Regulation 745-1 - Urdu

آخری نظر شدہ تاریخ: 16 جولائی، 2024

طلباء

ضابطہ 1-745

طلباء کی طویل المدت معطلی یا اخراج کی اپیلیں

پرنس ولیئم کاؤنٹی پبلک سکولز (PWCS) سے طلباء کی طویل المدت معطلی یا اخراج کو طے کرنے والے اصول اور طریقہ کار اس ضابطے میں بیان کیے گئے ہیں اور PWCS کے "ضابطہ اخلاق" میں اختصار کے ساتھ بیان کیے گئے ہیں۔

اس ضابطے کے مقصد کے تحت، اصطلاح "تعلیمی دن" سے مراد کوئی ایسا دن ہے جب سکول تدریسی مقاصد کے لئے کھلا ہے اور اصطلاح "کاروباری دن" سے مراد ہے ایسا دن جب PWCS سینٹرل آفس کے سٹوڈنٹ منیجمنٹ اینڈ آلٹرنیٹو پروگرامز ڈیپارٹمنٹ (SMAPD) کھلا ہے۔ اگر یہ ضابطہ تقاضہ کرتا ہے کہ کسی مخصوص دن تک کسی ایجنٹ، ملازم یا سکول ڈویزن کے محکمہ کو تحریری شکل میں کوئی درخواست دی جائے یا کوئی پیپر فائل کیا جائے تو ایسی درخواست یا پیپر کو اس ایجنٹ، ملازم یا محکمہ کے پاس مذکورہ سکول یا کاروباری دن کے 4 بجے سے پہلے ضرور بھیج دیا جائے۔

1. طویل المدت معطلی اور اخراج سے متعلق عمومی شقیں
   1. طویل المدت معطلی یا اخراج K-12 تعلیمی ماحول سے مطابقت نہ رکھنے والے طرز عمل کے لیے، خاص طور پر پرنس ولیم کاؤنٹی سکول بورڈ کی پالیسیوں اور ضوابط، ریاست اور وفاقی قانون کی بعض دفعات، "ضابطہ اخلاق" میں خلاصہ کردہ جرائم کی خلاف ورزی کرنے پر عائد کیا جا سکتا ہے، ان جرائم کا خلاصہ ورجینیا کوڈ، یا دیگر طرز عمل کا سکول کے آپریشن، صحت، حفاظت، طلباء، عملے، یا سکول املاک، یا دوسرے طلباء کے تعلیمی مواقع پر منفی اثر پڑتا ہے۔ ضابطہ 1-681، "غیر روایتی تعلیمی پروگرامز" کے منسلکہ میں درج جرائم کے لیے طویل مدتی معطلی یا اخراج بھی عائد کیا جا سکتا ہے۔
   2. ایسی صورت میں جب پرنسپل مختصر مدت کی معطلی کے علاوہ ممکنہ مزید تادیبی کاروائی کے لیے سٹوڈنٹ کی سفارش کرنے کا فیصلہ کرتا ہے، پرنسپل ضابطہ 1-744، "طلباء کی قلیل مدتی معطلی" میں بیان کردہ طریقہ کار کے بعد کسی سٹوڈنٹ کو 10 تعلیمی دنوں تک معطل کر سکتا ہے۔ سٹوڈنٹ کو مختصر مدت کے لیے معطل کرنے کا پرنسپل کا فیصلہ، جب ممکنہ مزید تادیبی کاروائی کی سفارش کے ساتھ لگایا جاتا ہے، تو اس کی اپیل سٹوڈنٹ منیجمنٹ اینڈ آلٹرنیٹو پروگرامز ڈیپارٹمنٹ (SMAPD) سے کی جا سکتی ہے۔ مختصر مدت کی معطلی کی اپیل پر مزید تادیبی کاروائی کے لیے پرنسپل کی سفارش پر کی جانے والی سماعت کے دوران غور کیا جائے گا۔
   3. جب کسی سٹوڈنٹ کو ممکنہ طور پر مزید تادیبی کاروائی کے لئے SMAPD کے پاس بھیجا جاتا ہے تو ، SMAPD کی سماعت سکول سے باہر کی معطلی کے 10 دنوں کے اندر اندر ہو گی۔
   4. SMAPD کی طرف سے تادیبی کاروائی کے حتمی فیصلے کے التوا اور/یا SMAPD کی طویل المدت معطلی یا اخراج کے فیصلے پر سکول بورڈ کو اپیل، یا جب تک طویل المدت معطلی یا اخراج نافذ ہے، طلباء معطلی کے 10 دن کے بعد تعلیمی خدمات وصول کرنے کے اہل ہوں گے جس کا تعین ریفر کرنے والا سکول اور/یا سٹوڈنٹ IEP کی ٹیم کرے گی۔
   5. وہ طلباء جن کو طویل مدت کے لئے معطل کیا جاتا یا اسکول سے نکال دیا جاتا ہے ان پر طویل مدتی معطلی یا اخراج کی مدت کے لیے سکول املاک اور سکول سے متعلق سرگرمیوں (ٹیمیں، کلب، اور دیگر تمام سکول کی سرپرستی والی سرگرمیاں، بشمول مشقیں اور تقریبات میں حاضری) سے منع کیا جاتا ہے، اور اگر وہ SMAPD کی واضح تحریری اجازت کے بغیر سکول کی جائیداد پر یا سکول سے متعلق سرگرمی میں موجود ہیں تو ان پر خلاف ورزی کا الزام عائد کیا جا سکتا ہے۔
   6. جنسی زیادتی اور/یا جنسی ہراسانی کے معاملات جیسا کہ 1973 کی تعلیمی ترامیم (ٹائٹل IX) کے ٹائٹل IX کے ذریعہ بیان کیا گیا ہے ، ضابطہ 1-738 میں بیان کردہ طریقہ کار کے تحت چلایا جائے گا، جنسی بدسلوکی کے طلباء کے خلاف الزامات کے حل۔
   7. طویل المدت معطلی کے لیے اضافی رہنما اصول اور اخراج کے لیے سفارشات، ضابطہ 6-745 "سکول بورڈ کو طویل المدت معطلی اور اخراج کی اپیلیں" اور ضابطہ 1-747، "دفتر برائے سٹوڈنٹ میجنمنٹ و الٹرنیٹو پروگرامز (SMAPD)" میں موجود ہیں۔
   8. اگر کسی وجہ سے اس ضابطے کا کوئی حصّہ، سیکشن، چھوٹا سیکشن، جملہ، فقرہ یا جملہ غیر قانونی یا غلط تصور کیا جاتا ہے یا قانون کی خلاف ورزی ہے تو یہ اعلان اس ضابطے کے کسی دوسرے حصّے کی توثیق پر اثرانداز نہیں ہو گا، یہ سکول بورڈ کے اس مقصد کا اظہار ہے کہ ہر شعبہ آزاد ہے اور قانون کے تحت زیادہ سے زیادہ شدت نافذ کی جاتی ہے۔
2. معذور طلباء کے لیے تحفظ

   معذور طلباء کا نظم و ضبط ضابطہ 2-745 "معذور طلباء کا نظم و ضبط" کے تقاضوں پر عمل کرے گا۔ سکول ان طلباء کے لیے SMAPD سماعت سے پہلے ایک مظہر کے تعین کا جائزہ (MDR) کریں گے جو:

   1. معذور افراد کی تعلیم کے قانون کے تحت خدمات حاصل کر رہے ہیں؛
   2. سیکشن 504 کے تحت سہولیات حاصل کر رہے ہیں؛
   3. ابھی تک خصوصی تعلیم اور متعلقہ خدمات کے اہل نہیں ہیں، لیکن اس طرز عمل سے پہلے جس کے لیے مزید تادیبی کاروائی تجویز کی گئی ہے:
      1. اگر سٹوڈنٹ کو خصوصی تعلیم اور متعلقہ خدمات کی ضرورت ہے تو والد یا والدہ(والدین)/سرپرست(سرپرستان) سکول سٹاف کو اپنے خدشات سے زبانی یا تحریری طور پر مطلع کریں گے۔
      2. والد یا والدہ(والدین)/سرپرست(سرپرستان) نے خصوصی تعلیم کی جانچ کی درخواست کی ہے؛ یا
      3. سکول سٹاف سٹوڈنٹ کے طرز عمل کے پیٹرن کے اظہار کے بارے میں خدشات کا اظہار PWCS سپروائزری فرد کو دیں گے۔

      MDR کے نتائج کو فوری طور پر SMAPD کو مطلع کیا جانا چاہیے۔ اگر MDR سے یہ پتہ چلے کہ واقعہ سٹوڈنٹ کی معذوری کی وجہ سے ہے تو سٹوڈنٹ کو مزید انضباطی کاروائی کے لئے OSMAP نہیں بھیجا جائے گا۔

3. طویل المدت معطلیاں
   1. طرز عمل کی شدید خلاف ورزیوں کے لیے طویل المدت معطلیاں 11 سے 45 تعلیمی دنوں کے لیے ہیں۔ تاہم، ایک طویل المدت معطلی 45 تعلیمی دنوں سے بڑھ سکتی ہے مگر 364 تقویمی دنوں سے نہیں بڑھے گی اگر (1) جرم ورجینیا کوڈ§ 22.1-277.07 (ہتھیاروں کے مخصوص جرائم) ،§ 22.1-277.08 (منشیات کے مخصوص جرائم) میں بیان کیے گئے ہیں، یا شدید جسمانی چوٹ ملوث ہے؛ یا (2) سکول بورڈ یا SMAPD، بطور ڈویژن سپرنٹنڈنٹ کے (سپرنٹنڈنٹ) یا نامزد کو پتہ چلتا ہے کہ سنگین صورتحال موجود ہے جیسا کہ پیراگراف III.D میں درج کیا گیا ہے۔
   2. پری سکول تا تیسرے گریڈ کے طلباء کو صرف تین دنوں کے لیے معطل کیا جاتا ہے یا اخراج کی سفارش کی جاتی ہے، جب جرم میں جسمانی چوٹ ملوث ہو یا دوسروں کو جسمانی چوٹ کا قابل یقین دھمکی موجود ہو، یا شدید صورتحال موجود ہو جس کا تعین متعلقہ لیول ایسوسی ایٹ سپرنٹنڈنٹ یا نامزد کردہ کریں گے (چار تا 10 تعلیمی دن) یا SMAPD (10 دنوں سے زیادہ)، جب وہ سپرنٹنڈنٹ کے نامزد کے طور پر کام کر رہے ہیں۔
   3. پرنسپل یا SMAPD سماعتی افسر نظم و ضبط کے متعلقہ نتائج کے تعین میں طالبعلم/طالبہ کی عمر اور گریڈ سطح، خلاف ورزی کے گردو پیش کے حالات اور دوسرے متعلقہ عوامل پر غور کریں گے۔ معطلی کی مدت جرم کی نوعیت، اور دیگر طلباء، عملے، اور/یا ڈویژن/سکول کی حفاظت اور آپریشنز پر طرز عمل کی مخصوص خلاف ورزی کے اثرات سے متعلق ہو گی۔
   4. ورجینیا محکمۂ تعلیم کے تحت شدید صورتحال سے مراد درج ذیل ہیں:
      1. طالبعلم/طالبہ ایسے ناشائستہ فعل کا مرتکب ہوا ہے جس کی وجہ سے کسی دوسرے فرد (افراد) کو شدید نقصان (بشمول مگر جسمانی، جذباتی، اور نفسیاتی نقصان تک محدود نہیں) یا دوسرے فرد (افراد) کو شدید نقصان کی قابل یقین دھمکی کا اظہار کیا، جس کا تعین دھمکی کی جانچ سے کیا گیا؛ یا
      2. طالبعلم/طالبہ کی سکول میں موجودگی، سکول، اس کے طلبا، سٹاف، یا سکول میں دیگر افراد کے تحفظ کے لیے مستقل اور بے موقع خطرہ کا اظہار ہے؛ یا
      3. سنگین جرم میں ملوث ہے جو:
         1. مستقل (طالبعلم/طالبہ کے نظم و ضبط کے ریکارڈ پر ایک ہی طرز عمل بار بار درج کیا گیا ہے)، اور
         2. ایک طے شدہ مداخلتی عمل کے ذریعے مطلوبہ مداخلتوں پر غیر ذمہ دارانہ رویہ درج کیا گیا ہے۔
4. اخراج
   1. SMAPD، سپرنٹنڈنٹ کے نامزد کردہ کے طور پر کام کر رہا ہے، معقول وجہ سے طالب علم کو نکالنے کی سفارش کر سکتا ہے۔ اخراج کی کسی بھی سفارش پر سکول بورڈ کی تادیبی کمیٹی یا سکول بورڈ کے ذریعہ عمل کیا جانا چاہیے جس کے پاس طالب علم کو نکالنے کا خصوصی اختیار ہے۔
   2. وہ طلباء جنہیں سکول سے نکالا گیا ہو، ان کو سکول ڈویژن کے سکول آنے کی اجازت نہ ہو گی، اور وہ سکول بورڈ کی نظم و ضبط کی کمیٹی یا سکول بورڈ کے فیصلے کی تاریخ کے 365 تقویمی دنوں تک دوبارہ داخلے کے اہل نہ ہوں گے، جب تک کہ سکول بورڈ انضباطی انتظامی ریکارڈ یا سکول بورڈ اخراج، انتظامی ریکارڈ کا جائزہ لینے اور اخراج کی سفارش کے بعد، یہ فیصلہ نہ کرے کہ طالبعلم/طالبہ جلد دوبارہ داخلے کے لئے درخواست دے سکتا/سکتی ہے۔ سکول بورڈ نکالے جانے والے طلباء سے اخراج کی مدت کے دوران کسی متبادل تعلیمی پروگرام میں شرکت کا مطالبہ کر سکتا ہے۔
   3. ورجینیا کوڈ §§ 22.1-277.06 تا 277.08 کے تحت، ورجینیا قانون کسی مخصوص جرم کے لیے سٹوڈنٹ کے اخراج کا تقاضا نہیں کرتا، مگر پرنسپل، منتظمین، SMAPD اور سکول بورڈ کو اجازت دیتا ہے کہ ہر سٹوڈنٹ کے حالات اور اس مخصوص صورتحال کے حقائق کو مدنظر رکھیں۔
   4. ہتھیاروں اور منشیات سے متعلق ان خلاف ورزیوں کے علاوہ جن کا ذکر ورجینیا کوڈ § 22.1-277.07 اور § 22.1-277.08 میں کیا گیا ہے، اخراج کی سفارش یا فیصلہ کرتے وقت پرنسپل، SMAPD، اور سکول بورڈ کو درج ذیل عوامل پر غور کرنا ضروری ہے:
      1. خلاف ورزی کی نوعیت اور سنجیدگی۔
      2. سکول کمیونٹی کو لاحق خطرے کی حد۔
      3. طالبعلم کے نظم و نسق سے متعلق سابقہ ریکارڈ، جس میں گزشتہ خلاف ورزیوں کی تعداد اور سنجیدگی شامل ہیں۔
      4. کسی متبادل تعلیمی داخلے یا پروگرام کی موزونیت اور دستیابی۔
      5. سٹوڈنٹ کی عمر اور گریڈ لیول۔
      6. دماغی صحت، منشیات کا استعمال یا خصوصی تعلیمی جانچ کے نتائج۔
      7. سٹوڈنٹ کی حاضری اور تعلیمی ریکارڈ۔
   5. پرنسپل، SMAPD، اور سکول بورڈ دیگر متعلقہ عوامل پر بھی غور کر سکتے ہیں جن میں تادیبی عمل کے دوران طالب علم اور دیگر گواہوں کا برتاؤ اور اعتبار شامل ہے لیکن ان تک محدود نہیں؛ تادیبی تحقیقات اور کسی بھی سماعت کے دوران طالب علم کے تعاون کا درجہ؛ طالب علم کے عمل کا کوئی بھی مجرمانہ یا عدالتی حکم نامہ؛ اور نفسیاتی، غصے کے انتظام، بحالی، یا علاج کے دیگر پروگراموں میں شرکت۔

ایسوسی ایٹ سپرنٹنڈنٹ برائے سٹوڈنٹ سروسز اور پوسٹ سیکنڈری سکسیس (یا نامزد شخص) اس ضابطے کے نفاذ اور نگرانی کے لیے ذمہ دار ہے۔

اس ضابطے اور متعلقہ پالیسیوں کا کم از کم پانچ سالوں میں جائزہ لیا جائے گا اور ضرورت کے مطابق دہرایا جائے گا۔