Regulation 724-3 - Pashto

په وروستی ځل د کتل کیدو نیټه: 11 اګسټ 2021

 زده کوونکي

مقرره 3-724

د ښوونځی په رسمي ساعتونو کې د زده کوونکو له وخت څخه مخکې رخصتیدل

د ښوونځي په ساعتونو کې له ښوونځي څخه د زده کونکو له وخت مخکی رخصتیدل باید د لاندې کړنلارو سره په مطابقت وي:

1. له وخت مخکې د رخصتیدو لپاره لارښوونی
   
   1. د زده کونکي مور یا پلار / سرپرست باید د نوم لیکنې په وخت کې او له هغی وروسته هر کال د بیړني معلوماتو په کارت کې د هغو کسانو نومونه لیست کړي چې له ښوونځي څخه د زده کوونکي د وړلو اجازه لري. مور یا پلار / سرپرستان اړ دي چې په دې معلوماتو کی د هر ډول بدلون په اړه سمدلاسه د ښوونځي چارواکو ته خبر ورکړي، او بیا د بیړني معلوماتو په کارت کې دغه بدلون رامینځته کړي.
   2. ښوونځی باید دقیق ریکارډ وساتي کوم چې د هغو مجاز کسانو نومونه په ډاګه کوي چې ورسره د زده کوونکي تګ ته اجازه ورکړل کیدی شي.
   3. د پرنس ولیم کاونټي عامه ښوونځي دا لازمه کوي چې ټول هغه کسان چې د ښوونځي ودانۍ ته د ننوتلو غوښتنه کوي، باید ودانۍ ته د ننوتلو په وخت کې د ښوونځي اداری کارکوونکو ته یوه انځور لرونکی پیژند پاڼه ښکاره کړي. هغه کسان چې د زده کوونکي د وړلو اجازه لري باید خپله پیژند پاڼه ښکاره کولو ته چمتو اوسی.
   4. ښوونکي باید زده کوونکی ته پرته له ښوونځي کارکوونکی بل هیڅ چا سره له ټولګی څخه ته د تلو اجازه ورنکړي.
   5. هر هغه زده کوونکی چې د ښوونځي څخه له وخت مخکی وځي، باید د وتلو لپاره د اړتیا وړ معلوماتو له بشپړولو وروسته د عمومی دفتر دروازی څخه یا د کوم بلی ټاکلی شوي لارې ووځي.
   6. هغه زده کوونکي چې د ښوونځي ورځې د یوې برخې لپاره د غیر اصلي یا ځایی ښوونځي په ځانګړی پروګرامونو کې شامل دي، د هغوی مور یا پلار/سرپرستان باید د غیر اصلي ښوونځي کارکوونکو ته په بیړنی حالت کی د اړیکی ټینګولو معلومات وړاندې کړي. د غیر اصلي یا ځایی ښوونځي څخه د وختي رخصتیدو په صورت کې، کارکوونکی باید زده کوونکی یوازې هغه کسانو سره خوشی کړي چې نومونه یی د بیړنی معلوماتو په کارت کې لیسټ شوي وي.
   7. ټول ښوونځي باید په ټوله ودانۍ کې په مهمو ځایونو کې نښې نښانی یا لوحی ولري چې ملاقات کوونکو ته دا لارښوونه کوي چی په مستقیم ډول دفتر ته مراجعه وکړي.
2. له وخت مخکې د رخصتیدو تګلاری
   
   1. ښوونځي ته د را رسیدو سره سم، ټول زده کوونکي باید له وخت مخکی د رخصتیدو لپاره د مور یا پلار/سرپرست لخوا لاسلیک شوی نوټ د تصویب لپاره د ټاکل شوي دفتر کارکوونکو ته وړاندې کړي. په نوټ کې باید له ښوونځي څخه د خوشې کیدو دلیل او وخت په ډاګه شوي اوسی.
   2. د حاضري دقیق ریکارډ ساتلو لپاره، د هغو زده کوونکو نومونه چې له وخت مخکې د رخصتیدو لپاره تصویب کیږي، باید په وخت سره ښوونکو ته ورکړل شي.
   3. زده کوونکي باید یوازې مور او پلار/سرپرست یا هغه کس سره خوشې شي چې د وړلو اجازه لري. دا کس باید د ښوونځي لخوا د رامینځته شوې د ننوتلو/وتلو کړنلاره تعقیب کړي. د ابتدایهٔ او منځنی ښوونځی زده کوونکي نشي کولی پرته له مور یا پلار/سرپرست ودانۍ پریږدي. هر هغه زده کوونکی چې له ښوونځی څخه له وخت مخکی ځی، باید د عمومی دفتر یا بل ټاکل شوي ځای له لارې لاړ شي.
   4. له وخت مخکې د رخصتیدو لپاره د اجازی ترلاسه کولو وروسته، د عالي ښوونځئ زده کوونکي کولی شي د تللو تګلاره بشپړه کړي او په ټاکل شوي وخت باندی ودانۍ پریږدي.

د ځانګړي تعلیم او د زده کوونکو خدماتو لپاره ایسوسی ایټ سپرانټنډنټ (یا استازی) د دې پالیسۍ د پلي کولو او ورڅخه د نظارت کولو مسؤلیت په غاړه لري.

دا مقرره او اړونده پالیسي باید لږ تر لږه په هرو پنځو کلونو کې بیاځلی وکتل شي او د اړتیا په صورت کې پکی بدلون رامنځ ته شي.