Regulation 725-1 - Pashto

په وروستی ځل د کتل کیدو نیټه: 12 سپټمبر 2018

زده کوونکي

مقرره 1-725

18 کلن یا له هغی ډیر عمر لرونکی زده کوونکي
 

1. د بالغ زده کوونکو حقونه
   
   هغه اتلس کلن زده کوونکي، چې د ویرجینیا کوډ 1-203§ او 1-204§ له مخی 18 کلنی ته رسیدلي دي، کولی شي د خپلو والدینو یا سرپرستانو پر ځای د لاندې اړوندو چارو په برخه کی چاری پرمخ ویسی:
    
   1. حاضری او رحصتیدل. د غیرحاضرۍ یا د رخصتۍ د دلیل د منلو وړ جوړولو، د زده کوونکي د ښوونځی مدیر، یا استازی، دا صلاحیت لري چې د زده کوونکي مور یا پلار/سرپرست سره اړیکه ونیسي، یا د ډاکټر د نخصی غوښتنه وکړي که چیرته غیرحاضري/رخصتي د طبي چارو پوری اړه ولري.
   2. سیمه ییزه/ساحوی سفرونه.
   3. د دریمې ډلې لخوا د زده کوونکو ریکارډ ته د لاسرسي اجازه (پرته له هغو کسانو چې پرته له رضایت څخه لاسرسی لري).
   4. د نیمه وخت کار یا دنده.
   5. د سایطو یا موټرو کارول.
   6. د پولیسو له خوا پوښتنې/څیړنی
2. د اتلس کلنۍ عمر د اعلانولو فورم کارول
   
   د پرنس ویلیم کاونټي د عامه ښوونځیو هغه زده کوونکي چې 18 کلنۍ ته رسیږي کولی شي د اتلس کلنۍ عمر د اعلانولو فورم (ضمیمه) په ډکولو سره کوم چی په هر عالي ښوونځئ کی شتون لری، د بالغ زده کوونکو په توګه خپل حقونه او مسؤلیتونه وکاروي.. زده کوونکي هڅول کیږي چې د دغی پریکړې تر سره کولو دمخه د خپلو والدینو/سرپرستانو سره سلا مشوره وکړي.
   
   د اعلانولو فورم باید د زده کوونکي، د ښوونځی مدیر، یا د هغه/هغی استازی لخوا لاسلیک شي. د دغی فورم یوه کاپي د زده کوونکي په تعلیمي ریکارډ کې ساتل کیږي او کاپي یی زده کوونکي او د هغه/هغې والدینو/سرپرستانو ته ورکول کیږي.  د دغی څرګندتیا احکام به تر هغه وخته پورې نافذ العمل پاتې شي تر څو چې زده کوونکی فارغ نشي یا تر هغه چې د ښوونځی مدیر ته په لیکلې بڼه خبر ورکړل شي چې زده کوونکی غواړي خپله څرګندتیا بیرته له منځه ویسی.
3. د بالغو زده کوونکو او د هغوی د والدینو/سرپرستانو لپاره د لاسلیک شوي څرګندتیا فورم اغیزې
   
   ​​​​​ لاسلیک شوې اعلان یا څرګندتیا د ویرجینیا قانون له مخې والدین/سرپرستان د "چلند کوډ" او د اجباري حاضري معیارونو په پلي کولو کې د ښوونځي سره د مرستې له مسؤلیتونو څخه نه خلاصوي. که څه هم بالغ زده کوونکي د خپلې حاضري لپاره مسؤلیت په غاړه لري، د ښوونځي چارواکي به د ویرجینیا قانون او د ښوونځي مقرراتو سره په مطابقت د زده کوونکي د غیرحاضریو په اړه د زده کوونکي والدینو/سرپرستانو ته د خبر ورکولو لپاره اړینې هڅو تر سره کولو ته دوام ورکړي. د 1-724 مقرری "حاضري او عذرونو" سره په مطابقت، په دی کی د حاضري افسرانو ښکیلتیا هم شامله ده.
   
   د ښوونځي چارواکي به د ویرجینیا قانون سره په مطابقت د زده کوونکي د ډسپلیني چارو په اړه والدینو ته خبر ورکولو ته دوام ورکړي.
   
   د معلولیت لرونکو بالغو زده کوونکو لپاره، د فډرال او ایالت د ځانګړې زده کړوې قوانین دا ډول په ډاګه کوي چی کله زده کوونکی 18 کلنۍ ته ورسیږي، د طرزالعمل خوندیتوبونه او نور حقونه چې د معلولیت لرونکي زده کوونکي والدینو ته ورکړل شوي دی، بیرته زده کوونکي ته لیږدول کیږي. په هرصورت، د بالغ زده کوونکو سربیره، والدینو/سرپرستانو ته به هم خبرتیاوی لیږل کیږي.

د زده کوونکو د زده کړې او احتساب ایسوسی ایټ سپرانټنډنټ (یا هغه/هغی استازی) د دې مقرری د پلي کولو او ورڅخه د نظارت کولو مسؤلیت په غاړه لري.

دا مقرره او نور اړوند پالیسي باید لږ تر لږه په هرو پنځو کلونو کې بیاځلی وکتل شي او د اړتیا پر اساس دی پکی بدلون رامنځ ته شي.