقرراتو څخه سرغړونه کیدی شي (پدې کې ذکر شوي شامل دي مګر یوازې دغو پوری محدود ندي: ۵۰۷ پالیسي؛ ۱-۵۰۷ مقرره؛ ; ۵۰۳ پالیسي، "د چلند اصول"؛ ; ۱-۵۰۳ مقرره، "د ټولو کارمندانو لپاره د مسلکي چلند معیارونه"؛ ; او/يا ۵۷۲ پالیسي او ۱-۵۷۲ مقرره، "تادیبي یا انضباطي اقدامات"، دا تورونه باید د اړونده پالیسۍ او/یا مقررې سره په مطابق حل شي.
   3. کله چې ادعا شوی ناوړه چلند د ټایټل IX تر لاندی جنسي ځورونه په ډاګه کړي، شکایت کوونکي ته باید د دې مقررې یوه کاپي او د دې مقررې ۱ ضمیمه "د پرنس ویلیم کاونټي عامه ښوونځیو د کارکوونکي په وړاندې د ټایټل IX جنسي ځورونې د رسمي شکایت فورمه" ورکړل شي. همدارنګه، باید د ملاتړو اقداماتو د شتون په اړه د خبرو اترو لپاره سمدلاسه له شکایت کوونکي سره اړیکه ونیول شي، ترڅو د ملاتړو اقداماتو په اړه د شکایت کوونکي غوښتنې په پام کې ونیول شي، شکایت کوونکی د ټایټل IX د جنسي ځورونې د رسمي شکایت له ثبتولو سره یا پرته له هغې د ملاتړو اقداماتو له شتون څخه خبر کړي، او شکایت کوونکي ته د رسمي شکایت د ثبتولو پروسه تشریح کړي. دا چاری باید د ټایټل IX د کوردیناتور لخوا ترسره شي.
   4. د ټائټل IX کوردیناتور به د کارکوونکو پر ضد د ناوړه جنسي چلند د ټولو راپورونو ریکارډ ساتي چې زده کوونکی پکی ښکیل وي، چی د ټایٔټل IX لخوا منع شوي دی تر څو د PWCS سره د دغه ډول چلند د څارلو، حل کولو او د مخه نیولو په هڅو کې مرسته وکړي.
4. ملاتړی تدابیر
   1. ملاتړی تدابیر/خدمات غیر انضباطي، غیر مجازاتي انفرادي خدمتونه دي چې په مناسب ډول، په معقوله توګه شتون لرلو سره، او پرته د فیس یا لګښت شکایت کوونکي یا ځواب ویوونکی (متهم) ته د رسمي شکایت د ثبتولو څخه مخکې یا وروسته وړاندی کیږي یا په هغه صورت کې چې رسمي شکایت نه وي ثبت شوی. د هغه تدابیرو په شمول چې د ټولو خواوو یا د PWCS د تعلیمي چاپېریال خوندي کولو لپاره، یا د ټائټل IX جنسی ځورونی د مخنیوي لپاره طرحه شوي دي، دا ډول تدابیر په بل جانب باندی د غیر معقول بوج اچولو پرته د PWCS تعلیمي پروګرامونو او فعالیتونو ته په مساوي ډول لاسرسی بحال کولو یا دوام ساتلو لپاره ډیزاین شوي دی.
   2. کله چی شکایت کوونکی یو کارکوونکی وي او پرته له دې چې ادعا شوۍ ناوړه جنسي چلند د ټائټل IX قانون تر لاندی جنسي ځورونه په ډاګه کړي یا نه، د ټائټل IX کوردیناتور باید د مدیر یا د کارکوونکي د نظارت کوونکي یا د ښوونځي مدیر (مدیرانو) او، که اړینه وي، د لیول ایسی سویټ سپرانټینډنټ سره د مشوري کولو وروسته، دا مشخص کړي چې آیا د ادعا شوي ناوړه چلند مخه نیولو، د شکایت کوونکی، ځواب ورکوونکی، یا نورو کسانو د خوندی کولو او/یا د PWCS تعلیمي پروګرامونو او فعالیتونو ته لاسرسي ساتلو لپاره ملاتړی تدابیر اړین دي او که څرنګ. ملاتړي اقداماتو کی ممکن لاندی ذکر شوي شامل وي، مګر یوازې دغو مواردو محدود نه دي: مشوره ورکول؛ د ښکېلو خواوو ترمنځ پر اړیکو محدودیت؛ د امنیت او څارنې زیاتول؛ د کار یا درسي مهالویشونو تعدیل؛ د کاري ځایونو یا دندو بیا ګمارل؛ تبدیلول؛ یا په اداري یا نورو رخصتیو باندی لیږل.
   3. کله چې شکایت کوونکی یو زده کونکی وي، پرته له دې چې په پام کې ونیول شي چې ایا د جنسیت پر بنسټ ځورونه د ټایټل IX جنسي ځورونه ګڼل کیږي که نه، د ټایټل IX کوردیناتور باید د ښوونځي له مدیر یا د هغه له ټاکل شوي استازي او که اړتیا وي د اړونده لیول ایسی سویټ سپرانټینډنټ سره په مشوره دا پریکړه وکړي چې ایا د ادعا شوي ناوړه چلند د مخنیوي، د یو یا ډیرو زده کوونکو یا نورو کسانو د خوندی ساتلو، او/یا د PWCS تعلیمي پروګرامونو او فعالیتونو ته د لاسرسي موندلو لپاره ملاتړي اقداماتو ته اړتیا شته او که نه. ملاتړي اقداماتو کی ممکن لاندی ذکر شوي شامل وي، مګر یوازې دغو مواردو محدود نه دي: د ښکېلو خواوو ترمنځ پر اړیکو محدودیت؛ د امنیت او څارنې زیاتول؛ مشوره ورکول او/یا د شکایت کوونکي لپاره د کارونو سپارلو د وروستی نیټې غځول یا د کورس اړوند نور تعدیلات؛ او د ځواب ورکوونکي لپاره د کار یا درسي مهالویشونو تعدیل، د کاري ځایونو یا دندو بیا ګمارل، تبدیلول، او/یا په اداري یا نورو رخصتیو باندی لیږل.
   4. ملاتړی تدابیر به تر هغه حده محرمانه ساتل کېږي چې محرمانه ساتنه د ملاتړي تدابیرو په وړاندې کولو کې د PWCS وړتیا ته زیان ونه رسوي.
5. د PWCS یو کارکوونکی پر ضد د ټائټل IX جنسي ځورونی رسمي شکایت لپاره د ټائټل IX د شکایت پروسه
   1. د رسمي شکایت ثبتول:
      1. یو شکایت کوونکی کولی شي چې د ټائټل IX د جنسی ځورونی ادعا کولو سره یو رسمي شکایت لاسلیک کړی او غوښتنه وکړي چی PWCS دی څیړنه تر سره کړي. که چیرته لازمي وي، د ټائټل IX کوردیناتور کولی شي رسمي شکایت لاسلیک کړي چی پکی د یو متهم یا ځواب ویوونکی پر ضد د ټائټل IX جنسي ځورونی ادعا شوي وي، او څیړنه پیل کړي. په دغه ډول رسمي شکایت کی، د ټائټل IX کورديناتور نه شکایت کوونکی دی او نه د شکایت کوم اړخ/جانب دی.
         1. وړوالی: کله چې رسمي شکایت ثبت کېږي، شکایت کوونکی باید د PWCS کارکوونکي وي، او یا د دې ادارې د کارکوونکي جوړیدو هڅه کوي (غوښتنه یې ورکړې وي). همدارنګه، د ټائټل IX ادعا شوې جنسي ځورونه باید هغه مهال رامنځته شي کله چې کارکوونکۍ/غوښتونکی شکایت کوونکی د PWCS په کوم تعلیمي پروګرام یا فعالیت کې ګډون کوي یا پکی د ګډون کولو هڅه کوي. د زده کوونکو شکایت کوونکو لخوا د رسمي شکایتونو لپاره د وړوالی شرایط په ۱-۷۳۸ مقرره کې تعریف شوي دي.
         2. شکایت داخلول/ثبتول: شکایت کوونکی کولی شي چې رسمي شکایت د ټائټل IX کوردیناتور ته لاس په لاس ورکړي، یا د متحده آیالاتو د پوسټ له لارې، یا د الیکټرونیکي میل له لارې واستوي. د دې مقررې ۱ ضمیمی، “د ټائټل IX جنسي ځورونی د رسمي شکایت فورم” کارونه هڅول کېږي، مګر اړینه نه ده چی وکارول شي، او د ټائټل IX د کوردیناتور څخه ترلاسه کېدلی شي.
   2. د یو کارکوونکي پر وړاندې د رسمي شکایت یا مشخصو تورونو ردول (لغوه کول):
      1. د ټایټل IX کوردیناتور به د یو کارکوونکي په وړاندې رسمي شکایت یا په شکایت کې موجود مشخص تورونه رد کړي که چیرې لومړنۍ څیړنې ثابته کړي چې یاد شوی ناوړه چلند: (الف) د ټائټل IX جنسي ځورونه نه تشکیلوي لکه څرنګ چې ددې مقررې په (I) برخه کې تعریف شوی دي، حتی که ثابت هم شي؛ (ب) د PWCS په تعلیمي پروګرام یا فعالیت کې نه وی رامنځ ته شوئ؛ یا (ج) د یو کس پر ضد په متحده ایالاتو کې نه وی ترسره شوي.
      2. د ټائټل IX کوردیناتور کولی شي د یو کارکوونکي پر ضد یو رسمي شکایت یا په رسمي شکایت کې مشخص تورونه رد کړي که چیرته د ټائټل IX شکایت پروسې پر مهال هر وخت: (الف) یو شکایت کوونکی د ټائټل IX کوردیناتور ته په لیکلي ډول خبر ورکړي چې شکایت کوونکی خپل رسمي شکایت یا په هغې کې لګول شوی تورونه بېرته اخیستل غواړي؛ (ب) متهم یا ځواب ویونکی نور په PWCS کی دنده نه تر سره کوي؛ یا (ج) مشخص شرایط/حالات د داسی ثبوت راغونډولو مخه نیسی کوم چې د یو رسمي شکایت یا په رسمي شکایت کې د مشخصو تورونو په اړه پریکړي ته د رسیدلو لپاره کافي وي.
      3. د رسمي شکایت هر ه خوا/اړخ کولی شي چی د ردولو پریکړي خبرتیا تر لاسه کولو په پنځو ورځو کی دننه د رزدولو د پریکړي په ننګولو سره د ټائټل IX کوردیناتور ته په دې مقررې کی د ۱۱ ضمیمی، “د ټائټل IX شکایت پروسې لپاره د اپیل فورم” په سپارلو سره یا په لیکلي ډول بیان ورکولو سره د رسمي شکایت یا په رسمي شکایت کې د مشخصو تورونو د ختمولو پر ضد اپیل وکړي. هر اپیل لاندې یو یا زیاتو لاملونو پورې محدود دی:
         1. د کړنلاری بی قاعدګي چې په مشخص کونه یی اغېزه درلودلی وي;
         2. نوی ثبوت چې د مشخص کونی پر مهال په معقولی ډول موجود نه وو، مګر کوم چې پایله باندی اغیزه درلودلی شي؛ یا
         3. د ټائټل IX کوردیناتور، د موافقت څیړونکی، یا د ټائټل IX پریکړه کوونکی په عمومی توګه د شکایت کوونکی یا ځواب ویوونکی سره شخصی ګټی په تګر وي یا یی تعصب درلود چې پایله یی اغیزمن کړی اوسی.
      4. کله چې د رسمي شکایت یو جانب د اخراج د پرېکړې پر ضد اپیل/استناف پیل کړي، نو د ټائټل IX کوردیناتور به بل جانب/اړخ ته په لیکلي ډول خبرتیا ورکوي. د اپیل یا استناف د لیکلي بیان د خبرتیا په پنځو تقویمي ورځو کی دننه، نه اپیل کوونکی خوا / اړخ کولی شي چې د ټائټل IX کوردیناتور ته د اخراج د پرېکړې په ملاتړ یو لیکلی بیان وسپاری.
      5. د ټائټل IX کوردیناتور به د استیناف پرېکړه کوونکي ته د لغوه کولو پرېکړه، د استیناف لیکلې غوښتنه، او ځوابی بیان وسپاري. په ۱۰ رسمي ورځو کی دننه، د استیناف پرېکړه کوونکی به په عین وخت کې دواړو جانبینو ته د اپيل یا استیناف پایله او د دلیل په ذکر کولو سره لیکلې پرېکړه صادروي.
      6. د رسمي شکایت ردول (لغوه کول) یا د داسې ردولو په وړاندې د استیناف غوښتنه کول، د ۱- ۵۰۳ مقررې او ۱-۵۷۲ مقررې سره سم د تادیبي اقداماتو مخه نه نیسي او نه هم په هغو کې ځنډ رامنځته کوي.
   3. د یو کارکوونکی پر ضد د رسمي شکایت منظورول او جانبینو ته خبرتیا
      1. د یو کارکوونکي پر ضد د رسمي شکایت د منل کیدو وروسته، د ټائټل PWCS کوردیناتور به جانبینو ته ددې مقررې یوه کاپي ورکوي، چی پکی د PWCS د ټائټل IX د شکایت پروسه تشریح شوی ده. د ټایٔټل IX کوردیناتور باید هر لوري (اړخ) ته د لاندې مواردو په اړه لیکلې خبرتیا هم ورکړي: (الف) هغه تور (تورونه) چې په احتمالي توګه د ټائټل IX جنسي ځورونه تشکیلوي، په شمول د جانبینو د هویتونو چې په پېښه کې ککړ/ښکیل وي، که معلوم وي؛ هغه ناوړه چلند چې د ادعا په توګه د ټائټل IX جنسي ځورونه تشکلیوي؛ او د ادعا شوې پېښې نېټه او موقعیت، که معلوم وي؛ (ب) دا فرضیه چې متهم د ادعا شوي ناوړه چلند مسٔول نه دی او دا چې د مسٔولیت مشخص کونه یا ټاکنه به یوازې د ټائټل IX د شکایت پروسې په پائ کې تر سره کېږي؛ (ج) د هر جانب د یو سلاکار لرلو حق، کوم چې ممکن وکیل وي، خو لازمي نده چې وکیل وي؛ (د) د هر جانب دا حق درلودل چې ځینې ثبوتونه معاینه کړي او وګوري؛ او (ر) په پوهې سره د ښوونځي چارواکو ته د ناسم بیانونو ورکولو یا ناسم معلوماتو سپارلو پر ضد د PWCS "د چلند کوډ" ممانعتونه، او د کوم کس پر ضد غچ اخیستونکی اقدام کول یا یو کس د راپور ورکولو څخه یا د ټائټل IX د شکایت په پروسې کی د ګډون کولو څخه منع کول. ښکېلو خواوو ته باید لیکلې خبرتیا په داسې ډول ورکړل شي چې هغوی له د هر ډول بنسټیزه ناستی څخه مخکې د چمتووالي لپاره کافي وخت ولري او وکولی شي رسمي شکایت ته د ځواب چمتو کولو لپاره پوره وخت ولري.
      2. د هر ډول رسمي شکایت لپاره د ټائټل IX د شکایت پروسه چې عموما منل/تصویب شوې وي، په عام ډول باید په ۶۰ رسمي ورځو کی دننه سر ته ورسول شي، پرته له دی چې د ټائټل IX کوردیناتور، د ټائټل IX څېړونکی، د ټائټل IX پرېکړه کوونکی، یا د استیناف پرېکړه کوونکی، کله چی مناسب وي، د ټائټل IX د شکایت پروسه لنډمهاله مودی لپاره وځنډوی یا د یو ښه دلیل لپاره یی وغځوي او دواړه شکایت کوونکي او متهم ته د ځنډ یا غځولو د اقدام او د دلیل (دلیلونو) په اړه په لیکلې توګه خبرتیا ورکړي. د ښو لاملونو په ټولګه کې ذکر شوی شامل دي مګر دغو پوری محدود نه دي، د رسمي شکایت د یو شاهد یا یوی خوا غیر حاضري یا نه شتون؛ په عین وخت کې د نافذ قانون یا د ماشومانو د حفاظت خدمتونو (CPS) فعالیت؛ د ژباړنی مرستې یا د معلولیت اسانتیاوو ته اړتیا؛ یا د دی مقرری سره په تړاو نور شرایط/حالات چې د PWCS چاری اغېزمنی کوي.
   4. د یو کارکوونکی پر ضد د رسمی شکایت پلټنه/څیړنه
      1. عمومي: د ټایټل IX کوردیناتور باید په رسمي شکایت کې د موجودو تورونو په اړه څېړنه پیل کړي او کولی شي هغه شکایتونه سره یوځای (مدغم) کړي چې له ورته حقایقو یا شرایطو څخه راپورته شوي وي او یا په بل ډول سره تړاو ولري. د قضیې لپاره به د مقرراتو د پلي کېدو یو څېړونکی وګمارل شي، او شرایطو ته په کتو سره، څیړنی به په معقولې ډول په چټکی سره ترسره کېږي او ممکن د CPS، پولیسو، یا نورو حکومتی چارواکو لخوا د هر ډول بلی څېړنې سره یو ځای ترسره شي او/یا د معقولې مودې لپاره غځول کیدی شي.
      2. د کار وسعت/پراختیا یا سکوپ کله چې مناسب وي، څیړنه باید د شکایت کوونکي، متهم یا نورو کسانو سره چې ممکن د حقایقو او شرایطو په اړه خبر وي، په یوه یا زیاتو شخصي مرکو مشتمل وي. په څیړنه کی باید همداراز باید د نورو هر ډول معلوماتو او موادو کتنه هم شامله وي چې اړوند ګڼل کېږي، هغه که د جانبینو لخوا په ګوته شوي یا افشاء شوي یا نه. په داسې معلوماتو یا موادو کې ښايي ویډیوی تصویرونه، عکسونه/انځورونه، بریښنالیکونه، متني پېغامونه، او د ټولنیزو رسنیو ارتباطات شامل وي، مګر تر دغو پوری محدود نه دي.
         1. د رسمی شکایت هر ه خوا/اړخ کولی شي چې د خپلې خوښې یو سلاکار له ځانه سره ولري، کوم چې ښايي یو وکیل وي اما اړینه نده چې وي.  د دی کار سپارښتنه نه کېږي چې د PWCS کارکوونکي دی د ټایټل IX د سلاکارانو په توګه عمل وکړي، خو بیا هم، ښکېلې خواوې حق لري چې د خپلې خوښې یو سلاکار ولري. PWCS به یو اړخ/لوری ته هم د سلاکار خدمتونه وړاندی نه کړي. دا به د هری خوا/اړخ خپل مسٔولیت وي چې په وخت سره د ټائټل IX کوردیناتور ته د سلاکار د هویت او د اړیکی ټینګولو معلوماتونو په اړه خبر ورکړي. په ټولو مرکو او ملاقاتونو کې د اوریدنی غونډی په استثناء د هری خوا/جانب د سلاکار رول به د یو خاموش/چپ شاهد پوری محدود وي. ²
         2. د رسمي شکایت هر اړخ/لوری چې ګډون کولو ته بلنه ورکول شوی وي یا یې ورڅخه تمه کېږي، هغوي ته به د ګډون کولو لپاره د چمتووالي نیولو په موخه د کافي اندازه وخت ورکولو سره د نېټې، وخت، موقعیت، د ټولو مرکو او غونډو موخو په اړه په لیکلې بڼه خبرتیا ورکول کیږي.
         3. د رسمي شکایت هر جانب به د ثبوت وړاندې کولو او شاهدانو معرفي کولو لپاره یو برابر فرصت ولري.
      3. اضافي تورونه: که د څېړنې په جریان کې، د مقرراتو د پلي کولو څېړونکی یا د کمپلاینس افسر د داسې تورونو په اړه د څېړنی تر سره کولو پریکړه وکړي چې د پورتنۍ VI (C) برخې سره سم په ورکړل شوې خبرتیا کې شامل نه وو، نو د ټایټل IX کوردیناتور باید ښکېلو خواوو ته د دې اضافي تورونو په اړه خبرتیا ورکړي.
      4. ثبوتونو ته د جانبینو لاسرسی: د تفتیشي راپور له بشپړولو او سپارلو څخه وړاندې، د موافقت څیړونکی به هری خوا/جانب او د هر جانب سلاکار ته یو برابر فرصت وړاندی کوي تر څو مستقیم ربط/تړاو لرونکی ثبوت معاینه کړي او وګوري. دا ډول شواهد کیدی شي چی د هر هغه زده کوونکي (پرته له شکایت کوونکي زده کونکي) د شخصي هویت لرونکو معلوماتو د ساتنې یا خوندی ساتلو لپاره حذف یا اصلاح شي. په دې ډول لاسرسي کې به د اجباري کارونې یا د اسنادو د مسودی لپاره د موافقت څیړونکی شخصي یادداښتونو ته لاسرسی نه وي شامل. د ټایٔټل IX څیړونکی به د مستقیم اړه لرونکی ثبوت خبرتیا څخه وروسته هر جانب ته لس تقویمي ورځې وخت ورکوي تر څو د ټایٔټل IX څیړونکی د غور لپاره ثبوتونو ته په ځواب کی خپل لیکلې ځواب وړاندی کړي؛ د هر ډول ځواب کاپي به بل جانب ته ورکول کېږي.
      5. څیړنیز راپور: په بشپړیدو سره، څیړنیز راپور چې په شفافه توګه د اړوند ثبوت لنډیز وړاندې کوي، به د ټائټل IX پرېکړه کوونکي ته استول کېږي، او همدا راز د مسٔولیت مشخص کونی څخه لږ تر لږه ۱۰ ورځی وړاندی هر جانب/خوا ته او د هر جانب سلاکار ته د کتلو او ورته په لیکلی ډول ځواب ویلو لپاره لیږدول کیږي. هر ډول لیکلی ځواب باید د څېړنیز راپور د خبرتیا څخه وروسته په ۱۰ تقویمي ورځو کې دننه د ټایټل IX کوردیناتور ته وسپارل شي.
      6. د رسمي شکایت هر جانب کولی شي د ټائټل IX پرېکړه کوونکي پرېکړه له لارې د څیړنیز راپور خبرتیا تر لاسه کولو وروسته په درې تقویمی ورځو کې دننه بل جانب ته یا هر بل شاهد ته په لیکلې بڼه اړوندې پوښتنې وسپاری. هغه پوښتنې چې د غیر اړوند پوښتنو په توګه ایستل کیږي، هغه به د ټائټل IX د پرېکړه کوونکي لخوا په ګوته کیږي او په اړه به یی توضیح ورکول کیږي.
         1. د ټائټل IX پرېکړه کوونکي واک یا صلاحیت نلري چې جانبین یا شاهدان دې ډول پوښتنو ته په ځوابونو ورکولو مجبور کړي. هغه جانبین او/شاهدان چې ځواب ورکوي، هغوي باید د پوښتنو د خبرتیا تر لاسه کولو وروسته په درې تقویمي ورځو کې دننه دا ډول ځوابونه د ټائټل IX پرېکړه کوونکي ته وسپاري.
         2. د ټائټل IX پرېکړه کوونکي به دغه ځوابونه بل جانب ته وړاندی کوي او په دغه موده کې به د محدود تعقیبي پوښتنو او ځوابونو اجازه ورکوي، لکه څرنګ چې د ټائټل IX پرېکړه کوونکي لخوا مناسب ګڼل کیږي، مګر چی د مسٔولیت ټاکنی څخه مخکې وي.
   5. د مسٔولیت مشخص کونه/ټاکنه:
      1. اداري ریکارډ ته په کتلو او د ثبوت د دروندوالی معیار په تطبیقولو سره، د ټائټل IX د پرېکړه کوونکي به دواړو جانبینو ته په یو وخت کې یوه لیکلې پرېکړه صادره کړي په کومه کې چې به شامل وي: د هغو تورونو پېژندنه چې په احتمالي ډول د ټائټل IX جنسی ځورونه تشکلیوي؛ د اجرائي اقداماتو لنډیز؛ د حقایقو موندنه؛ د حقایقو په وړاندې د PWCS د هر ډول پالیسۍ یا مقررې د پلي کېدو په اړه پایلې؛ د هر تور په تړاو د مسؤلیت ټاکنی بیان او د هغې منطق؛ که مناسب وي، د PWCS تعلیمي پروګرامونو او فعالیتونو ته د شکایت کوونکي د یو برابر لاسرسي رامنځ ته کولو دوامداره ساتلو لپاره هر ډول حل لاری؛ د اړتیا په صورت کې د PWCS تعلیمي پروګرامونو او فعالیتونو ته د شکایت کوونکي د مساوي لاسرسي د بیا رغولو یا ساتلو لپاره چمتو شوي؛ د تادیبي جزاګانو لپاره هر ډول وړاندیزونه؛ او د استیناف غوښتنې د طرزالعملونو بیان.
      2. که چیرته هیڅ کوم اپیل ونه سپارل شي، مسٔولیت ټاکنه نهايي کېږي، او د ټائټل IX د شکایت پروسه په هغې نېټه پائ ته رسیږي په کومه چې اپیل نور په خپل وخت نه ګڼل کېږي. که چیرته اپیل وسپارل شي، نو د مسٔولیت ټاکنه په هغې نېټه نهايي کېږي په کومه چې ا اپیل پریکره کوونکی جانبینو/خواوو ته د اپيل د نتیجې په اړه په لیکلې ډول خبرتیا ورکړي. پرته له دی که چیرته د ادعا شوي تعصب یا طرزالعملي بې نظمیو پر بنسټ د دویمې کچې د استیناف غوښتنه وشي.
      3. د ټایټل IX پرېکړه کونکی کولی شي دا مشخص کړي چې د ناوړه چلند تورونه د ټایټل IX جنسي ځورونه نه ده، مګر د نورو پالیسیو او مقرراتو څخه سرغړونه ده، په شمول د ۵۰۷ پالیسي؛ ۵۰۳ پالیسي؛ ۱-۵۰۳ مقرری؛ ۵۷۲ پالیسي او ۱-۵۷۲ مقرری، مګر دغو پوری محدود نه دي.
   6. د انضباطي یا تادیبي جزاګانو لپاره د ټائټل IX حل لاری او سپارښتنه
      1. په داسی حال کی چې د یو متهم پر ضد د ټائټل IX جنسي ځورونی د مسٔولیت ټاکنی پریکړه تر سره شوې وي، حلونه شکایت کوونکي ته وړاندی کیږي. حلونه/اصلاحات دې لپاره ډیزاین/طرحه شوي دی تر څو د PWCS تعلیمي پروګرامونو او فعالیتونو ته مساوي لاسرسی بیرته فعاله کړی شي یا دوامداره وساتی.
      2. په حلونو کې ممکن هم هغه انفرادي خدمتونه شامل وي چې پورته په IV برخه کې د ملاتړي تدابیرو په توګه تشریح شوي دي. هغه ځواب ویوونکی چی د ټائټل IX جنسي ځورونی لپاره مسٔول پیژندل شوي وي، پرضد په انضباطي بندیزونو کی ممکن داسی اقدامات شامل وي چې د سزا يا نظم کولو بڼه ولري.
         1. د پېښې شدت او د راتلونکې ځورونې څخه د PWCS د زده کوونکو یا کارکوونکو د خوندی ساتنې اړتیا ته په کتو سره، په اقداماتو کې کېدای شي لاندې موارد شامل وي، مګر یوازې دغو پوری محدود نه دي:
            1. د شکایت کوونکی سره پر اړیکو محدودیت؛ یا
            2. د امنیت او نظارت زیاتول.
      3. د پېښې شدت او د راتلونکې ځورونې څخه د PWCS د زده کوونکو یا کارکوونکو د خوندی ساتنې اړتیا ته په کتو سره، د تادیبي یا انضباطي جزاګانو لپاره په سپارښتنو کې کېدای شي لاندې موارد شامل وي، مګر یوازې دغو پوری محدود نه دي:
         1. د بشري منابعو عمومي رییس ته سپارښتنه چې لاندې موارد پلي یا تعقیب کړي:
            1. شفاهی یا لیکلی تنبیې؛ لفظي یا لیکلې تنبیې (اخطار)؛
            2. د کاری مهالویشونو تعدیل؛
            3. د دندو د ځایونو یا د دندو بدلول یا په بل ډول ګمارل؛
            4. د اضافی یا ضمني قراردادونو ختمول؛
            5. په غیر رضاکارانه توګه بدلول/لیږدول؛
            6. تعلیق (له دندې موقتي ګوښه کول)؛ یا
            7. له دندې ایستل (برطرفي).
      4. هر ډول تادیبي یا انضباطی بندیزونه به په هم هغه ورځ نافذ کیږي کله چې د مسئولیت ټاکنی پرېکړه وروستۍ او نهايي شي.
   7. د استیناف کړنلاري / پروسیجرونه:
      1. د ټائټل IX د پرېکړه کوونکي د مسٔوولیت ټاکنی د پرېکړی په ضد د شکایت کوونکي یا متهم لخوا د هغو کړنلارو پروسیجرونو تر لاندې اپیل کېدلی شي چې لاندې ځای کی په H فرحی برخه کې تشریح شوي دي.
      2. د مسؤلیت ټاکنی په اړه له پرېکړې وروسته، د ټایټل IX د پرېکړه کونکي لخوا وړاندیز شوې حل لارې او تادیبي یا انضباطي جزاګانې د دې مقررې له مخې د استیناف وړ نه دي. هر هغه تادیبي یا انضباطی جزاګانې چې په حقیقت کې د تادیبي جزا د وړاندیز څخه وروسته لګول شوې وي، ځواب ورکوونکی کولی شي د .۱ ۵۰۸.۰۱ مقررې ("د تصدیق شويو کارکوونکو د شکایتونو د تنظیم طرزالعملونه") او .۲ ۵۰۸.۰۲ مقررې ("د اداري او جواز لرونکو کارکوونکو د شکایتونو د تنظیم طرزالعملونه") له مخې د هغوی په وړاندې استیناف وغواړي که چیرته په ځواب ویونکی باندی د پلی کیدو وړ وي. په هرصورت، تر هغه چې د ټایټل IX لاندې د مسؤلیت ټاکنی د پرېکړې په اړه هر ډول استیناف غوښتنه بشپړه شوې نه وي، د وړاندیز شويو تادیبي جزاګانو پر بنسټ د پلي شويو جزاګانو په اړه به هیڅ ډول د استیناف غوښتنه و نه څېړل شي.
      3. که چیرته د ټایټل IX پرېکړه کونکی دا مشخص کړي چې ځواب ورکوونکی د ټایټل IX د جنسي ځورونې مسؤل نه دی، مګر نورې پالیسۍ او مقررات یې تر پښو لاندې کړي دي (لکه ۵۰۷ پالیسي، ۵۰۳ پالیسي، ۱-۵۰۳ مقرره، ۵۷۲ پالیسي او ۱-۵۷۲ مقرره)، مګر یوازی دغو پوری محدود نه دي، نو بیا ځواب ورکوونکی کولی شي د هرې هغې جزا په وړاندې استیناف وغواړي چې پرې پلي شوې وي، لکه څنګه چې په ۵۰۸.۰۱-۱ مقرراتو او ۵۰۸.۰۲-۱ مقرراتو کې اجازه ورکړل شوې ده، که چیرته به ځواب ویونکی باندی د پلی کیدو وړ وي. په هرصورت، تر هغه چې د ټایټل IX لاندې د مسؤلیت ټاکنی د پرېکړې په اړه هر ډول استیناف غوښتنه بشپړه شوې نه وي، د مسؤلیت ټاکنی د پرېکړې پر بنسټ د پلي شويو تادیبي جزاګانو په اړه به هیڅ ډول د استیناف غوښتنه و نه څېړل شي.
   8. د ټائټل IX پریکړه کونکي د مسؤلیت ټاکنی پریکړی پر ضد اپیل/استیناف:
      1. د ټائټل IX شکایت پروسې تر لاندی، د ټائټل IX پریکړه کونکي لیکلي پریکړې پر ضد هر ډول اپیل د دې موندنې پورې محدود دی چې ځواب ویوونکی د ټائټل IX جنسي ځورونې لپاره مسؤل دی یا نه دی.
      2. د ټائټل IX د پریکړه کوونکي د لیکلې پریکړې د خبرتیا څخه وروسته په پنځو ورځو کې دننه، د رسمي شکایت هر جانب یا اړخ کولی شي چې د مسٔولیت ټاکنی پریکړئ ننګولو سره د یو لیکلي بیان په داخلولو سره د ټائټل IX کوردیناتور ته د ټائټل IX د پریکړه کوونکي د مسٔولیت ټاکنی پریکړې پر ضد اپيل وسپاری. د مسٔولیت ټاکنی پر ضد هر ډول اپیل یا استیناف لاندې ذکر شویو یو یا زیاتو لاملونو پورې محدود دی:
         1. د کړنلاری بی قاعدګي چې په مشخص کونه یی اغېزه درلودلی وي;
         2. نوی ثبوت چې د مشخص کونی پر مهال په معقولی ډول موجود نه وو، مګر کوم چې پایله باندی اغیزه درلودلی شي؛ یا
         3. د ټائټل IX کوردیناتور، د ټایٔټل IX څیړونکی، یا د ټائټل IX پریکړه کوونکی په عمومی توګه د شکایت کوونکی یا ځواب ویوونکی سره شخصی ګټی په تګر وي یا یی تعصب درلود چې پایله یی اغیزمن کړی اوسی.
      3. کله چې د رسمي شکایت یو جانب د اخراج د پرېکړې پر ضد اپیل/استناف پیل کړي، نو د ټائټل IX کوردیناتور به بل جانب/اړخ ته په لیکلي ډول خبرتیا ورکوي. د اپیل یا استیناف خبرتیا تر لاسه کولو وروسته په پنځو تقویمي ورځو کی دننه، نه استیناف غوښتوونکی جانب/اړخ کولئ شي چې د مسٔولیت ټاکنی د پریکړې څخه د ملاتړ په موخه یو لیکلی بیان وسپاری.
      4. د ټائټل IX کوردیناتور به د استیناف بیان، ځوابی بیان، او اداري ریکارډ د استیناف پریکړه کوونکي ته وړاندی کوي، څوک چې به د دغې د ترلاسه کولو څخه وروسته په لسو رسمي ورځو کی دننه یوه رسمي پریکړه صادروي په کوم کې چې به د اپیل/استیناف پايله او د پایلی علت/منطق بیانوي. د استیناف محکمی پریکړه کوونکی به لیکلې پریکړه همزمان دواړو جانبینو ته ورکوي.
      5. د ټائټل IX پریکړه کوونکي د مسٔولیت ټاکنی پریکړې پر ضد د اپیل/استیناف په صورت کې، په ځواب ویوونکی (متهم) تحمیل شوي اصلاحي او/یا انضباطي بندیزونو لپاره سپارښتنی به د اپیل د ځنډیدنی مودې پر مهال پاتې وي.
      6. که د استیناف پرېکړه کونکی د مسٔولیت ټاکنی د پریکړې په تړاو د د مسؤلیت ټاکنه ساتی، نو دغه پرېکړه وروستۍ ګڼل کېږي او د ټایټل IX د شکایتونو د څېړلو پروسه پای ته رسيږي.
      7. که د استیناف پرېکړه کوونکی دا مشخص کړي چې د استیناف لپاره یو یا زیات شرطونه پوره شوي دي، نو د مسئولیت د ټاکلو پرېکړه به بېرته پرېکړه کوونکي ته استول کیږي، او یا به په هغو مواردو کې چې استیناف پرېکړه کوونکی دا وټاکي چې د لومړي پرېکړه کوونکي له خوا تعصب یا د ګټو ټکر موجود و، یو نوی پرېکړه کوونکی به ټاکل کیږي. د مسئولیت ټاکنی د دوهمې پرېکړې په کولو کې، پرېکړه کوونکی باید هغه بنسټونه او دلیلونه په پام کې ونیسي چې د استیناف پرېکړه کوونکي د استیناف د منلو لپاره وړاندې کړي دي، او کولای شي د رسمي شکایت اړخونو او شاهدانو ته په لیکلي ډول پوښتنې واستوي. کوم جانبین چې ځواب ورکول غوره کړي، هغوي باید د لیکلو پوښتنو د خبرتیا تر لاسه کولو وروسته په درې تقویمي ورځو کې دننه دغه ځوابونه وړاندی کړي. د ټائټل IX پرېکړه کوونکی به دواړو جانبینو ته دا ډول پوښتنې او ځوابونه وړاندی کوي. د ټایٔټل IX پرېکړه کوونکی به د استیناف د پرېکړه کوونکي د پرېکړې له ترلاسه کېدو وروسته، د ۱۰ کاري ورځو په موده کې دواړو اړخونو ته یوه لیکلې پرېکړه صادره کړي.
      8. د بېرته استول شوې پرېکړېپه اړه د ټایٔټل IX د پرېکړه کوونکي پرېکړه یوازې په هغو مواردو کې د استیناف وړ ده چې پکې د طرزالعملي بې‌نظمۍ ادعا شوې وي، یا د اورېدنې د افسر د تعصب ادعا مطرح شوې وي. دا ډول استینافونه د استیناف د بیان په سپارلو سره په مستقیم ډول د د استیناف پریکړه کوونکي ته تر سره کیدی شي، چې پکې د طرزالعملي بې‌نظمۍ یا د تعصب ادعاوې، ځوابیه بیان، او د اداري ریکارډ تفصیل شامل وي. که استیناف له طرزالعملي بې‌نظمۍ یا تعصب پرته د بل څه په اړه وي، نو هغه به رد شي. ټاکل شوی د استیناف پرېکړه کونکی به په مناسب وخت کې د دې دویمې کچې استیناف په اړه لیکلې پرېکړه صادره کړي. د دې دویمې کچې استیناف د لیکلې پرېکړې په صادرېدو سره د مسؤلیت ټاکنی پرېکړه وروستۍ کېږي او په دی سره د ټایټل IX د شکایتونو د څېړلو پروسه پای ته رسیږي.
6. د حل لارو او د ټائټل IX تر لاندې د وړاندیز شویو تادیبي جزاګانو استیناف:
   
   د رسمي شکایت هیڅ لوری نشي کولی د هغو حل لارو یا د تادیبي جزاګانو د وړاندیز په وړاندې استیناف وغواړي چې د ټایټل IX د شکایتونو په پروسه کې ټاکل شوي وي. ځواب ویوونکی کولی شي د ۱. ۵۰۸.۰۱ او ۲. ۵۰۸.۰۱ مقرراتو له مخې، د هرې هغې جزا په وړاندې چې په حقیقت کې پرې لګول شوې وي استیناف وغواړي، که چیرته پر ځواب ویوونکي پلي کېږي.
7. متفرقه مادې
   1. محرمیت: تر هغه حده چې امکان ولري، د رسمي شکایت او څېړنې سره اړوند معلومات به محرم ساتل کېږي، په استثناء د دی چې په بشپړ ډول او په شفافه ډول د څېړنې د ترسره کولو یا د کوم مسٔولیت مشخص کولو او/یا ډسپلني بندیزونو پر ضد د اپیل کولو ؛ متهم ته اجازه ورکولو چې د خپل ځان څخه دفاع وکړي، د مناسبو ملاتړي تدابیرو او حل لارو تطبیقولو؛ یو احضار، د محکمې امر یا د دولت لخوا څېړنې ته ځواب ویلو لپاره؛ یا د رسمي شکایت په نتیجه کې رامینځته شوي هر قانوني اقدام یا د شکایت پروسه کې د PWCS یا یې د کارکوونکو څخه د دفاع کولو لپاره؛ د ځواب ورکوونکي لخوا د پیل شوې شکایت د اورېدنې په پروسه کې د ثبوت په توګه؛ او د جواز د لغوه کولو یا د هغې په اړه د غوښتنلیک یا اورېدنې لپاره افشا کول یی اړین وي.
   2. کله چې یو شکایت کوونکی د ټائټل IX جنسی ځورونی ادعا کوي، مګر د محرمیت ساتلو وړاندیز هم کوي، دغه ډول وړاندیز یا غوښتنه ممکن د تحقیق کولو وړتیا او اړین اصلاحي اقدامات پورته کول محدود کړي. کله چې یو شکایت کوونکی د ټائټل IX جنسي ځورونې ادعا کوي مګر غوښتنه کوي چې PWCS دی څیړنه نه تر سره کوي، دا پریکړه به PWCS کوي چې آیا د پلي کیدو وړ قوانینو ته په کتو سره PWCS دی غوښتنې ته درناوی کوي او که څرنګ. په داسې شرایطو کې، PWCS ممکن پریکړه وکړي چې د دې مقررې یا ۱-۵۰۷ مقررې لاندې څېړنه وکړي او یا د موضوع په اړه قانوني مرجعو یا CPS ته راپور ورکړي.
   3. د دندو/چارو سپارنه: په دې مقرره کې تشریح شوې دندې او وظیفې ښايي هغسې وسپارل شي څرنګه چې د نافذ قوانین سره په مطابقت اړین وي.
   4. غلط بیانونه ورکول منع دي: هر هغه کارکوونکی چې په پوهې سره یا قصدا ناسم راپور ورکوي یا شکایت کوي، یا په پوهې سره ناسم بیان وړاندې کړي، نو د ۱-۵۰۳ مقرری, “ټولو کارکوونکو لپاره په مسلکی ډول د چلند کولو معیارونه”; او ۱-۵۷۲ مقرری تر لاندې به د ډسپلین کیدو تابع وي، په هغې کې د وظیفې څخه تر اخراج پورې اقدام شامل دی.
   5. د ریکارډ ساتل: لکه څرنګ چې د قانون له مخی اړین دی، PWCS به د اووه کلونو لپاره د هر ډول اقداماتو ریکارډونه ساتي، په شمول د ملاتړي تدابیرو، کوم چې د ادعا شوي جنسي ځورنه چلند په ځواب کی پورته شوي وي چې د ټائټل IX قانون تر لاندی جنسی ځورونه په ډاګه کوي. PWCS به همداراز د ټائټل IX د هرې څیړنې؛ د مسٔولیت مشخص کولو پریکړې؛ د هر هغه حلونو چې شکایت کوونکي ته وړاندی شوي وي او/یا اصلاحی تدابیر یا ډسپلیني بندیزونو چې په متهم تحمیل شوي وي؛ د هر ډول اپیل او د هغې د پایلی؛ او هر هغه موادو ریکارډونه د اوه کلونو لپاره ساتي چې د ټائټل IX د څیړونکی، د ټائټل IX د کوردیناتور، د ټائټل IX د پریکړه کوونکي او د استیناف د پریکړه کوونکي د روزنې لپاره ورڅخه ګټه پورته شوي وي.
   6. قانون پلی کوونکو چارواکو ته راپورونه ورکول: د ښوونځی مدیر یا د هغه/هغی استازی باید په سمدستی ډول د ("ویرجینیا کوډ" د ۶۰.۳-۱۸.۲ § سره په مطابقت) د جنسی تیری یا په جنسی ډول د تنګولو په شمول د هرې هغې پېښې په اړه د پولیسو څانګی ته راپور ورکړي چې ښايي یو جرم تشکیلوي، کله چی دا ډول پیښه د ښوونځي په بس، د ښوونځي په ملکیت، یا د ښوونځي لخوا په سپانسر شوي یا تضمین شوي فعالیت کې رامینځته شوی وي، لکه څرنګ چی د "ویرجینیا کوډ" ۲۷۹.۳:۱-۲۲.۱ § لخوا اړین ګرځول شوي دي. د پرنسل ویلیم کاونټی ښوونځی ارواکي ممکن حالاتو ته په کتو سره دا ډول راپورونه قانون پلی کوونکو چارواکو یا نورو حکومتی چارواکو ته ورکړي.
   7. غچ اخیستنه او/یا مداخله کول منع دي: PWCS په کلکه سره د یو داسی کس پر ضد غچ اخیستونکی اقدام منع کوي څوک چې د ادعا شوي د جنسی اړیکو پر بنسټ ځورونکی چلند په اړه راپور ورکوي؛ یا په رسمی ډول شکایت ثبت کوي؛ یا څوک چې د ټائټل IX جنسی ځورونی په څیړنه کې مرسته کوي، پکی ګډون کوي یا پکی له ګډون کولو څخه انکار یا منع کوي. کارکوونکي نشي کولی په څیړنه کې مداخله وکړي یا پکی حلل رامنځ ته کړي او دا هم نه شي کولی چی د کوم شاهد په شاهدي ویلو باندی اثر انداز شي یا د اثر انداز کیدو هڅه وکړي. یو کارکوونکی لخوا دا ډول چلند به غیر مسلکي چلند ګڼل کېږي چې د ۱-۵۰۳ مقرری، "د ټولو کارکوونکو لپاره د مسلکي چلند معیارونه"؛ او ۱- ۵۷۲ مقرری، "انضباطي اقدام" تر لاندی به د ډسپلین کیدو وړ وي چې په هغې کې د وظیفې څخه اخراج کولو پورې اقدام هم شامل دی.
8. د پالیسی تیتول یا خپرول
   
   PWCS په تعلیمي پروګرامو او فعالیتونو کې د د جنډر هویت او جنسي تمایل په ګډون د جنسیت پر اساس تبعیض نه کوي. PWCS د ۱۹۷۲ د ټائټل IX د تعلیمي اصلاحاتو او د فډرال مقرراتو د ټائټل ۳۴ د ۱۰۶ برخې لخوا اړ دی چې دغه ډول تبعیض ونه کړي. دا مکلفیت د دندی لپاره تر درخواست ورکونی پورې غځیږي.
   
   PWCS باید د دې پالیسی خبرتیا دندی لپاره درخواست ورکوونکو، زده کوونکو، والدینو سرپرستانو او کارکوونکو او هغو ټولو مسلکي سازمانونو ته ورکړي چې د PWCS کارکوونکو سره تړاو لري.
   
   د ټائټل IX د تطبیق او 106 ۳۴ C.F.R. برخی په اړه پوښتنې، د PWCS د ټائټل IX کوردیناتور او د متحده ایالاتو د تعلیم او تربیې وزات مرستیال د مدنی حقونو سکرتر، یا دواړو ته مراجعه کېدلی شي.
9. د ټائټل IX لازمي روزنی/ټریننګونه
   
   PWCS به د ټائټل IX د ځورونی تعریف په اړه؛ د PWCS د تعلیمي پروګرامونو او فعالیتونو د وسعت؛ د تفتیشونو د ترسره کیدنی؛ او د ټائټل IX د شکایت پروسې په شمول د اوریدنو، اپیلونو، او ، اړوندو حقایقو په اړه د قضاوت نه ځان ساتلو، د ګټو ټکر، او تعصب په ګډون په بې طرفۍ سره د کار کولو په اړه د ټائټل IX کوردیناتور، د ټائټل IX څېړونکو، د ټائټل IX پریکړه کوونکي، او د استیناف پریکړه کوونکي ته روزنه ورکوي.
   
   PWCS به د ټائټل IX پریکړه کوونکي او د استیناف پریکړه کوونکي ته د پوښتنو او ثبوت د مربوطیت په مسایلو روزنه ورکوي، په شمول د دي چې د شکایت کوونکي د جنسي رغبت یا پخواني جنسي چلند په اړه پوښتنې او ثبوت کوم وخت کی موزون یا مربوط نه دي.
   
   PWCS به دا ډاډ رامنځته کوي چې د ټائټل IX څیړونکی د اړوندو مسایلو په اړه روزنه ترلاسه کړي تر څو یو داسې تفتیشي راپور جوړ کړي چې د اړوند ثبوت په شفافه توګه لنډیز وړاندې کوي.
   
   هر هغه مواد چې د ټائټل IX د کوردیناتور، د ټائټل IX د څیړونکی، د ټائټل IX د پریکړه کوونکي، او د استیناف د پریکړه کوونکي د روزنې لپاره ترې استفاده کېږي اتکاء به یې په جنسي کلیشو/دقیانوسی تصوراتو نه وي او د ځورونی د رسمي شکایتونو بې طرفه څيړنو او قضاوتونو ته به وده ورکوي.
10. د مشکل لغاتونو او اصطلاحاتو ټولګه
    1. هغه "اداري ریکارډ" چې د ټائټل IX پریکړه کوونکي ته ورکول کېږي، پکی ذکر شوي ریکارډونه شامل دي لکه رسمي شکایت؛ هر ډول اړوند نېغ/مستقیم ثبوت؛ نیغ/مستقیم ثبوت ته د هر جانب لیکلی غبرګون؛ د څیړونکی/تفتیشي راپور؛ د څیړونکی/تفتیشي راپور ته د هر ډول خوا/جانب لیکلی غبرګون؛ او هر ډول اړوندې لیکلی پوښتنې چې هری خوا/جانب یا ګواه/شاهد څخه شوې وي، او همداراز دغو ته هر ډول ځوابونه. هغه اداري ریکارډ چې د استیناف پریکړه کوونکي ته وړاندی کېږي، باید پکی د ټائټل IX پریکړه کوونکي لخوا په لیکلې ډول مشخص کونه هم شامل وي.
    2. "رسمي ورځ" د هر هغی رسمی ورځ په معنی ده چې د PWCS اداري دفترونه پرانیستي وي.
    3. “ تقویمي ورځ" د هر هغی ورځ په معنی ده په یو ټاکل شوي وخت کې وي، د عمل یا پېښې هغه ورځ پکې شامله نه ده، د کومې څخه چې ټاکل شوي وخت پیل کېږي.
    4. "شکایت کوونکی" په دی معنی دی چی د پرنسل ویلیم کاونټی ښوونځی یو زده کوونکی یا د PWCS کارکوونکی , یا هغه فرد چې هڅه کوی د PWCS لخوا استخدام شی، څوک چې ادعا کوي چی د متهم لخوا د ناوړه چلند قرباني دۍ کوم چې ممکن د ټائټل IX قانون تر لاندی جنسي ځورونه په ډاګه کړي. ددې مقررې تر لاندې د شکایتونو یا اپیلونو د داخلولو یا بیرته اخیستلو او د خبرتیاو د ترلاسه کولو موخی لپاره، د ۱۸ کلونو څخه د کم عمر لرونکي زده‌کوونکي مور او پلار کولای شي د شکایت کوونکي په استازیتوب عمل وکړي.
    5. "رضایت" د واضح، معلوم او د خپلې خوښې الفاظ یا اقدام په معنی دۍ چې د یو مشخص جنسي اقدام/عمل لپاره اجازه په ډاګه کوي. په هغه وخت کې به د رضایت نشتوالی ګڼل کېږي کله چې د ګواښ؛ فیزکی زور زیاتی؛ تهدید؛ یا ناتوانۍ ثبوت موجود وي، چیرته چې د "ناتوانۍ" معنی دا ده چې د یو کس د پریکړې کولو توان کی په داسی ډول نیمګرتیا رامنځ ته شوي وي چې تر دومره حده د جنسي تعمل په خبرو د پوهېدلو ظرفیت نلري چې ددې پریکړې اجازه ورکړي چې آیا جنسي عمل کول غواړي او که څرنګ. (د ناتوانۍ لامل عمر؛ په مؤقت ډول یا په دایمی ډول ذهني یا فزیکي معلولیت؛ خوب یا بې هوشي؛ غیر داوطلبانه فزیکي محدودیت؛ او/یا د مخدره موادو، الکولو، درملو یا نورو موادو اثر کېدلی شي).
    6. "په مستقیم ډول اړه لرونکی ثبوت" د هر هغه ثبوت په دی معنی دی چې د ټائټل IX د څیړنی/تفتیش د یوی برخې په توګه ترلاسه شوی وي کوم چې په مستقیم ډول د هغو تورونو سره تړاو لري چې په رسمي شکایت کې لګول شوي وي، په ګډون د هغه ثبوتونو د کوم پر اساس چې د ټائټل IX پریکړه کوونکی د مسٔولیت پریکړې ته د رسېدلو لپاره تکیه نه کوي او د قصور یا بې قصورۍ ثبوت، که هغه د یو جانب یا بلې کومې سرچینې څخه ترلاسه شوی وي.
    7. د دې مقررې د موخو لپاره، "تعلیمي پروګرام یا فعالیت" د اصلی او غوښتل شوی دندی په شمول د هغه موقعیتونو، غونډې یا حالاتو په معنی دۍ، چیرته چې PWCS هم پر ځواب ویوونکي او هم پر هغه چاپیریال چې د ټایټل IX جنسي ځورونه پکې رامنځته شوې، پوره کنټرول ولري.
    8. "رسمي شکایت” د یو داسی سند په معنی دۍ چی د شکایت کوونکي لخوا یو سپارل شوي وي، یا د ټائټل IX کوردیناتور لخوا لاسلیک شوی وي، په کوم کې چې په یو متهم د ټائټل IX جنسي ځورونی تور لګول شوی وي او د دې مقررې تر لاندې د ټائټل IX جنسي ځورونی د تور د څېړنې غوښتنه کوي.
    9. "خبرتیا” په دی معنی دی چی هغه ورځ په کومه ورځ چې یو سند د بریښنالیک له لاری لیږل شوي وي؛ لاس په لاس ورکړل شوی وي؛ یا، که چیرته یوازی د متحده ایالاتو د پوسټ له لارې لېږل شوی وي، د استولو نېټه جمع درې رسمي ورځې. داسې ګڼل کېږي چې PWCS سره په دوسیه کې د اړیکی نیولو معلومات سم دي پرته له دی چې د ټائټل IX کوردیناتور ته د اړیکی ټینګولو لپاره مختلف معلومات ورکړل شي. د ټولې پروسې په اوږدو کې دا د هری خوا/جانب مسٔولیت دی چې دا ډاډ رامنځ ته کړي چی د ټائټل IX کوردیناتور سره د پوسټ لیږلو او د الیکټرونکي پتو معلومات سم دي.
    10. "متهم/ځواب ویوونکی" د هر هغه کارکوونکی یا د دریم جانب/خوا په معنی دي چی د PWCS تر کنټرول لاندې وي، د چا په اړه چې راپور ورکړل شوی وي چې په یو داسې ناوړه چلند کی ښکیل دی چی د ټائټل IX قانون تر لاندی جنسی ځورونه په ډاګه کوي.
    11. "د ښوونځی ورځ" د هر هغه ورځی په معنی ده چی پکی ټولګي پرانیستی او درسونه شتون ولري.
    12. د ټائټل IX قانون ترلاندی جنسي ځورونه د جنس/جنسیت پر اساس یو داسې چلند دی چې د لاندې ذکر شویو څخه یو یا زیات په ډاګه کوي:
        1. د PWCS کارکوونکی چې د PWCS مرستی، ګټی یا خدمات تر لاسه کولو په بدل کی، د یو کس لپاره په نه غوښتونکی ناوړه جنسی عمل کی د ښکیل کیدو شرط وړاندی کوي؛
        2. یو داسی ناخوښه چلند دی چې د یو معقول شخص لخوا مشخص کیږي کوم چی دومره سخت، نفرت انګیز، او په موخه ییزه توګه ځورونکی وي چې په موثره توګه د زده کړې پروګرام یا فعالیت ته د یو شخص په مساوي ډول د لاسرسی موندلو مخه نیسی.
        3. د تاوتریخوالي مشخص شوي اقدام:
           1. جنسي برید لکه څنګه چې په ۲۰ U.S.C. ۱۰۹۲(f)(۶)(A)(v) کې تعریف شوی، پکې شامل دي:
              1. جنسی تېری: د انجلی په تناسلی اله یا مقعد کی د بدن د هر ډول برخې یا کوم څیز له لارې دننه کول، که هر څومره لږ هم وي، یا د بل کس د جنسي غړي یا جنسي اړوند څیز له لارې دننه کول. په دې تعریف کې هغه حالتونه هم شامل دي چې پکې شکایت کوونکی د موقتي یا دايمي ذهني یا فزیکي ناتوانۍ له امله (چې د نشه‌يي توکو یا الکولو د اغېزی له کبله هم کېدای شي) یا د عمر له امله د رضايت ورکولو توان ونه لري. د شکایت کوونکی له خوا فزیکی مقاومت ته اړتیا نشته چې د رضایت نشتوالی ثابت کړی.
              2. جنایی جنسی لمس (له رضایت پرته جنسی لمس): د جنسي سپکاوي، جنسي تسکین، یا جنسي توهین لپاره د قرباني له رضایت پرته د پټ یا لوڅ بدن برخو ته په قصدي ډول لاس وړلو ته جنایی جنسی لمس ویل کیږي. د جنسي سپکاوي، جنسي تسکین، یا جنسي توهین موخی لپاره د قرباني د رضایت پرته د پټ یا لوڅ بدن برخو ته په زوره او جبر سره لاس وړل
              3. له خپلوان سره جنسی اړیکه: د هغو کسانو ترمنځ غیر اجباري جنسي اړیکه چې یو له بل سره په داسې خپلوي اړیکه کې وي چې د ویرجینیا د قانون له مخې پکې واده کول منع وي.
              4. قانونی عمر ته له رسیدو پرته جنسی اړیکه یا جنسی تیری: د هغه کس سره غیر اجباري جنسي اړیکه چې د قانون له مخې د رضايت ورکولو قانوني عمر ته نه وي رسېدلی.
           2. لکه څرنګ چې 34U.S.C. 12291(a)(10) کې تعریف شوی دي، د مینې او یارۍ په تاوتریخوالي کی داسې تاوتریخوالی شامل دی چی د یو زده کوونکي لخوا ترسره شوی وي: (a) څوک چې قرباني سره د مینې محبت یا صمیمي نوعیت په ټولنیز ارتباط کې ښکیل وي؛ او (b) چیرته چې به دا ډول اړیکه، د اړیکی د مودې، د اړیکی د ډول، او په اړیکه کی د ښکیل زده کوونکو ترمینځ د خبرو اترو/تعامل کثرت ته د غور کولو پر اساس مشخص کېږي.
           3. لکه څرنګ چې په 34U.S.C 12291(a)(8) کې تعریف شوی دي، په کورنی تاوتریخوالی کی هغه جرمونه یا د تاوتریخوالي هغه جنایی سرغړونې شاملې دي چې د قرباني د اوسني یا پخواني خاوند یا ښځې یا جنسی اړیکی لرونکی پارټنر یا ملګری لخوا ترسره شوی وي، د یو داسې تن لخوا چا سره چې قرباني په شریکه یو ماشوم لري، د یو داسې تن لخوا چا سره چې قرباني یو ځای اوسېږي یا دغه تن قرباني سره د ښځې یا خاوند یا جنسی اړیکی لرونکی ملګری په توګه اوسېدلی وي، د یو داسې تن لخوا چې د کورني او فامیلي تاوتریخوالي د پیسو د مرستې ترلاسه کوونکي قضايي صلاحیت د قوانینو تر لاندې په ورته وضعیت کې د قرباني ښخه یا خاوند وي، یا د کوم بل کس لخوا د یو بالغ یا تنکی ځوان قرباني پر ضد تر سره شوي وي څوک چی د دغه تن د اقدام څخه د قضایي صلاحیت د کورني یا فامیلي تاوتریخوالي د قوانینو تر لاندې محفوظ کړی شوی وي.
    13. لکه څرنګ چې په 34U.S.C. 12291(a)(30) کې تعریف شوي دي، په تنګولو کی په پرله پسې توګه یو داسې چلند شامل دی چې په مشخص ډول د یو کس په لور وي کوم چې په معقولی ډول د دی لامل کیږي چی یو کس:
        1. د خپل ځان د نورو د خوندیتوب ویره پیدا کړي؛ یا
        2. په کافی اندازه احساسي پریشانی سره مخ کړي.
    14. "زده کوونکي” په دی معنی دی چی یو کس په PWCS ښوونځی یا پروګرام کی شامل دۍ یا د شاملیدو په لټه کی دۍ.
    15. "د ټایټل کوردیناتور" هغه کس دی چې د PWCS لخوا ټاکل شوی او ورته واک ورکړل شوی ترڅو د ۱۹۷۲ کال د فدرالي زده کړو د تعدیلاتو د نهمې مادې (Title IX) تر لاندې د خپلو مسؤلیتونو د پلي کولو هڅې کوردینه کړي. د مقرراتو پلی کولو او د زده کوونکو په ملاتړ کی د مقرراتو د پلی کولو څانګی نظارت کوونکی، د ټائټل IX کوردیناتور او د ټائټل IX څیړونکی شامل دي.

د مساواتو څانګی عمومی رئیس (یا د هغه/هغی استازی) د دې مقرری د پلي کولو او ورڅخه د نظارت کولو مسؤلیت په غاړه لري.

دا مقرره او هر ډول اړونده پالیسي باید لږ تر لږه په هرو پنځو کلونو کې بیاځلی وکتل شي او د اړتیا په صورت کې پکی بدلونونه رامنځ ته شي.

¹په دې مقرره کې ذکر شوي کړنلاري/پروسیجرونه د جنسي ځورونی په هغو شکایتونو باندی د پلی کیدو وړ دي چې د متحده ایالاتو د ښوونی او روزنی وزارت د ملکي حقونو د دفتر لخوا د وړاندی شوي لارښوونو سره په مطابقت د ادعا په توګه په ۱۴م اګست ۲۰۲۰ یا له هغی وروسته رامنځ ته شوي وي. د جنسي ځورونې هغه شکایتونه چې له یادې نیټې مخکې رامنځته کیږي، د هغو لارښوونو له مخې څیړل کیدی شي چې د ادعا شوي جرم په وخت کې نافذ وو.

² د ټائټل IX د شکایتونو د څېړلو په پروسه کې د یو سلاکار د شتون په اړه حقونه او محدودیتونه په ۳-۵۰۶ مقرره "د کارکوونکو حقونه"؛ ۱-۵۰۷ مقرره "په کاري چاپیریال کې د تبعیض او ځورونې د شکایتونو طرزالعملونه"؛ او او ۵-۵۶۱ مقرره "د ښوونځي د چارواکو او کارکوونکو په وړاندې د تبعیض او شکایتونو پرته نور شکایتونه" کې د خاموش شاهد د شتون پر حقونو لومړیتوب لري.

۵۰۷-۳ مقرره - ۱ ضمیمه

۳-۵۰۷ مقرره - ۱ ضمیمه