Regulation 728-2 - Pashto

د مقرری د خپلولو نیټه: 28 فبروری 2018

زده کوونکي

مقرره 728-2

مذهبی معافیتونه

د ویرجینیا کوډ B.1 ،254-22.1 § مادې له مخې، ښوونځي بورډ باید ښوونځي ته د حاضریدو څخه "هر هغه زده کوونکی معاف کړي چې د خپلو والدینو سره یوځای، د ریښتنی/اصلی مذهبي روزنې یا عقیدې له امله، په شعوري توګه ښوونځي ته له حاضرۍ سره مخالفت لري." په اصل کې په "ریښتنی/اصلی مذهبي روزنې یا عقیدې" اصطلاح کی سیاسي، ټولنیز، یا فلسفي نظریات، یا شخصي اخلاقي کوډ نه دی شامل. دا مقرره د والدینو لپاره یوه داسی پروسه بیانوي چې له مخې یې دوی کولی شي د ښوونځي بورډ ته د مذهبي معافیت لپاره خپل غوښتنلیکونه وړاندې کړي.

1. تعریفونه. لکه څرنګ چې پدې مقرره کې کارول شوي، لاندې تعریف شوي اصطلاحات یوازی په دې برخه کې ورکړل شوي معنی لري:
    
   1. "کونسل یا سلا مشوره ورکوونکی" هر هغه کس ته ویل کیږي چی په ویرجینیا کې قانونی یا حقوقی چاری پرمخ وړي.
   2. "ښه دلیل" د پام وړ یا کافی اندازه عذر لرلو په معنی دي؛ په اوریدنه کې ګډون کولو کې د پاتی راتللو سره په تړاو، دا د یو داسی حالت ښوولو په معنی دۍ چې له امله یی د یو معقول یا مسولیت پیژندونکی شخص د ګډون مخه نیول کیدی شوه، پداسی حال کی چې د دی پریکړه یا سپارښتنه به د هغی ډلی یا اړخ لخوا تر سره کیږي چی مسؤلیت یی په غاړه لري.
   3. "پلار/مور" د طبیعي پلار/مور، فرزندی اخیستونکی پلار/مور، یا د سرپرست په معنی دي. "پلرونه/میندې" هغو ټولو پلرونو/میندو یا سرپرستانو ته ویل کیږي چې د ماشومانو قانوني توقیف لري، مګر پرته له (i) هغه پلار یا مور چې په غوښتنلیک کې برخه نه اخلي، او کورنۍ یی پریښې وي، یا (ii) د محکمې حکم یوازې د تعلیمي پریکړو کولو واک یوازی هغه پلار یا مور ته ورکوي چې غوښتنلیک سپاری، یا (iii) که ورته شرایطٔ شتون ولري چې د هغه پلار یا مور خواهش له پامه غورځولو ته جواز وړاندی کوي چې په غوښتنلیک کې یې برخه نه وی اخیستې.
2. دد والدینو لپاره غوښتنلیک. د مذهبي چارو له امله د معافیت غوښتنه کولو لپاره، د زده کوونکي (زده کوونکو) مور/پلار باید د زده کوونکو د خدمتونو وړاندی کولو څانګی ریٔیس ته یو لیکلی غوښتنلیک وسپاري.
    
   1. یو بشپړ غوښتنلیک کی لاندې ذکر شوي ټول معلومات شتون لري:
       
      1. د هغه مور یا پلار یا والدینو نوم، پته او د ټلیفون شمیره چې غوښتنلیک وړاندی کوي.  
      2. د هغه زده کوونکي (زده کوونکو) نوم (نومونه) او عمر (عمرونه) چې غوښتنلیک ور پوری اړه لري، او له دوی سره د غوښتنلیک سپارونکی اړیکه.
      3. د غوښتنلیک وړاندی کوونکی د نورو ماشومانو نومونه او عمرونه چې د لازمی ګډون یا حاضری لپاره په شرایطو پوره دي مګر د مذهبي چارو د معافیت لپاره د غوښتنلیک برخه ندي، او یو لیکلی بیان چې دا وضاحت وکړي چی ولې دوی د غوښتنلیک برخه ندي.
      4. یوه داسی لیکلی څرګندونه چې پکې دا شامل وي چې ولې یو مور/پلار له ښوونځی څخه د زده کوونکي د معاف کولو لپاره غوښتنلیک وړاندی کوي.
      5. د زده کوونکي د مذهبي روزنې او عقیدو په اړه په لیکلی ډول څرګندونه. که چیرته کوم زده کوونکی چې مور او پلار یې د مذهبي معافیت غوښتنه کوي، ۱۴ کاله یا تر هغی ډیر عمر ولري. اغیزمن شوۍ زده کوونکی باید په لیکلی ډول یو بیان وړاندې کړي چې پکې هغه روزنه بیان کړې چې زده کوونکي ترلاسه کړې او د هغو عقیدو په اړه خبری وکړي چې زده کوونکی یی لري کوم چی د ښوونځي له حاضري سره مطابقت نلري او د مذهبي معافیت لپاره د غوښتنې څخه ملاتړ کوي.
      6. داسی څرګندونه چې زده کوونکي ته د تعلیم ورکولو کس په ډاګه کړي. د هغو ټولو تعلیم ورکوونکو لپاره چی والدین نه دي، په دی څرګندونه/بیان کی باید دغه ټول شامل وي، هغه مضمونونه چې تدریس کیږي، په ورځ کې د درسی ساعتونو شمیر، یا په اونۍ کې د درسی ورځو شمیر، او دا چې هر ښوونکی څرنګه انتخاب شوی وو.
      7. که چیرې ماشوم په متحده ایالاتو کې یا د دفاع وزارت د اړوندو ښوونځیو کې د مذهبي معافیت غوښتنلیک موضوع وي، نو د هغه غوښتنلیک نیټه او ځای او د هغې پایله باید ذکر شي. د دغه غوښتنلیک په اړه ټول اسناد باید ضمیمه شي؛ که چیرته هیڅ کوم سند شتون ونلري، نو په غوښتنلیک کې باید هغه پروسه بیان شي چې له لارې یې غوښتنلیک اداره شوی وو.
      8. که چیرې دواړه مور او پلار په غوښتنلیک کې برخه نه اخلي یا نشي اخیستلی، نو د دې دلیل وضاحت باید ورکړل شي چې ولې بل مور یا پلار غوښتنلیک نه دۍ لاسلیک کړی.
   2. یو مور یا پلار په یو اکاډمیک کال کې (د جولای له 1 څخه د جون تر 30 نیتی پورې) یوازی یو ځل د مذهبي معافیت لپاره غوښتنه کولی شي. 
3. اضافی اختیاری معلومات. والدین هڅول کیږي چې د خپل غوښتنلیک د ملاتړ لپاره لاندې ټول یا ځینې معلومات وړاندې کړي، مګر اړین ندي:
    
   1. د هغو ماشومانو نومونه او عمرونه چې لا تر اوسه د ښوونځي عمر ته نه دي رسیدلي او مور او پلار یی غواړي چې په غوښتنلیک کې شامل شي.
   2. یو بیان یا څرګندونه چې دا په ډاګه کړی چی یو مور یا پلار له څومره وخت راهیسې دغه عقیدې یا روزنی تر سره کړي کوم چې د مذهبي معافیت لپاره د غوښتنلیک څخه ملاتړ کوي، او دا چی مور/پلار دا عقیدې یا روزنه څرنګه ترلاسه کړې.
   3. د غوښتنلیک په اړه د مذهبی مشرانو د ملاتړ لیکونه او حلف نامی. دا لیکونه او حلف نامی باید د غوښتنلیک لپاره د مور/پلار د دلیلونو ته اشاره وکړي، دا په ډاګه کړي چې لیکونکی مور او پلار څرنګه پیژني، او دا څرګند کړي چې لیکونکی مور/پلار له څومره مودې راهیسې پیژني.
   4. د مور / پلار د عقیدې ټولنې څخه داسی اسناد چې په ښوونځي کې له حاضري لپاره د معافیت څخه ملاتړ کوي یا اړین ګڼړي.
   5. هغه نصاب چې مور/پلار د زده کوونکی لپاره انتخاب کړی دی. 
4. د کارکوونکو اقدام. د بشپړ غوښتنلیک ترلاسه کولو سره سم، د زده کونکو خدماتو رییس به دا تایید کړي چې د II برخې د A فرعي برخو 1، 2، او 3 په ځواب کې وړاندې شوي معلومات سم دي. که چیرته دغه معلومات سم وي او که غوښتنلیک بشپړ وي، د زده کوونکو د خدماتو ریٔیس باید غوښتنلیک د نظر لپاره د ډیویژن کونسل ته وړاندې کړي.
    
   1. که چیرته درخواست کوونکی مخکې له دی په پرنس ویلیم کاونټي کې د مذهبي معافیت لپاره غوښتلیک نه وي سپارلی، د زده کوونکو دخدماتو ریٔیس باید د هر ډول غیرحاضري پلي کیدو لپاره د 60 ورځو ځنډ صادر کړي. زده کوونکو ته د خدمتونو وړاندی کولو ریٔیس کولی شي دا ځنډ تر نورو 60 ورځو پورې هم وغځوي که چیرته ښوونځي بورډ د درخواست کوونکی له کومې غلطۍ پرته په غوښتنلیک باندې اقدام نه وي کړی.
   2. که چیرته د ډیویژن کونسل د زده کوونکو د خدماتو ریٔیس سره په مشوره دا ومومي چې زده کوونکي او د زده کوونکي مور / پلار داسې شواهد وړاندې کړي چې دوی د ریښتیني مذهبي روزنې یا عقیدې له امله په شعوري توګه په ښوونځي کې له حاضري سره مخالف دي، د ډیویژن کونسل باید سوپر اینټینډنټ ته سپارښتنه وړاندې کړي چې ښوونځي بورډ دی د دغه زده کوونکي په اړه غوښتنلیک تصویب کړي. دا سپارښتنه باید د غوښتنلیک سره یوځای وي او د پریکړې اړوند هر ډول اړوند اسنادو سره یوځای کیدی شي.
   3. که چیرته د ډیویژن کونسل دا ومومي چې غوښتنلیک داسې پوښتنې راپورته کوي چې ایا په غوښتنلیک کی ذکر شوي هر زده کوونکي ته مذهبي معافیت ورکړل شي او که څرنګ، نو هغه باید د دې پوښتنو لپاره د درخواست کوونکي او د زده کوونکو د خدماتو ریٔیس سره د اوریدنی لپاره وخت تنظیم کړي.
       
      1. په اوریدنه کې، درخواست کوونکی باید دا حق ولري چې د درخواست کوونکی په لګښت یی د وکیل/کونسل لخوا استازیتوب وشي، او درخواست کوونکي ته باید د اوریدنې څخه مخکې د دې حق په اړه خبر ورکړل شي.
      2. درخواست کوونکی کولی شي په اوریدنه کې یا له هغې وړاندی اضافي لیکلي مواد وسپاري.
      3. د ډیویژن کونسل باید اوریدنه ترسره کړي او دوام ورکړي یا ممکن د یو ښه دلیل لپاره یی بیاځلی مهالویش کړي.
      4. که چیرته درخواست کوونکی د کوم ښه دلیل درلودو پرته مهالویش شوې اوریدنې ته حاضر نشي، نو د ډیویژن کونسل یی باید له امله د غوښتنلیک د ردولو سپارښتنه وکړي.
      5. له اوریدنې وروسته، د ډیویژنه کونسل باید د زده کوونکو د خدماتو ریٔیس سره په مشوره، د غوښتنلیک تصویبولو یا ردولو لپاره سوپر اینټنډنټ ته سپارښتنه وړاندی کړي. دا سپارښتنه باید د غوښتنلیک سره یوځای وي او د پریکړې اړوند هر ډول اړوند اسنادو سره یوځای کیدی شي. D. درخواست کوونکی کولی شي د شفاهي یا لیکلي غوښتنې له لارې غوښتنلیک بیرته واخلي، چې له امله به یې د زده کوونکو د خدماتو د ریٔیس لخوا د غیرحاضرۍ پلي کولو ځنډ ختم شي او د غوښتنلیک پروسس کولو لپاره د کارکوونکو نورې چارې ودرول شي.
5. د ښوونځي بورډ اقدام. د ٔیویژن د کونسل د سپارښتنې د ترلاسه کولو سره ، د اقدام پورته کولو لپاره سپرانټنډنت باید دا د ښوونځی بورډ ته وړاندې کړی.
    
   1. د ښوونځي بورډ ممکن غوښتونکی دې ته اړ کړي چې د ښوونځي بورډ یا د ښوونځي بورډ د یوې کمیټې پر وړاندې په اوریدنه کې ګډون وکړي، په کومه اوریدنه کې چې غوښتونکی حق لري چی د خپل ځانی لګښت سره وکیل ولري. د ښوونځي بورډ باید دا مشخص کړي چې ایا دا ډول اوریدنه به د ټول بورډ غړو یا د هغې د یوې کمیټې لخوا ترسره کیږي.
   2. که چیرته د ښوونځي بورډ دا ومومي چې زده کوونکی او والدین په شعوري توګه په ښوونځي کې د ریښتنی/اصلی مذهبي روزنې یا عقیدې په اساس حاضر کیدو سره اعتراض کوي، نو د ښوونځی بورډ باید زده کوونکی د ښوونځي حاضري څخه معاف کړي.
       
   3. د ښوونځی بورډ باید غوښتنلیک رد کړی:
       
      1. که چیرته د ښوونځي بورډ دی نتیجی ته ورسیږي چې زده کوونکی او والدین د مذهبي معافیت لپاره قانوني اړتیاوې نه پوره کوي؛ یا
      2. که چیرته غوښتونکی پرته له یو ښه دلیل څخه په اوریدنه کې ګډون کولو کې پاتې راغلی وي او د ښوونځي بورډ په وړاندې هیڅ بله اوریدنه نه وي ترسره شوې؛ یا
      3. که چیرته غوښتونکی پرته له یو ښه دلیل څخه د ښوونځي بورډ پر وړاندې په ټاکل شوې اوریدنه کې ګډون کولو کې پاتې راشي.
   4. که چیرته د ښوونځي بورډ نتیجی ته رسیدلو لپاره لا زیاتو معلوماتو ته اړتیا لري، نو ممکن خپله پریکړه وځنډوي او غوښتنه وکړي چې غوښتونکی دی لا زیات معلومات وړاندې کړي.
   5. د ښوونځي بورډ معافیت په پرنس ولیم کاونټي عامه ښوونځیو کې تر هغی پوری د اعتبار وړ دۍ تر څو چې لغوه شوی نه وي.
   6. د ښوونځي بورډ کولی شي مذهبي معافیت د داسې معلوماتو په موندلو سره لغوه کړي چې د غوښتنلیک د ردونی ملاتړ کوي.

د زده کوونکو د زده کړې او احتساب ایسوسی ایټ سپرانټنډنټ (یا د هغه/هغی استازی) د دې مقرری پلي کولو او ورڅخه د نظارت کولو مسؤلیت په غاړه لري.

دا مقرره او اړونده پالیسي باید لږ تر لږه په هرو پنځو کلونو کې بیاځلی وکتل شي او د اړتیا په صورت کې پکی بدلون رامنځ ته شي.