Prince William County Public Schools

زده کوونکي

مقرره 1-747

د زده کوونکو د مدیریت او بدیلو پروګرامونو څانګه(SMAPD)

دا مقرره د زده کوونکو د نظم په ارتباط هغه پروسه او کړنلاری اداره کوي چې د زده کوونکو د مدیریت او بدیلو پروګرامونو څانګی (SMAPD) ​​لخوا تعقیب یا پلی کیږي.

1. د اوږد مهاله مودې لپاره د ځنډولو او اخراجولو کړنلاری
   1. د SMAPD اوریدنې پیل کولو لپاره پروسه
      
      لکه څرنګ چې په 744-1 مقرره, “لنډي مودی لپاره د زده کوونکو تعلیق/ځنډونه,” کې په ډاګه شوي دي، په هغه صورت کې چې مدیر (یا د هغه/هغي استازی پریکړه وکړي چې زده کوونکي د لنډمهاله ځنډونی/تعلیق څخه په هاخوا د اوږدي مودي ځنډونی یا اخراج په شمول د انضباطي اقدام لپاره SMAPD ته راجع کړي، د ښوونځي اداری کارکوونکي باید د راجع کولو کڅوړه/پاکټ وسپاري او د ښوونځي څخه بهر د زده کوونکی ځنډونی د دریمې رسمی ورځی پائ ته رسیدو پورې د اوریدلو مناسب بهیر مهالویش کړي.
   2. معلولیت لرونکی زده کوونکي
      
      د معلولیت لرونکی زده کوونکو د ډسپلین کولو لپاره باید په 745-2 مقرره, “د معلولیت لرونکی زده کوونکو ډسپلین” کی شرایط تعقیب شي. د SMAPD اوریدنې څخه وړاندی، ښوونځي باید د هغه معلولیت لرونکو زده کوونکو لپاره چی د انفرادي معلولینو قانون (IDEA) یا 504 برخې تر لاندی خدمات تر لاسه کوي، د کړنلاری یا عمل مشخص کولو کتنه/جائزه (MDR) ترسره کړي. که چیرته MDR دا په ډاګه کړي چې دغه پیښه د زده کوونکي د معیوبیت څرګندونه ده، SMAPD باید انضباطي عمل /اقدام ودروي. که چیرته یو زده کوونکی څوک چی د لا زیات انضباطي اقدام/عمل لپاره SMAPD ته راجع شوی وي او د ځانګړي تعلیمي خدماتو تر لاسه کولو لپاره د ارزونې او وړوالی معلومولو پروسی تر لاندې وي، پرته دا په پام کی نیولو چې آیا ارزونه د ادعا شوي ناوړه چلند څخه وړاندی یا وروسته تر سره شوې ده، د SMAPD انضباطي پروسه به تر هغه وخته دوام مومي تر څو چی SMAPD یا د ښوونځي بورډ وروستی پایلی ته نه وی رسیدلی. په هر صورت، SMAPD باید د دی خبرتیا تر لاسه کولو سره انضباطي بهیر ودروي چی پکی ویل شوي چی د IEP ټیم د زده کوونکي معلولیت یا شکمن معلولیت د زده کوونکي د چلند سره عادی موندلی.
   3. د SMAPD د اوریدنی کړنلاري
      1. زده کوونکی ته باید د SMAPD د اوریدنې افسر لخوا د مناسبې پروسې اوریدنې لپاره فرصت ورکړل شي څوک چې د سپرانټینډنټ د استازی په توګه دنده تر سره کوي. د اوریدنی څځه وړاندي، SMAPD باید زده کوونکي او والدینو/سرپرستانو ته د اوریدنې نیټې، وخت، او ځای په اړه د تصدیق شوي او منظم پوست له لارې دا خبر ورکړي چی؛ زده کوونکي ته به فرصت ورکړل شي چې شواهد وړاندې کړي او د "چلند قانون" سرغړونو ته ځواب ووايي؛ او دا چې زده کوونکی حق لري چې د SMAPD د اوریدنې پروسې کی له ځانه سره مور یا پلار/سرپرست او/یا مدافع وکیل موجود ولري. زده کوونکی او مور یا پلار/سرپرست باید دا حق هم ولري چې د اوریدنی لپاره شاهدانو ته بلنه ورکړي. په هرصورت، شاهدانو ته د اوریدلو په خونه کې اجازه نه ورکول کیږي، پرته له دې که د شاهدي ورکولو لپاره وي. د هغه موادو یا اسنادو یوه کاپي چې د اوریدنې په مناسب بهیر کې کارول کیږي د اوریدنې څخه دوه ورځې مخکې د مور یا پلار/سرپرست لخوا د SMAPD څخه ترلاسه کولۍ شي.
      2. په هغه صورت کې چې زده کوونکی، مور یا پلار یا سرپرست د SMAPD اوریدنې کې د حاضریدو حق ونه کاروي یا په حاضریدو کی پاتی راشي، اوریدنه به د هغوي په غیر موجودګی کې ترسره شي او پریکړه به د هر ډول اسنادو او شواهدو پر بنسټ وي چی د ښوونځي چارواکو یا استازو لخوا وړاندي کیږي. د زده کوونکو د مدیریت او بدیلو پروګرامونو د ریٔیس د تصویب سره، SMAPD باید یوازې د کورنۍ د غړي د مړینې، د زده کوونکي په روغتون کې د بستر کیدو، یا د نورو سختو شرایطو له امله د اوریدنې بیا ځلی مهالویش کول په پام کې ونیسي.
      3. د SMAPD اوریدنه به تر 45 دقیقو پورې محدوده وي. د ښوونځي کارکوونکي باید د پیښې په اړه شواهد وړاندې کړي. زده کوونکی، د هغه/هغی والدین/سرپرست، یا مدافع وکیل به د ښوونځي د کارکوونکو یا نورو شاهدانو څخه د پوښتنې کولو فرصت ولري او د زده کوونکي په استازیتوب به شواهد وړاندې کړي. زده کوونکی، مور یا پلار/سرپرست، مدافع وکیل او شاهدان یو دلیل یا شواهد بیاځلی یا تکراری نه شی وړاندې کولۍ. د اوریدنې افسر ممکن د ښوونځي کارکوونکو، زده کوونکي، او د زده کوونکي مور یا پلار/سرپرست(سرپرستانو) په شمول د هر شاهد څخه پوښتنې وکړي. د SMAPD اوریدونکي افسر لخوا ممکن د شاهدانو شمیر محدود شي ترڅو د تکرار یا غیر اړوند شاهدی څخه مخنیوی وشي یا د اوریدنې بهیر د اوږدیدو څخه مخنیوی وشي. زده کوونکي هڅول کیږي چې په لیکلي بڼه د ښه کردار لرلو ثبوت وړاندې کړي.
      4. د وکیلانو او مدافع وکیلانو په ګډون ټول اړخونه باید بی طرفه پاتې شي او د شخصي بریدونو یا نورو نامناسبه چلند څخه ډډه وکړي. د اوریدنې افسر واک لري چې هغه کسان له اوریدنې څخه لیرې کړي چې په نامناسبه چلند کې ښکیل کیږي یا د اوریدنی بهیر ګډوډوي. پرته له محدود شرایطو، قانون د ښوونځي څانګه نه مجبوروي چې وکیلانو یا مدافع وکیلانو ته اجازه ورکړي چې په اوریدنه کې ګډون وکړي.
      5. ټولی اوریدنی آډیوی ثبت کیږي. د اوریدنی څخه وروسته، مور یا پلار/سرپرست کولۍ شي چی په SMAPD کی د ثبت شوي آډیو اوریدلو لپاره وخت مهالویش کړي. په هرصورت، مور او پلار/سرپرست ممکن د اوریدنې په جریان کې ثبت ونه کړاي شي.
      6. د SMAPD د اوریدنې افسر پریکړه د مناسبې پروسې د اوریدلو وروسته پرته له غیر معقول ځنډ څخه صادریږي. SMAPD باید خپل پریکړه لیک زده کوونکي او/یا والدینو/سرپرستانو ته د تصدیق شوي او عادی پوست له لارې د زده کوونکی د بیړنی حالت په معلوماتی کارت کی موجودی پتی ته واستوي. په هرصورت، دا به د زده کوونکي او والدینو (سرپرست) مسٔولیت وي چې SMAPD ته د پتې د هر ډول بدلون څخه خبر ورکړي او باید په سمدستي توګه د SMAPD د پریکړې لیک یوه کاپي ترلاسه کړي دا ځکه چی د SMAPD د پریکړې پر زد د ایستناف غوښتنه باید د SMAPD د پریکړې لیک د نیټې څخه وروسته باید په پر له پسی 10 ورځو کی تر سره شي. زده کوونکی او/یا والدین/سرپرست کولی شي د SMAPD څخه د لیک په اخیستلو سره د صادرولو په نیټه د پریکړې لیک یوه کاپي ترلاسه کړي یا دا غوښتنه وکړي چې لیک دی دوی ته د فکس یا بریښنالیک له لارې واستول شي. که چیرته مور/پلار یا قانوني سرپرست غوښتنه وکړي چې پریکړه لیک د بریښنالیک یا فاکس له لارې واستول شي، نو تصدیق شوی پوست یا میل به نه لیږل کیږي. په هرصورت، لیک باید د عادي پوست له لارې واستول شي.
      7. د کوم استیناف په نه شتون کې، د اخراج لپاره وړاندیز باید د SMAPD د اوریدنې افسر لخوا په لیکلې توګه د ښوونځي بورډ انضباطي کمیټې یا د ښوونځي بشپړ بورډ ته د دروازی تر شا ناسته کې د تایید یا رد لپاره وړاندې شي.
      8. د عمومي زده کړو زده کوونکو لپاره، د هر ډول انضباطي اقدام له پایلو څخه وړاندي، تعلیمي خدمات باید د ډیری وسایطو له لارې وړاندي شي، په شمول مګر محدود نه وي، د کار کڅوړې، آنلاین لارښوونې، او نور وغیره.
         
         یوځل چې انضباطي پایله مشخص شي، زده کوونکي ممکن د کمپیوټر اړوند لارښوونې پروګرام، بل ډول بدیل تعلیمي پروګرام، یا د دودیز ښوونځي پروګارم ته راجع شي چیرته چې به تعلیمي خدمات دوام مومي. SMAPD دا واک لري چې دا مشخص کړي چې زده کوونکی به په کوم ځای کی ځائ پرځای کیږي، کوم تعلیمي خدمتونه، یا نور بدیل پروګرامونه به زده کوونکي ته وړاندی کیږي، که کوم وي.
         
         د معلولیت لرونکو زده کونکو لپاره، د هر ډول انضباطي اقدام/عمل له پایلو څخه مخکې، تعلیمي خدمتونه به په هغه شکل وړاندی کیږي چی څرنګ د IEP ټیم یا ډلی لخوا مشخص کیږي. کله چې انضباطي پایله مشخص شي، د IEP ټیم به د زده کوونکي ځای پر ځای کونه او د SMAPD لخوا د لګول شوي محدودیتونو سره په مطابقت د تعلیمي خدمتونو د وړاندی کولو څرنګوالی به مشخص کړي.
   4. هوکړه لیک
      1. اوریدنې لپاره د بدیل په توګه، د SMAPD اوریدونکي افسر واک لري چې د زده کوونکي او والدینو/سرپرستانو سره یو تړون لاسلیک کړي، په کوم کې چې زده کوونکی او والدین/سرپرست د انضباطي اپیل څخه بیرته په شاه کیده قبلوي او لپاره هوکړه کوي او د SMAPD لخوا وړاندیز شوي ځای پرځای کیدل او ټول شرایط (غیر دودیز تعلیم لپاره ځای پرځای کول ، د چلند تړون او نور وغیره) مني. تړون لیک باید پابند او وروستی وي، او هیڅ ډول استیناف نه شی تر سره کیدۍ.
      2. که چیرته یو زده کوونکی ته د تړون لیک وړاندیز وشي او وی مني او په لیک کې په ډاګه شوي اړینی نیټې پورې یو یا ډیر شرایط پوره نکړي، نو زده کوونکی به د تړون لیک څخه د سرغړونکۍ په توګه پیژندل کیږي.
      3. که چیرته یو زده کوونکی د تړون لیک په پایله کې د "امتحانی دوری زده کوونکی" وګڼل شي او په ښوونځي کې د چلند تړون په توګه ځای پرځای شي، که چیرته یو زده کوونکی د " چلند کوډ یا قانون" څخه د سرغړونی کولو سره یو داسې جرم ترسره کړي چې لپاره یی د ښوونځي څخه د ځنډولو لامل کیږي، نو زده کوونکی به د تړون لیک څخه سرغړونکی وګڼل شي. په دې حالاتو کې، زده کوونکی باید د پنځو ورځو لپاره له ښوونځي څخه وځنډول شي او د SMAPD د سرغړونې اوریدنه به تر سره شي. د ښوونځي څخه بهر د ځنډولو په هغه پنځو ورځو کې باید د سرغړونې اوریدنې د ترسره کولو لپاره هره معقوله هڅه تر سره شي.

که چیرته د دې مقرری کومه برخه، ماده، فرعي برخه، جمله، فقره، یا نیمګری جمله د کوم دلیل لپاره غیر قانونی یا باطل اعلان شي، یا په بل ډول د قانون څخه سرغړونه وي، هغه اعالامیه باید د دې مقرری د کومی بلی برخی اعتبار یا جواز اغیزمن نه کړي، دا د ښوونځي بورډ ښکاره هوډ دۍ چې د مقرری هر بند یا حکم خپلواکه دۍ او د قانون لخوا د ورکړل شوۍ اجازی پر اساس په زیاته کچه په جدی توګه پلی کیږي.

د زده کوونکو د خدماتو او د ثانوي زده کړو وروسته بریالیتوب لپاره ایسوسی ایټ سپرانټنډنټ (یا استازی) د دې مقرری پلي کولو او ورڅخه د نظارت کولو مسؤلیت په غاړه لري.

دا مقرره او هر یو اړوند پالیسي باید لږ تر لږه په هرو پنځو کلونو کې بیاځلی وکتل شي او د اړتیا په صورت کې پکی بدلون رامنځ ته شي.