Regulation 745-4 - Pashto

زده کوونکې

مقرره 4-745

د زده کوونکی د اخراج اپیل اوړیدنی لپاره د ښوونځي بورډ د انضباطي کمیټې کړنلاري

1. موخه
   
   د ښوونځي د درې کسیز بورډ انضباطي کمیټې (SBDC) په وړاندې د زده کوونکو د اخراج اپيل اوریدنې باید د لاندی ذکر شویو کړنلارو له لخوا اداره شي. د اخراج د اپیل یا استیناف بهیر یو ټاکل شوي پروسه ده. په هرصورت، SBDC اړ نه دی چې د شواهدو رسمي قواعد یا طرزالعملونو تعقیب کړي کوم چې په قانونی محکمه کې پلي کیږي. لاندې ذکر شوي تګلاری عمومي لارښوونې دي کوم چې اړتیا ته په کتو سره په اغیزمنه توګه د اوریدنی چاری پرمخ وړلو لپاره یا کله چې دا د ښوونځي ډیویژن یا د زده کوونکي په غوره ګټه کی وي، د SBDC د رئیس لخوا تعدیل کیدی شي.
2. کړنلاره/پروسیجر
   1. دا کړنلاره/پروسیجر باید ټولو زده کوونکو او/یا د هغوی استازو لپاره د لاسرسی وړ وي کله چی د زده کوونکو د مدیریت او بدیلو پروګرامونو څانګی (SMAPD) لخوا د اخراج سپارښتنې پر ضد د استیناف لپاره په لیکلی بڼه وړاندیز سپاری او د SBDC په وړاندې د اوریدنی غوښتنه کوي. په لیکلي بڼه اپیل باید د SMAPD سره ثبت شي لکه څرنګ چې په 6-745 مقرره، “د ښوونځي بورډ ته د اوږدې مودې ځنډونی او اخراج اپیلونه”; او 1-731 مقرره “د زده کوونکو د ستونزو/چارو اپیل/استیناف.” کی ورکړل شوي دي.
   2. مخکې له دې چې اوریدنه ترسره شي، لږ تر لږه پنځه کاري ورځې وړاندی باید د SMAPD لخوا د تصدیق شوي یا عادي پوست/میل له لارې زده کوونکی او مور/پلار (سرپرست) د لاندینیو څخه خبر کړل شي، که چیرته د زده کوونکي په ریکارډ کی د والدینو/سرپرست سم بریښنالیک پته شتون ولري):
      1. د اوریدنی د نیټی، وخت او ځای څخه؛
      2. د هغه طرزالعملونو یا کړنلارو څخه چې د اوریدنی بهیر اداره کوي؛ او
      3. دا چې زده کوونکی او مور یا پلار/سرپرست ممکن د اوریدنې لپاره قانوني وکیل وساتی.
   3. د ټالونی یا اقدام ځنډونی لپاره وړاندیزونه. والدین/سرپرست یا بالغ زده کوونکی کولی شي چی د مهالویش شوي SBDC اوریدنې د ټالولو لپاره یو ځل وړاندیز وکړي. په هرصورت، دا ډول ټالونه یا د اقدام ځنډونه باید د ښوونځي بورډ ریٔیس یا د SBDC ریٔیس په تصویب سره، او د لاندې لارښوونو سره سم یوازې د ښه دلیل لپاره ومنل شي:
      1. په لیکلی ډول د ټالولو یا ځندولو وړاندیز باید د وړاندیز د دلیلونه سره په ګډه په خپل وخت سره SMAPD ته وسپارل شي. د زده کوونکو د مدیریت او بدیلو پروګرامونو څانګی ریٔیس به وړاندیز وګوري او د ښوونځي بورډ ریٔیس یا د SBDC ریٔیس ته به د ټالولو په اړه سپارښتنه وکړي.
      2. معمولا، د ټالولو یا ځنډولو لپاره د زده کوونکي، د زده کوونکي د مور یا پلار/سرپرست، یا د زده کوونکي د مدافع وکیل یا وکیل جنجالی مهال ویش ښه دلیل نه ګڼړل کیږي. SBDC، SMAPD، د ښوونځي چارواکی او سټاف، او د ډیویژن شورا غړی باید ټول په ټاکلی شوې یا مهالویش شوي نیټې د حاضریدو لپاره اسانتیاوی برابری کړي او له همدې له امله د زده کوونکي او د زده کوونکي له استازو څخه هم د ورته اقدام پورته کولو تمه کیږي.
      3. زده کوونکی او مور او پلار/سرپرست، څارنوال یا نور استازی باید د هر ډول مهالویش څخه په شا کیدو سره هوکړه وکړي چی د قانون یا د ښوونځي د بورډ د پالیسیو او مقرراتو له خوا نافذ شوي وي کوم چی د اوریدنې وخت اداره کوي.
   4. د مور او پلار/سرپرست/استازو لپاره د اخراج پاکټ په کوم کی چې د اوریدنی مواد شتون لري باید د زده کونکي والدینو/سرپرست/استازو ته په SMAPD کی د SBDC په وړاندی د مهالویش شوي اوریدنی څخه لږ تر لږه درې کاري ورځې مخکې په لاس ورکړل شي. د اخراج پاکټ یا کڅوړه کی ممکن لاندې ذکر شوي مواد شامل وي، مګر دغو پوری محدود نه دي:
      1. د ډسپلین کولو لپاره د پرنسپل یا مدیر سپارښتنه، په شمول د ځانګړی سرغړونی یا سرغړونو، د سرغړونې ماهیت، او د حقایقو لنډیز چې د سپارښتنې ملاتړ کوي؛
      2. د هر ډول ګواښ ارزونی په شمول پیښې یا نور راپورونه چې د ښوونځي د کارکوونکو، د ښوونځي امنیت، پولیسو، یا نورو دولتي چارواکو لخوا د زده کوونکي د چلند په اړه هر ډول تحقیقات منعکس کوي؛
      3. د زده کوونکي د چلند په اړه د کارکوونکو، زده کوونکو، پولیسو، یا نورو شاهدانو څخه اخیستل شوي بیانونه. د زده کوونکي د غچ اخیستنې څخه خوندي کولو او د هغه ناوړه چلند په اړه راپور ورکولو ته د هڅونی په موخه چې د پرنس ویلیم کاونټي عامه ښوونځیو "د چلند قانون" سرغړونه په ډاګه کوي، د زده کوونکو شاهدانو څخه ترلاسه شوي بیانونه باید هغه زده کوونکي په ډآګه نه کړی چی دغه راپور ورکوي.
      4. د SMAPD د اوریدنې افسر په وړاندې د اجرااتو یا بهیر لنډیز یا اطلانامه او د اوریدونکي افسر د سپارښتنې یوه کاپي؛
      5. هر ډول نور اسناد یا نور معلوماتونه چې د SMAPD په اوریدنه کې وړاندی شوي دي؛
      6. د زده کوونکي اکاډمیکی، حاضري، او انضباطي ریکارډونه، په شمول د ورته سرغړونو یا چلندونو او مخکینیو مداخلو ریکارډونه؛ او
      7. هر ډول نور اړونده سندونه یا معلوماتونه، پشمول د هغو چی د زده کوونکي قانوني فکتورونو یا "ځانګړي حالاتو" سره تړاو لري، لکه څرنګ چی د  ویرجینیا کوډ ، (سی) 277.06-22.1 § کی ذکر شوي دی.
   5. د ایالت او فډرال قانون تر لاندې د زده کوونکو انضباطي چاری محرم دي. له همدې امله، اوریدنه باید د دروازی تر شا ترسره شي او باید عامه یا خلکو ته ښکاره نه وي.
   6. په بورډ باندې د وضع شوي پام وړ وخت محدودیتونو په رڼا کې او دا چی د کمیټې غړو به د اوریدنې دمخی د اخراج پاکټ د بیاځلی کتلو فرصت درلودلی وي، SBDC سره اوریدنه به تر 45 دقیقو پورې محدود وي. زده کوونکی، مور او پلار/سرپرست او مدافع وکیل نشي کولی تکراری ثبتونه وړاندې کړي او ورڅخه غوښتل کیږي چې د ډیری شاهدانو شاهدي په لیکلي ډول وسپاري، په ځانګړې توګه د عمل د کتلو شاهدي.
   7. د زده کوونکی استازیتوب کیدی شي چی د قانونی سلاکار په شمول د مور او پلار/سرپرست یا بل مسؤل بالغ کس لخوا تر سره شي. مور او پلار/سرپرست کیدای شي د اوریدنې د مودې لپاره حاضر وي. په هرصورت، زده کوونکي ته به د زده کونکي د قضیې د وړاندې کولو په موخه یوازې د یو مدافع وکیل خدماتو ته اجازه ورکول کیږي. د وکیلانو په ګډون ټول اړخونه باید بی طرفه پاتې شي او د شخصي بریدونو یا نورو نامناسبه چلند څخه ډډه وکړي. د SBDC رئیس واک لري چې هر هغه کس یا کسان له اوریدنې څخه لیرې کړي چې په نامناسبه چلند کې ښکیل کیږي یا د اوریدنی بهیر ګډوډوي. پرته له محدودو شرایطو څخه، قانون SBDC نه مجبوروي چې وکیلانو یا مدافع وکیلانو ته اجازه ورکړي چې په اوریدنه کې ګډون وکړي.
   8. د SBDC ریٔیس کولی شي داسې قاعده وضع کړي چې شاهدان د اوریدنې له خونې څخه تر هغه وخته پورې لرې کړي چې د هغهوي څخه د معلوماتو وړاندی کولو غوښتنه وشي، او د ډیویژن د وکیل په مرسته ټول طرزالعملونه یا نور اعتراضونه حل کړي.
   9. اوریدنه به په لاندې ترتیب سره پرمخ لاړه شي:
      1. د SBDC رئیس باید اړخونه او شاهدان معرفي کړي.
      2. د ښوونځي مدیر او/یا د زده کوونکو د مدیریت او بدیلو پروګرامونو څانګی ریٔیس (یا استازی) به د ادارې قضیه وړاندې کوي چې د زده کوونکي ناوړه چلند، د لا زیات انضباطي اقدام لپاره د مدیر د سپارښتنې لاملونه، ځانګړي او/یا ناوړه شرایط چې د SMAPD اوریدنی افسر لخوا په ګوته شوي دي (چیرې چې د تطبیق وړ وي)، او د SMAPD د سپارښتنې دلیلونه پکی لنډیز شوي دي.
      3. زده کوونکی یا د زده کوونکي مدافع وکیل باید د پرانیستې بیان ورکولو فرصت ولري.
      4. SMAPD، د ښوونځي مدیر او کارکوونکی به فرصت ولري چې د اخراج په پاکټ یا کڅوړه کې له مخکی څخه کمیټې ته د وړاندې شوي ثبتونو سربیره تازه شواهد وړاندې کړي، په دې کې ممکن هر ډول ستونزو یا حقایقو ته ځواب ورکول شامل وي چې د استیناف لپاره د زده کوونکي په عریضه کې راپورته شوي وي کوم چې له دی وړاندی د SMAPD اوریدنې کې راپورته شوي نه دي. د هر ډول تازه یا اضافي موادو کاپي باید زده کوونکي یا د زده کوونکي والدینو/سرپرست/استازو ته د اوریدنی بهیر وړاندی ورکړل شي، پرته له دې که د عملي کیدو وړ نه وي.
      5. زده کوونکی یا د زده کوونکي مدافع وکیل به د ښوونځي مدیر او کارکوونکو، یا د ښوونځي لخوا د وړاندې شوي نورو شاهدانو څخه پوښتنې وکولی شي. دا د زده کوونکي لپاره یو فرصت دی چې SBDC ته وړاندې شوي معلوماتو باندی اعتراض وکړي.
      6. د ډیویژن وکیل او د SBDC غړي باید فرصت ولري چې د ښوونځي مدیر، کراکوونکو او نورو شاهدانو څخه پوښتنې وکړي.
      7. زده کوونکی او د زده کوونکي مدافع وکیل بیا باید د شاهدانو یا معلوماتو په شمول خپله قضیه SBDC ته وړاندې کړي، چې د کمیټې په وړاندې ستونزو سره تړاو لري. دا هغه وخت دی چې زده کوونکی/ مور او پلار/ سرپرست/ مدافع وکیل SBDC ته دا خبر ورکوي چې هغوي د اوریدنې پایله څرنګ غواړي (د بیلګې په توګه، مختلفې پایلې، مختلف شرایط، مختلف ځای کی ځای پرځای کول).
      8. بیا باید اداری ته وخت ورکړل شي چې د هر هغه شاهد څخه پوښتنې وکړي چې د زده کوونکي په استازیتوب وړاندې کیږي او د پریزنټشن د ردولو لپاره شواهد وړاندې کړي.
      9. د ډیویژن وکیل او د SBDC غړي باید د زده کونکي، والدینو/سرپرستانو او نورو شاهدانو څخه د پوښتنې کولو فرصت ولري.
      10. اداره یا چارواکو ته باید د پائ بیان ورکولو فرصت ورکړل شي او د SMAPD استازی ممکن د خپلې پریکړې دلیل تشریح کړي.
      11. زده کوونکی یا د زده کوونکي مدافع وکیل ته باید د پای بیان ورکولو فرصت ورکړل شي.
   10. د اوریدنې وروسته، SBDC به په تړلې ناسته کې پری بحث وکړي او د SBDC په اجنډا کې د وروستي اوریدنې وروسته به په آزاده غونډه کې رایه ورکړي. د زده کونکي د محرمیت ساتلو لپاره، د اخراج ټولو اوریدنو ته یو نمبر ورکول کیږي. د SBDC لخوا رایه باید د زده کوونکي نمبر له مخی اعلان شي نه د زده کوونکي د نوم له مخی.
   11. SBDC کیدای شي د SMAPD د اوریدنې افسر سپارښتنه ومنی، رد کړي، یا تعدیل کړي، او کیدای شي دا مشخص کړي چې بل ډول انضباطي اقدام یا د اخراج مختلف بڼه مناسب ده. د اخراج په بهیر کی یا ښوونځی ته د ستنیدو په وخت کی SBDC ممکن له زده کوونکي وغواړي چی د زده کړې په بدیل پروګرام کې ګډون وکړي، په بل صورت کی ممکن د بیرته راستنیدو په وخت کی د زده کوونکي ځای پر ځای کولو کې تعدیل یا بدلون رامنځ ته کړي، یا ممکن دا پریکړه وکړي چې د بیاځلی شاملیدو لپاره مختلف شرایط مناسب دي.
   12. که د SBDC رایه متفقه وي، دا پریکړه وروستۍ ده او اپیل/استیناف شتون نه لري. که چیرته د SBDC رایه متفقه نه وي، زده کوونکی حق لري چې د ښوونځي بشپړ بورډ ته په لیکلي ډول اپیل وسپاري، لکه څرنګ چې په 6-745 مقرره, “د اوږدی مودی ځنډونو یا اخراج پر ضد د ښوونځی بورډ ته اپیل” کی په ډاګه شوي دي.
   13. SMAPD به د SBDC د پریکړې په اړه د والدینو/سرپرستانو یا بالغ زده کوونکو د خبرولو مسؤلیت په غاړه لري.

د زده کوونکو د خدماتو او د ثانوي زده کړو وروسته بریالیتوب لپاره ایسوسی ایټ سپرانټنډنټ (یا استازی) د دې مقرری پلي کولو او ورڅخه د نظارت کولو مسؤلیت په غاړه لري.

دا مقرره او اړونده پالیسي باید لږ تر لږه په هرو پنځو کلونو کې بیاځلی وکتل شي او د اړتیا په صورت کې پکی بدلون رامنځ ته شي.