Regulation 662-4B - Pashto

لارښوونه

مقرره

662-4B

د فراغت شرایٔط

1. هغه زده کوونکي چې د نهم ټولګي څخه دمخه کریډیټ ترلاسه کوي
   
   کله چې د نهم څخه تر دولسم پوری په ټولګيو کې د نهم ټولګي څخه ټیټ زده کوونکي د کریډیټ لپاره وړاندیز شوي کورسونه په بریالیتوب سره بشپړ کړي، دغه کریډیټ به د معیاری او تصدیق شوي کریډټ کچو پوره کولو په موخه شمیرل کیږي کوم چی د فراغت لپاره اړين دې، په دی شرط چې کورسونه د محتوا او د اکاډمیکی سختوالی له پلوه د هغو کورسونو سره یو برابر وي چې د عالي ښوونځی په کچه وړاندې کیږي.
    
2. ایډوانسډ پلیسمنټ (په عالي ښوونځی کی د کالج یا پوهنتون په کچه کورسونه)، کیمبرج، نړیوال لیسانس، یا د کالج په کچه کورسونه
   
   هغه زده کوونکي چې دا کورسونه بشپړوي، هغوي به د دې معیارونو تر لاندی د فراغت لپاره شرایٔط پوره کوونکی ګڼل کیږي، په دې شرط چې هغوي معیاري او تصدیق شوي کریډیټ ترلاسه کړي وي لکه څرنګ چې د هغو زده کوونکو لپاره دا شرط دی چی معیاري یا د پرمختللو مطالعاتو ډیپلوم تر لاسه کوي.
    
3. تبادله کوونکی زده کوونکي
    
   1. هغه زده کوونکي چې د ویرجینیا دننه د عامه ښوونځي سیسټم څخه PWCS ته تبادله کوي، باید د فراغت لپاره ټول شرایٔط پوره کړي چې د ویرجینیا د پوهنې ریاست (VDOE) لخوا ټاکل شوي دي. د PWCS ثانوي ښوونځي به د نورو معتبر ثانوي ښوونځیو څخه ترلاسه شوي کریډیټ مني. هغه زده کوونکي چې د یو اعتماد وړ خصوصی یا د ایالت څخه بهر ښوونځي څخه PWCS ته تبادله کوي، هغوي به د خپل ښوونځي سلاکار سره په ګډه کار کوي ترڅو د فراغت لپاره یو داسی انفرادي پلان رامینځته کړي چې د فراغت شرایٔط پوره کولو په موخه یو څه اندازه انعطاف وړاندی کوي لکه څرنګ چی د VDOE لخوا په ډاګه شوي دي.
       
   2. د خوښی ډیپلوم او د هغه کال پوری اړه لرلو سره په کوم کال کی چی زده کوونکي په لومړي ځل د ویرجینیا عالي ښوونځی ته داخل شوي وو، تبادله کوونکی زده کوونکي باید د تصدیق شوي کریډیټونو سم شمیر پوره کړي. د تبادله کوونکو زده کوونکو په تړاو مشخصی لارښوونی د PWCS د عالي ښوونځي کورس کټلاګ د عمومي معلوماتو په برخه کې شتون لري.
       
   3. هغه تبادله کوونکی زده کوونکي چې د غیر معتبر ښوونځیو یا په کور دننه د لارښوونی پروګرام څخه داخلیږي، د کریډیټ تر لاسه کولو په اړه د معلوماتو لپاره 3-715 مقرری "د خصوصي ښوونځیو/ د والدینو لخوا په کور دننه د لارښوونې پروګرام څخه د زده کوونکو داخلی" ته راجع کیږي.
       
   4. هغه مشخص شوي کورسونه به د تبادله کوونکو زده کوونکو څخه نه غوښتل کیږي چی معمولا په ټیټ ټولګي کی اخیستل کیږي، د هغه کورسونو په ​​پرتله چې زده کوونکي ته ګمارل شوي وي، په دې شرط چې زده کوونکي د آیالت لخوا اړین کورسونه بشپړ کړي اوسی، د کوم څخه چې زده کوونکي د دغو ټولګیو په کچه تبادله کړي وي.
       
   5. د لسم ټولګی څخه پورته زده کوونکي چې د داسی ښوونځيو یا نورو تعلیمي پروګرامونو څخه تبادله کوي چې د روغتیا او فزیکي زده کړې لپاره کریډیټ ته اړتیا نلري یا نه ورکوي، هغوي به اړ نه وي چی د فراغت شرایط پوره کولو لپاره دا کورسونه بیاځلی واخلی یا تکرار کړي.
       
   6. یو داسی زده کوونکی چې د ویرجینیا په عامه عالي ښوونځی کی نهم ټولګي ته داخل شوی وی، بل ایالت ته یی تبادله کړي وي او بیرته د ویرجینیا عامه ښوونځي ته راستون شوی وي، هغه به د غیر ویرجینیا عامه ښوونځیو څخه د تبادلی زده کوونکی لپاره د تایید شوي کریډټ په شرط باندی برابر وي.
       
4. په سیمه ییزه توګه ورکړل شوي د اعتبار وړ تصدیق شوي کریډټ
    
   1. په سیمه ییزه توګه ورکړل شوي د اعتبار وړ تصدیق شوي کریډټ ممکن زده کونکو ته ورکړل شي، مګر د هغه کال پورې اړه لري چې زده کوونکي پکی نهم ټولګي ته داخل شوی وو او د هغه ډیپلوم ډول پوری اړه لري چې زده کوونکی یی تر لاسه کوي.
       
   2. د دې پروسې په اړه د مشخص تفصیلاتو لپاره 662 -4C مقرری، "په سیمه ییزه توګه ورکړل شوي د اعتبار وړ تصدیق شوي کریډټ" ته مراجعه وکړئ.
       
5. د ډیپلوم مهرونه یا تصدیق نامی
   
   یو زده کوونکی کولی شی چی د VDOE لخوا د مهر یا تصدیقی نامی لاسته کولو په موخه د رامنځته شوي لارښوونو سره په مطابقت د ډیپلوم مهر یا تصدیق نامی په شکل کی د ډیپلوم تصدیقی نامی تر لاسه کوونکی په توګه وپیژندل شي.