Regulation 728-1 - Urdu

طلباء

ضابطہ 1-728

طلباء کی سکول کی لازمی حاضری سے چھوٹ 

1. چھوٹ کی بنیاد
   1. پرنسپل اور سپرنٹنڈنٹ کی سفارش، اور والد یا والدہ یا سرپرست کی تحریری ضامندی کے بعد کوئی بھی طالبعلم/طالبہ جس کے بارے میں سکول بورڈ تعین کرے کہ اسے مزید تعلیم سے فائدہ نہیں پہنچ سکتا، اسے سکول کی لازمی حاضری سے چھوٹ دی جا سکتی ہے۔  
   2. چھوٹ کم حاضری، سکول میں ناکامی یا صرف کرداری مشکلات کی بنیاد پر جائز قرار نہیں دی جا سکتی۔ سکول سے فائدہ اٹھانے کے لئے سٹوڈنٹ کی صلاحیت کے تعین میں بہت سے عوامل پر غور کیا جائے گا۔
      1. پروگرام - کس طرح سکول سٹوڈنٹ کی تعلیمی ضروریات پوری کرنے سے قاصر ہے؟ سٹوڈنٹ کی تشخیص میں، معمول کی تعلیم، خصوصی تعلیم اور متبادل پروگرام کے تعلق میں ان ضروریات کو تشخیص کے لئے کون سے اقدامات اختیار کیے گئے ہیں؟ سٹوڈنٹ کی تعلیمی ضروریات کو پورا کرنے کی کوشش میں کون سی مطابقت اختیار کی گئی ہے؟  
      2. صلاحیت اور کارکردگی - کس حد تک سٹوڈنٹ کی صلاحیت اسے سکول سے فائدہ اٹھانے سے روکتی ہے؟ کیا کارکردگی صلاحیت کے ساتھ مطابقت کی بجائے ترقی ظاہر کرتی ہے؟  
      3. ترغیب - ترغیب کی کمی کی وجہ سے کس حد تک سٹوڈنٹ سکول کے پروگراموں سے فائدہ اٹھانے سے قاصر ہے؟ اس کی وجہ کون سے عوامل ہو سکتے ہیں؟ 
   3. جووینائل اور ڈومیسٹک ریلیشن کورٹ کی سفارش پر، کوئی بھی سٹوڈنٹ جو کورٹ کے فیصلے پر سکول میں تعلیم سے فائدہ نہیں اٹھا سکتا۔  
   4. مذہبی استثنا - کوئی بھی سٹوڈنٹ، اپنے والدین کی رضامندی سے، اپنی حقیقی مذہبی تعلیم یا اعتقاد کی وجہ پر، سکول حاضری کی دیانتداری سے مخالفت کریں۔ اس میں ضروری سیاسی، سماجی یا فلسفیانہ خیالات یا ذاتی اخلاقی کوڈ شامل نہیں ہے۔  
   5. صحت یا تحفظ کے خدشات - جووینائل اور ڈومیسٹک ریلیشن کورٹ کی سفارش پر اور کچھ اتنے عرصے کے لئے جو کورٹ کے خیال میں مناسب ہے، ایک سٹوڈنٹ اپنے والدین کی رضامندی کے ساتھ، طلباء کی صحت کے خدشات کی وجہ سے سکول حاضری کی مخالفت کر سکتا ہے جس کی قابل ڈاکٹر ثبوت کے ساتھ تصدیق کرے گا، یا ذاتی تحفظ کیلیئے سٹوڈنٹ کی مناسب تشویش کی وجہ سے جب ایسے خدشات کا تعین کورٹ کی طرف سے کیا جائے، پرنسپل اور سپرنٹنڈنٹ کی سفارش پر غور کرنے کے بعد۔
2. سٹوڈنٹ کی چھٹی کی درخواست کا طریقۂ کار
   1. سٹوڈنٹ کے والد یا والدہ (والدین) یا قانونی سرپرست (سرپرستان)، یا ایک سٹوڈنٹ اگر وہ خودمختار نابالغ ہے، قانونی چھوٹ کی درخواست دیں گے۔ قانونی چھوٹ سے مراد سکول کی لازمی حاضری کا خاتمہ ہے۔ اس طریقۂ کار کا علم کسی بھی ایسے سٹوڈنٹ کے پیرنٹ کو دﺳﺗﻳﺎﺏ ہو گا جس کے بارے میں ظاہر ہو کہ وہ سکول سے فائدہ نہیں اٹھا سکتا۔ سکول سٹاف سٹوڈنٹ اور سٹوڈنٹ کے والدین کو ایسے اقدامات سے متعلق رہنمائی فراہم کرنے کے لئے ذمہ دار ہے۔ ایسا سٹوڈنٹ جس کی پرائمری سکول میں مسئلہ بھگوڑے پن ہے اور اسے حل کرنے کے لئے دوسرے متبادلات کی کوشش کی گئی مگر وہ پراثر نہ تھے تب ہی قانونی چھٹی دی جائے گی۔ غور کیے جانے والے متبادلات میں درج ذیل شامل ہیں:
      1. کونسلر، ماہر نفسیات، سکول سوشل ورکر، خصوصی تعلیم کے سٹاف اور حاضری کے افسر کے ساتھ کام کرنا۔  
      2. ایک تحریری معاہدہ جس میں سٹوڈنٹ اور سٹوڈنٹ کے پیرنٹ/سرپرست ان مخصوص شرائط پر اتفاق کرتے ہیں جو سٹوڈنٹ کو سکول میں رکھنے میں مدد دینے کے لئے ڈیزائن کیا گیا ہے۔  
      3. روایتی سکول کے شیڈول میں کچھ تبدیلیاں لانے کی اجازت کے مقصد کے ساتھ طے شدہ ترامیم تلاش کی گئی کرنا۔  
      4. ممکنہ انتخابات کے لئے غیر روایتی تعلیمی پروگرام کے ساتھ مشاورت کرنا۔  
      5. سکول حاضری کو نافذ کرنے یا حاضری کے راستے میں موجودہ دیواریں ہٹانے کے لئے عدالتی کاروائی اور/یا کمیونٹی ایجنسی کی شمولیت۔  
      6. اگر مناسب ہو تو، جووینائل انٹیک آفس میں بھگوڑے پن کی درخواست جمع کرانی چاہیئے جس میں عدالت سے کہا جاتا ہے کہ وہ سٹوڈنٹ کو سکول کی لازمی حاضری سے چھوٹ دے۔ 
   2. چھٹی کی درخواست کے آغاز سے پہلے، سکول پرنسپل لیول ایسوسی ایٹ سپرنٹنڈنٹ کو منسلکہ "سکول سٹاف کی طرف سے کم عمر سٹوڈنٹ کی چھٹی کی درخواست" جمع کراتا ہے (منسلکہ I)۔ اگر اس بات کا تعین ہو جائے کہ سکول بورڈ کی طرف سے چھوٹ کا فیصلہ سب سے زیادہ کارآمد کاروائی ہے*، تو درج ذیل طریقہ کار عمل میں لایا جائے گا:
      1. پیرنٹ، قانونی سرپرست یا خود مختار سٹوڈنٹ فارم کے مناسب حصّوں کو مکمل کرتے اور دستخط کرتے ہیں۔ سٹوڈنٹ پرنس ولیئم کاونٹی پبلک سکولز کی درخواست برائے سٹوڈنٹ کا سکول سے چھٹی کے فارم پر بھی دستخط کرے گا۔   
      2. پرنسپل درج ذیل کرے گا:
         1. درخواست پر سفارش کا اظہار کرے۔  
         2. سکول بورڈ کے جائزے کے لئے جامع خلاصہ منسلک کرے۔ درخواست کے ساتھ "کم عمر سٹوڈنٹ کی چھوٹ کی درخواست" (منسلکہ I) جمع کرایا جائے اور سکول بورڈ کے ممبران کی طرف سے اٹھنے والے سوالات کے لئے پس منظر کا مواد فراہم کرنے کے لئے خلاصے کا بیان جمع کرایا جائے۔ یہ دستاویزات پھر مناسب لیول ایسوسی ایٹ سپرنٹنڈنٹ کو بھیجے جائیں گے (سٹوڈنٹ کی چھٹی کی درخواست، منسلکہ III)۔ 
      3. متعلقہ لیول ایسوسی ایٹ سپرنٹنڈنٹ سکول بورڈ کو جمع کرانے سے پہلے ان دستاویزات کو سپرنٹنڈنٹ کو جائزے کے لئے بھیجے گا۔
         

         *والدین کو حق ہے کہ وہ درخواست جمع کرائیں چاہے سکول سٹاف اس سے اتفاق نہ کرے۔

      4. سکول بورڈ کی کاروائی کے بعد، مناسب لیول ایسوسی ایٹ سپرنٹنڈنٹ تمام فریقین، سکول اور اہل خانہ کو مطلع کریں گے۔ سٹوڈنٹ سے توقع کی جاتی ہے کہ جب تک سکول بورڈ درخواست پر کوئی کاروائی نہ کر لے، وہ سکول میں رہیں۔ سکول حکام کو اس بات کا اختیار نہیں ہے کہ وہ سکول بورڈ کی کاروائی سے قبل سٹوڈنٹ کو سکول سے جانے کی چھٹی دیں۔
3. خصوصی تعلیم والے طلباء کے لئے ہدایات
   1. اگر سٹوڈنٹ اس وقت خصوصی تعلیمی خدمات کا اہل ہے، تو پیرنٹ اور سٹوڈنٹ کی طرف سے سکول سے چھٹی کی درخواست پر دستخط کرنے کے بعد انفرادی تعلیمی پروگرام (IEP) کی کمیٹی کو آگاہ کیا جائے گا۔ IEP کمیٹی ایک ضمیمہ تیار کرے گی جو درج ذیل بیان کرتا ہے: "(سٹوڈنٹ کا نام) کی درخواست، والدین/سرپرست (نام لکھیں)، اور ____________________ سکول (سکول کا نام) کی IEP کمیٹی کے اتفاق رائے سے، یہ سفارش کی جاتی ہے کہ سٹوڈنٹ کو موجودہ خصوصی تعلیمی پروگرام سے چھوٹ دینے کی اجازت (دی) (نہیں دی) جاتی ہے۔ اگر وہ اگلے تعلیمی سال کے فال میں سکول واپس آتا ہے تو اس بات کا تعین کرنے کے لئے ریکارڈ کا دوبارہ جائزہ لیا جائے گا کہ آیا دوبارہ تشخیص کی ضرورت ہے یا وہ مزید تشخیص کے بغیر پروگرام میں دوبارہ آ سکتا ہے۔  
   2. والدین یا خود مختار سٹوڈنٹ درخواست پر دستخط کرتے وقت اس ترمیم پر دستخط کر سکتے ہیں۔ ترمیم، درخواست اور دیگر دستاویزات متعلقہ لیول کے ایسوسی ایٹ سپرنٹنڈنٹ کو جمع کرائے جائیں گے۔ 
   3. اگر سکول بورڈ سکول چھوڑنے کی درخواست منظور کرتا ہے تو سٹوڈنٹ سرکاری طور پر سکول اور کسی بھی داخل خصوصی تعلیمی پروگرام سے خارج سمجھا جائے گا۔   
   4. متعلقہ لیول ایسوسی ایٹ سپرنٹنڈنٹ ان طلباء کے سکول چھوڑنے کی درخواستوں کو وصول کرنے اور ان پر کام کرنے کا ذمہ دار ہے جو ابھی اپنی 18ویں سالگرہ تک نہیں پہنچے۔

 ایسوسی ایٹ سپرنٹنڈنٹ برائے سٹوڈنٹ لرننگ اینڈ اکاؤنٹبلٹی (یا نامزد شخص) اس ضابطے کے نفاذ اور نگرانی کے لئے ذمہ دار ہے۔

 اس ضابطے اور متعلقہ پالیسیوں کا کم از کم پانچ سالوں میں جائزہ لیا جائے گا اور ضرورت کے مطابق دہرایا جائے گا۔

منسلکہ I کے PDF ورژن کے لئے یہاں کلک کریں

منسلکہ II کے PDF ورژن کے لئے یہاں کلک کریں

منسلکہ III کے PDF ورژن کے لئے یہاں کلک کریں