دا مقرره به د اګسټ په 20، 2023 کال کی د 14 اکتوبر د 2020 کال نیټی نسخی ځائ نیسی.
زده کوونکي
مقرره 1-701
د چلند کوډ یا قانون
د پرنس ویلیم کاونټي عامه ښوونځي په دی لټه کی دۍ چی د معیاری زده کړو په موخه د ټولو زده کوونکو حقونه د هغوي د وړتیاو، ګټو، ارزښتونو او موخو سره سم خوندي کړي. PWCS باید د نسل، رنګ، مذهب، ملي اصل، جنس، جنډر هویت، جنسي تمایل، حمل، ماشوم زیږون، یا اړونده طبي شرایطو په شمول د شیدی (طی) ورکولو حالت، عمر، مدنی حالت، عسکری خدمت، معلولیت، جنیټکی معلوماتونو یا د کوم بل څیز پر اساس د تبعیض کولو پرته کوم چې د قانون لخوا منع شوی دي، د هر زده کوونکی روغتیا، خوندیتوب او حقونه خوندي کړي.
د ډیویژن سوپرانټنډنټ او استازي باید د "چلند کوډ یا قانون" رامنځ ته او پلي یی کړي کوم چی باید هر کال تازه شي. د "چلند کوډ یا قانون" باید د چلند کولو لارښوونی رامنځ ته کړي کوم چې د زده کوونکو مسؤلیتونه، د زده کوونکو حقونه، د زده کوونکو مناسب چلند په ګوته کوي، او زده کوونکو او والدینو ته د هغه چلند په اړه خبرتیا ورکړی چې د منلو وړ نه ګڼل کیږي او د زده کوونکو د ناوړه چلند پر زد د تر سره شوي اصلاحي اقداماتو خبرتیا ورکړی. د زده کوونکو چلند باید د ښوونځیو، د ښوونځیو د زده کوونکو او د کارکوونکو د هوساینې او اغیزمنو چارو سره مطابقت ولري.
له زده کوونکو څخه تمه کیږي چې په داسې شکل چلند تر سره کړي چې د دوی چلند په هر زده کوونکي او ښوونځي باندی مثبته اغیزه ولري، د ملګرو زده کوونکو لپاره پاملرنه په ډاګه کړي، او د ښوونځي خوندی چاپیریال رامنځ ته کړي. د "چلند کوډ یا قانون" هغه چلند، خوي او عملونه په داګه کوي کوم چی په ښوونځي کې مسؤلیت او بریا ته وده ورکوي. له زده کوونکو څخه تمه کیږي چې د زده کوونکو د چلند اړوند دا ډول توقعات او ټول قوانین او مقررات خپل کړي او ومني.
د "چلند قانون" احکام هغه وخت د پلي کیدو وړ دي کله چې د PWCS زده کوونکي د PWCS د چارو یا د نورو زده کوونکو حقونو اړوند چلند کې ښکیل وي، یا ورباندی منفي اغیزه ولري، لکه:
- د ښوونځي په جریان کې او/یا د ښوونځي لخوا سپانسر شوي فعالیتونه چی د ښوونځي په ملکیت کې تر سره کیږي.
- کله چې ښوونځي ته او د بس تمځایونو ته تګ راتګ کوي.
- د ښوونځي په بسونو کی او د بسونو په تمځایونو کې.
- په داسی حالاتو کی چی د ښوونځی ملکیت څخه بهر وي، د ښوونځي لخوا سپانسر شوي فعالیتونه، لکه سیمه ییزه سفرونه، سپورتی پیښې، او/یا د کلب فعالیتونه.
- کله چې د زده کوونکي لخوا د ښوونځي ودانی یا د ښوونځي ملکیت څخه بهر یو کار تر سره کیږی چی د ښوونځی ډیویژن په چارو باندي یا په عمومي سوکالی باندې له مالي پلوه اغیزه لري، د زده کړې پروسې بشپړتیا اغیزمن کوي، د زده کوونکو او/یا کارکوونکو روغتیاغ، خوندیتوب او هوساینه ګواښی یا وربانی له مالي پلوه اغیزه کوي؛ د ښوونځی ملکیت په کی ښکیل وي؛ دا کار هغه وخت تر سره کیږي کله چی زده کوونکی د ښوونځي غیر رسمی واک تر لاندې وي یا په بل ډول د زده کوونکو یا کارکوونکو حق د خپو لاندي کوي.
د "چلند قانون" څخه سرغړونه باید د ښوونځی څخه د تعلیق او اخراج په شمول د زده کوونکو د ډسپلین کولو لپاره کافي اندازه لامل وګڼل شي. د سرغړونې بڼی او د هر ډول ځانګړي شرایطو ته په کتو سره کوم چې ممکن حالاتو او زده کوونکی پوری اړه ولري، د "چلند د قانون" او/یا د پرنس ویلیم کاونټي ښوونځي بورډ د پالیسیو او مقرراتو څخه د سرغړونې سزا باید د اصلاحی خبرو اترو څخه نیولی تر اخراجولو پورې وي.
د "چلند قانون" او ورسره تړلی اړوند قوانین باید هر کال د چارواکو لخوا د بیاځلی کتنې او تصویب لپاره د پرنس ویلیم کاونټي ښوونځي بورډ ته وړاندې شي. د "چلند کوډ یا قانون" باید والدینو ته د ParentVUE حساب له لارې یا د غوښتنې سره سم په هارډ (ورقو) کاپي بڼه کې وړکړل شي. دا باید د PWCS په عامه ویب پاڼه کې هم خپور شي. دا به د هر ښوونځي د مدیر مسؤلیت وي چې د ټولو ښوونکو، والدینو او زده کوونکو تر مینځ د "چلند قانون" وویشي؛ دا ډاډ ترلاسه کړئ چې ټول زده کوونکي د "چلند قانون" په اړه لارښوونې ترلاسه کوي، دا ډاډ ترلاسه کړئ چې د "چلند قانون" په عادلانه او دوامداره توګه تطبیق کیږي او عملی کیږي؛ او دا ډاډ ترلاسه کړئ چې مور او پلار/سرپرست دا تایید کړي چې هغوي په "چلند قانون" کې بیان شوي مقررات ترلاسه کړي، لوستلي او ورباندی پوهیږي.
د زده کوونکو د خدماتو او د ثانوي زده کړو وروسته بریالیتوب لپاره ایسوسی ایټ سپرانټنډنټ (یا استازی) د دې مقرری پلي کولو او ورڅخه د نظارت کولو مسؤلیت په غاړه لري.
دا مقرره او اړونده پالیسي باید لږ تر لږه په هرو پنځو کلونو کې بیاځلی وکتل شي او د اړتیا په صورت کې پکی بدلون رامنځ ته شي.