زده کوونکي
مقرره 1-735
منع شوي توکي
دا مقررات کوم چی هغه توکي اداره کوي، چی د پرنس ویلیم کاونټي عامه ښوونځیو (PWCS) لخوا منع شوي دي، په دې مقرره کې په ډاګه شوي دي او د "چلند کوډ" کې لنډیز شوي دي.
دا چی د ښوونځي په ملکیت یا د ښوونځي په فعالیتونو کې د زده کوونکو، کارکوونکو او د نورو کسانو د خوندیتوب او هوساینې ډاډ رامنځ ته شي، د هر ډول ښوونځي په ملکیت کې، د ښوونځي په بس تمځایونو کې، د ښوونځي په بسونو کې، د ښوونځي اړوند فعالیت کې، پرته له دي په پام کی نیولو چی هغه فعالیت په کوم ځای کی تر سره کیږي، او ښوونځي ته د تګ راتګ په وخت کی، یا د ښوونځي اړوند په هر یو فعالیت کې ځینی مشخص توکی منع دي. هغه زده کوونکي چې د ښوونځي په ملکیت کې یا د ښوونځي اړوند فعالیتونو کې د نشه یی توکو (غیر قانوني، نسخه یی او/یا د دوکان څخه)، الکول یا شراب، نشه یی تنفسی توکو، نقلی درمل، پلیسبوس یا نشه یی لوازمو په لرلو، کارولو، ترلاسه کولو یا د ترلاسه کولو هڅه کولو، پیرودلو، د پیرودلو یا اخیستلو هڅه کولو، ویشلو یا د ویشلو هڅه کولو کی ښکیل وي یا څوک چې ښوونځي ته د ورته نشه یی توکو په حالت کی راشي، د ځنډولو او/یا له ښوونځي څخه د شړلو تابع دي. برسېره پردې، د ښوونځي بس تمځایونو کی یا عامه ځایونو کی یا هغه عامه ځایونو کی چی د بس تمځای څخه په 1,000 فوټ واټن کی وي، زده کوونکي ممکن د پورته ذکر شویو توکو لرلو، کارولو، ترلاسه کولو یا د ترلاسه کولو هڅه کولو، پیرودلو، د پیرودلو یا اخیستلو هڅه کولو، ویشلو یا د ویشلو هڅه کولو لپاره د ځنډولو یا اخراج تابع وي. د ښوونځي ملکیت د هر هغه حقیقي ملکیت په معنی دی چې د ښوونځي بورډ ملکیت وي یا لخوا اجاره شوی وي، یا هر هغه موټر چې د ښوونځي بورډ ملکیت یا لخوا اجاره شوی اوسی، یا هر هغه موټر چې د ښوونځي بورډ ملکیت وی، لخوا په اجاره نیول شوۍ، یا د ښوونځی بورډ لخوا یا په استازی توب کارول کیږي. په ویشلو کی د منع شوي توکو وړل، لیږدول، حرڅول، تبادله کول، معامله کول، یا د ډالۍ په توګه ورکول شامل دي.
زده کوونکي ممکن د هغه کړنو لپاره هم د انضباطي اقدام تابع شی چی منع شوي توکی پکی شامل وي او چې د ښوونځي د ملکیت څخه بهر رامنځ ته کیږي، که چیرته اقدام د ښوونځي په چارو کی د مالی پلوه د زیان پایله ولري، که چیرته اقدام یا کړنه په ښوونځي کې پلان شوی وي، که چیرته کړنه د ښوونځي لخوا د سپانسر شوئ فعالیت پر مهال رامنځ ته شي، که چیرته کړنه کړنه د زده کوونکو، کارکوونکو، یا د ښوونځی ملکیت خوندیتوب او هوساینه ګواښی یا که اقدام یا کړنه په بل ډول د ښوونځي سره تړلی وي.
- د منع شوي توکو بیلګي
د هر ډول منع شوي توکو یا اړوند نشه یی توکو لرلو، کارولو، ترلاسه کولو یا د ترلاسه کولو هڅه کولو، پیرودلو، د پیرودلو یا اخیستلو هڅه کولو، ویشلو یا د ویشلو هڅه کول په ښکاره توګه منع دي او د "چلند د قانون" څخه جدي سرغړونه ده.
لکه څرنګ چی د ویرجینیا په 371.2-18.2§ کوډ کی تشریح شوي دي، د منع شوي توکو او اړوند توکو بیلګو کی شامل دي، مګر دی پوری محدود نه دي، الکول یا شراب، غیر الکولي مشروبات، د الکولی محصولات، یا د الکولو لوښی (ظرفونه)؛ غیرقانوني درمل او توکي؛ نسخه یی او په ازاد ډول درمل؛؛ تنفسي نشه يي توکي یا بل ډول توکی چې د نشې په موخه تنفس شوي وي؛ انابولیک سټرایډونه؛ یا د پورته ذکر شوي توکو سره ورته والی یا پلیسبوس؛ نشه یی توکی یا الکول پارفیرنالیا، او د تمباکو یا نیکوتین بخار محصولات.
هغه زده کوونکي چې په ښوونځي کی یا د ښوونځي اړوند فعالیتونو کې درملو ته اړتیا لري، باید د والدینو یا (سرپرست) لخوا د ښوونځي نرس یا د ښوونځي نورو چارواکو ته د ورته درملو د اړتیا او استمال په اړه په لیکلي بڼه اسناد وړاندي کړي. دا ډول ټول درمل باید سمدستي د ښوونځي نرس یا د ښوونځي مناسب پرسونل ته وسپارل شي او یوازې د زده کوونکو لخوا کارول کیدي شي، یا د ښوونځي نرس یا د ښوونځي مناسب پرسونل په تصویب سره به د زده کوونکو په ملکیت کې وي. د درملو اداره کولو طرزالعملونه په مقرره 4-757, “په ښوونځیو کی د درملو اداره کول” کې تشریح شوي دي.
د ویرجینیا کوډ 277.08-22.1 §، "د ځینې توکو سرغړونو لپاره د زده کوونکو اخراج"، د احکامو باوجود، د ښوونځي هیڅ بورډ ته به اړتیا نه وي چې یو زده کوونکی وځنډوي یا خارج کړي څوک چې د کینابیدول تیلو یا THC-A تیلو کارولو لپاره قانونی لیکلي تصدیق نامه لري کوم چی ورته د B § 54.1-3408,3فرعی قانون سره په مطابقت د ذکر شوی تیلو لرلو یا کارولو لپاره د زده کوونکی د انفرادی روغتیایی پلان او د دی مقرری سره سم د یو متخصص ډاکټر لخوا ورته ورکړل شوی وي. - اجباری اخراج
د ویرجینیا د کوډ 277.08-22.1 برخه د ښوونځي بورډ اړ کوي چې هر هغه زده کوونکی له حاضري څخه وباسي چې ښوونځی ته یا د ښوونځی لخوا سپانسر شوي فعالیت ته د کنټرول شوي توکو، د تقلیدی کنټرول توکو، یا چرس راوړلو لپاره د ښوونځی بورډ لخوا مشخص شوي اوسی. په هر صورت، د ښوونځی مدیر، SMAPD یا د ښوونځي بورډ باید د یو ځانګړی حالت د حقایقو پر اساس دا واک ولري چی د انضباطي اقدام بڼه بدله کړي، کله چې ځانګړي شرایط شتون ولري. په ځانګړو شرایطو کې شامل دي، مګر محدود نه دي، هغه قانوني معیارونه چی د ویرجینیا کوډ (C) 22.1-277.06 § کې په ډاګه شوي دي، لکه څرنګ چې په 745-1 مقرره, “د زده کوونکو اوږد مهاله تعلیق یا اخراج” کې تشریح شوي دي. د ځانګړي حالت د حقایقو په پام کی نیولو پرته د ویرجینیا په 277.08-22.1§ کوډ یا دې مقرره کې هیڅ شی باید د زده کوونکي اخراج لپاره اړ ونه ګڼل شي. هغه زده کوونکي چې له قانون څخه سرغړونه کوي سیمه ایزو چارواکو ته به د مناسب اقدام لپاره په جنیایی محکمی یا د ماشومانو جنایت سیسټم کې راجع شي.
د منع شوي توکو لیست او لوازم د کوم لپاره چې یو زده کوونکی د PWCS مقرراتو لاندې شړل کیدی شي د ممنوع موادو لیست څخه پراخه دی د کوم لپاره چې قانون د جبری اخراج حکم کوي. حتی که منع شوي توکي یا اړوند نشه یی توکي د منع شوي توکو په ټولګه کی هم شمیرل کیږي کوم چی د قانون لخوا منع شوي دي، د ښوونځي بورډ په کلکه د منع شوي توکو لرل، کارول، ترلاسه کول یا د ترلاسه کولو هڅه کول، پیرودل، د پیرودلو یا اخیستلو هڅه کول، ویشلو یا د ویشلو هڅه کول منع کوي.
په ځینو مواردو کې، کیدای شي دا پوښتنه موجود وي چې آیا یو توکي یا څیز منع شوي ګڼل کیږي یا څرنګ. د منع شوي توکی یا نشه یی توکو بڼه او ظاهری ډول، د هغی موخه، او د کارولو څرنګوالی یا د کارولو نیت باید په پام کې ونیول شي کله چې دا پریکړه تر سره کیږي چی آیا دغه منع شوۍ یا نشه یی توکۍ د انضباطي اقدام سپارښتنه کوي یا تر د اخراجولو په شمول. - د منع شوي توکو د راپور ورکولو مسٔولیت
د PWCS ټول کارکوونکی او زده کوونکي اړ دي چې د ښوونځی مدیر، د مدیر مرستیال او د ټولنې سرچینې افسر، امنیتي پرسونل، ښوونکی، یا د ښوونځي کوم بل کارکوونکی ته زر تر زره خبر ورکړي که چیرته هغوي په دې باور وي چی په ښوونځي کې، د ښوونځي په ملکیت کې، د ښوونځي بسونو کې، د بس تمځایونو کې، ښوونځي ته د تګ یا راتګ په لاره کې، یا د ښوونځي اړوند چارو کی منع شوي توکي یا نشه یی توکي شتون لري یا د موجودیت احتمال یی موجود وي. هغه زده کوونکي چې د منع شوي توکو یا اړوندو څیزونو شتون یا اټکل شوي شتون په اړه معلومات لري او په راپور ورکولو کې یی پاتې راشي ممکن پخپله د انضباطي عمل سره مخ شی. مدیر یا د مدیر استازی باید د ښوونځي ډیویژن د پالیسۍ دننه سمدستي عمل کولو لپاره مناسب واک وساتي ترڅو د زده کوونکو او کارکوونکو امنیت او هوساینه تضمین کړي. د ښوونځي ډیویژن او د سیمه ییزه پولیسو څانګی سرچینې باید په دې چارو کې د مدیر سره د مرستی کولو لپاره شتون ولري. هر هغه توکي چې د ښوونځي چارواکو لخوا ضبط کیږي باید د ملکیت ضبط کولو، لیږد، او تخصیص ریکارډ فورمه کې مستند شي (ضمیمه). - د منع شوي توکی د سرغړونې اضافي پایلې
د نشه یی توکو څخه ناوړه ګټه اخیستل باید د تمرین په شمول د ښوونځي د ټولو فعالیتونو (ټیمونو، کلبونو، او د ښوونځیو لخوا د نورو ټولو سپانسر شوي فعالیتونو) کې د ګډون کولو څخه لږ تر لږه د 30 ورځو لپاره د فوري ځنډولو لامل هم شي. هغه زده کوونکی چې له ښوونځي څخه د 30 ورځو څخه زیاتې مودې لپاره ځنډول شوی وي یا د نشه یی توکو د ناوړه ګټه اخیستنې جرم له امله له ښوونځي څخه شړل شوی وي، ورته باید اجازه ور نه کړل شي چې د ښوونځي په دی ډول فعالیتونو کې ګډون وکړي او د ښوونځي په ملکیت کی یا د ښوونځي اړوند فعالیتونو کې ورته د ځنډونی یا اخراج مودی پوره کیدو پوری اجازه نشته.
د زده کوونکو د خدماتو او د ثانوي زده کړو وروسته بریالیتوب لپاره ایسوسی ایټ سپرانټنډنټ (یا استازی) د دې مقرری پلي کولو او ورڅخه د نظارت کولو مسؤلیت په غاړه لري.
دا مقرره او اړونده پالیسي باید لږ تر لږه په هرو پنځو کلونو کې بیاځلی وکتل شي او د اړتیا په صورت کې پکی بدلون رامنځ ته شي.