Prince William County Public Schools

طلباء

ضابطہ 1-745

طلباء کی طویل المدت معطلی یا اخراج کی اپیلیں

پرنس ولیئم کاؤنٹی پبلک سکولز (PWCS) سے طلباء کی طویل المدت معطلی یا اخراج کو طے کرنے والے اصول اور طریقہ کار اس ضابطے میں بیان کیے گئے ہیں اور PWCS کے "ضابطہ اخلاق" میں اختصار کے ساتھ بیان کیے گئے ہیں۔

1. طویل المدت معطلی اور اخراج سے متعلق عمومی شقیں
   1. طویل المدت معطلی یا اخراج K-12 تعلیمی ماحول سے مطابقت نہ رکھنے والے طرز عمل کے لیے، خاص طور پر پرنس ولیم کاؤنٹی سکول بورڈ کی پالیسیوں اور ضوابط، ریاست اور وفاقی قانون کی بعض دفعات، "ضابطہ اخلاق" میں خلاصہ کردہ جرائم کی خلاف ورزی کرنے پر عائد کیا جا سکتا ہے، ان جرائم کا خلاصہ ورجینیا کوڈ، یا دیگر طرز عمل کا سکول کے آپریشن، صحت، حفاظت، طلباء، عملے، یا سکول املاک، یا دوسرے طلباء کے تعلیمی مواقع پر منفی اثر پڑتا ہے۔ ضابطہ 1-681، "غیر روایتی تعلیمی پروگرامز" کے منسلکہ میں درج جرائم کے لیے طویل مدتی معطلی یا اخراج بھی عائد کیا جا سکتا ہے۔
   2. ایسی صورت میں جب پرنسپل مختصر مدت کی معطلی کے علاوہ ممکنہ مزید تادیبی کاروائی کے لیے سٹوڈنٹ کی سفارش کرنے کا فیصلہ کرتا ہے، پرنسپل ضابطہ 1-744، "طلباء کی قلیل مدتی معطلی" میں بیان کردہ طریقہ کار کے بعد کسی سٹوڈنٹ کو 10 تعلیمی دنوں تک معطل کر سکتا ہے۔ سٹوڈنٹ کو مختصر مدت کے لیے معطل کرنے کا پرنسپل کا فیصلہ، جب ممکنہ مزید تادیبی کاروائی کی سفارش کے ساتھ لگایا جاتا ہے، تو اس کی اپیل سٹوڈنٹ منیجمنٹ اینڈ آلٹرنیٹو پروگرامز ڈیپارٹمنٹ (SMAPD) سے کی جا سکتی ہے۔ مختصر مدت کی معطلی کی اپیل پر مزید تادیبی کاروائی کے لیے پرنسپل کی سفارش پر کی جانے والی سماعت کے دوران غور کیا جائے گا۔
   3. جب کسی سٹوڈنٹ کو ممکنہ مزید نظم و ضبط کے لیے SMAPD کے پاس بھیجا جاتا ہے، SMAPD کی سماعت جلد از جلد مقرر کی جائے گی۔
   4. SMAPD کی طرف سے تادیبی کاروائی کے حتمی فیصلے کے التوا اور/یا SMAPD کی طویل المدت معطلی یا اخراج کے فیصلے پر سکول بورڈ کو اپیل، یا جب تک طویل المدت معطلی یا اخراج نافذ ہے، طلباء معطلی کے 10 دن کے بعد تعلیمی خدمات وصول کرنے کے اہل ہوں گے جس کا تعین ریفر کرنے والا سکول اور/یا سٹوڈنٹ IEP کی ٹیم کرے گی۔
   5. جن طلباء کو طویل مدت کے لیے معطل یا خارج کیا جاتا ہے انہیں سکول املاک اور سکول سے متعلق سرگرمیوں (ٹیمیں، کلب، اور سکول کی پیش کردہ دیگر سرگرمیاں، بشمول مشقیں) سے طویل المدت معطلی یا اخراج کی مدت تک دور رہنا ہو گا، بے جا مداخلت کیلیئے گرفتار کیا جا سکتا ہے، لیکن اگر طالبعلم/طالبہ ایک معذور طالبعلم/طالبہ ہے جو اس جگہ پر کمپیوٹر کی بنیاد پر تدریس میں شامل ہے، وہ ایک عمومی تعلیمی طالبعلم/طالبہ ہے جو اس جگہ پر کمپیوٹر کی بنیاد پر تدریس میں شامل ہے، یا SMAPD کی منظوری سے سکول املاک پر دیگر تعلیمی پروگرام یا خدمات وصول کرنے یا شرکت کرنے آیا ہے۔
   6. جنسی حملے اور/یا جنسی ہراسانی کے کیسوں میں، جیسا کہ 1973 کے تعلیمی ترامیم کے ٹائٹل IX میں بیان کیا گیا ہے، سکول منتظمین، SMAPD، اور سکول بورڈ سے تقاضا کیا جاتا ہے کہ وہ ملوث طلباء کی حفاظت کے لیے کاروائی کریں تاکہ طلباء کے خلاف ہونے والے جرم یا اس جیسے جرائم کو دوبارہ ہونے سے بچا سکیں یا سٹاف کو انتقامی کاروائی سے بچا سکیں، اور بصورت دیگر ایسے اقدامات کریں جو طالبعلم/طالبہ (طلباء) کے ان کے تعلیمی فوائد کے حصول کو مناسب طور پر یقینی بنائیں۔ ایسے معاملات میں، ایک طویل مدتی معطلی کے نفاذ کے ساتھ، ایک سٹوڈنٹ کو اضافی تادیبی پابندیاں بھی دی جا سکتی ہیں، جیسے کہ اس کے بیس سکول کے علاوہ کسی دوسرے سکول میں جانا ضروری ہے؛ دوسرے افراد کے ساتھ "بغیر رابطہ" کا معاہدہ کرنا؛ کلاس اسائنمنٹس اور نظام الاوقات کو تبدیل کرنا؛ اور/یا دیگر اقدامات جو کہ عنوان IX کے تقاضوں کی تعمیل کے لیے ضروری ہو سکتے ہیں۔
   7. اس ضابطے کے مقصد کے تحت، اصطلاح "تعلیمی دن" سے مراد کوئی ایسا دن ہے جب سکول تدریسی مقاصد کیلیئے کھلا ہے اور اصطلاح "کاروباری دن" سے مراد ہے ایسا دن جب SMAPD کھلا ہے۔ اگر یہ ضابطہ تقاضہ کرتا ہے کہ کسی مخصوص دن تک کسی ایجنٹ، ملازم یا سکول ڈویزن کے محکمہ کو تحریری شکل میں کوئی درخواست دی جائے یا کوئی پیپر فائل کیا جائے تو ایسی درخواست یا پیپر کو اس ایجنٹ، ملازم یا محکمہ کے پاس مذکورہ سکول یا کاروباری دن کے 4 بجے سے پہلے ضرور بھیج دیا جائے۔
   8. طویل المدت معطلی کے لیے اضافی رہنما اصول اور اخراج کے لیے سفارشات، ضابطہ 6-745 "سکول بورڈ کو طویل المدت معطلی اور اخراج کی اپیلیں" اور ضابطہ 1-747، "دفتر برائے سٹوڈنٹ میجنمنٹ و الٹرنیٹو پروگرامز (SMAPD)" میں موجود ہیں۔
   9. اگر کسی وجہ سے اس ضابطے کا کوئی حصّہ، سیکشن، چھوٹا سیکشن، جملہ، فقرہ یا جملہ غیر قانونی یا غلط تصور کیا جاتا ہے یا قانون کی خلاف ورزی ہے تو یہ اعلان اس ضابطے کے کسی دوسرے حصّے کی توثیق پر اثرانداز نہیں ہو گا، یہ سکول بورڈ کے اس مقصد کا اظہار ہے کہ ہر شعبہ آزاد ہے اور قانون کے تحت زیادہ سے زیادہ شدت نافذ کی جاتی ہے۔
2. معذور طلباء کے لیے تحفظات
   
   معذور طلباء اسی طرح کے قانونی تحفظات کے حقدار ہیں جیسے بغیر معذوری والے طلباء اور اس کے ساتھ ساتھ ریاستی اور وفاقی قانون کے تحت اضافی تحفظات۔ کسی بھی معذور طالبعلم کے لیے، ضابطہ 2-745، "معذور طلباء کا نظم و ضبط" میں فراہم کردہ طریقہ کار کو اس ضابطے میں بیان کردہ طریقہ کار کے ساتھ مل کر لاگو کیا جانا چاہیے۔
3. طویل المدت معطلیاں
   1. طرز عمل کی شدید خلاف ورزیوں کے لیے طویل المدت معطلیاں 11 سے 45 تعلیمی دنوں کے لیے ہیں۔ تاہم، ایک طویل المدت معطلی 45 تعلیمی دنوں سے بڑھ سکتی ہے مگر 364 تقویمی دنوں سے نہیں بڑھے گی اگر (1) جرم ورجینیا کوڈ §§ 277.07-22.1 (ہتھیاروں کے مخصوص جرائم) ، 277.08-22.1 (منشیات کے مخصوص جرائم) میں بیان کیے گئے ہیں، یا شدید جسمانی چوٹ ملوث ہے؛ یا (2) سکول بورڈ یا SMAPD، بطور ڈویژن سپرنٹنڈنٹ کے (سپرنٹنڈنٹ) یا نامزد کو پتہ چلتا ہے کہ سنگین صورتحال موجود ہے جیسا کہ پیراگراف III.D میں درج کیا گیا ہے۔
   2. پری سکول تا تیسرے گریڈ کے طلباء کو صرف تین دنوں کے لیے معطل کیا جاتا ہے یا اخراج کی سفارش کی جاتی ہے، جب جرم میں جسمانی چوٹ ملوث ہو یا دوسروں کو جسمانی چوٹ کا قابل یقین دھمکی موجود ہو، یا شدید صورتحال موجود ہو جس کا تعین متعلقہ لیول ایسوسی ایٹ سپرنٹنڈنٹ یا نامزد کردہ کریں گے (چار تا 10 تعلیمی دن) یا SMAPD (10 دنوں سے زیادہ)، جب وہ سپرنٹنڈنٹ کے نامزد کے طور پر کام کر رہے ہیں۔
   3. پرنسپل یا SMAPD سماعتی افسر نظم و ضبط کے متعلقہ نتائج کے تعین میں طالبعلم/طالبہ کی عمر اور گریڈ سطح، خلاف ورزی کے گردو پیش کے حالات اور دوسرے متعلقہ عوامل پر غور کریں گے۔ معطلی کی مدت جرم کی نوعیت، اور دیگر طلباء، عملے، اور/یا ڈویژن/سکول کی حفاظت اور آپریشنز پر طرز عمل کی مخصوص خلاف ورزی کے اثرات سے متعلق ہو گی۔
   4. ورجینیا محکمۂ تعلیم کے تحت شدید صورتحال سے مراد درج ذیل ہیں:
      1. طالبعلم/طالبہ ایسے ناشائستہ فعل کا مرتکب ہوا ہے جس کی وجہ سے کسی دوسرے فرد (افراد) کو شدید نقصان (بشمول مگر جسمانی، جذباتی، اور نفسیاتی نقصان تک محدود نہیں) یا دوسرے فرد (افراد) کو شدید نقصان کی قابل یقین دھمکی کا اظہار کیا، جس کا تعین دھمکی کی جانچ سے کیا گیا؛ یا
      2. طالبعلم/طالبہ کی سکول میں موجودگی، سکول، اس کے طلبا، سٹاف، یا سکول میں دیگر افراد کے تحفظ کے لیے مستقل اور بے موقع خطرہ کا اظہار ہے؛ یا
      3. سنگین جرم میں ملوث ہے جو:
         1. مستقل (طالبعلم/طالبہ کے نظم و ضبط کے ریکارڈ پر ایک ہی طرز عمل بار بار درج کیا گیا ہے)، اور
         2. ایک طے شدہ مداخلتی عمل کے ذریعے مطلوبہ مداخلتوں پر غیر ذمہ دارانہ رویہ درج کیا گیا ہے۔
4. اخراج
   1. SMAPD، سپرنٹنڈنٹ کے نامزد کردہ کے طور پر کام کر رہا ہے، معقول وجہ سے طالب علم کو نکالنے کی سفارش کر سکتا ہے۔ اخراج کی کسی بھی سفارش پر سکول بورڈ کی تادیبی کمیٹی یا سکول بورڈ کے ذریعہ عمل کیا جانا چاہیے جس کے پاس طالب علم کو نکالنے کا خصوصی اختیار ہے۔
   2. وہ طلباء جنہیں سکول سے نکالا گیا ہو، ان کو سکول ڈویژن کے سکول آنے کی اجازت نہ ہو گی، اور وہ سکول بورڈ کی نظم و ضبط کی کمیٹی یا سکول بورڈ کے فیصلے کی تاریخ کے 365 تقویمی دنوں تک دوبارہ داخلے کے اہل نہ ہوں گے، جب تک کہ سکول بورڈ انضباطی انتظامی ریکارڈ یا سکول بورڈ اخراج، انتظامی ریکارڈ کا جائزہ لینے اور اخراج کی سفارش کے بعد، یہ فیصلہ نہ کرے کہ طالبعلم/طالبہ جلد دوبارہ داخلے کے لئے درخواست دے سکتا/سکتی ہے۔ سکول بورڈ نکالے جانے والے طلباء سے اخراج کی مدت کے دوران کسی متبادل تعلیمی پروگرام میں شرکت کا مطالبہ کر سکتا ہے۔
   3. ورجینیا کوڈ §§ 277.07-22.1 تا 277.08 کے تحت، ورجینیا قانون کسی مخصوص جرم کے لیے طالبعلم/طالبہ کے اخراج کا تقاضا نہیں کرتا، مگر پرنسپل، منتظمین، SMAPD اور سکول بورڈ کو اجازت دیتا ہے کہ ہر طالبعلم/طالبہ کے مخصوص حالات اور اس مخصوص صورتحال کے حقائق کو مدنظر رکھیں۔
   4. ورجینیا کوڈ §§ 277.07-22.1 اور 277.08 میں ان ہتھیاروں اور منشیات کے جرائم کے علاوہ دیگر جرائم کے لیے اخراج کا فیصلہ کرتے ہوئے، پرنسپل، SMAPD، اور سکول بورڈ کو درج ذیل پر غور کرنا چاہیے:
      1. خلاف ورزی کی نوعیت اور سنجیدگی۔
      2. سکول کمیونٹی کو لاحق خطرے کی حد۔
      3. طالبعلم کے نظم و نسق سے متعلق سابقہ ریکارڈ، جس میں گزشتہ خلاف ورزیوں کی تعداد اور سنجیدگی شامل ہیں۔
      4. کسی متبادل تعلیمی داخلے یا پروگرام کی موزونیت اور دستیابی۔
      5. سٹوڈنٹ کی عمر اور گریڈ لیول۔
      6. دماغی صحت، منشیات کا استعمال یا خصوصی تعلیمی جانچ کے نتائج۔
      7. سٹوڈنٹ کی حاضری اور تعلیمی ریکارڈ۔
      8. کوئی بھی بگڑتے ہوئے حالات، جیسا کہ پیراگراف II.D میں بیان کیا گیا ہے۔
   5. پرنسپل، SMAPD، اور سکول بورڈ دیگر متعلقہ عوامل پر بھی غور کر سکتے ہیں جن میں تادیبی عمل کے دوران طالب علم اور دیگر گواہوں کا برتاؤ اور اعتبار شامل ہے لیکن ان تک محدود نہیں؛ تادیبی تحقیقات اور کسی بھی سماعت کے دوران طالب علم کے تعاون کا درجہ؛ طالب علم کے عمل کا کوئی بھی مجرمانہ یا عدالتی حکم نامہ؛ اور نفسیاتی، غصے کے انتظام، بحالی، یا علاج کے دیگر پروگراموں میں شرکت۔
   6. منضبط مواد کے استعمال کے جرائم، ہتھیاروں کے جرائم، گروہی حملہ، اور عملے پر حملے کے معاملے میں اخراج پر غور کیا جانا چاہیے جیسا کہ ذیل میں پیراگراف G سے I میں فراہم کیا گیا ہے۔
   7. منضبط مواد سے متعلق جرائم
      
      جیسا کہ ورجینیا کوڈ § 277.08-22.1 میں بیان کیا گیا ہے کہ سکول بورڈ کسی ایسے طالبعلم/طالبہ کو خارج کرے گا جس کے بارے میں ثابت ہو جائے کہ وہ سکول املاک یا سکول کی پیش کردہ کسی سرگرمی میں منضبط مواد، منضبط مواد سے جیسا لگنے والا مواد، یا بھنگ لایا/لائی ہے۔ تاہم، پرنسپل، SMAPD یا سکول بورڈ مخصوص حالات کے حقائق کی بنیاد پر تعین کر سکتا ہے کہ خاص حالات موجود ہیں اور کوئی تادیبی کاروائی یا دوسرا نظم و ضبط کا ایکشن یا دوسری طرح کا اخراج مناسب نہیں ہے۔ پرنسپل، SMAPD، اور سکول بورڈ طالب علم کے منشیات کی جانچ کے لیے رضاکارانہ طور پر جمع کرائے جانے یا منضبط مواد کے استعمال کے علاج یا مشاورتی پروگراموں میں شرکت کو مدنظر رکھ سکتے ہیں۔ منضبط مواد کے غلط استعمال کے ان جرائم کے علاوہ جو غیر قانونی ہیں یا جن کے لیے قانون اخراج کا حکم دیتا ہے، SMAPD اخراج کی سفارش کر سکتا ہے، اور سکول بورڈ طلباء کو مادہ کے استعمال کے دیگر جرائم کے لیے نکال سکتا ہے، بشمول تصرف، استعمال، زیر اثر ہونا، وصول کرنا یا وصول کرنے کی کوشش کرنا، ممنوعہ مادوں کی وصولی، خریداری یا خریداری کی کوشش، تقسیم یا تقسیم کرنے کی کوشش (غیر قانونی نسخہ جاتی اور/یا غیر نسخہ جاتی ادویات، الکحل، سانس لینے والی نشہ آور اشیاء، نظر آنے والے پلیسبوس، یا پیرافیرنیلیا)۔ طلباء کو منضبط مواد کے جرائم جو کہ ضابطہ 1-735 "ممنوعہ مواد" یا PWCS "ضابطہ اخلاق" کی خلاف ورزی ہے، کی بنیاد پہ بھی نکالا جا سکتا ہے۔
   8. ہتھیاروں سے متعلق جرائم
      1. فیڈرل گن-فری سکول ایکٹ برائے 1994 کے مطابق اور جیسے ورجینیا کوڈ § 277.07-22.1 میں بیان کیا گیا ہے کہ سکول بورڈ کو اسے سکول سے کم ازکم 365 دونوں کیلیئے نکال دینا چاہیے جس کے پاس ثابت ہو گیا ہو کہ وہ سکول املاک یا سکول کی پیش کردہ سرگرمیوں پر مخصوص اسلحہ لایا ہے۔
      2. تاہم، کسی بھی صورت میں جب اسلحہ شامل ہے ( جیسا ورجینیا کوڈ میں بیان کیا گیا ہے)، پرنسپل، SMAPD یا سکول بورڈ تعین کرے کہ خصوصی حالات موجود ہیں اور کوئی نظم و ضبط کی کاروائی، دوسری نظم و ضبط کی کاروائی یا اخراج کی کوئی اور مدت مناسب ہے۔
      3. اسلحہ کے جرائم جو غیر قانونی ہیں، کے علاوہ یا جن کیلیئے قانون اخراج لازمی قرار دیتا ہے، ایک سٹوڈنٹ کو ہتھیاروں یا اس جیسے لگنے والے، ہتھیار کے طور پر استعمال کرنے کی کوشش یا ہتھیار کے طور پر سمجھنے والی چیزوں کا تصرف، ہتھیار کے طور پر استعمال کی کوشش، کی بنا پر نکالا جا سکتا ہے۔ طلباء کو اسلحہ کے جرائم جو کہ ضابطہ 1-775 "اسلحہ اور دیگر ممنوعہ مواد"  یا PWCS "ضابطہ اخلاق" کی خلاف ورزی کی بنیاد پہ بھی نکالا جا سکتا ہے۔
      4. طلباء کو ان اسلحہ جرائم کی بنیاد پہ بھی خارج کیا جا سکتا ہے جو سکول کی املاک، سکول سے آتے جاتےہوئے یا کسی سکول کی پیش کردہ سرگرمی میں واقع ہوئے ہوں۔ طلباء کو ان اسلحہ کے جرائم کی بنیاد پہ بھی خارج کیا جا سکتا ہے جو سکول کی املاک پر نہ ہوئے ہوں، اگر وہ جرائم سکول،طلباء یا سٹاف کے تحفظ یا حفاظت کو خطرے میں ڈالتے ہوں، سکول کے انتظامی عمل میں باضابطہ خلل کی وجہ ہوں؛ دیگر طلباء کی صحت، تحفظ، سیکوریٹی اور تعلیمی مواقعوں پر منفی اثرات ڈالے؛ اگر جرم کا منصوبہ سکول یا سکول کی پیش کردہ سرگرمیوں میں بنا ہو؛ اگر جرم اس وقت ہوا ہو جب طالبعلم/طالبہ سکول انتظامیہ کے تحت غیر رسمی سرپرستی (loco parentis) میں ہو؛ یا کسی بھی طریقے سے سکول سے جڑا ہو۔ سٹوڈنٹ کی کسی تادیبی کاروائی کے علاوہ، جو طلباء ہتھیاروں سے متعلق پالیسی کے قانون کی خلاف ورزی کریں گے انہیں مقامی انتظامیہ عدالتی انصاف یا نوجوانوں کے کورٹ کے نظام میں مناسب کاروائی کیلیئے بھیجا جائے گا۔
   9. گروہی حملے اور سٹاف پر حملے
      
      گروہی حملہ کے کیس میں، یا سکول یا سکول کی پیش کردہ سرگرمیوں میں کسی استاد، منتظم یا دیگر عملہ رکن پر زبانی یا جسمانی حملہ میں شمولیت پہ،طالبعلم/طالبہ کے طویل المدت معطلی یا اخراج کی سفارش کی جائے گی۔ پرنسپل، SMAPD یا سکول بورڈ اس بات کا تعین کر سکتا ہے کہ خاص حالات موجود ہیں اور کوئی نظم و ضبط کی کاروائی یا دیگر نظم و ضبط کی کاروائی نہ کرنا مناسب ہے۔

ایسوسی ایٹ سپرنٹنڈنٹ برائے سٹوڈنٹ سروسز اور پوسٹ سیکنڈری سکسیس (یا نامزد شخص) اس ضابطے کے نفاذ اور نگرانی کے لیے ذمہ دار ہے۔

اس ضابطے اور متعلقہ پالیسیوں کا کم از کم پانچ سالوں میں جائزہ لیا جائے گا اور ضرورت کے مطابق دہرایا جائے گا۔