Regulation 744-1 - Urdu

آخری نظر شدہ تاریخ: 27 جون، 2023

طلباء

ضابطہ 1-744

طلباء کی قلیل المدت معطلی

1. قلیل المدت معطلی سے متعلق عمومی شقیں
   1. سکول کی حدود سے باہر قلیل المدت معطلی اس ضابطے میں بیان کیے گئے ہیں اور پرنس ولیئم کاؤنٹی پبلک سکولز (PWCS) کے "ضابطہ اخلاق" میں اختصار کے ساتھ موجود ہیں۔ وہ طرز عمل جن کو صرف معطلی کی بنیاد کیلیئے دیکھا جائے گا، ان میں وہ شامل ہیں جو سکول بورڈ پالیسیوں اور ضوابط میں درج ہیں اور جن کی "ضابطۂ اخلاق" میں شناخت کی گئی ہے مگر ایسے طرز عمل تک محدود نہیں۔
   2. نظم و ضبط کے متعلقہ نتائج کے تعین میں طالبعلم/طالبہ کی عمر اور گریڈ سطح، خلاف ورزی کے گردو پیش کے حالات اور دوسرے متعلقہ عوامل پر غور کیا جائے گا۔ معطلی کی مدت جرم کی نوعیت، اور دوسرے طلباء، عملے، اور/یا ڈویژن/سکول کی حفاظت اور آپریشنز پر رویے کے اثرات سے متعلق ہو گی۔
   3. طرز عمل کی معمولی خلاف ورزی کے لیے قلیل المدت معطلی ایک سے 10 تعلیمی دنوں تک کی ہو سکتی ہے، ماسوائے پری سکول سے گریڈ تین تک کے طلباء کے لیے جنہیں تین سے زیادہ تعلیمی دنوں کے لیے معطل نہیں کیا جا سکتا تاوقتیکہ جرم جسمانی نقصان یا دوسروں کو قابل یقین دھمکی کی وجہ ہو، یا لیول ایسوسی ایٹ سپرنٹنڈنٹ کو لگے کہ خراب حالت موجود ہیں۔ پری سکول سے گریڈ تین کے طالبعلم/طالبہ کی تین دنوں سے زیادہ کی معطلی کا جواز پیش کرنے والے خراب حالات کو ورجینیا محکمۂ تعلیم نے درج ذیل طریقے سے بیان کیا ہے:
      1. طالبعلم/طالبہ ایسے ناشائستہ فعل کا مرتکب ہوا ہے جس کی وجہ سے کسی دوسرے فرد (افراد) کو شدید نقصان (بشمول مگر جسمانی، جذباتی، اور نفسیاتی نقصان تک محدود نہیں) یا دوسرے فرد (افراد) کو شدید نقصان کی قابل یقین دھمکی کا اظہار کیا، جس کا تعین دھمکی کی جانچ سے کیا گیا؛ یا
      2. طالبعلم/طالبہ کی سکول میں موجودگی، سکول، اس کے طلبا، سٹاف، یا سکول میں دیگر افراد کے تحفظ کے لیے مستقل اور بے موقع خطرہ کا اظہار ہے؛ یا
      3. سنگین جرم میں ملوث ہے جو:
         1. مستقل (طالبعلم/طالبہ کے نظم و ضبط کے ریکارڈ پر ایک ہی طرز عمل بار بار درج کیا گیا ہے)، اور
         2. ایک طے شدہ مداخلتی عمل کے ذریعے مطلوبہ مداخلتوں پر غیر ذمہ دارانہ رویہ درج کیا گیا ہے۔
   4. طرز عمل کی زیادہ سنگین خلاف ورزیاں جو طویل المدت معطلی کی وجہ بنتی ہیں، انہیں ضابطہ 1-745 "طلباء کی طویل المدت معطلی یا اخراج" اور ضابطہ 1-747 "سٹوڈنٹ منیجمنٹ اینڈ الٹرنیٹو پروگرامز ڈیپارٹمنٹ (SMAPD)" میں بیان کیا گیا ہے۔
   5. اس پورے ضابطے میں "پرنسپل" سے مراد پرنسپل، اسسٹنٹ پرنسپل، انتظامی انٹرن، یا دیگر کوئی مناسب تصدیق شدہ منتظم جو پرنسپل کے نامزد کے طور پر پرنسپل کے اختیار پر کام کر رہا ہے۔
   6. جن طلباء کو سکول سے معطل کیا جاتا ہے، انہیں معطلی کے دوران سکول املاک اور سکول سے متعلق سرگرمیوں (ٹیمیں، کلب اور دیگر سکول کی پیش کردہ سرگرمیاں، بشمول مشقیں) میں شرکت کی اجازت نہیں ہے اور بے جا مداخلت پر انہیں گرفتار کیا جا سکتا ہے جیسا کہ ورجینیا کوڈ §§ 18.2.119 اور 128-18.2 میں بیان کیا گیا ہے۔
   7. تاہم، ان کی معطلی کی مدت کے دوران، طلباء سکول املاک پر متبادل اور/یا انٹرم تعلیمی خدمات لینے کے مقصد سے اور کانفرنسوں یا ملاقاتوں کے لیے آ سکتے ہیں، جیسا کہ پرنسپل تعین کریں۔
   8. اس ضابطے کے مقصد کے تحت، اصطلاح "تعلیمی دن" سے مراد کوئی ایسا دن ہے جب سکول تدریسی مقاصد کیلیئے کھلا ہے اور اصطلاح "کاروباری دن" سے مراد ہے ایسا دن جب دفتر برائے لیول ایسوسی ایٹ سپرنٹنڈنٹ کھلا ہے۔ اگر یہ ضابطہ تقاضہ کرتا ہے کہ کسی مخصوص دن تک کسی ایجنٹ، ملازم یا سکول ڈویزن کے محکمہ کو تحریری شکل میں کوئی درخواست دی جائے یا کوئی پیپر فائل کیا جائے تو ایسی درخواست یا پیپر کو اس ایجنٹ، ملازم یا محکمہ کے پاس مذکورہ سکول یا کاروباری دن کے 4 بجے سے پہلے ضرور بھیج دیا جائے۔
2. معذور طلباء کے لیے تحفظات
   
   معذور طلباء اسی طرح کے قانونی تحفظات کے حقدار ہیں جیسے بغیر معذوری والے طلباء اور اس کے ساتھ ساتھ ریاستی اور وفاقی قانون کے تحت اضافی تحفظات۔ کسی بھی معذور طالبعلم کے لیے، ضابطہ 2-745، "معذور طلباء کا نظم و ضبط" میں فراہم کردہ طریقہ کار کو اس ضابطے میں بیان کردہ طریقہ کار کے ساتھ مل کر لاگو کیا جانا چاہیے۔
3. قلیل المدت معطلی کے طریقۂ کار
   1. سکول کوئی بھی سکول سے باہر معطلی نافذ کرنے سے پہلے طالبعلم/طالبہ کے تمام گزشتہ مداخلتوں اور ان مداخلتوں پر اس کے جواب کا جائزہ لیں گے۔
   2. ایسی صورت کہ پرنسپل یا پرنسپل کا نامزد کردہ طالبعلم/طالبہ کو دس یا اس سے کم تعلیمی دنوں کے لیے معطل کرے تو طالبعلم/طالبہ کو پہلے اس کے خلاف زبانی یا تحریری نوٹس دیا جائے گا، سکول حکام کو حقائق کی وضاحت دی جائے گی اور طالبعلم/طالبہ کو واقعے سے متعلق اس کے نقطۂ نظر کو پیش کرنے کا موقع دیا جائے گا۔ پرنسپل/نامزد تمام جائز کوششیں کریں گے کہ والد یا والدہ (والدین)/ سرپرست (سرپرستان) کو ہونے والی معطلی سے مطلع کرنے کیلیئے رابطہ کریں اور طالبعلم/طالبہ کے گھر واپس آنے سے متعلق مناسب انتظامات کریں۔ اگر ایسی صورتحال ہو کہ طالبعلم/طالبہ کی موجودگی فرد یا املاک کے لیے مسلسل خطرہ ہو، یا خلل اندازی کی مسلسل دھمکی ظاہر کرے، تو طالبعلم/طالبہ کو فوری طور پر سکول سے نکالا جا سکتا ہے، اور اس کے بعد نوٹس جس میں حقائق کی وضاحت، اور اس کے نقطۂ نظر کو پیش کرنے کا موقع فوری طور پر فراہم کیا جائے گا۔
   3. سٹوڈنٹ اور والد یا والدہ (والدین)/سرپرست (سرپرستوں) کو غیر معقول تاخیر کے بغیر مختصر مدت کی معطلی کا تحریری نوٹس فراہم کیا جائے گا۔ نوٹس واقعے کی تفصیل فراہم کرے گا، "ضابطہ اخلاق" اور/یا اسکول بورڈ کی پالیسیوں اور ضابطوں کی معلومات فراہم کرے گا جس میںاپیل کے طریقۂ کار کے ساتھ ساتھ کمیونٹی پر مبنی تعلیمی پروگراموں، متبادل تعلیمی پروگراموں یا دیگر تعلیمی آپشنز کی دستیابی۔
   4. قلیل المدت معطلی کے دوران، پرنسپل/نامزہ کردہ کے تعین پر طلباء کو تعلیمی خدمات فراہم کی جائیں گی۔ طلباء اس معطلی کے دوران مکمل شدہ اسائنمنٹس کے لیے تعلیمی کریڈٹ وصول کریں گے۔
   5. پرنسپل سٹوڈنٹ اور والد یا والدہ/سرپرست سے طلب کر سکتے ہیں کہ وہ دوبارہ داخلے کی کانفرنس میں شرکت کریں تاکہ سٹوڈنٹ کی سکول واپسی پر تادیبی واقعے اور توقعات پر تبادلہ خیال کیا جا سکے۔ معطلی کے اختتام پر اس ری انٹری کانفرنس میں شرکت کے لیے پرنسپل یا والد یا والدہ/سرپرست دستیاب نہ ہونے کی صورت میں، سٹوڈنٹ دوبارہ کلاسوں میں شرکت کرنا شروع کر سکتا ہے، لیکن اس کے فوراً بعد داخلہ کانفرنس کا انعقاد ضروری ہے۔
4. قلیل المدت معطلی کے فیصلے کے خلاف اپیل (ایک تا 10 تعلیمی دن)
   1. وہ طلبا جن کی قلیل مدتی معطلی اپیل کے انتظار میں ہے وہ اپیل کا فیصلہ ہونے تک سکول میں جا سکتے ہیں، جب تک کہ وہ حفاظتی خطرہ لاحق نہ ہوں یا جاری خلل کا خطرہ پیش نہ کریں یا معطلی SMAPD کی سفارش کے ساتھ عائد کی گئی ہو ضابطہ 1-745 "طلباء کی طویل مدتی معطلی یا اخراج۔" میں فراہم کردہ طریقہ کار۔
   2. سکول لیول کے خلاف اپیل: طالبعلم/طالبہ اور/یا والد والدہ(والدین)/سرپرست(سرپرستان) معطلی کے نوٹس ملنے کے تین تعلیمی دنوں کے اندر اندر پرنسپل کو تحریری اپیل جمع کرائیں گے۔ تحریری اپیل ملنے کے پانچ تعلیمی دنوں کے اندر اندر، والد یا والدہ/ سرپرست (سرپرستان) کو پرنسپل کے فیصلے کی حیثیت سے تحریری طور پر مطلع کیا جائے گا۔
   3. لیول ایسوسی ایٹ سپرنٹنڈنٹ کو اپیل: اگر پرنسپل کے فیصلے کے خلاف اپیل کی جاتی ہے، والد یا والدہ (والدین)/ سرپرست (سرپرستان) کو دیئے گئے پرنسپل کے فیصلے کے اطلاع نامے کے تین دن کے اندر اندر فیصلے کے خلاف اپیل کی تحریری درخواست متعلقہ لیول ایسوسی ایٹ سپرنٹنڈنٹ کو موصول ہو جانی چاہیئے۔ اپیل میں لازمی طور پر طالبعلم/طالبہ کا واقعہ اور معطلی ناجائز ہونے پر یقین کرنے کی وجوہات موجود ہونی چاہیئے۔ لیول ایسوسی ایٹ سپرنٹنڈنٹ یا نامزد شخص سٹوڈنٹ کے رویے کے ریکارڈ کی جانچ پڑتال پر معطلی کی تصدیق، ترمیم یا نامنظوری دے گا۔ لیول ایسوسی ایٹ سپرنٹنڈنٹ یا نامزد کے فیصلے کا تحریری نوٹیفیکیشن والد یا والدہ(والدین)/سرپرست(سرپرستان) کو پرنسپل کے فیصلے کی تحریری اپیل کی رسید کے پانچ کاروباری دنوں کے اندر اندر فراہم کی جائے گی۔ لیول ایسوسی ایٹ سپرنٹنڈنٹ یا نامزد کا فیصلہ حتمی ہے۔
   4. ممکنہ مزید تادیبی کارروائی کے لیے SMAPD کو دی گئی سفارش کے ساتھ قلیل مدتی معطلی سے متعلق اپیلیں SMAPD کو جمع کرائی جائیں اور پرنسپل کی سفارش پر غور کرنے کے لیے مقرر کردہ سماعت کے وقت ان پر غور کیا جائے گا۔
   5. اگر اپیل منظور ہوتی ہے تو طالبعلم/طالبہ کے نظم و ضبط ریکارڈ کو قلیل المدت معطلی سے تبدیل کر کے تمام تعلیمی دنوں کے لیے منظور شدہ غیر حاضری میں تبدیل کر دیا جائے گا جب طالبعلم/طالبہ ایسی معطلی کی وجہ سے سکول سے باہر تھے۔

ایسوسی ایٹ سپرنٹنڈنٹ برائے سٹوڈنٹ سروسز اور پوسٹ سیکنڈری سکسیس (یا نامزد شخص) اس ضابطے کے نفاذ اور نگرانی کے لیے ذمہ دار ہے۔

اس ضابطے اور کسی متعلقہ پالیسی کا کم از کم پانچ سالوں میں جائزہ لیا جائے گا اور ضرورت کے مطابق دہرایا جائے گا۔