Regulation 724-1 - Urdu

طلباء

ضابطہ 1-724

نظر ثانی شدہ: 17 جون، 2025

حاضری، غیر حاضریاں، عذر اور تاخیر سے حاضریاں

پرنس ولیم کاؤنٹی کے تمام پبلک سکولوں میں یکساں اطلاق کے لئے مندرجہ ذیل طریقہ کار اور ضوابط کو پالیسی 724 ، "سٹوڈنٹ کی حاضری، غیر حاضری ، عذر ، اور تاخیر سے حاضری" ، ورجینیا ڈپارٹمنٹ آف ایجوکیشن ضابطہ VAC 20-730 8، اور ورجینیا قانون کی ان دفعات کے مطابق اپنایا گیا ہے جو طلباء کی لازمی تعلیم کو کنٹرول کرتی ہیں۔

1. سٹوڈنٹ کی حاضری کی قانونی شرائط
   1. ورجینیا قانون کے تحت لازمی حاضری کی عمر والے تمام طلباء سے سکول کھلے ہونے کی صورت میں ہر تعلیمی دن حاضر ہونے کی توقع کی جاتی ہے، تاوقیکہ، بصورت دیگر سکول بورڈ کی پالیسی اور/یا ورجینیا کے قانون کے تحت منظور شدہ غیر حاضری ہو۔ لازمی حاضری سے استثنیٰ کی کوئی بھی درخواست ضابطہ 1-728 ، "سکول کی لازمی حاضری سے طلباء کو چھوٹ” میں بیان کردہ طریقہ کار کی پیروی کرے گی۔ پرنس ولیم کاؤنٹی پبلک سکولز کامن ویلتھ آف ورجینیا کے حاضری کے لازمی قانون (ورجینیا کوڈ § 258-1-22) اور ورجینیا ایڈمنسٹریٹو کوڈ (8 VAC 20-730) پر سختی سے عمل کرتے ہیں۔
   2. ہر پیرنٹ/سرپرست یا فرد جس کے پاس لازمی حاضری کی عمر والے کسی بچے کا کنٹرول یا چارج ہے وہ قانون کی دفعات کے تحت اپنے بچے کی سکول میں باقاعدگی سے اور وقت پر حاضری کے لئے ذمہ دار ہے۔ طلباء کی حاضری ایک مشترکہ ذمہ داری ہے اور PWCS مضبوط حاضری کی عادات کو فروغ دینے میں والدین، سرپرستوں اور طلباء کی فعال شرکت کی حوصلہ افزائی کرتا ہے۔ 18 سال یا اس سے زیادہ عمر کے طلباء اپنی سکول حاضری کے خود ذمہ دار ہیں۔
   3. حاضری کو یقینی بنانے کے لئے سکول کی طرف سے اٹھائے گئے اقدامات کے باوجود جو طلباء سکول حاضر ہونے میں ناکام رہتے ہیں، اور والدین/سرپرست جو ایسی حاضری کو یقینی بنانے کے لئے اپنی ذمہ داری پر عمل نہیں کرتے، جووینائل اینڈ ڈومیسٹک ریلیشن کورٹ میں ان کے خلاف قانونی کاروائی ہو سکتی ہے۔
2. طریقہ کار
   1. سکول سے غیر حاضری سے متعلق نوٹیفکیشن: غیر حاضر طلباء کے والدین/سرپرستوں کو غیر حاضری کی صبح غیر حاضری کی وجہ سے سکول کو مطلع کرنا چاہیے۔
      1. پیرنٹ/سرپرست کو سٹوڈنٹ انفارمیشن سسٹم کا استعمال کرتے ہوئے اپنے پیرنٹ ویو اکاؤنٹ کے ذریعہ غیر حاضری کی اطلاع دینی چاہیے، اگر ایسا کرنے سے قاصر ہیں تو پیرنٹ/سرپرست دیگر تحریری مواصلات جمع کرا سکتے ہیں۔ اس غیر حاضری کو منظور شدہ غیر حاضری سمجھا جائے گا۔
      2. اگر پیرنٹ/سرپرست نے غیر حاضری کے بارے میں سکول سے پہلے رابطہ نہیں کیا ہے تو پیرنٹ/سرپرست کو غیر حاضری کی وجہ کے بارے میں سکول کو جس تاریخ کو سٹودنٹ سکول واپس آتا ہے، مطلع کرنا ہو گا اور غیر حاضری کے بعد پانچ دن کے اندر اندر۔ ورجینیا کے محکمہ تعلیم (VDOE) کی رپورٹنگ کے مقاصد کے لئے غیر حاضری کا ریکارڈ برقرار رکھا جاتا ہے۔
      3. پانچویں دن تک غیر منظور شدہ غیر حاضری کی مناسب وضاحت پیش کرنے میں ناکامی کے نتیجے میں ایک غیر مصدقہ درجہ بندی (UAB) ہو سکتی ہے۔
   2. مذہبی تعطیل کا اہتمام: ان تقریبات میں حصہ لینے کے مقصد کے لئے سکول سے غیر حاضری کو عذر تصور کیا جائے گا۔ پیرنٹ/ سرپرست کو پیرنٹ ویو کا استعمال کرنا چاہیے یا پرنسپل یا نامزد کردہ کو تحریری تصدیق فراہم کرنا چاہیے۔ 2-261، "مذہبی تعطیلات – ٹیسٹ شیڈول کرنا، سکول کی اہم سرگرمیاں۔ ملاحظہ کریں۔
   3. داخلے سے خود کار طریقے سے دستبرداری: اگر کوئی سٹوڈنٹ مسلسل 15 دن یا اس سے زیادہ عرصے تک غیر حاضر رہتا ہے تو 8 VAC 20-110-130 کے مطابق، انہیں PWCS سے خود بخود نکال دیا جائے گا اور انہیں PWCS سٹوڈنٹ کے طور پر دوبارہ داخلہ کرنے کی ضرورت ہو گی۔
   4. والدین کی جوابدہی ہر پیرنٹ/سرپرست یا فرد جس کے پاس لازمی حاضری کی عمر والے کسی بچے کا کنٹرول یا چارج ہے وہ قانون کی دفعات کے تحت اپنے بچے کی سکول میں باقاعدگی سے اور وقت پر حاضری کے لئے ذمہ دار ہے۔ طلباء کی حاضری ایک مشترکہ ذمہ داری ہے اور PWCS مضبوط حاضری کی عادات کو فروغ دینے میں والدین، سرپرستوں اور طلباء کی فعال شرکت کی حوصلہ افزائی کرتا ہے۔ ورجینیا کوڈ کے مطابق، پبلک سکول میں داخل ہونے والے ہر سٹوڈنٹ کے ہر پیرنٹ کی ذمہ داری ہے کہ وہ سکول کی مدد سے سکول کی لازمی حاضری کو ممکن بنائیں اور اگر ضرورت ہو تو سکول حاضری کی سٹوڈنٹ کی مطابقت کو یقینی بنانے کے لئے پرنسپل یا اس کے نامزد کردہ سے ملاقات کریں اور سٹوڈنٹ کی سکول حاضری کو بہتر بنانے اور سٹوڈنٹ کی غیر حاضری کے مسئلے کو حل کرنے کے لئے منصوبہ بندی کریں۔ ایسا کرنے میں ناکامی کی صورت میں ورجینیا کوڈ § 22.1-258 اور § 262-22.1 کے تحت جووینائل اینڈ ڈومیسٹک ریلیشن کورٹ میں والدین/سرپرست کے خلاف شکایت درج کروائی جا سکتی ہے۔
   5. چھٹا ہوا کام مکمل کرنا: ایک سٹوڈنٹ جس کی غیر حاضری کو منظور کر لیا گیا ہے، اسے تمام چھٹے ہوئے کام اور امتحان مکمل کرنے ہوں گے۔ والدین/سرپرستوں کو کام دیر سے جمع کروانے یا چھوڑنے کے سکول کے رہنما اصولوں سے آگاہ ہونا چاہیئے۔ یہ کام سکول کے قائم کیئے گئے وقت کے اندر مکمل ہونے چاہیئے۔ کوئی بھی سٹوڈنٹ جو ایک مذہبی تعطیل کی وجہ سے سکول سے غیر حاضر ہو گا اسے اس دن کام کی کمی کو مناسب وقت کے اندر پورا کرنے کی اجازت ہو گی۔
3. تعریفیں
   1. غیر حاضری: کسی بھی مدت کے لئے سکول سے غیر حاضری کے نتیجے میں سیکھنے کا نقصان ہو گا۔ سکول کی طرف سے پیش کردہ تعلیمی مواقع سے بھرپور فائدہ اٹھانے کے لئے ہر سٹوڈنٹ کا جب بھی ممکن ہو حاضر ہونا لازمی ہے۔
   2. دائمی غیر حاضری: ایک سال میں تعلیمی دن کے 10 فیصد یا اس سے زیادہ دن ضائع کرنا۔ اس میں منظور شدہ غیر حاضری اور غیر منظور شدہ غیر حاضریاں شامل ہیں، جس کا مطلب یہ ہے کہ جب کوئی سٹوڈنٹ دائمی طور پر غیر حاضر ہے تو غیر حاضری کی وجہ سے کوئی فرق نہیں پڑتا ہے۔ عام طور پر 180 تعلیمی سال میں داخلہ لینے والے سٹوڈنٹ کے لئے، یہ تقریبا 18 ضائع ہونے والے دنوں کے برابر ہے۔ PWCS والدین/سرپرستوں کو جمع شدہ غیر حاضریوں کے بارے میں مطلع کر کے اور اضافی غیر حاضریوں کو جمع ہونے سے روکنے کے لئے اضافی حکمت عملیوں کو نافذ کر کے فعال مداخلت میں مصروف ہوتا ہے۔
   3. تصدیق شدہ غیر حاضری: اکثر حمایتی ثبوت کے ساتھ، تصدیق شدہ غیر حاضری کی تصدیق کی جاتی ہے یا اسے جائز اور منظور شدہ غیر حاضری کے طور پر دستاویزی شکل دی جاتی ہے۔ اس میں عام طور پر غیر حاضری کی وجہ کا جواز پیش کرنے کے لئے دستاویزات (مثال کے طور پر، ڈاکٹر کا نوٹ، عدالت میں پیشی کا نوٹس، یا وضاحت) فراہم کرنا شامل ہے۔
   4. منظور شدہ غیر حاضری : طلباء کو پورے دن کے لئے سکول جانا چاہیے جب تک کہ اس ضابطے کے مطابق عذر پیش نہ کیا جائے۔ ایسے حالات ہو سکتے ہیں جو سکول میں سٹوڈنٹ کی حاضری کو روک سکتے ہیں۔ اس طرح کی غیر حاضری، جب مناسب ہو تو، منظور شدہ غیر حاضری کے طور پر درجہ بندی کی جاتی ہے جس کی کوئی سزا نہیں ہے؛ تاہم، منظور شدہ غیر حاضری پیرنٹ/ سرپرست کے ساتھ تصدیق شدہ رابطے پر مبنی ہے۔ پرنسپل یا نامزد کردہ درخواست کر سکتا ہے کہ مناسب دستاویزات یا مناسب وضاحت پیش کی جائے۔
      1. صرف درج ذیل وجوہات کی بنیاد پر پیرنٹ/سرپرست کے تصدیق شدہ رابطے کی بنیاد پر غیر حاضریاں منظور شدہ غیر حاضریوں کے طور پر ریکارڈ کی جائیں گی:
         1. سٹوڈنٹ کی ذاتی بیماری (ورجینیا محکمہ تعلیم کے ذریعہ فراہم کردہ قائم کردہ سکول کے رہنما خطوط کے مطابق ذہنی صحت اور مادہ کے استعمال کی خرابی سمیت)۔
         2. جب کوئی سٹوڈنٹ بیماری کی وجہ سے مسلسل تین دن سے زیادہ سکول سے غیر حاضر ہو:
            1. غیر حاضریوں کو منظور شدہ غیر حاضری بنانے کے لئے ڈاکٹر کے ایک نوٹ کی ضرورت ہو سکتی ہے۔
            2. اگر کسی ڈاکٹر کا نوٹ فراہم نہیں کیا جاتا ہے تو غیر حاضریوں پر غیر منظور شدہ غیر حاضری کے طور پر نشان لگایا جائے گا۔
            3. پرنسپل یا ان کا نامزد کردہ پیرنٹ/سرپرست سے اس دستاویز کی درخواست کرنے کا ذمہ دار ہے۔
         3. اگر کوئی سٹوڈنٹ بیماری سے متعلق بار بار یا حد سے زیادہ غیر حاضر ہوتا ہے تو سکول سپورٹ ٹیم کے ارکان سٹوڈنٹ کی مدد کرنے کے لئے مناسب مداخلت پر عمل درآمد کر سکتے ہیں۔
      2. جب ایک سٹوڈنٹ ایک تعلیمی سال کے اندر بیماری کی وجہ سے 10 یا اس سے زیادہ غیر حاضریاں کرتا ہے:
         1. بیماری سے متعلق اضافی غیر حاضریوں کو منظور شدہ غیر حاضری بنانے کے لئے ایک ڈاکٹر کے سرکاری نوٹ کی ضرورت ہو سکتی ہے۔
         2. پرنسپل یا ان کا نامزد کردہ پیرنٹ/سرپرست سے اس دستاویز کی درخواست کرنے کا ذمہ دار ہے۔
      3. طالبعلم/طالبہ کا طبی اور دانتوں کا معائنہ اور/یا علاج جب ایسی ملاقاتوں کو سکول اوقات کے علاوہ شیڈول کرنا ممکن نہیں۔
      4. طالبعلم/طالبہ کی قریبی خاندان میں موت (اس میں والد، والدہ، سوتیلا والد، سوتیلی والدہ، بھائی، بہن، سوتیلا بھائی یا سوتیلی بہن، شوہر یا بیوی، بیٹا، بیٹی یا دادا دادی/نانا نانی شامل ہیں)، پانچ مسلسل دنوں سے زیادہ نہیں ہونی چاہیے۔
      5. مذہبی تہوار، اعتقادات یا یادگاری رسومات: ان رسومات میں شرکت کیلیئے سکول سے غیرحاضریوں کو مکمل حاضری کے خلاف شمار نہیں کیا جائے گا اور نہ ہی سٹوڈنٹ کو کسی دیگر ایوارڈ یا کسی ایوررڈ کے مقابلے میں بااہل ہونے سے محروم کیا جائے گا۔ طلباء کو اجازت دی جائے گی کہ وہ کوئی چھٹے ہوئے کام کی کمی کو پورا کریں اور کسی چھٹے ہوئے کام کو مکمل کریں۔ مذہبی، اعتقادات یا یادگاری رسومات کی وجہ سے غیر حاضری کے اگلے دن طلباء کو کسی چھٹے ہوئے کام کو کرنے یا چھٹے ہوئے کام کو جمع کروانے کیلیئے نہیں کہا جائے گا۔ اساتذہ طلباء کے ساتھ ہر ایک انفرادی کیس کی بنیاد پر مل کر کام کریں گے تاکہ اس بات کو یقینی بنایا جا سکے کہ چھٹے ہوئے کاموں کے لئے کافی وقت دیا جا سکے۔
      6. ہنگامی حالات: اگر سٹوڈنٹ کے گھر میں ایسی ہنگامی صورتحال ہے جس کے لئے سٹوڈنٹ کو اپنے کسی قریبی اہل خانہ جو بیمار یا زخمی ہے، کی عارضی مدد کرنی ہے۔ یہ الگ تھلگ اور عارضی حالات تک محدود ہے اور اس قسم کے مقصد کے لئے لگاتار دو دن سے زیادہ نہیں رہنا چاہیے۔
      7. خطرناک حالات: والدین/سرپرستوں کے پاس اختیار ہے کہ وہ اپنے بچوں کو ان حالات میں سکول مت آنے دیں جب، والد والدہ/سرپرست کے خیال میں ان کے علاقے میں سڑکوں یا فٹ پاتھ پر سفر کرنا خطرناک ہے۔ پیرنٹ/سرپرست ایسی غیر حاضری کی صورت میں تصدیق شدہ غیر حاضری کے ذریعے پہلے سے سکول کو مطلع کریں گے۔ ایسے حالات میں، سٹوڈنٹ کو ایک منظور شدہ غیر حاضری دی جائے گی مگر انہیں اپنا چھٹا ہوا کام مکمل کرنا ہو گا۔
      8. کالج کے دورے: جونیئرز اور سینیئرز کو کالج کے داخلوں کے لئے جانا یا گریجویشن کے بعد کی نوکریوں کی درخواست دینے کے لئے جانے کی اجازت ہو گی۔ ہر صورت میں، طالبعلم/طالبہ کو پرنسپل یا اس کے نامزد کردہ سے پیشگی منظوری لینا ہو گی۔
      9. شہری تقریبات: مڈل اور ہائی سکول کے طلباء کو شہری تقریب میں شامل ہونے کے مقصد سے ایک تعلیمی دن کے لئے معاف کیا جائے گا۔ جب ممکن ہو تو طلباء کو مطلوبہ غیر حاضری کا پیشگی نوٹس فراہم کرنا چاہیے۔
      10. عدالتی معاملات: سٹوڈنٹ کی عدالت میں حاضری جسے حکم نامہ ملا ہو، سمن جاری ہوں یا عدالت میں اس کی حاضری ضروری ہے یا گواہ کے طور پر یا سٹوڈنٹ کے خلاف مجرمانہ الزامات جمع ہونے کے جواب دینے کی ضرورت ہے۔ عدالت میں سٹوڈنٹ کی حاضری کے درکار دستاویزات کی نقل، غیر حاضری سے قبل پیشگی پرنسپل یا اس کے نامزد کردہ کو مہیا کی جانی چاہیے۔
      11. فوج سے منسلک غیر حاضری: طلباہ کو کسی ایسے پیرنٹ/سرپرست کے ساتھ ملاقات کے مقصد کے لئے پانچ دن تک کی غیر حاضری دی جا سکتی ہے جسے فعال ڈیوٹی پر بلایا گیا ہے یا اس ڈیوٹی سے چھٹی پر ہے۔
      12. قبائلی اجتماعات: ورجینیا کے محکمہ تعلیم کی جانب سے قائم کردہ ہدایات کے تحت، وہ سٹوڈنٹ جو کسی ریاست یا وفاقی طور پر تسلیم شدہ قبائلی قوم کے رکن ہیں جس کا صدر دفتر ورجینیا میں ہے، اس طرح کے ملک کے پوفو اجتماع میں شرکت کر سکتے ہیں، بشرطیکہ سٹوڈنٹ کے پیرنٹ/سرپرست سٹوڈنٹ کو سکول کی طرف سے مطلوبہ طریقے سے غیر موجودگی کی پیشگی اطلاع فراہم کریں۔ تاہم، اس مقصد کے لئے اس طرح کی عذر غیر حاضری ہر تعلیمی سال میں ایک تعلیمی دن تک محدود ہے۔
      13. بے گھری: ضابطہ 1-718، "بے گھر طلبا" میں بیان کی گئی تعریف کے مطابق، بے گھر طلباء، جو ٹرانسپورٹیشن کی درخواست کے عمل کے لئے انتظار کر رہے ہیں، منظور شدہ غیر حاضری تصور کی جائے گی۔ پیرنٹ/سرپرست کو تحریری درخواست کے ذریعے اطلاع اور میک کینی-وینٹو رابطہ کار سے اس درخواست کی تصدیق۔
   5. غیر منظور شدہ غیر حاضریاں: غیر حاضری ایک ایسی غیر حاضری ہے جہاں ایک سٹوڈنٹ اپنے طے شدہ تعلیمی دن سے مکمل طور پر غیر حاضر ہوتا ہے اور اس طرح کی غیر حاضری کے پانچ دن کے اندر سکول کے عملے کو کوئی پیغام/ اطلاع موصول نہیں ہوتی ہے کہ طسٹوڈنٹ کے پیرنٹ/ سرپرست غیر حاضری سے آگاہ ہیں اور/ یا اس کی حمایت کرتے ہیں، یا پیرنٹ/ سرپرست غیر حاضری کی وجہ فراہم کرتے ہیں جو عذر کی غیر حاضری کے دائرہ کار میں نہیں آتی ہے، یا بصورت دیگر سکول انتظامیہ کے لئے ناقابل قبول ہے۔
      1. مندرجہ ذیل غیر حاضریوں کی مثالیں ہیں جن کی غیر منظور شدہ غیر حاضریوں کے طور پر درجہ بندی کی گئی ہے۔
         1. کلاس یا پورے دن کا بھگوڑے پن۔
         2. سواری یا بس چھوٹ جانا، یا گاڑی کی خرابی۔
         3. ایک ورچوئل سٹوڈنٹ جو کورس کے لئے حاضری کی شرائط کو پورا نہیں کرتا ہے۔
         4. بہن بھائیوں کی دیکھ بھال یا بچے کی دیکھ بھال۔
         5. غیر حاضری یا درخواست کیے گئے دستاویزات کی مناسب وقت کے اندر مناسب وضاحت دینے میں ناکامی۔
         6. اہل خانہ کے ساتھ سیر و تفریح
   6. معطلی کی وجہ سے غیر حاضری: کسی سٹوڈنٹ کی سکول سے معطلی کی وجہ سے پیدا ہونے والی غیر حاضری کو معطلی کی غیر موجودگی کے طور پر درج کیا جاتا ہے اور اسے منظور شدہ غیر حاضری کے طور پر رپورٹ کیا جاتا ہے لہذا، سکول سے غیر حاضری کو بھگوڑے پن کی مداخلت کے طور پر شمار نہیں کیا جائے گا۔ پرنسپلز معطلی کی غیر حاضری کے حوالے سے اپنے سکولوں میں عمل کرنے کے طریقہ کار کا تعین کریں گے۔ سکول منتظمین اس بات کو یقینی بنائیں گے کہ معطل طلباء معطلی کے دوران اور بعد میں اسائنمنٹس (گریڈنگ یا کسی اور طرح سے) تک رسائی حاصل کر سکیں اور مکمل کر سکیں ۔
   7. تاخیر سے حاضری: ایک سٹوڈنٹ اس وقت تاخیر سے حاضری کا شکار ہوتا ہے جب وہ اپنے سکول کے شیڈول کے بعد کسی مقررہ جگہ پر پہنچتا ہے جب اسے پہنچنے کو کہا گیا۔ تاخیر سے حاضری بہت سے عوامل کی وجہ سے ہو سکتی ہے اور اساتذہ اور منتظمین کو ہمیشہ تاخیر سے حاضری کی وجہ کا تعین کرنا چاہیے۔ منظور شدہ غیر حاضری سے متعلق وجوہات کے نتیجے میں پیدا ہونے والی تاخیر سے حاضری کو منظور شدہ غیر حاضری سمجھا جانا چاہیے۔ PWCS بسوں میں تاخیر کی وجہ سے تمام تاخیر سے حاضری کو منظور شدہ غیر حاضری تصور کیا جائے گا اور انہیں تاخیر سے حاضری سے الگ کسی دوسری وجوہات کے تحت ریکارڈ کیا جائے گا۔ بار بار یا عادی تاخیر سے غیر حاضریاں، تاہم، ناپسندیدہ ذاتی عادات کی تشکیل کرتی ہیں اور سکول کے منظم تدریسی عمل میں مداخلت کا سبب بنتی ہیں۔ لہذا، اصلاحی کاروائی کی ضرورت ہے، اور پرنسپل اور/ یا استاد کو مناسب مداخلت کا استعمال کرنا چاہیے۔
   8. بھگوڑا پن: بھگوڑے پن سے مراد ہے ایک یا زائد غیر منظور شدہ غیر حاضریوں کا ہونا بھگوڑا پن ایک سنگین جرم ہے جو سکول اور والدین/ سرپرستوں یا سٹوڈنٹ پر کنٹرول رکھنے والے دیگر بالغوں کی طرف سے بروقت اصلاحی کاروائی کا تقاضا کرتا ہے۔ بھگوڑا پن کے تمام معاملات والدین/ سرپرستوں کو رپورٹ کیے جائیں گے۔ حاضری کو یقینی بنانے کے لئے سکول کی طرف سے اٹھائے گئے اقدامات کے باوجود جو طلباء سکول حاضر ہونے میں ناکام رہتے ہیں، اور والدین/سرپرست جو ایسی حاضری کو یقینی بنانے کے لئے اپنی ذمہ داری پر عمل نہیں کرتے، جووینائل اینڈ ڈومیسٹک ریلیشن کورٹ میں ان کے خلاف قانونی کاروائی ہو سکتی ہے۔ سکول میں کسی کافی وجہ کی بنیاد پر طلباء کو حاضری سے معطل یا خارج کیا جا سکتا ہے۔ تاہم، ورجینیا کا قانون صرف بھگوڑے پن کے واقعات کی بنیاد پر معطلی سے منع کرتا ہے۔
4. سکول کی مداخلت اور ذمہ داریاں - غیر حاضریوں، کانفرسوں اور متعلقہ دستاویزات کی نوٹیفیکیشن۔
   1. اساتذہ کا حاضری کا ریکارڈ رکھنا: ورجینیا کوڈ § 259-22.1 کے تحت اساتذہ کیلیئے ضروری ہے کہ وہ اپنے کمرۂ جماعتوں میں ہر طالبعلم/طالبہ کا روزانہ کی درست حاضری کا ریکارڈ رکھیں۔ ہر سکول پرنسپل تعلیمی دن کے دوران طلباء کی حاضری کو یقینی بنانے کے لئے طریقہ کار قائم کریں گے۔ یہ استاد/استانی کی ذمہ داری ہے کہ وہ ان طریقہ کار پر عمل کریں۔
   2. پیرنٹ/سرپرست کو غیر حاضری کا سکول نوٹیفکیشن: جب کوئی سٹوڈنٹ باقاعدگی سے طے شدہ تعلیمی دن سکول میں رپورٹ کرنے میں ناکام رہتا ہے اور سکول عملے کو ایسا کوئی پیغام موصول نہیں ہوتا ہے کہ سٹوڈنٹ کے پیرنٹ/ سرپرست غیر حاضری سے آگاہ ہیں اور اس کی حمایت کرتے ہیں تو سکول پیرنٹ/سرپرست کو الیکٹرانک ذرائع کے ذریعے، یا بعض صورتوں میں سکول کے عملے یا رضاکاروں سے رابطہ کر کے اس مقصد کے لیے سکول انتظامیہ کے زیر اہتمام مطلع کرے گا۔ سکول اس نوٹیفیکیشن کیلیئے تدریسی افراد کے علاوہ کسی اور کو استعمال کر سکتے ہیں۔
   3. مداخلتیں: 8 VAC 20-730-20 کے مطابق، اگر کوئی سٹوڈنٹ پانچ یا اس سے زیادہ غیرمعافی شدہ غیر حاضری جمع کرتا ہے یا تعلیمی سال کے دوران غیر حاضری کا نمونہ ظاہر کرتا ہے، تو والدین/سرپرستوں سے رابطہ کیا جائے گا اور رکاوٹوں کی نشاندہی کرنے اور طلباء کو باقاعدگی سے سکول میں حاضری میں شامل کرنے کے لیے سکول میں مقیم ٹیم کے ذریعے مداخلتی اقدامات نافذ کیے جائیں گے۔ PWCS والدین/سرپرستوں کو الیکٹرانک ذرائع یا خط کے ذریعہ بھی مطلع کر سکتا ہے جب طلباء معاون اقدام کے طور پر پانچ غیر حاضریوں کے حصول کے قریب پہنچ رہے ہیں۔
   4. ابتدائی مداخلتی کانفرس اور ضروری دستاویزات
      1. جب بھی سٹوڈنٹ معمول کے 5 تعلیمی دنوں پر سکول کو رپورٹ کرنے میں ناکام رہتا ہے اور سکول حکام کو ایسا کوئی اشارہ نہیں ملتا کہ سٹوڈنٹ کے پیرنٹ/سرپرست اس قسم کی غیر حاضری سے آگاہ ہیں، پیرنٹ/سرپرست کو مطلع کرنے کی ہر مناسب کوشش ناکام ہو گئی ہے، سکول پرنسپل اور/یا اس کے نامزد براہ راست، ٹیلی فون کے ذریعے یا دیگر الیکٹرانک ذرائع سے پیرنٹ/سرپرست سے براہ راست رابطہ کرنے کی کوشش کریں گے تاکہ سٹوڈنٹ کی غیر حاضری کی وجہ وصول کی جا سکے اور وپیرنٹ/سرپرست اور سٹوڈنٹ کو مسلسل غیر حاضری کے نتائج سے آگاہ کریں۔ اس معلومات کو طالبعلم/طالبہ کے انفارمیشن سسٹم میں شامل کرنا چاہیئے۔
      2. ابتدائی مداخلتی کانفرنس کے حصے کے طور پر، سکول سٹاف سٹوڈنٹ اور پیرنٹ/سرپرست کے ساتھ مل کر حاضری کا منصوبہ بنائیں گے تاکہ غیر حاضری کے مسئلے کو حل کر سکیں اور حاضری کے منصوبے کو سٹوڈنٹ انفارمیشن سسٹم میں “حاضری کی ابتدائی کانفرنس” کے طور پر دستاویز کریں گے۔ حاضری کے منصوبے اور کیس مینجمنٹ کو نافذ کرنے میں مدد کے لئے سٹوڈنٹ اور پیرنٹ/سرپرست کو سکول پر مبنی ملٹی ڈسپلنری ٹیم کے پاس بھیجا جا سکتا ہے۔
         1. 777حاضری کے منصوبے میں سٹوڈنٹ کی غیر حاضری کی وجہ (وجوہات) کا تحریری ثبوت ہو گا اور پیرنٹ/سرپرست اور سٹوڈنٹ کو مسلسل غیر حاضری کے نتائج کے بارے میں بتایا جائے گا۔
         2. حاضری کے منصوبے میں ہر کانفرنس کی ملاقات میں حاضری کے ہر فرد کا نام (بشمول بذریعہ ٹیلی فون یا الیکٹرانک ڈیوائسز)، کانفرنس کا مقام اور وقت، مختصر طور پر کیا ہوا اور بعد کے اقدامات درج کیئے جانے چاہیئے۔
         3. اس دستاویز کی ایک کاپی سٹوڈنٹ کی مجموعی فائل میں رکھی جانی چاہیے اور پانچ سال کی مدت کے لئے برقرار رکھی جانی چاہیے۔
         4. اگر پیرنٹ/سرپرست ابتدائی مداخلتی کانفرنس کے لئے دستیاب نہیں ہیں تو ان تک پہنچنے کی تمام کوششوں کو دستاویزی شکل دی جانی چاہیے، بشمول تاریخیں، رابطے کے ذرائع، اور نتائج۔ حاضری کے منصوبے کی ایک کاپی پیرنٹ/سرپرست کو بھیجی جانی چاہئے اور حاضری - ابتدائی کانفرنس ریکارڈ کے "پیرنٹ کو اطلاع کرنے کی تاریخ” کی فیلڈ میں نوٹ کی جانی چاہیے۔
   5. انٹرایجنسی ٹیم میٹنگ اور مطلوبہ دستاویزات
      1. ابتدائی مداخلتی کانفرنس کے بعد اگر سٹوڈنٹ ایک اور دن غیر حاضر رہتا ہے اور سکول کو پیرنٹ/سرپرست کی طرف سے اطلاع نہیں ملتی کہ وہ غیر حاضری سے باخبر ہیں اور اس کی تائید کرتے ہیں تو پرنسپل یا اس کا نامزد کردہ سٹوڈنٹ، پیرنٹ/سرپرست اور سکول سٹاف کے ساتھ ایک کانفرنس شیڈول کرے گا۔
      2. انٹرایجنسی ٹیم میٹنگ 10ویں غیر منظور شدہ غیر حاضری کے بعد 10 تعلیمی دنوں تک ہو جانی چاہیے قطع نظر اس کے کہ پیرنٹ/سرپرست نے کانفرنس کی منظوری دے دی ہے۔ ملاقات میں پیرنٹ/سرپرست، سٹوڈنٹ اور سکول کے افراد (جو کثیر-نظم و ضبط کی ٹیم کے نمائندہ یا نمائندے ہو سکتے ہیں) اور کمیونٹی خدمات فراہم کرنے والے اور دیگر سکول کے افراد ہو سکتے ہیں جو سٹوڈنٹ سے واقف ہیں اور سکول حاضری کو بہتر بنانے کیلیئے کسی تعلیمی، سماجی، جذباتی یا خاندانی مسائل پر بات کر سکتے ہیں۔ اگر ممکن ہے تو حاضری کے افسر ملاقات میں شرکت کرنی چاہیے۔
         1. سٹاف اس کانفرنس کو سٹوڈنٹ انفامیشن سسٹم میں “حاضری-انٹر ایجنسی ٹیم میٹنگ” کے طور پر درج کریں گے۔
         2. موجود سٹاف ابتدائی مداخلتی کانفرنس کے دوران، سٹوڈنٹ کی غیر حاضری سے متعلقہ مسائل کو حل کرنے کے لئےسٹوڈنٹ اور پیرنٹ/سرپرست کے ساتھ حاضری کے مداخلتی منصوبے کا جائزہ لیں گے اور اس کوشش کو سٹوڈنٹ انفارمیشن سسٹم میں بطور "حاضری- انٹر ایجنسی ٹیم میٹنگ" درج کریں گے۔
         3. انٹر ایجنسی ٹیم میٹنگ کے خلاصے کے تحت سٹوڈنٹ انفارمیشن سسٹم میں کانفرنس میں شرکت کرنے والے افراد کے نام (بشمول بذریعہ ٹیلی فون یا رابطے کے دیگر ذرائع)، کانفرنس کی تاریخ، جو ہوا اس کا خلاصہ اور مستقبل میں اٹھائے جانے والے اقدامات درج کیے جائیں گے۔
         4. حاضری کے منصوبے کو سٹوڈنٹ کی مجموعی فائل میں شامل کیا جانا چاہیے اور پانچ سال کی مدت کے لئے برقرار رکھا جانا چاہیے۔
         5. اگر سٹوڈنٹ/پیرنٹ/سرپرست انٹرایجنسی ٹیم میٹنگ میں حاضر ہونے میں ناکام رہیں یا انکار کریں تو اسے بھی منصوبے اور سٹوڈنٹ انفارمیشن سسٹم میں نوٹ کیا جائے گا۔
         6. انٹر ایجنسی ٹیم میٹنگ کے خلاصے کے تحت سٹوڈنٹ انفارمیشن سسٹم میں کانفرنس میں شرکت کرنے والے افراد کے نام (بشمول بذریعہ ٹیلی فون یا رابطے کے دیگر ذرائع)، کانفرنس کی تاریخ، جو ہوا اس کا خلاصہ اور مستقبل میں اٹھائے جانے والے اقدامات درج کیے جائیں گے۔
         7. حاضری کے منصوبے کی ایک کاپی پیرنٹ/ سرپرست کو بھیجی جانی چاہیے، اور ملاقات کو "والدین کے بغیر حاضری - انٹرایجنسی ٹیم میٹنگ" کے طور پر دستاویزی شکل دی جانی چاہیے اور پیرنٹ/ سرپرست کی اطلاع کی تاریخ درج کی جانی چاہیے۔
5. حاضری کے منصوبے کی نگرانی
   1. سکول کی حاضری کی ٹیم سٹوڈنٹ کی حاضری پر نظر رکھے گی اور اگر حاضری بہتر نہ ہوئی تو خدشات پر بات کرنے اور اضافی مداخلتی منصوبے کے لئے دوبارہ ضروری ملاقات کا بندوبست کرے گی۔ ایسے حالات میں جہاں پیرنٹ/سرپرست جان بوجھ کر لازمی حاضری کے تقاضوں کی تعمیل نہیں کرتے ہیں، پرنسپل یا اس کے نامزد کردہ حاضری افسر کو حوالہ دے گا۔
   2. اس پالیسی میں کسی بھی چیز کو کسی بھی حاضری افسر یا سپرنٹنڈنٹ یا نامزد کردہ کے لازمی سکول حاضری قانون کی فوری تعمیل حاصل کرنے کے اختیار کو محدود کرنے کے لئے نہیں سمجھا جائے گا۔ ورجینیا کوڈ § 22.1-258 کے مطابق، حاضری افسر اور دیگر سکول حکام یا سکول انتظامیہ کی طرفسے رضا کار جو لازمی حاضری کے قوانین پر عمل درآمد کروانے کے ذمہ دار ہیں، وہ کسی بھی شہری یا قانونی ذمہ داری سے مبرا ہیں جس کا تعلق والدین/سرپرست کو طالبعلم/طالبہ کی غیر حاضری یا اس سے متعلق نوٹس بھجوانے میں ناکامی سے ہے جیسا کہ قانون اور اس ضابطے میں بیان کیا گیا ہے۔
   3. پیرنٹ/سرپرست کی مشاورت سے سکول اور مرکزی دفتر کی سطح پر مداخلت کرنے اور غیر حاضری برقرار رہنے کے بعد، ڈائریکٹر آف اسٹوڈنٹ ہیلتھ اینڈ ویلنیس یا نامزد کردہ مندرجہ ذیل میں سے کسی ایک یا دونوں کے ذریعہ لازمی حاضری قوانین کی دفعات کو نافذ کرنے کی کوشش کریں گے:
      1. جووینائل اینڈ ڈومیسٹک ریلیشن کورٹ میں بچہ/بچی کو نگرانی یا خدمات (CHINS) کی ضرورت ہے کیلیئے درخواست دائر کرنا، یہ الزام لگاتے ہوئے کہ بچہ/بچی کو نگرانی/خدمات کی ضرورت ہے جیسا کہ ورجینیا کوڈ 4-278-16.1 یا § 5-278-16.1 جیسا کہ ورجینیا کوڈ § 258-22.1  نے اختیار دیا ہے؛ اور/یا
      2. ورجینیا کوڈ §2-241-16.1 اور § 258-22.1، جیسا کہ ورجینیا کوڈ § 258-22.1 اختیار دیتا ہے، کے مطابق جووینائل اینڈ ڈومیسٹک ریلیشن کورٹ میں والد والدہ/سرپرست کے خلاف کاروائی کی جائے گی۔

ایسوسی ایٹ سپرنٹنڈنٹ برائے سٹوڈنٹ سروسز اور پوسٹ سیکنڈری سکسیس (یا نامزد شخص) اس ضابطے کے نفاذ اور نگرانی کے لیے ذمہ دار ہے۔

اس ضابطے اور متعلقہ پالیسیوں کا کم از کم پانچ سالوں میں جائزہ لیا جائے گا اور ضرورت کے مطابق دہرایا جائے گا۔