Regulation 738-3 - Pashto

په وروستی ځل د مقرری د تازه کیدو نیټه: ۲۶ نومبر، ۲۰۲۴

زده کوونکي

مقرره ۷۳۸-۳

په تبعیض یا ځورونه کی د ښکیل زده کوونکو پر وړاندی د تورونو حل

1. موخه
   
   د پرنس ویلیم کاونټي دولتي ښوونځي (PWCS) د تعلیمي پروګرامونو، خدماتو او فعالیتونو په وړاندې کولو د نسل، رنګ، مذهب، ملي اصل په شمول (د ګډی شجری یا توکم او توکمیزو ځانګړتیاوو)، جنس، جنډر هویت، جنسي تمایل، حمل، ماشوم زیږون، یا اړونده طبي حالتونو، په شمول د طی ورکولو حالت، عمر، مدنی حالت، عسکری خدمت، معلولیت، جنیټکی معلوماتونو یا د کوم بل څیز پر اساس تبعیض نه کوي کوم چې د قانون له مخی منع شوی دي. د ښوونځی بورډ ۷۳۸ پالیسي"د زده کوونکو غیر تبعیض او ځورونه"، د هر کارکوونکي، زده کوونکي یا دریم لوري لخوا چې د PWCS تر کنټرول لاندې وي، هر ډول تبعیض یا ځورونه چی په هره بڼه کی وي، منع کوي او په هر تعلیمي پروګرام یا فعالیت کې چې د PWCS لخوا پر مخ وړل کیږي، له تبعیض یا ځورونې څخه د PWCS زده کوونکي او کارکوونکي خوندي ساتي.
   
   د تبعیض او ځورونې څخه پاک د ښوونځي چاپیریال ډاډمن کولو لپاره، د هر ښوونځي اداره باید د تبعیض او ځورونې مخنیوي لپاره مناسب ګامونه پورته کړي. سربېره پر دې، د ښوونځي ډیویژن موخه دا ده چې د ناسم چلند ادعاوې په چټکۍ، عادلانه توګه، او د موجودی یا تر ټولو نږدی ادارې په کچه حل کړي. په همدې اساس، دا مقرره داسې کړنلارې وړاندې کوي چې د زده کوونکو په وړاندې د تبعیض یا ځورونې د ادعاوو د سمدستي او عادلانه حل لپاره زمینه برابروي (پرته له ټایټل IX جنسي ځورونې څخه کومه چې د ۱-۷۳۸ مقررې, "د زده کوونکو په وړاندې د جنسي ناوړه چلند د ادعاوو حل کول” موضوع ده).
2. تعریفونه
   1. تبعیض هغه وخت رامینځته کیږي کله چې د نسل، رنګ، مذهب، ملي اصل په شمول (د ګډی شجری یا توکم او توکمیزو ځانګړتیاوو)، جنس، جنډر هویت، جنسي تمایل، حمل، ماشوم زیږون، یا اړونده طبي حالتونو، په شمول د طی ورکولو حالت، عمر، مدنی حالت، عسکری خدمت، معلولیت، جنیټکی معلوماتونو ، یا د کوم بل څیز پر اساس چې د قانون لخوا منع شوی وي یو یا ډیرو اشخاصو سره توپیری چلند وشي یا ورته مناسبه پاملرنه ونه شي، یا ورته د نورو په څیر یو ډول فرصت ور نکړل شي.
   2. ځورونه د ناغوښتل شوي چلند یوه لړۍ ده چې د نسل/نژاد، رنګ، مذهب، ملي اصل (د ګډې نسبې یا قومي ځانګړتیاوو په ګډون)، عمر، مدني حالت، د پخواني پوځي خدمت حالت، معلولیت، جنیټیکي معلوماتو، یا د کومی بلی ځانګړتیا پر بنسټ ترسره کېږي چی د ایالت یا فډرال قانون له مخې خوندي شوې دي. د دې مقررې د موخی لپاره، په ځورونه کی د ټائټل IX جنسي ځورونې نه ده شامله، کومه چې د ۷۳۸-۱ مقررې، "د زده کوونکو په وړاندې د جنسي ناوړه چلند د ادعاوو حل کول” موضوع ده. “
      1. ځورونه، یو فرد یا یوه ډله په داسې طریقه سپکوي، ګواښي، ډاروي یا ورته زیان رسوي تر څو یو وېروونکی، دښمنانه، او/یا سپکاوی کوونکی چاپیریال رامنځته کړي. یو دښمنانه چاپیریال هغه وخت رامنځته کیږي کله چې ناوړه چلند یا ځورونه په ذهني او عیني ډول سپکاوی کوونکی وي او دومره سخت، دوامداره یا پراخ وي چې د زده کوونکي په زده کړې کې مداخله وکړي یا په بل ډول په PWCS تعلیمي پروګرام کې د ګډون یا ګټې اخیستنې لپاره د زده کوونکي وړتیا محدوده کړي.
      2. ځورونه ممکن له بیلابیلو لارو وښودل شي، په شمول د فزیکي برخورد یا لفظي، غیرلفظی، بریښنایی، یا لیکلي ارتباطاتو له لارې.
      3. ځورونه ممکن یو فرد هغه وخت هم په نښه کړي حتی کله چی هغه فرد په اصل کی داسی کومی ځانګړتیاوی هم ونلري چې د ځورونې اساس کیږي (تر هغه چې ځورونه د دې باور پر بنسټ وي چې هدف لرونکی شخص دغه ځانګړتیاوې لري).
   3. ناوړه چلند یا ځورونه/تنګونه هغه وخت تبعیض یا ځورونه ګڼل کېږي چې دا ناوړه چلند یا ځورونه د دولت یا فدرالي قانون له مخې د یو شخص په خوندي شوې ډلې یا ټولګي کې د غړیتوب پر بنسټ ترسره شوي وي.
3. د PWCS چارواکو ته د داسی ناوړه چلند راپور ورکول چې د تبعیض یا ځورونې شک پرې کېږي
   1. د ښوونځي ټولنی ټول غړي دا مسٔولیت په غاړه لري چې د ښوونځي چارواکو ته د داسی ناوړه چلند په اړه راپور ورکړي چې د تبعیض یا ځورونې شک پرې کېږي. PWCS ټول زده کوونکي هڅوي، او ټول کارکوونکی اړ کوي، چې د هر ډول ناوړه چلند په اړه د لاندې ذکر شوي طریقو له لاری راپور ورکړي.
      1. زده‌کوونکی یا د هغه/هغې مور، پلار یا قانوني سرپرست باید ژر تر ژره د دغه ډول ناسم چلند په اړه د ښوونځي اداري چارواکي (د ښوونځي مدیر، مرستیال مدیر، یا اداري انټرن) یا د PWCS د موافقت او زده‌کوونکو د ملاتړ دفتر ته راپور ورکړي. غوره دا ده چې د ادعا شوی ناسم چلند په اړه ژر تر ژره، او د پېښې له رامنځته کېدو څخه په ۶۰ تقویمي ورځو کی دننه راپور ورکړل شي. که څه هم دا ډول ادعاوې، هر وخت چې راپور شي، څېړل کېږي، خو د تبعیض یا ځورونې په راپور ورکولو کې ځنډ کول ښایي د دغه ناسم چلند پر وخت څېړل او حل وځنډوي یا بل ډول خنډ ورته رامنځته کړي.
      2. د PWCS یو کارکوونکی چې یو داسی راپور تر لاسه کړي چی د ناوړه چلند ادعا پکی شوۍ وي؛ څوک چې د یو زده کوونکي لخوا یا د یو زده کوونکي پر ضد ناوړه چلند مشاهده کړي؛ یا څوک چې د یو یا زیاتو زده کوونکو لخوا جنسي ناوړه چلند سره مخ شوی وي، اړ دۍ چې په اړه یی په سمدستی ډول او په هر صورت کې د پېښې د وخت څخه په ۲۴ ساعتونو کې دننه د ښوونځي پازوال ته راپور ورکړي؛ یا، که چیرته کارکوونکی ښوونځي میشته نه وي، بیا دی د کارکوونکی نظارت کوونکی ته راپور ورکړي.
      3. د ښوونځي هر اداري مسؤل چې د داسې ناوړه چلند راپور ترلاسه کړي، باید په خپل وار د دغه تورونو په اړه د موافقت او د زده کوونکو د ملاتړ دفتر ته راپور ورکړي.
   2. دغه بنسټیزه راپور چې ورته په پورته ځای کی په A (1) یا A (2) برخه کې اشاره شوي، ښايي په شفاهي یا په لیکلې بڼه وي، او هر یو یی په الیکترونیکی شکل سپارل کیدی شي.
   3. که څه هم د تبعیض او ځورونې ټول راپور شوي تورونه به وڅېړل شي، خو یو شکایت کوونکی کولای شي د دې مقررې د لومړۍ ضمیمې (د تبعیض یا ځورونې د شکایت فورمه) په سپارلو سره خپل شکایت رسمي کړي؛ دا فورمه باید ښوونځي میشته اداري مسؤل ته ورکړل شي، څوک چې باید د هغی یوه کاپي د "تنوع، مساواتو، شمولیت او موافقت" (DEIC) څانګی د موافقت او زده کوونکو د ملاتړ دفتر ته واستوي.
   4. په هغه ځای کې چې د تبعیض یا ځورونې په شک د ناوړه چلند راپورونه د ټائټل IX جنسي ځورونې تورونه هم ولري، د ټائټل IX جنسي ځورونې تورونه به د ۷۳۸-۱ مقررې، "د زده کوونکو په وړاندې د جنسي ناوړه چلند د ادعاوو حل کول", د کړنلارو لاندې وڅېړل شي او حل شي.
4. د تبعیض یا ځورونې د ادعاوو په وړاندې غبرګون او څېړنه
   1. چیرته چی ادعا شوې ناوړه چلند، که رښتیا وی، تبعیض یا ځورونه تشکیلوي:
      1. د ښوونځي اداري چارواکی باید په درې کاري ورځو کې دننه د موضوع په اړه د موافقت او زده‌کوونکو د ملاتړ دفتر ته خبر ورکړي. که ادعا شوی تبعیض یا ځورونه د معلولیت پر بنسټ وي، د موافقت او زده کوونکو د ملاتړ دفتر باید د ځانګړو زده کړو مرستیال یا ایسی سویټ سوپراینټنډنټ ته هم خبر ورکړي.
      2. که چیرته متهم یا ځواب ویوونکی د PWCS کارکوونکی وي یا د PWCS تر کنړول لاندې دریم لوري وي، د موافقت او زده کوونکو د ملاتړ دفتر باید سمدستي د بشري سرچینو مشر او بل اړوند مرستیال یا سوپراینټنډنټ ته خبر ورکړي. دا ډول ادعاوې به د ۱-۵۰۷ مقرري, “د کارکوونکو پر وړاندې د تبعیض او ځورونې د ادعاوو کړنلاري” سره سم حل شي.
   2. کله چې د موافقت او زده کوونکو د ملاتړ دفتر پرېکړه وکړي چې ادعا شوی چلند، حتی که رښتیا هم وي، تبعیض یا ځورونه نه تشکیلوي، ښوونځی میشته پازوال یا اداره کوونکی یی باید په اړه شکایت کوونکی ته خبر ورکړي. ښوونځی میشته پازوال یا اداره کوونکی به بیا د PWCS په " چلند کوډ" کې په ډاګه شوي د انضباطي کړنلارو تر لاندی ادعا شوئ چلند څېړي، که چیرته د پلی کیدو وړ وي.
   3. هغه ادعا شوی ناوړه چلند، که رښتیا وي، چي تبعیض یا ځورونه تشکیلوي، دغه ډول چلند به معمولاً د موافقت او زده کوونکو د ملاتړ دفتر لخوا څېړل کیږي.
      1. د شکایت تر ترلاسه کېدو وروسته، د موافقت او زده‌کوونکو د ملاتړ دفتر به د خپلې ادارې یو پلټونکی وټاکي ترڅو څېړنه ترسره کړي، نظارت یې وکړي، یا پکې مرسته وکړي.
      2. د شکایت حل باید عموماً د ۶۰ کاري ورځو په موده کې دننه بشپړ شي، پرته له دی که د موافقت او زده‌کوونکو د ملاتړ دفتر د موجه دلایلو له مخې په لنډمهاله توګه بهیر وځنډوي یا موده وغځوي. په دغو دلایلو کې لاندی ذکر شوي شامل کیدی شي مګر یوازې همدومره پورې محدود نه دي: د شاهد یا د شکایت د یوې خوا نشتوالی یا نه شتون؛ د قانون پلي کوونکو ادارو یا د ماشومانو د ساتنې خدمتونو هممهاله فعالیتونه؛ د ژباړنی یا ترجمی خدمتونو ته اړتیا؛ یا د معلولیت لپاره مناسبې اسانتیاوې برابرول؛ یا نور هغه شرایط چې د دې کړنلارې په تړاو د PWCS پر چارو اغېزه کوي. که چیرته د شکایت حل په ۶۰ کاري ورځو کی دننه بشپړ کیدی نه شي، شکایت کوونکی او ځواب ویونکی ته به د ځنډ، د هغه د لاملونو په اړه خبر ورکړل شي او د هغې نېټې په اړه هم خبر ورکړل شي چی شکایت ور پوری حل کیدی شي.
5. د احتمالي تبعیض یا ځورونې د څېړنې کړنلارې
   1. ځواب ویونکی باید د ادعاوو څخه خبر کړل شي او هغه ته د ځواب ویلو فرصت ورکړل شي.
   2. کله چی مناسب وي، څېړنه باید د شکایت کوونکي، ځواب ویونکی، شاهدانو او هر هغه چا سره چی اړوند معلومات لري، په یوې یا ډېرو مستند شویو مرکو مشتمله وي. په څېړنه کې باید د نورو اړوندو اسنادو، معلوماتو او موادو کتل هم شامل وي، په شمول د ویډیویی ثبتونو، انځورونو، بریښنالیکونو، متنی پیغامونو، او د ټولنیزو رسنیو ارتباطاتو او اړیکو چی د شکایت له ادعاوو سره تړاو لري، مګر دغو پوری محدود نه دي.
   3. د هغې څېړنې له بشپړېدو وروسته چې د موافقت او زده‌کوونکو د ملاتړ دفتر د یوه پلټونکي له خوا ترسره شوې یا څارل شوې وي، پلټونکی باید ژر تر ژره د موافقت او زده‌کوونکو د ملاتړ دفتر نظارت کوونکي ته د څېړنې راپور واستوي چې لاندې موارد پکې شامل وي:
      1. د شواهدو عادلانه لنډیز وړاندې کړي؛
      2. د راټولو شویو شواهدو پر بنسټ د حقایقو موندنې پکې شاملې وي؛
      3. د هرې ادعا په اړه د پلټونکي پایله یا پایلې څرګندې کړي چې آیا تبعیض یا ځورونه رامنځته شوې ده که نه، او د هرې داسې پایلې دلایل او منطق هم پکې بیان شي.
6. د تبعیض یا ځورونې د ادعاوو حل
   1. د څېړنیز راپور له ترلاسه کولو څخه په درې (3) کاري ورځو کې دننه، د موافقت او زده‌کوونکو د ملاتړ دفتر نظارت کوونکی به ښکېلو خواوو ته په لیکلي ډول خبر ورکړي چې آیا د ښوونځي بورډ کومه تګلاره یا مقرره نقض شوې ده که نه، او که نقض شوې وي، آیا اصلاحي اقدام ترسره شوی یا به ترسره شي. ځواب ویونکی ته به خبر ورکړل شي چې د شکایت کوونکي یا د هر هغه بل شخص پر وړاندې غچ اخیستل منع دي چې د شکایت راپور یې ورکړی یا د څېړنې په بهیر کې یې ګډون کړی وي. همدارنګه، شکایت کوونکي ته به خبر ورکړل شي چې که دغه چلند بیا تکرار شي یا د غچ اخیستنې کومه پېښه رامنځته شي، نو سمدستي یې د ښوونځي اداري چارواکي ته په اړه راپور ورکړي.
7. اصلاحی اقدام
   
   که تبعیض یا ځورونه ثابته شي، PWCS به د تبعیضي چلند د ختمولو، د هغه د تکرار مخنیوي او پر قرباني او نورو اغیزمنو کسانو باندې د هغه د اغیزو د حل لپاره مناسب ګامونه پورته کړي. په اصلاحي اقداماتو کې لاندې موارد شامل کیدی شي:
   • د ځواب ویونکی لپاره مداخلې، لکه والدین یا سرپرست ته خبر ورکول، ډسپلین کول، سلا مشوری ورکول یا روزنه ورکول.
   • د شکایت کوونکی لپاره او که اړتیا وی، د هر لیدونکی لپاره مداخلې، لکه سلا مشوری ورکول، علمی یا اکاډمیکی ملاتړ، او د نورو تبعیضی یا انتقامی پېښو په اړه د راپور ورکولو لپاره معلومات شریکول.
   • د شکایت کوونکي او ځواب ویونکی جلا کول، په دې شرط چې شکایت کوونکی لپاره د سزا په معنی نه وي.
   • د شکایت کوونکی او شاهدانو سره د موضوع تعقیب تر څو ډاډ ترلاسه شی چې تبعیضی چلند بند شوی او هغوی کوم انتقامی چلند نه دی تجربه کړۍ.
   • د ښوونځی د پراخی ټولنې لپاره روزنه یا نورې مداخلې تر څو ډاډ ترلاسه شي چې زده کوونکی، کارکوونکی، او والدین هغه چلند پيژنی چی تبعیض او ځورونه تشکیلوي، چی پوه شي چی PWCS دغه ډول چلند نه زغمی؛ او د تبعیض او ځورونې راپور ورکولو کړنلارې وپیژنی.
8. د ثابت شوي شکایت په ځواب کې انضباطي اقدام
   1. کله چې دا ثابته شي چې ځواب ویونکي تبعیض یا ځورونه کړې ده، د اصلاحي اقداماتو تر څنګ به انضباطي اقدام هم ترسره کېږي. دغه ډول اقدام باید د تبعیضی چلند له منځه وړلو؛ د دغه ډول چلند د بیا تکراریدو مخه نیولو؛ په شکایت کوونکی او نورو اغېزمنو کسانو باندې د دې د اغېزو حل کولو؛ د PWCS تعلیمی پروګرامونو او فعالیتونو ته د شکایت کوونکی مساوی لاسرسی بېرته ځای پر ځای کولو یا ساتلو؛ او/یا د دښمنانه چاپېریال اصلاح کولو لپاره وي.
   2. کله چې د موافقت او د زده کوونکو ملاتړ دفتر د ښوونځی مدیر ته سپارښتنه وکړي چی د ځواب ویونکی پر ضد دی انضباطي اقدام تر سره شي، د ښوونځي مدیر باید خپله سپارښتنه د انضباطی اقدام لپاره لیول ایسی سویټ سوپراینټنډنټ ته واستوي. لیول ایسی سویټ سپرانټینډنټ به د دغې سپارښتنې له ترلاسه کولو وروسته په لسو (۱۰) ښوونیزو ورځو کی دننه ځواب ویونکي ته په لیکلي ډول خبر ورکړي چې ایا لیول ایسی سویټ سپرانټینډنټ د ښوونځی مدیر د سپارښتنی ملاتړ کوي، او یا د اضافي یا متفاوت انضباطي اقدام سپارښتنه کوي.
      1. هر ډول انضباطي اقدام به د زده کوونکو د رامنځته شویو انضباطي پروسیجرونو او د چلند کوډ سره سم ترسره کیږي، او د ناوړه چلند د جديت په اساس، دا اقدامات له پند او مشورې ورکولو څخه نیولې تر تعلیق ، بل ښوونځي ته بدلولو، یا اخراج پورې کیدی شي.
      2. ځواب ورکوونکی کولی شي د زده کوونکو د نافذه انضباطي مقرراتو سره سم، د اړتیا په صورت کې د انضباطي اقدام په وړاندې د استیناف غوښتنه وکړي.
9. متفرقه احکام
   1. محرمیت: تر کومه حده چې امکان ولري، د هر ډول راپور اړوند معلومات، لیکلی شکایت او/یا څېړنه به محرم ساتل کېږي، په استثناء د دی چې په بشپړ ډول او په شفافه ډول د څېړنې د ترسره کولو؛ متهم ته اجازه ورکولو لپاره چې د خپل ځان څخه دفاع وکړي، د مناسبو ملاتړي تدابیرو او حل لارو تطبیقولو؛ احضار، د محکمې امر یا د حکومت لخوا څېړنې ته ځواب ویلو لپاره؛ یا د رسمي شکایت په نتیجه کې رامینځته شوي هر قانوني اقدام یا د شکایت پروسه کې د PWCS یا یې د کارکوونکو څخه د دفاع کولو لپاره افشا کول اړین وي.
      
      کله چې یو شکایت کوونکی PWCS ته د داسې ناوړه چلند په اړه راپور ورکوي چې د تبعیض یا ځورونې شک ورباندې کیږي مګر د محرمیت غوښتنه کوي، دا ډول غوښتنه ممکن د څېړنې کولو او د اړینو اصلاحي اقداماتو د ترسره کولو وړتیا محدوده کړي. کله چې یو شکایت کوونکی دا غوښتنه وکړي چې PWCS دی دا ډول ناوړه چلند نه څیړي، نو دا پریکړه به PWCS کوي چی آیا د پلی کیدو ړو قوانینو سره په مطابقت، دغی ډول غوښتنې ته درناوی کولی شي او که څرنګ. په دغه ډول حالاتو کې، PWCS ممکن دا پریکړه وکړي چې هغه به څیړنه تر سره کوي او/یا قانون پلي کوونکو چارواکو ته یی په اړه راپور ورکړي، یا دواړه کاره تر سره کړي.
   2. د درواغو یا ناسم بیانونو ورکول منع دي: د PWCS زده کوونکی یا کارکوونکی چې په پوهی سره یا قصدا غلط راپور ورکړي یا لیکل شوی شکایت درج کړي، یا څوک چې په پوهی سره غلط بیانی وکړي، د PWCS "د چلند کوډ" یا ۱-۵۰۳مقرری، "د ټولو کارکوونکو لپاره د مسلکي چلند معیارونه" او ۱-#1781;۷۲ مقرری "انضباطي اقدام” تر لاندی به د ډیسپلین کیدو تابع وي.
   3. غچ اخیستنه او/یا مداخله کول منع دي: PWCS په کلکه سره د یو داسی کس پر ضد غچ اخیستونکی اقدام تر سره کول منع کوي څوک چې د تبعیض یا ځورونې په اړه راپور ورکوي؛ یا څوک چې د تبعیض یا ځورونې په څیړنه کې مرسته کوي، پکی ګډون کوي یا پکی له ګډون څخه انکار کوي یا منع کوي. زده کوونکي او کارکوونکی نشي کولی په څیړنه کې مداخله وکړي یا پکی حلل رامنځ ته کړي او دا هم نه شي کولی چی د کوم شاهد په شاهدي ویلو باندی اثر/اغیزه ولري یا د اغیزی کولو هڅه وکړي. د PWCS د زده کوونکي یا کارکوونکی لخوا دا ډول ناوړه چلند باید د PWCS "د چلند کوډ” تر لاندی یا ۵۰۳-۱ مقرری، "د ټولو کارکوونکو لپاره د مسلکي چلند معیارونه" او ۵۷۲-۱ مقرری، "انضباطي اقدام” تر لاندی حل شي.
10. خبرتیا او مخنیوی کوونکی اقدامات
    1. زده کوونکو او والدینو ته په منظمه توګه د PWCS ویب پاڼی، د هر ښوونځي د ویب پاڼی، د PWCS "چلند کوډ"، د ۷۳۸ پالیسۍ "زده کوونکو سره د تبعیض نشتوالی او ځورونه" او د دې مقرري (چی د PWCS په ویب پاڼه pwcs.edu کی موندل کیدی شي) له لارې خبر ورکول کیږي چې تبعیض او ځورونه نه زغمل کیږي؛ د تبعیض او ځورونې د راپور ورکولو طریقه، د دغه ډول راپورونو د څېړنې پروسیجرونه، او د ثابتو شویو مواردو پایلې ورته روښانه کیږي.
    2. ښوونځي میشته پازوالان یا اداره کوونکي باید له نورو مناسبو لارو څخه کار واخلي ترڅو ټول زده کوونکي او کارکوونکي د ښوونځي بورډ لخوا د تبعیض او ځورونې د منع کیدو، د ځورونې د ډولونو او د هغې د راپور ورکولو د طرزالعملونو په اړه خبر کړي.
    3. په PWCS کې د تبعیض او ځورونې د څارنې او مخنیوي لپاره، د موافقت او د زده کونکو د ملاتړ دفتر به د ناوړه چلند د ټولو هغو راپورونو ریکارډ ساتي، که ریښتا وي، چې تبعیض یا ځورونه تشکیلولی شي.
11. د اصطلاحاتو ټولګه او وضاحت
    1. "رسمي ورځ" د هر هغی رسمی ورځ په معنی ده چې د PWCS اداري دفترونه پرانیستي وي.
    2. “ تقویمي ورځ" د هر هغی ورځ په معنی ده په یو ټاکل شوي وخت کې وي، د عمل یا پېښې هغه ورځ پکې شامله نه ده، د کومې څخه چې ټاکل شوي وخت پیل کېږي.
    3. "شکایت کوونکی" هغه زده کوونکی (یا د زده کوونکو ډله) یا د PWCS کارکوونکی ( د PWCS کارکوونکو ډله) ته ویل کیږي چې ادعا کوي د بل لوري (ځواب ویونکی) لخوا د داسې چلند قرباني شوي چې تبعیض یا ځورونه ګڼړل کیږي. ددې مقررې تر لاندې د شکایتونو یا اپیلونو د داخلولو یا بیرته اخیستلو او د خبرتیاو د ترلاسه کولو موخی لپاره، په شکایت کوونکي کې د ۱۸ کالو څخه د کم عمر لرونکی زده کوونکي مور او پلار شامل دي، پرته له دی که زده کوونکۍ په قانوني ډول خپلواک وي.
    4. "والدین یا مور او پلار" د هر هغه والدینو، سرپرست، قانوني واک لرونکی یا بل داسی تن په معنی دی چې د یو زه کوونکي کنټرول یا واک په لاس کې لري.
    5. "ځواب ویونکی" هغه زده کوونکی، کارکوونکی، یا دریم لوری دی چې د PWCS تر کنټرول لاندې وي او په اړه یی د داسی چلند راپور ورکړل شوی وي چې تبعیض یا ځورونه تشکیلوي. ددې مقررې تر لاندې د شکایتونو یا اپیلونو د داخلولو یا خبرتیا تر لاسه کولو موخی لپاره، په شکایت کوونکي کې د ۱۸ کالو څخه د کم عمر لرونکی زده کوونکي مور او پلار شامل دي، پرته له دی که زده کوونکۍ په قانوني ډول خپلواک وي.

د مساواتو د څانګی عمومی مشر (یا د هغه/هغی استازی) د دې مقرری د پلي کولو او ورڅخه د نظارت کولو مسؤلیت په غاړه لري.

دا مقرره او هر ډول اړونده پالیسي باید لږ تر لږه په هرو پنځو کلونو کې بیاځلی وکتل شي او د اړتیا په صورت کې پکی بدلونونه رامنځ ته شي.

مقرره ۳-۷۳۸، لومړی ضمیمه