Regulation 507-1 - Urdu

آخری ترمیم شدہ: 26 نومبر، 2024

ہیومن ریسورسز

ضابطہ 507-1

ملازمین کے خلاف امتیازی سلوک اور ہراسانی کے دعوؤں کے لیے شکایت کا طریقۂ کار

پرنس ولیم کاؤنٹی پبلک سکولز (PWCS) اپنے ملازمین یا ملازمت کے لیے درخواست دینے والے افراد کے خلاف نسل، رنگ، مذہب، قومی اصل (بشمول مشترکہ نسب یا نسلی خصوصیات)، جنس، حمل، بچے کی پیدائش یا اس سے متعلق طبی حالات بشمول دودھ پلانے، عمر، ازدواجی حیثیت، سابق فوجی حیثیت، معذوری، جینیاتی معلومات، جنسی رجحان، صنفی شناخت، یا قانون کے تحت ممنوع کسی بھی دوسری بنیاد پر امتیازی سلوک، امتیازی نوعیت کی غنڈہ گردی یا ہراسانی کو برداشت نہیں کرتا۔ سکول ڈویژن امتیازی سلوک سے متعلق تمام شکایات کو جلد، منصفانہ طریقے سے، اور ممکنہ حد تک نچلی انتظامی سطح پر حل کرنے کی کوشش کرتا ہے، تاکہ تنازع اور سکولوں کے معمول کے کام میں خلل کو کم سے کم رکھا جا سکے۔

پرنس ولیم کاؤنٹی سکول بورڈ نے شکایات کے لیے ایک داخلی طریقۂ کار اختیار کیا ہے، جس کا مقصد ان شکایات کا فوری اور منصفانہ حل فراہم کرنا ہے جن میں یہ الزام ہو کہ کسی ملازم یا ملازمت کے درخواست دہندہ کے ساتھ ایسا کوئی عمل کیا گیا جو وفاقی یا ریاستی امتیازی سلوک کے خلاف قوانین اور ان کے نفاذ سے متعلق ضوابط کے تحت ممنوع ہے۔

1. امتیازی سلوک اور ہراسانی کی تعریف درج ذیل ہے
   1. امتیازی سلوک اس وقت ہوتا ہے جب کسی شخص کے ساتھ منصفانہ طور پر غور نہ کیا جائے، اسے اسی طرح کے حالات میں موجود دوسرے افراد کے برابر مواقع نہ دیے جائیں، یا اسے نسل، رنگ، مذہب، قومی اصل (بشمول مشترکہ نسب یا نسلی خصوصیات)، جنس، حمل، بچے کی پیدائش یا اس سے متعلق طبی حالات بشمول دودھ پلانے، عمر، ازدواجی حیثیت، سابق فوجی حیثیت، معذوری، جینیاتی معلومات، جنسی رجحان، صنفی شناخت، یا قانون کے تحت ممنوع کسی بھی دوسری بنیاد پر ہراسانی کا سامنا کرنا پڑے۔
   2. ہراسانی سے مراد ایسا ناپسندیدہ، توہین آمیز، اور عموماً بار بار کیا جانے والا رویہ ہے جو کسی فرد کی نسل، رنگ، مذہب، قومی اصل (بشمول مشترکہ نسب یا نسلی خصوصیات)، جنس، حمل، بچے کی پیدائش یا اس سے متعلق طبی حالت بشمول دودھ پلانے، عمر، ازدواجی حیثیت، سابق فوجی حیثیت، معذوری، جینیاتی معلومات، جنسی رجحان، صنفی شناخت، یا قانون کے تحت ممنوع کسی بھی دوسری بنیاد پر مبنی ہو۔ مخالفانہ کام کا ماحول وہ ہوتا ہے جہاں امتیازی سلوک پر مبنی رویّوں یا اقدامات کا ایک سلسلہ موجود ہو، اور یہ رویّہ اتنا سنگین یا بار بار ہو کہ کام کا ماحول متاثر ہو۔
      
      یہ شکایتی طریقۂ کار اُن معاملات پر لاگو ہوتا ہے جن میں ملازمت کے درخواست دہندگان یا ملازمین کے ساتھ امتیازی سلوک، امتیازی بنیاد پر دھونس یا غنڈہ گردی، یا ہراسانی کی گئی ہو، چاہے یہ رویّہ دوسرے ملازمین یا کسی تیسرے فریق کی جانب سے کیا گیا ہو۔ بدسلوکی پر مبنی کام کے ماحول سے متعلق ایسی شکایات جو کسی قانونی طور پر محفوظ طبقے سے تعلق کی بنیاد پر نہ ہوں، ان کی اطلاع دی جائے گی اور ان کی تحقیقات PWCS ضابطہ 5-561، “سکول کے عہدیداروں اور ملازمین کے خلاف نامناسب رویے اور/یا بدسلوکی پر مبنی کام کے ماحول سے متعلق شکایات” میں بیان کردہ طریقۂ کار کے مطابق کی جائیں گی۔
2. جنس کی بنیاد پر امتیازی سلوک اور جنسی بنیاد پر ہراسانی
   1. جنس کی بنیاد پر امتیازی سلوک سے متعلق شکایات، جن میں ملازمت، بھرتی، ملازمت کے لیے غور یا انتخاب کے سلسلے میں شرکت سے محروم کرنا، فوائد سے محروم کرنا، یا امتیازی سلوک کا نشانہ بنانا، بشمول جنسی بنیاد پر ہراسانی شامل ہے، جائزے کے لیے PWCS ٹائٹل IX کوآرڈینیٹر کو [email protected] پر بھیجی جائیں: ٹائٹل IX کوآرڈینیٹر اس بات کا تعین کرے گا کہ الزام میں بیان کردہ رویہ 1972 کی تعلیمی ترامیم کے ٹائٹل 20 U.S.C. § 1681(e) کے تحت جنسی امتیاز کے زمرے میں آتا ہے یا نہیں۔
   2. ٹائٹل IX کوآرڈینیٹر کی جانب سے قبول کی گئی ایسی شکایات، جن میں یہ الزام ہو کہ کسی ملازم نے دوسرے ملازم کے خلاف جنس کی بنیاد پر امتیازی سلوک کیا ہے، ان کی تحقیقات ضابطہ 507-3، “ٹائٹل IX کے تحت ملازمین کے خلاف بدسلوکی کے الزامات کا حل” کے مطابق کی جائیں گی۔ ٹائٹل IX کوآرڈینیٹر کی جانب سے قبول کی گئی ایسی شکایات، جن میں یہ الزام ہو کہ ایک سٹوڈنٹ نے ایک ملازم کے خلاف جنس کی بنیاد پر امتیازی سلوک کیا ہے، ان کی تحقیقات ضابطہ 738-1، “ٹائٹل IX کے تحت ملازمین کے سٹوڈنٹ کی بدسلوکی کے الزامات کا حل” کے مطابق کی جائیں گی۔
   3. ٹائٹل IX کوآرڈینیٹر کی جانب سے قبول کی گئی ایسی شکایات، جن میں یہ الزام ہو کہ کسی سٹوڈنٹ نے کسی ملازم کے خلاف جنس کی بنیاد پر امتیازی سلوک کیا ہے، ان کی تحقیقات ضابطہ 738-1، “ٹائٹل IX کے تحت طلباء کے خلاف بدسلوکی کے الزامات کا حل” کے مطابق کی جائیں گی۔
   4. جنس کی بنیاد پر امتیازی سلوک اور ہراسانی سے متعلق ذمہ داریاں اور پابندیاں
      1. مفادات کے ٹکراؤ اور جانبداری یا طرف داری کے الزامات سے بچنے کے لیے، سپروائزر اور اس کی نگرانی میں کام کرنے والے ماتحت ملازم کے درمیان قریبی یا رومانوی تعلقات ممنوع ہیں۔ اس قسم کے تعلقات سکول ڈویژن کے امور کو مناسب پیشہ ورانہ طریقے سے انجام دینے میں رکاوٹ بن سکتے ہیں۔ ایسا کوئی قریبی تعلق یا نگرانی کا تعلق شروع ہوتے ہی، متعلقہ سپروائزر کے لیے ضروری ہے کہ وہ ہیومن ریسورسز ڈیپارٹمنٹ سے رابطہ کرے اور تبادلے کی درخواست کرے۔
      2. تمام ملازمین جنہیں جنس کی بنیاد پر امتیاز، بشمول جنسی ہراسانی کا علم ہو، انہیں یہ معلومات ٹائٹل IX کوآرڈینیٹر کو رپورٹ کرنی ہوں گی۔ ایسے منتظمین اور سپروائزرز جو خود جنسی ہراسانی میں ملوث ہوں، دوسرے ملازمین کے ایسے رویے کو برداشت کریں، یا دشمنانہ کام کے ماحول کو درست کرنے کے لیے مناسب اور مؤثر اقدامات کرنے میں ناکام رہیں، ان کے خلاف تادیبی کاروائی کی جائے گی۔
3. شکایت کا طریقہ کار
   تمام ملازمین اور ملازمت کے لیے درخواست دینے والے افراد کی ذمہ داری ہے کہ وہ کسی بھی قسم کے امتیازی سلوک، امتیازی غنڈہ گردی یا ہراسانی کی فوری طور پر اطلاع دیں، تاکہ شکایت کی بروقت تحقیقات کی جا سکے اور اسے حل کیا جا سکے۔
   
   اس ضابطے کے تحت شکایت درج کرنے والے شخص یا تحقیقات میں حصہ لینے والے کسی بھی فرد کے خلاف انتقامی کاروائی سختی سے ممنوع ہے۔
   
   اس ضابطے کے تحت درج کی جانے والی امتیازی سلوک یا ہراسانی کی کسی بھی شکایت کی تحقیقات کے لیے درج ذیل طریقۂ کار اختیار کیا جائے گا:
   1. ملازمین، طلباء اور تیسرے فریق کے خلاف شکایات
      1. شکایت کنندہ کی جانب سے رپورٹ
         1. ایسا فرد جو امتیازی سلوک، امتیازی غنڈہ گردی یا ہراسانی کا شکار ہوا ہو، جسے “شکایت کنندہ” کہا جاتا ہے، اپنی شکایت PWCS کے ڈائیورسٹی، ایکیوٹی، انکلویژن، اور کمپلائنس ڈیپارٹمنٹ(DEIC) کے کمپلائنس سپیشلسٹ کے پاس ذاتی طور پر پہنچا کر، امریکی ڈاک کے ذریعے، یا بذریعہ ای میل [email protected] پر جمع کرا سکتا ہے: شکایت کنندہ شکایت کی زبانی اطلاع دینے کے لیے کمپلائنس سپیشلسٹ کو فون بھی کر سکتا ہے، تاہم اس سے شکایت کی تحریری طور پر تصدیق کرنے کے لیے کہا جا سکتا ہے۔ اس ضابطے کے ضمیمہ I، یعنی “پرنس ولیم کاؤنٹی پبلک سکولز میں امتیازی سلوک یا ہراسانی کی شکایت درج کرنے کے لیے ملازمین یا ملازمت کے درخواست دہندگان کے لیے ہدایات” کے استعمال کی بھرپور حوصلہ افزائی کی جاتی ہے، اگرچہ اس کا استعمال لازمی نہیں ہے۔ یہ ضمیمہ کمپلائنس سپیشلسٹ سے حاصل کیا جا سکتا ہے۔ تمام مکمل شدہ فارم ڈائیورسٹی، ایکویٹی، انکلوژن اور کمپلائنس ڈیپارٹمنٹ کو بھیجے جائیں گے۔
      2. سپروائزر یا دوسرے ملازم کی جانب سے رپورٹ
         1. PWCS کے تمام ملازمین پر یہ ذمہ داری عائد ہوتی ہے کہ وہ کسی معلوم یا مشتبہ امتیازی سلوک، امتیازی غنڈہ گردی یا ہراسانی کی اطلاع دیں۔ جو ملازمین ایسے امتیازی سلوک، غنڈہ گردی یا ہراسانی سے آگاہ ہوں، انہیں اس نامناسب رویے کی اطلاع کمپلائنس سپیشلسٹ کو فون، ذاتی طور پر، امریکی ڈاک، یا ای میل کے ذریعے دینی چاہیے۔ جن ملازمین کے بارے میں یہ ثابت ہو جائے کہ انہوں نے ایسے نامناسب رویے کی اطلاع نہیں دی، ان کے خلاف تادیبی کاروائی کی جا سکتی ہے۔ وہ ملازمین جو امتیاز یا ہراسانی سے واقف ہوں لیکن اس کا شکار نہ ہوں، انہیں تحقیقات کے مقاصد کے لیے شکایت کنندہ نہیں سمجھا جائے گا۔
      3. جس شخص کے خلاف شکایت درج کی گئی ہو، اسے “جواب دہندہ”کہا جائے گا۔ تحقیقات کے دوران مناسب سمجھے جانے والے وقت پر اسے اپنے خلاف درج شکایت کے بارے میں مطلع کیا جائے گا اور الزامات کا جواب دینے کا مناسب موقع فراہم کیا جائے گا۔ جواب دہندگان کو ضابطہ 506-3 “ملازمین کے حقوق” کے تحت دیے گئے تمام حقوق حاصل ہوں گے۔ ایسی میٹنگز میں وکلاء کو صرف چیف ایکویٹی آفیسر کی منظوری سے شرکت کی اجازت ہو گی۔
      4. چیف ایکویٹی آفیسر، یا ان کا نامزد کردہ نمائندہ، شکایت کی تحقیقات کے لیے ایک تفتیش کار مقرر کرے گا۔ تحقیقات سے حاصل ہونے والی معلومات کو خفیہ رکھا جائے گا، سوائے ان حالات کے جہاں معلومات ظاہر کرنا مکمل اور منصفانہ تحقیقات کرنے، جواب دہندہ کو جواب دینے کا موقع فراہم کرنے، اصلاحی کاروائی کرنے، کسی سرکاری یا قانونی استفسار کا جواب دینے، یا قانون کے تحت کسی دیگر ضرورت کو پورا کرنے کے لیے ضروری ہو۔ سکول ڈویژن کسی بھی گواہ یا شکایت کنندہ کو مکمل گمنامی کی ضمانت نہیں دے سکتا۔
      5. کمپلائنس تفتیش کار اپنی تحریری تحقیقات کے نتائج، سفارشات، بیانات یا معلومات کی قابلِ اعتبار ہونے کے بارے میں جائزے، اور دیگر متعلقہ معلومات چیف ایکویٹی افسر کو پیش کرے گا۔ چیف ایکویٹی آفیسر شواہد کی برتری کے معیار کی بنیاد پر یہ فیصلہ کرے گا کہ شکایت بے بنیاد ہے یا ثابت شدہ/درست ہے۔ اگر شکایت درست ہے، تو متعلقہ چیف/ایسوسی ایٹ سپرنٹنڈنٹ یہ طے کرے گا کہ کون سی، اگر کوئی ہو، تادیبی اور/یا اصلاحی کاروائی مناسب ہے۔
      6. ملازمین سے توقع کی جاتی ہے کہ وہ کسی بھی تحقیقات کے دوران تعاون کریں، سچائی سے کام لیں، اور تمام متعلقہ حقائق فراہم کریں۔ غلط یا گمراہ کن معلومات فراہم کرنا، جان بوجھ کر متعلقہ معلومات چھپانا، یا تحقیقات میں تعاون نہ کرنا تادیبی کارروائی کی بنیاد بن سکتا ہے، جس میں ملازمت سے برطرفی بھی شامل ہو سکتی ہے۔
      7. DEIC شکایت کنندہ اور جواب دہندہ کو تحریری فیصلہ فراہم کرے گا۔ DEIC تحقیقاتی ریکارڈز کی ایک کاپی محفوظ رکھے گا۔
   2. شکایات کو خارج کرنا یا دوبارہ تحقیقات کے لیے تفویض کرنا
      1. شکایات کو خارج کیا جا سکتا ہے یا کسی دوسرے ضابطے کے تحت تحقیقات کے لیے دوبارہ تفویض کیا جا سکتا ہے، اگر ان میں اس ضابطے کے تحت ممنوع بدسلوکی کا الزام شامل نہ ہو۔ مثال کے طور پر، اگر شکایت میں کسی قانونی طور پر محفوظ طبقے سے تعلق کی بنیاد پر غیر قانونی امتیازی سلوک، دھونس یا ہراسانی کا الزام نہ ہو، یا شکایت میں PWCS کو تحقیقات آگے بڑھانے کے لیے کافی معلومات فراہم نہ کی گئی ہوں، یا شکایت کو غیر سنجیدہ یا بے بنیاد نوعیت کی قرار دیا جائے۔
      2. انٹرنل آڈیٹر، اومبڈسمین، یا سپرنٹنڈنٹ کے خلاف درج کی گئی شکایات فوری طور پر ڈویژن کاؤنسل کو بھیجی جائیں گی اور مزید کاروائی کے لیے سکول بورڈ کے سامنے پیش کی جائیں گی۔ ڈویژن کاؤنسل کے خلاف درج کی گئی شکایات سپرنٹنڈنٹ کو بھیجی جائیں گی، جو سکول بورڈ کو مطلع کرے گا اور تحقیقات کے لیے معاملہ بیرونی قانونی مشیر کے حوالے کرے گا۔ آفس آف ڈویژن کونسل میں ملازم کسی بھی وکیل کے خلاف درج کی گئی شکایت، سوائے خود ڈویژن کاؤنسل کے، ڈویژن کونسل کو بھیجی جائے گی اور تحقیقات کے لیے بیرونی قانونی مشیر کے حوالے کی جائے گی۔
   شکایات نیچے دی گئی کسی بھی ایجنسی کو بھی بھیجی جا سکتی ہیں:
   
   U.S. Equal Employment Opportunity Commission
   Washington Field Office
   1801 L St. NW, Suite 100
   Washington, DC 20507
   
   Office for Civil Rights
   D.C. Enforcement Office
   U.S. Department of Education
   1100 Pennsylvania Ave. NW
   Room 316
   PO Box 14620
   Washington, DC 20044-4620

چیف ایکیوٹی آفیسر (یا نامزد شخص) اس ضابطے کے نفاذ اور نگرانی کے لئے ذمہ دار ہے۔

اس ضابطے اور کسی متعلقہ پالیسی کا کم از کم پانچ سالوں میں جائزہ لیا جائے گا اور ضرورت کے مطابق دہرایا جائے گا۔

منسلکہ I کے PDF ورژن کے لئے یہاں کلک کریں۔