Regulation 640-2 - Pashto

په وروستی ځل د بیاځلی کتل کیدو نیټه:     20 جون 2024

لارښوونه

مقرره 2-640

د نصابی او غیر نصابی فعالیتونو پروګرامونو لپاره وړوالی

1. په ورزشي لوبو، رسم ګذشت بانډ/ډله، او په ډرل یا تمرینی ټیم کې د ګډون کولو لپاره اکاډمیکی یا تعلیمي معیارونه:
   
   وړوالی ته دوام ورکولو لپاره، د عالي ښوونځي هغه زده کوونکي چې د ویرجینیا د عالي ښوونځی لیګ په فعالیتونو او ورزشي لوبو، رسم ګذشت ډلو/بانډ، او ډرل یا تمرینی ډله کې ګډون کوي، باید پنځه مضمونونو کی بریالی شي او د لومړۍ سمسټر په پائ کې او د ښوونځي کال په پائ کې په دوو مضامینو کې "C" یا تر دی ښه ګریډ ترلاسه کړي. د مرستیال زده کوونکی انتخابی مضامین او هغه کورسونه د کوم لپاره چی زده کوونکي له مخکی څخه کریډیټ ترلاسه کړی اوسی، (د بیلګی په توګه د لابراتوار مرستیالان، د لوړو نمرو تر لاسه کولو لپاره یو کورس بیاځلی اخیستل)، د ویرجینیا د عالي ښوونځی لیګ او د PWCS د وړوالی معیارونو پوره کولو لپاره به نه شمیرل کیږي.
   1. د ښوونځي بورډ لخوا د منل شوي جنتري (کیلنڈر) سره په مطابقت، د زده کوونکي د وړوالی او یا نه وړوالی لرلو بنسټیزه پرېکړه به د ښوونځي کال په لومړنۍ ورځ یا د لومړۍ سمسټر له پای رسیدو څخه وروسته سمدلاسه د کیلنڈر په لومړۍ ورځ تر سره کیږي.
   2. کله چې یو زده کوونکی د ویرجینیا د عالی ښوونځی لیګ لپاره وړوالی ومومي مګر د PWCS د وړوالی لرلو په معیارونو پوره کولو کې پاتې راشي، نو بیا باید د ښوونځی بورډ د 731 پالیسۍ سره سم، د استیناف یا اپیل کولو لپاره لاندې ذکر شوي کړنلاره خپله شی:
      1. زده کوونکی یا مور/پلار کولی شی په مستقیم ډول د ښوونځي مدیر ته په لیکلي ډول بیان وړاندی کولو سره اپیل وکړي او هغه لاملونه تشریح کړی چې له امله یی د معیار په ترلاسه کولو کې د پاتې راتلو پایله درلوده. د راپور کارتونو صادرولو وروسته، اپیل باید په دری ښوونځي ورځو کې دننه ترسره شي.
      2. د ښوونځي مدیر باید اپیل وڅیړي او د اپيل ټولې غوښتنې، د مدیر د سپارښتنې سره په ګډه، د استناف د ترلاسه کیدو وروسته د ښوونځي په دریو ښوونځی ورځو کې دننه د زده کوونکو د فعالیتونو اداری رئیس ته وسپاری.
      3. د اپیل وړاندیزونه باید د زده کوونکي د حاضري، هڅی، چلند، نمرو او د ډسپلین د ریکارډ بیا کتلو پایله ولري، کله چی د وړوالی پرېکړې تر سره کیږي. د زده کوونکو د فعالیتونو د اداری رئیس لخوا تر سره شوې پریکړه به وروستی وي.
      4. زده کوونکی به د اپیل/ایستیناف د پروسې په بهیر کی وړوالی ونلري.
   3. که چیرته یو زده کوونکي د ټیټو نمرو یا ګریډونو له امله د راتلونکي ښوونځي کال په مني سمسټر کې د ګډون کولو لپاره وړوالی ونه مومي، نو زده کوونکی کولای شي په اوړي ښوونځي کې د دغی کورس بیاځلی ویلو په اړه فکر وکړي چی پکی پاتی راغلی یا په یو داسی نوي کورس کې نوم لیکنه وکړي چې د زده کوونکي د عالي ښوونځی ډیپلوم کریډټ په لور حساب شي. هغه نمرې چې د اوړی ښوونځی په کورس/کورسونو کې ترلاسه کیږي، باید د وړوالی موندلو شرایطو لپاره د راتلونکی تعلیمی کال په منی کې په نظر کې ونیول شی.
   4. د سمسټر په بهیر کې، روزونکي یا سپانسر کوونکي باید د نیمایي کال نمرې وګوري او ګډون کوونکی زده کوونکی ته دی په راتلونکی سمسټر کی د احتمالی نه وړوالی موندلو په اړه خبر وکړي. په هغو حالاتو کې کله چې غیر ښوونځي کارکوونکې د روزونکو یا ترېنرانو په توګه ګمارل شوي وي، د زده کوونکو د فعالیتونو ریٔیس باید د روزونکی (ترېنر) یا سپانسر سره د نیمایی کال نمرو په کتو کی مرسته وکړي او ګډون کوونکی زده کوونکی ته دی په راتلونکی سمسټر کی د احتمالی نه وړوالی موندلو په اړه خبر وکړي.
2. د ویرجینیا عالی ښوونځی لیګ فعالیتونو لپاره د لیږد وړوالی
   
   د دې مقرری موخي لپاره، د زده کوونکي "ځایی ښوونځي" د ګډون کولو لپاره د ټاکل شوې ښوونځی په معنی دۍ چی د زده کوونکي استوګځې سره تړاو لری. هغه زده کوونکي چې د خپل ټاکل شوي استوګنې له حدودو څخه بهر ښوونځي ته د انتقال/لیږد لپاره منظوري ورکړل شوي وي، د ویرجینیا د عالي ښوونځی لیګ په فعالیتونو او ورزشي لوبو کې د ګډون کولو لپاره وړ دي، کله چې ښوونځي ته د لومړي ځل لپاره د نهم ټولګي زده کوونکي په توګه او یا د لسم ټولګي د زده کوونکي په توګه په یو ځانګړي ځايي پروګرام (تخصصی پروګرام) کې د لومړي ځل لپاره شاملیږي.
   1. هغه زده کوونکي چې په یو تخصصی پروګرام کې د ګډون لپاره یو ښوونځي ته انتقاليږي، د اتلیټیکی وړوالی ساتلو لپاره باید په پروګرام کی د ګډون کولو ټول شرایط پوره کړي.
      1. هغه زده کوونکي چې په یو ښوونځي کې یې خپل وړوالی ثابت کړې اوسی، او وروسته بیا په همدغه ښوونځي کې یو بل تخصصی پروګرام ته تبدیلیږي یا ورڅخه وځي، د ویرجینیا د عالي ښوونځی لیګ د 28A-7-1(3) مادې سره په مطابقت، هغوي به په دغه ښوونځي کې د پروګرام څخه د وتلو نیټې څخه راپدیخوا د 90 ښوونځی ورځو لپاره وړوالی له لاسه ورکوي.
      2. که چیرته د تخصصی پروګرام کوردیناتور د تخصصی پروګرام د شرایٔطو پوره کولو کی د پاتی راتلو له امله یو زده کوونکی د پروګرام څخه وباسي، نو زده کوونکی باید بیرته خپل اصلی یا ځايي ښوونځی ته په راتلونکي ښوونځي کال کې وګرځی. زده کوونکی به د ویرجینیا د عالی ښوونځی لیګ لیږد/انتقال قانون 28A-7-1 (Note D) سره په مطابقت د 365 جنتری ورځو لپاره وړوالی له لاسه ورکوي.
      3. که چیرته یو زده کوونکی د یو تخصصی پروګرام څخه د وتلو خوښه څرګندوی، نو زده کوونکی به خپل اصلی/ځایی ښوونځی ته په ورپیسی ښوونځي کال کې بیرته ګرځي. زده کوونکی به د ویرجینیا د عالی ښوونځی لیګ لیږد/انتقال قانون 28A-7-1 (Note D) سره په مطابقت د 365 جنتری ورځو لپاره وړوالی له لاسه ورکوي.
      4. د دولسم ټولګي زده کوونکي ته به اجازه نه ورکول کیږي چی د عالي ښوونځیو لپاره د ایسوسی ایټ سپرانټنډنټ (یا د هغه/هغی استازی) له ځانګړي اجازی پرته دغه ډول تخصصي پروګرامونو ته ځان ولیږدوي. زده کوونکی به د ویرجینیا د عالی ښوونځی لیګ لیږد/انتقال قانون 28A-7-1 سره په مطابقت د 365 جنتری ورځو لپاره وړوالی له لاسه ورکوي.
   2. یو زده کوونکي ته د ویرجینیا د عالي ښوونځی لیګ د لیږد قانون څخه معاف کیدو لپاره ابرألیک ورکول کېدای شي، کله چې د زده کوونکی نو په مشخصه توګه ذکر کولو سره د ښوونځي بورډ او یا د ډیویژن د سپرانټینډنټ لخوا ولیږدول شي. د ویرجینیا د عالي ښوونځی لیګ د لیږد قانون 28A-7-2 (7) سره په مطابقت، دغه ډول ابرا لیکونه باید د زده کوونکي او/یا ښوونځي ډیویژن د فلاح او بهبود لپاره وي نه د ورزشي لوبو او/یا فعالیتونو موخو لپاره.

د عالي ښوونځیو لپاره ایسوسی ایټ سوپرانټینډنټ ( یا د هغه/هغی استازی) د دې مقرری د پلي کولو او ورڅخه د نظارت کولو مسؤلیت په غاړه لري.

دا مقرره او اړونده پالیسي باید لږ تر لږه په هرو پنځو کلونو کې بیاځلی وکتل شي او د اړتیا په صورت کې پکی بدلون رامنځ ته شي.